جێگەی ئاماژەیە:
بە پاڵپشتی بەڕێز (د. نوزاد یحیی باجگر) سەرۆکی دەستەی ئەمیداریەتی زانکۆ و پەیمانگە و قوتابخانەکانی جیهان ساڵانە لە زانکۆکانی جیهان ( هەولێر-دهۆک-سلێمانی) ساڵانە بێ بەرامبەر دەکرێتەوە، کە تیایدا خولەکە ماوەکی شەش هەفتە و هەفتانە سێ ڕۆژ بەردەوام دەبێت و هەڵسەنگاندن و تاقیکردنەوەی کۆتایی تێدایە، هەروەها پڕۆگرامێکی تایبەتی لە دووتوێی پەرتوکێک بەناوی (پێداگۆجی مامۆستا) هەیە، کە لە خوارەوە ناوەڕۆکەکەی ئاماژەی پێدراوە…
گرینگە بزانین:-
🔹ئەمڕۆ ناوەندەکانی خوێندن بۆ پڕۆسەی (پەروەردە، فێربوون و فێرکردن) لە چاوەڕوانی مامۆستایان و پەروەردکارانی پیشەیی بەرزدایە؛
🔹کێشەکانی ئەم پڕۆسەیە، بۆ چارەسەری پێویستیان بە بیرۆکەی تازە هەیە؛
🔹بەها سەرەکییەکانی قوتابخانە و فێرگەکان، قوتابی و مامۆستایە، کاری هاوبەشی کارلێککارانەی ئەو دووانەیە، قوتابی ئامرازێک نییە، بەڵکو ئامانجی پەروەردەیە. بۆیە ناکرێت لەگەڵ قوتابخانە بگونجێنرێت، بەڵکو بە پێچەوانەوە قوتابخانەکە لەگەڵیدا بگونجێنرێت؛
🔹بۆیە مامۆستا هێزی سەرەکیی بیر و هزری کۆمەڵگەیە، داینەمۆی گۆڕانکارییە، ڕێبەری زانستە؛
🔹پێداگۆجی زانستی پەروەردەیە، مرۆڤ وەک بوونەوەرێکی بایۆلۆجی لە دایک دەبێت، بۆ ئەوەی ببێتە مرۆڤ دەبێت پەروەردە ببێت، ئەمەش ئەرکی پێداگۆجی و پێداگۆجە؛
جێگەی ئاماژەیە ناوەڕۆکی ئەم پەرتووکە پێنج مۆدێل لەخۆ دەگرێت، هەریەکێک لەوانە بەهاو گرینگی تایبەتی خۆیان هەیە لە بەرەوپێشڤەچوونی: مامۆستا، پێداگۆج، پەروەردەکار، ڕاهێنەر، قوتابی.
✅ لە مۆدێلی یەکەم: باسی چەمک و میتۆدە گرینگەکانی وانە وتنەوەی هاوچەرخ دەکات؛
✅ لە مۆدێلی دووەم: بەڕێوەبردنی پۆل لە لایەن مامۆستا و تایبەتمەندییەکانی مامۆستای سەرکەوتوو باس دەکات؛
✅ لە مۆودێلی سێیەم: دەروونناسی پەروەردە و دەروونناسی گەشە و چەند نموونەیەکی سیستەمی پەروەردەیی پێشەنگی وڵاتانی پێشکەوتوو باس کراوە؛
✅ لە مۆدێلی چوارەم: باس لە پێوانە و هەڵسەنگاندن دەکات وەک پێویستییەکی گرینگی بواری پەروەردە؛
✅ کۆتا مۆدێل: کۆمپیوتەر و تەکنەلۆژیای سەردەم AI لە بواری پەروەردەدا باس کراوە.
