ل رێکەفتى ٢٩ی حوزەیرانا ٢٠٢٦ بەردەوامیدان ب خزمەتگوزاری و چالاکییێن جڤاکی یێن دەزگایێ (زەکاتا زانستی) ل زانکۆیا جیهان-دهۆک بۆ پشتەڤانیکردنا چینێن جودا جودا د جڤاکی دا، مامۆستا (سناء کریم مصطفى) دگەل ڕێکخەرا بەشێ پەروەردا گشتى خانم (دلمان عمر علی)، وۆركشۆپەك ب ناڤێ “ژ ئازاران بۆ هێزێ” ل سەنتەرێ “نەوا” پێشکێش کر.
ئەڤ وۆركشۆپە تایبەت بوو بۆ وان ژنێن ل سەنتەری دژین، ب مەرەما بلندکرنا خۆڕاگرییا دەروونى، چاندنا هیڤییان، و پێشخستنا شیانێن بەرهەنگاربوونا فشارێن ژیانێ. د سمینارێ دا باس ل ساخلەمییا دەروونى، ڕێڤەبرنا دوودلى، و بلندكرنا باوەریێ ب خۆ هاتە کرن.
ل ڕێکەفتی 27/6/2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، سمینارەک ژ لایێ بەڕێز (پ.د. اسماعیل ابابکر)، شارەزا د یاسایا بارێ کەسی دا، ل دۆر “شاشیێن بەربەلاف دناڤا جڤاکى دا (کێشە، ئەگەر، چارەسەرى)” هاتە پێشکێشکرن.
📌 تەوەرێن سەرەکی یێن سمینارێ:
🔹 دیارکرنا کێشە و شاشیێن بەربەلاف دناڤا جڤاکی دا.
🔹 شلوڤەکرنا ئەگەرێن سەرهەلدانا ئەڤان دیاردان ژ دیتنەکا یاسایی و جڤاکی.
🔹 پێشکێشکرنا چارەسەریێن گونجای بۆ ئاڤاکرنا جڤاکەکێ ساخلەم.
ل سەر راسپاردەیێن بەرێز (پ.د.زیرڤان عبدالمحسن أسعد)، سەرۆکێ زانکۆیێ، دەزگەهێ زەکاتا زانستی سمینارەکا تایبەت و هۆشیاریێ بۆ شۆفێرێن ڤەگۆهاستنا قوتابیان رێکخست. ئارمانجا سەرەکی یا ئەڤێ سمینارێ بهێزکرنا شیانێن شۆفێران بوو بۆ بەرهنگاربوونا فشارێن دەروونی ل دەمێ کارى و زالبوون ل سەر تۆرەبوونێ، هاتنە پێشکێشکرن ژلایێ هەردوو ماموستایان (م.اراز عادل صالح) و (م.سناء کریم مصطفى).
د سمینارێ دا جەخت ل سەر چەندین تەوەرێن گرنگ هاتە کرن، ژ وان:
١. شێوازێن دروست یێن سەرەدەریکرنێ دگەل ڕەفتار و ناخێ قوتابیان.
٢. ڕێکارێن کونترۆلکرنا تووڕەبوونێ ل دەمێن كارى، و چارەسەرکرنا ئاریشەیێن نەچاڤەڕێکری.
٣. بەشداربوویان ئامۆژگاری وەرگرتن دەربارەی گرنگیا ڕاگرتنا ئارامیا دەروونی، چونکە شۆفێر نوێنەرایەتیا مالباتێن قوتابیان دکەن د پاراستنا گیان و سەلامەتیا وان.
ل رێکەفتی (٢٠٢٦/٧/٨)، ب مەرەما بهێزکرنا پەیوەندیان و پیرۆزباهیکرنێ ل رێڤەبەرێ نوو یێ رێڤەبەریا ئاراستەکرن و رێبەریکرنا مەعنەوی ل دهۆکێ، بەڕێز (پ.د. زیرڤان عبدالمحسن أسعد) سەروکێ زانکویا جیهان-دهۆک، دگەل بەڕێز (پ.د. بیار محمد رشید) هاریکارێ سەروکێ زانکۆیێ، سەرەدانا رێڤەبەریا ناڤبری کرن.
شاندێ زانکۆیێ هاتە پێشوازیکرن ژلایێ بەڕێز عەقید (چروان محسن) رێڤەبەرێ رێڤەبەریێ و ئەفسەرێن وێ. د روینشتنەکێدا، زێدەباری پیرۆزباهیکرنێ، گەنگەشە ل سەر چەندین بابەت و تەوەرێن گرێدایى خزمەتێن زانکویێ بۆ تەخ و چینێن جودا یێن جڤاکى هاتە کرن، ژ وان پڕۆژێ دەزگایێ زەکاتا زانستى، ب مەرەما پێشکێشکرنا بەرنامێن پێگەهاندنێ، هوشیاریێ و گەشەپێدانا شیانێن کارمەند و فەرمانبەر و پلەداران.
د چارچۆڤێ بەرنامێ دەزگایێ زەکاتا زانستی یێ زانکویا جیهان-دهۆک و ب مەرەما گرنگیدان ب لایەنێ ژینگەهێ، و جوانکرنا سازیێن خواندنێ و خزمەتکرنا جڤاکی، ب دەستپێشخەریا بەرێز (پ.د. زیرڤان عبدالمحسن أسعد) سەرۆکێ زانکۆیێ، و ب هەماهەنگی دگەل رێڤەبەریا پەروەردا دهۆک رۆژهەلات، ئەڤرۆ رۆژا دووشەمبی رێکەفتی ٢٠٢٦/٧/١٣ هەوه‌کا بەرفرەهـ یا چاندن و دابەشکرنا داران هاتە راگەهاندن.
ئەڤ هەوه ب ئامادەبوونا بەرێزان:
ـ پ.د. زیرڤان عبدالمحسن أسعد (سەرۆکێ زانکویا جیهان-دهۆک)
ـ بەرێز سگڤان حسن علي (رێڤەبەرێ گشتی یێ پەروەردا پارێزگەها دهۆکێ)
ـ خانم دلڤین حاجی احمد (رێڤەبەرا پەروەردا قەزا دهۆک رۆژهەلات)
ئەڤرۆ ب فەرمی ئەڤ پرۆژەیە ل سنورێ رێڤەبەریا پەروەردا دهۆک رۆژهەلات دەستپێکر، و د پێنگاڤا ئێکێ دا قوتابخانا (لیساف) هاتە خزمەتکرن و هژمارەکا داران هاتنە چاندن. ئەڤ هەوه دێ بەردەوام بیت بۆ زێدەکرنا رێژا شینكاتیێ و گەشەپێدانا ژینگەهەکا ساخلەم بۆ قوتابییان
ل دویف ڕاسپاردەیێن ڕێزدار (پ. د. زیرڤان عبدالمحسن اسعد) سەرۆکێ زانکۆیا جیهان-دهۆک بۆ گەشەپێدان و گرنگیدان ب پرۆژەیێن هۆشیاریێ بۆ چین و تەخێن جودا یێن جڤاکی، د بەردەوامیا چالاکیێن بەرنامێ (زەکاتا زانستی) دا، بەشێ شیکاریا نەخۆشیان ب هەڤکاری دگەل ڕێڤەبەریا گشتی یا گەشت و گوزار ل دهۆکێ، وۆرکشۆپەک ل دۆر هۆشیاریا ساخلەمی ل ڕۆژا دوشەمبی ڕێکەفتی ٢٢/٦/٢٠٢٦ هاتە ڕێکخستن.
د ڤێ وۆرکشۆپێ دا، بابەت ژ لایێ (م.هـ.ئاڤا حمدي سعید) ڤە هاتنە پێشکێشکرن، و خانم (هۆژین احمد) وەک ڕێکخەرا ڤێ چالاکیێ دا. ئەڤ کارە د چارچۆڤێ ستراتیجیا زانکۆیێ دا دهێت بۆ پتر خزمەتکرنا جڤاکی و بەڵاڤکرنا هۆشیاریا تەندروستی.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، لە چوارچێوەی چالاکییە زانستییە بەردەوامەکان و پەرەپێدانی پەیوەندییە ئەکادیمییەکان، و لە ژێر ڕۆشنایی یاداشتی لێکتێگەیشتنی نێوان زانکۆی جیهان-سلێمانی و سەرۆکایەتیی شارەوانیی سلێمانی، ئەمڕۆ یەکشەممە ٢١ـی حوزەیرانی ٢٠٢٦، خولێکی تایبەت و پێشکەوتوو لە بواری “بەڕێوەبردنی سەرچاوە ئاوییەکان و ڕووبەڕووبوونەوەی مەترسییەکانی لافاو” دەستیپێکرد. ئەم خولە کە ماوەی سێ ڕۆژ دەخایەنێت، لەلایەن تیمێکی پسپۆڕی ئەندازیاری لە زانکۆی (Old Dominion) ی ویلایەتە یەکگرتووەکانی ئەمریکا بە شێوەی ئۆنلاین پێشکەش دەکرێت. ئامانجی سەرەکیی خولەکە ئاشناکردنی ئەندازیاران و بەشداربووانە بە نوێترین تەکنەلۆجیا و ڕێگاچارە جیهانییەکان بۆ پاراستنی کوالێتی ئاوی سەر زەوی و کەمکردنەوەی زیانەکانی لافاو لە شارەکەماندا. زانکۆی جیهان-سلێمانی هەمیشە هەوڵدەدات ببێتە پردێک بۆ گواستنەوەی ئەزموونە جیهانییەکان بۆ ناوخۆی هەرێمی کوردستان، بە مەبەستی بەهێزکردنی توانای دامەزراوەکان و دۆزینەوەی چارەسەری زانستی بۆ کێشە ژینگەییەکان.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی 2026/2/25، پ.د. کریم شەریف قەرەچەتانی بەڕێوەبەری سەنتەری راوێژکاری دەروونی و کۆمەڵایەتی زانکۆی جیهان ـسلێمانی، سیمینارێکی پەروەردەیی دەربارەی چۆنێتی سەعیکردن و خۆ ئامادەکردن بۆ تاقیکردنەوەو زاڵبوون بەسەر ترس و دڵەڕاوکێی تاقیکردنەوەدا پێشکەش بەقوتابخانەی (لەیلا زانای بنەڕەتی)ی کچان کرد.
بە ڕێنمایی سەرۆکی زانکۆی جیهان-دهۆک، پرۆفیسۆر د.زیرڤان عەبدولموحسین ئەسعەد، و لە چوارچێوەی دەستپێشخەریی “زەکاتی زانستى”، بەشی سركردن سەردانێکی هۆشیاری بۆ خانەی بێسەرپەرشتان ڕێکخست. سەردانەکە بە سەرپەرشتی سەرۆکی بەش و مامۆستاى یاریدەدەر هێلین مستەفا، بە بەشداری خوێندکارانی بەش.
سەردانەکە بە ئامانجی بەرزکردنەوەی ئاستی هۆشیاری تەندروستی لە نێو منداڵانی بێ باوک لە ڕێگەی چالاکی پەروەردەیی سادەترەوە بوو. چالاکییەکان سەرنجیان خستە سەر گرنگی پاکوخاوێنی کەسی و زانیاری گشتییان لەسەر تەندروستی و سەلامەتی پێشکەش کرد، هەوڵدان بۆ چاندنی پراکتیزە تەندروستییە خۆپارێزییەکان.
ئەڤە بۆ دەمێ دوو ڕۆژانە ستافێ زانکویا جیهان-دهۆک ب هەماهەنگی دگەل هەمی کولیژ و بەشێن زانکویێ و قوتابیێن هێژا، هەولددەن داکۆ پترترین ژمارا پەرتووکان کومبکەن بۆ ئەو پرۆژێ خێرخوازیێ ژ لایێ زانکویا جیهان-دهۆک ڤە هاتییە دەستپێکرن ل بن ناڤ و نیشانێن (پێکڤە بۆ دووبارە ڤەژاندنا پەرتووکخانەیا چەمچەمال).
