ل بەردەوامیا چالاکیێن خۆلا تەکنۆلۆجیا و زیرەکیا دەستکرد، و د چارچۆڤێ خزمەتێن خۆبەخشانە یێن دەزگایێ زەکاتا زانستی ل زانکۆیا جیهان-دهۆک، ل ڕێکەفتی 9/8/2026 وانەیەک ژ لایێ بەڕێز (م. بلال حکمت رشید) ڤە هاتە پێشکێشکرن ل دۆر گرنگیا تەکنۆلۆجیا و ژیرییا دەستکرد و کارتێکرنا وێ ل سەر کارێن جۆراوجۆر، ب مەرەما پێگەهاندن و بلندکرنا شیانێن پشکدارێن خولێ ژ فەرمانبەرێن ناڤەندا خانی یا رەۆشنبیری و ڕاگەهاندنێ.
ل ڕێکەفتی 30-6-2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، و ب ئامادەبوونا ژمارەکا مامۆستا و فەرمانبەران، سمینارەک ژ لایێ بەڕێز (عبدالعزيز محسن بارزانى) ل دۆر “هەستکرن ب بەرپرسیاریەتیێ دناڤا جڤاکى دا” هاتە پێشکێشکرن.
تەوەرێن سەرەکی یێن سمینارێ:
ـ دیارکرنا چەمکێ هەستکرن ب بەرپرسیاریەتیێ و گرنگیا وێ بۆ تاک و جڤاکی.
ـ شلوڤەکرنا ڕۆلێ تاکەکەسی د ڕوى ب ڕویبوونا کار و ئەرکێن ڕۆژانە دا.
ـ پێشکێشکرنا ڕێکار و چارەسەریێن گونجای بۆ ئاڤاکرنا نفشەکێ خودان بەرپرسیاریەتى و جڤاکەکێ ساخلەم
ل رێکەفتی (٢٠٢٦/٧/٨)، ب مەرەما بهێزکرنا پەیوەندیان و پیرۆزباهیکرنێ ل رێڤەبەرێ نوو یێ رێڤەبەریا ئاراستەکرن و رێبەریکرنا مەعنەوی ل دهۆکێ، بەڕێز (پ.د. زیرڤان عبدالمحسن أسعد) سەروکێ زانکویا جیهان-دهۆک، دگەل بەڕێز (پ.د. بیار محمد رشید) هاریکارێ سەروکێ زانکۆیێ، سەرەدانا رێڤەبەریا ناڤبری کرن.
شاندێ زانکۆیێ هاتە پێشوازیکرن ژلایێ بەڕێز عەقید (چروان محسن) رێڤەبەرێ رێڤەبەریێ و ئەفسەرێن وێ. د روینشتنەکێدا، زێدەباری پیرۆزباهیکرنێ، گەنگەشە ل سەر چەندین بابەت و تەوەرێن گرێدایى خزمەتێن زانکویێ بۆ تەخ و چینێن جودا یێن جڤاکى هاتە کرن، ژ وان پڕۆژێ دەزگایێ زەکاتا زانستى، ب مەرەما پێشکێشکرنا بەرنامێن پێگەهاندنێ، هوشیاریێ و گەشەپێدانا شیانێن کارمەند و فەرمانبەر و پلەداران.
د چارچۆڤێ بەرنامێ دەزگایێ زەکاتا زانستی یێ زانکویا جیهان-دهۆک و ب مەرەما گرنگیدان ب لایەنێ ژینگەهێ، و جوانکرنا سازیێن خواندنێ و خزمەتکرنا جڤاکی، ب دەستپێشخەریا بەرێز (پ.د. زیرڤان عبدالمحسن أسعد) سەرۆکێ زانکۆیێ، و ب هەماهەنگی دگەل رێڤەبەریا پەروەردا دهۆک رۆژهەلات، ئەڤرۆ رۆژا دووشەمبی رێکەفتی ٢٠٢٦/٧/١٣ هەوهکا بەرفرەهـ یا چاندن و دابەشکرنا داران هاتە راگەهاندن.
ئەڤ هەوه ب ئامادەبوونا بەرێزان:
ـ پ.د. زیرڤان عبدالمحسن أسعد (سەرۆکێ زانکویا جیهان-دهۆک)
ـ بەرێز سگڤان حسن علي (رێڤەبەرێ گشتی یێ پەروەردا پارێزگەها دهۆکێ)
ـ خانم دلڤین حاجی احمد (رێڤەبەرا پەروەردا قەزا دهۆک رۆژهەلات)
ئەڤرۆ ب فەرمی ئەڤ پرۆژەیە ل سنورێ رێڤەبەریا پەروەردا دهۆک رۆژهەلات دەستپێکر، و د پێنگاڤا ئێکێ دا قوتابخانا (لیساف) هاتە خزمەتکرن و هژمارەکا داران هاتنە چاندن. ئەڤ هەوه دێ بەردەوام بیت بۆ زێدەکرنا رێژا شینكاتیێ و گەشەپێدانا ژینگەهەکا ساخلەم بۆ قوتابییان
له درێژهی كارو چالاكیهكانی دهزگای (زهكاتی زانست) وله ژێرناونیشانی (زهكاتی زانست ئهركمانه)، له رێكهوتی (31/8/2026) ههریهك له بهڕێزان (م.علی كریم زامن) بهڕێوهبهری كارگیڕی دهزگای زهكاتی زانست، و(م.پایهدار محسن) بهڕێوهبهری مۆزخانهی جیهان سهردانی سهنتهری خانهنشیانی ههولێریان كرد ، وگفتو وگۆیان له گهڵ خانهنشیناندا كرد وباسیان له دیدووكارو چالاكیهكانی دهزگای زهكاتی زانست كرد بۆ ئهو بهڕێزانهی كه ئاماده بون، وداوایان له خانهنشینه بهڕێزهكان كرد بشدرای كۆبونهوهكانی دهزگای زهكاتی زانست بكه ودیدو وتێڕوانینی خۆیان بخهنه ڕوو” وههستان به دابهشكردنی كتێبی (زكاة العلم) به سهر خانه نشینان دا” وئهوانش زۆر دڵخوش بون بۆ بهسهركردنهوهیه وسوپاسی دهزگای زهكاتی زانستیان كرد.
د چارچۆڤێ ئیمزاکرنا ڕێکەفتنامەیەکا لێكتێگەهشتنێ د ناڤبەرا زانکۆیا جیهان-دهۆک ب سەرۆکاتیا بەرێز (پ. د. زێرڤان عبدالمحسن أسعد) سەرۆکێ زانکۆیێ، و قائیمقامیا قەزا سێمێلێ، و وەک بەشەک ژ بەرنامەیێ جێبەجێکرنا پڕۆژەیێ خۆبەخشانە یێ “دەزگایێ زەکاتا زانستی” بۆ هۆشیارکرن و گەشەپێدانا شیان و بەهرەیێن تەخ و چینێن جودا جودایێن جڤاکى، بەردەوامى ب خولا ڕاهێنانێ ل ژێر ناڤونیشانێن (هۆنەرێ سەرەدەریکرنێ، دلسۆزیا پیشەیى، و ئاڤاکرن و گەشەپێدانا شیانان) بۆ ژمارەکا سەرۆک بەش و یەکە و ڕێڤەبەرێن سەر ب قەزا سێمێلێ بەردەوامە.
د بەردەوامییا چالاکیێن ڤێ خولێ دا، ل ڕێکەفتی 12/8/2026 وانەیەکا دی ژ لایێ بەرێز (د. دژوار احمد) ل ژێر ناڤونیشانێ: “د ناڤبەرا کارگێڕییا باش و حوکمڕانییا کارگێڕی دا: سازیێن هەرێما کوردستانێ وەک نموونە” هاتە پێشکێشکرن. تێدا باس ل تێگەهێ کارگێڕی و بنەمایێن حوکمڕانییا کارگێڕی و جێبەجێکرنا وان د ناڤ سازیێن هەرێما کوردستانێ دا هاتە کرن، و جەخت ل سەر گرنگیا بڵندکرنا ئاستێ شیان و بەهرەیێن کارێ کارگێڕی و باشترکرنا خزمەتگوزاریان بۆ وەلاتیان هاتە کرن.
د چوارچۆڤێ چالاكیێن دەزگایێ زەكاتا زانستی ل زانكۆیا جیهان-دهۆك، و ل سەر راسپاردەیێن بەڕێز (پ.د. زیرڤان عبدالمحسن أسعد )سەرۆكێ زانكۆیێ سەبارەت گرنگیدان ب پێشكێشكرنا خزمەتێن خۆبەخشانە و هۆشیاركرنا گشت تەخ و چینێن جڤاكی، ل ڕێكەفتی 10/8/2026 وانەیەکا دی هاتە پێشكێشكرن ل خولا تەكنۆلۆجیا و ژیرییا دەستكرد بۆ ژمارەكا فەرمانبەرێن ناڤەندا خانى یا رەۆشنبیری و ڕاگەهاندنێ ل دهۆكێ یێن ل بەشێن مونتاژ و دیزاینێ كاردكەن. وانە ژ لایێ بەڕێز (ڕەیان هاشم)، فەرمانبەرێ یەکا ڕاگەهاندنا زانكۆیێ، هاتە پێشكێشكرن دەربارەی رۆلێ ژیرییا دەستكرد ل پێشئێخستن و و بهێزكرنا بەرنامەیێن مونتاژێ.
ل سەر ڕاسپاردەیێن بەرێز (پ. د. زیرڤان عبدالمحسن أسعد)، سەرۆکێ زانکۆیا جێهان-دهۆک، ژ بۆ گرنگیدان ب بڕگە و بەرنامەیێن خۆبەخش یێن دەزگایێ “زەکاتا زانستی” و پێشکێشکرنا خزمەتگوزاریێن خۆبەخشی و گەشەپێدانێ بۆ هەموو پێکهاتەیێن جڤاکی؛ ل ڕێکەوتی 28/7/2026، ب هەماهەنگی دگەل ڕێکخراوا “فەریدا” یا جیهانى ل کۆمەڵگەها شاریا، خولا هۆشیاریا دەروونی هاتە ڤەکرن.
د ڕۆژا ئێکێ یا خولێ دا، سمینارا ئێکێ ژ لایێ مامۆستا بدر جمال جمعە، مامۆستا ل بەشێ پەروەردا گشتی پێشکێشکر. ل دور “چەوانیا سەرەدەریکرنێ دگەل کێشەیێن دەروونی، ئەگەر و چارەسەری و پەیوەندیا وان ب ژیانا ڕۆژانە” ڤە.
ل سەر ڕاسپاردەیێن بەرێز (پ. د. زیرڤان عبدالمحسن أسعد)، سەرۆکێ زانکۆیا جێهان-دهۆک، ژ بۆ گرنگیدان ب بڕگە و بەرنامەیێن خۆبەخش یێن دەزگایێ “زەکاتا زانستی” و پێشکێشکرنا خزمەتگوزاریێن خۆبەخشی و گەشەپێدانێ بۆ هەموو پێکهاتەیێن جڤاکی؛ ب هەماهەنگی دگەل ڕێکخراوا “فەریدا” یا جیهانى ل کۆمەڵگەها شاریا، چالاکیێن خولا “هۆشیاریا دەروونی، تەکنەلۆجیا و ژیریا دەستکرد” بەردەوامن.
ل ڕێکەوتی 29/7/2026، سێ سمینارێن دی هاتنە پێشکێشکرن ژ لایێ:
١. م. سالار فيصل نوري: ل دور تەکنەلۆجیا و ژیریا دەستکرد
٢. م. سناء كريم مصطفى: ل دور چەوانیا سەرکەوتنێ ب سەر کێشەیێن ژیانێ دا و ڕێکێن بەختەوەریێ
٣. م. هژار علي: ل دور گرنگیا گەشەپێدانا کەسایەتیێ
سەرۆکایەتی بەشی تەکنیکی سڕکردن لە زانکۆی جیهان-هەولێر، ڕۆژی چوارشەممە ڕێکەوتى (٤/٢/٢٠٢٦)، سەردانێکی زانستی و هۆشیاری بۆ قوتابخانەی (ئارینکۆ)ی کچان ڕێکخست.
شاندەکەی زانکۆ بە سەرپەرشتی مامۆستا (میرزان مستەفا عومەر) بەڕێوەچوو و، لەلایەن مامۆستا (ئارەزوو خەلیل کەمال) بەڕێوەبەری قوتابخانەکە و ستافی مامۆستایانەوە پێشوازییان لێکرا. پاشان لە یەکێک لە هۆڵەکانى قوتابخانەکە، فێرخوازانى زانکۆ چالاکیەکەیان پێشکەش بە قوتابیانی قۆناغی ١١ی ئامادەیی کرد، لە چالاکییەکەدا، فێرخوازانی زانکۆ بە شێوەیەکی پراکتیکی چەندین ئامێری پزیشکییان بە قوتابیان ناساند، لەوانە: ئامێری پەستانی خوێن، ئامێری پێوانەکردنی شەکرە و ئامێری ئۆکسیمیتەر (پێوانەی ئۆکسجینی خوێن).
لە بەشێکى دیکەى چالاکیەکەیاندا، فێرخوازان کۆمەڵێک ڕێنمایی پێویستیان لەسەر شێوازی ژیانی تەندروست پێشکەش بە قوتابیان کرد. قوتابیانیش بە پەرۆشییەوە بەشدارییان لە چالاکیە پراکتیکییەکاندا کرد و، هیوایان خواست لە داهاتوودا لەم بەشە پزیشکییانە درێژە بە خوێندن بدەن.
