ل سەر ڕاسپاردە و ڕێنماییێن بەڕێز (پ. د. زیرفان عبدالمحسن أسعد) سەرۆکێ زانکۆیێ، پێخەمەت پێشکێشکرنا خزمەتگوزاریێن خۆبەخشانە یێن هۆشیاری و گەشەپێدانێ بۆ چین و توێژێن جودا یێن جڤاکی، و د چارچووڤێ چالاکیێن دەزگایێ (زەکاتا زانستی) ل زانکۆیا جیهان-دهۆک دا ب هەماهەنگی دگەل ناڤەندا زاخۆ یا ئێکەتیا ئافرەتێن کوردستانێ، چالاکیێن خۆلەکا تایبەت یا زمانێ ئینگلیزی بۆ کچ و ئافرەتان ل زاخۆ د بەردەوامن، ئەوا کو ل ڕێکەوتی 2026/7/6 دەستپێکری، ژ لایێ مامۆستایێ پسپۆر (م. محمد فیصل حبیب) ماموستایێ بەشێ پەروەردا گشتى.
ژ گرنگترین ئارمانجێن خۆلێ:
ـ شکاندنا ئاستەنگێن ئاخڤتنێ و ئاڤاکرنا شیانێن درۆست د گەنگەشێ دا.
ـ بکارئینانا تەکنۆلۆژیایێن نوى (AI) بۆ فێربوونەکا بلەز.
ل ڕێکەفتی 14/6/2026، ب ئامادەبوونا بەرێز (پ.د.زیرڤان عبدالمحسن أسعد)، سەرۆکێ زانکۆیێ، و د چارچۆڤێ بەرنامێ دەزگایێ “زەکاتا زانستی” دا، وورکشۆپەک ژلایێ بەرێز (پ.هـ.د. أحمد عبدالکریم شعبان) ل دۆر “زمانێ تێکهەلبوونا ڕاگەهاندنێ” هاتە پێشکێشکرن.
تەوەرێن سەرەکی:
ڕۆلێ تێکهەلبوونا ڕاگەهاندنێ د ژینگەهێن په‌یوەندیکرنا هەڤچەرخ دا.
چاوانیا ڤەدیتنا خالێن هەڤپشک د ناڤبەرا ڕاگەهاندنا کلاسیک و دیجیتاڵی دا بۆ ئاڤاکرنا سیستەمێن پێشکەفتی.
ناڤەڕۆکا فرە-میدیا، کارلێکرنا جەماوەری، راستەوخۆ، و داهێنانا دیجیتاڵی.
د چارچۆڤێ چالاکییێن زەکاتا زانستی دا، بەشێ پەروەردا گشتی ل زانکۆیا جیهان – دهۆک ب سەرکەفتییانە خۆلەکا بێ بەرامبەر یا فێربوونا زمانێ ئینگلیزی ل ژێر ناڤ ونیشانێ «Speaking Club: You, Me & ChatGPT» ب دوماهیک ئینا.
ل ڕێکەفتی 24/6/2026 و پشتی ماوێ دوو حەفتیان ژ پێشکێشکرنا وانەیێن سەرنجڕاکێش ژ لایێ پڕۆفیسۆرێ هاریکار د. بالاچاندران ڤادیڤێل، ئەڤ خۆلە ب دوماهیک هات کو تێدا تەکنیکێن سەردەمیانە و ژیرییا دەستکرد هاتبوونە بکارئینان بۆ پێشخستنا ئاخڤتنا پشکداربوويان.
ل دوماهیێ و د رێورەسمەکى دا، باوەرنامەیێن پشکداربوونێ ل سەر قوتابی و پشکداربووبان هاتنە بەلافکرن.
ل دویڤ راسپاردەیێن بەردەوام یێن بەرێز (پ. د. زیرڤان عبدالمحسن أسعد) سەرۆكێ زانكۆیا جیهان–دهۆك، ب مەرەما پێشكێشكرنا خزمەتێن پێگەهاندن و فێركرنێ یێن خۆبەخش بۆ تەخ و چینێن جودا یێن جڤاكی، و د چارچۆڤێ بەردەوامیا پڕۆژێ دەزگەهێ (زەکاتا زانستی)، ب هەماهەنگی دگەل ناڤەندا وەرزش و لاوێن شێخان، و ب هەلكەفتا رۆژا جیهانی یا لاوان ل رۆژا چوارشەمبی رێكەفتی 12/8/2026ێ، ب ئامادەبوونا جەماوەرەكێ بەرچاڤ رێورەسمێن ب دوماهی هاتنا خولا فێربوونا زمانێ ئینگلیزی هاتنە ئەنجامدان.
ئەڤ خولا تایبەت و بێ بەرامبەر یا ب ناڤونیشانێ “چەوانیا فێربوونا زمانێ ئینگلیزیێ و کاریگەریا زمانێ ئینگلیزیێ لسەر کار و گەشەپێدانا گەنجان”، ژ لایێ مامۆستا (م. دلشیر یونس) ڤە هاتبوو پێشكێشكرن. د رێورەسماندا باوەرنامێن پشكداربوونێ ل سەر بەشداربوویان هاتنە بەلاڤكرن، و جەخت ل سەر رۆلێ گرنگێ زمانێ ئینگلیزی د ڤەكرنا دەرفەتێن كاری و گەشەپێدانا شیانێن گەنجان دا هاتە كرن.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، خولی زمانی ئینگلیزی بە هەماهەنگی سەنتەری گەشەپێدانی کار (CDC) لە زانکۆی جیهان-سلێمانی و ڕێکخراوی N2N بەڕێوەدەچێت، کە ئامانج لێی بەرزکردنەوەی ئاستی توانای قسەکردن و بەکارهێنانی زمانەکەیە لە ژینگەی پیشەیی و ژیانی ڕۆژانەدا.
ئەم خولە کە لە ڕێکەوتی 15ی تەممووزی 2026ەوە دەستی پێکردووە و ئێستا بەردەوامە، جەخت لەسەر لایەنە کردارییەکانی زمان و بەکارهێنانی لە شوێنی کاردا دەکاتەوە، نەک تەنها لەبەرکردنی وشە و بەکارهێنانی شێوازی ڕێزمانی.
ل دويف ڕاسپاردێن بەردەوام یێن بەرێز (پ.د.زیرڤان عبدالمحسن اسعد) سەرۆکێ زانکویا جیهان-دهۆک، و دچارچووڤێ بەرنامێ دەزگایێ زەکاتا زانستی دا، ئەڤرۆ ڕێکەفتی 19/7/2026، خۆلەک ب ناڤێ (زمانێ ئینگلیزی و تەکنۆلۆژیا) بۆ فەرمانبەرێن ڕێڤەبەریا گشتی یا ڕەوشەنبیری و هۆنەری ل دهۆکێ هاتە ڤەکرن.
خول د هێتە پێشکێشکرن ژلایێ:
(پسپۆرێ تەکنۆلۆژیا و ژیڕیا دەستکرد – AI) م. خالد ابراهیم
م. محمد فیصل (پسپۆرێ زمانێ ئینگلیزی)
ئارمانج ژ خولێ: پێشخستنا شیانێن پیشەیی و تەکنۆلۆژی یێن فەرمانبەرانە دا کو بشێن کارێن خۆ ب شێوەیەکێ سەردەمیانەتر ئەنجام بدەن.
د چارچۆڤێ پڕۆژێ (زەکاتا زانستی) دا، زانکویا جیهان-دهۆک ب هەماهەنگی دگەل لقا دەوروبەرێن دهۆک یا ئێکەتیا قوتابی و لاوێن دیموکراتا کوردستانێ، ل رێکەفتی ٢٠٢٦/٧/١٢ خۆلەکا تایبەت ل سەر رێکێن فێربوونا زمانێ ئینگلیزی ل قەزا سێمێلێ دەستپێکر.
ئەڤ خۆلە بۆ ماوێ حەفتیەکێ یا بەردەوامە و ژ لایێ مامۆستایا پسپۆر (م. ذکرى عبدالقادر)، مامۆستایا بەشێ زمانێ ئنگلیزى ل زانکۆیێ، دهێتە پێشکێشکرن. خۆل ب ناڤ ونیشانێ “چەوانیا فێربوونا زمانێ ئینگلیزیێ و کاریگەریا وێ لسەر کار و گەشەپێدانا گەنجان” دهێتە برێڤەبرن و ئارمانج ژێ شکاندنا ئاستەنگێن ئاخڤتنێ و بەرهەڤکرنا گەنجانە بۆ دەلیڤەیێن کارى.
ل دویف ڕاسپاردێن بەرێز (پ.د. زیرڤان عبدالمحسن اسعد) سەرۆکێ زانکۆیا جیهان-دهۆک، و د چارچۆڤێ بەردەوامیا پڕۆژێن خزمەتگوزاری یێن زانکۆیێ دا بۆ جڤاکی، و د بن سێبەرا پڕۆژێ دەزگەهێ (زەکاتا زانستی)، ب هەماهەنگی دگەل سەنتەرێ پێشمەرگە یا رەۆشەنبیری، خۆلەکا تایبەت و بێبەرامبەر یا فێربوونا زمانێ ئینگلیزی ڤەکر.
ئەڤ خۆلە ل رۆژا ئێکشەمبی رێکەفتی 12/7/2026 دەستپێکر، و ژ لایێ مامۆستا (م. ژیان معتصم)، مامۆستا ل بەشێ زمانێ ئینگلیزی دا، د هێتە پێشکێشکرن.
ئارمانج و مفایێن سەرەکی یێن خۆلێ:
ـ چارەسەرکرنا ئاریشەیێن سەرەکی یێن فێرخوازان د ئاخڤتنێ دا.
ـ ئاشناکرنا پشکداران ب ئامراز و تەکنۆلۆژیایێن سەردەم بۆ فێربوونەکا بلەزتر.
ـ بهێزکرنا شیانێن پەیوەندیکرنێ و زێدەکرنا باوەری ب خۆبوونێ د جڤاکی دا.
ل دویف راسپاردێن بەرێز (پ.د. زیرڤان عبدالمحسن أسعد) سەرۆکێ زانکۆیا جیهان-دهۆک، و ب مەرەما خزمەتکرنا تەخ و چینێن جودا یێن جڤاکی، د چارچۆڤێ بەردەوامیا پڕۆژێن خزمەتگوزاری یێن زانکۆیێ دا و د بن سێبەرا پڕۆژێ دەزگەهێ (زەکاتا زانستی)، ب هەماهەنگی دگەل ناڤەندا وەرزش و لاوێن سێمێل، خۆلەکا تایبەت و بێبەرامبەر ل ژێر ناڤ و نیشانێن “چەوانیا فێربوونا زمانێ ئینگلیزیێ و کاریگەریا زمانێ ئینگلیزیێ لسەر کار و گەشەپێدانا گەنجان” هاتبۆ ڤەکرن.
پشتی هەفتەیەکێ ژ بەردەوامبوونێ، ل رۆژا ئێکشەمبی رێکەفتی 19/7/2026، مەڕاسمێن ب دوماهی هاتنا خۆلێ هاتنە گێران. و ژ لایێ کو ژلایێ ماموستایێ پسپۆر د بەشێ زمانێ ئینگلیزی دا، مامۆستا (م. حسام نزار) د هاتە پێشکێشکرن. ئارمانج ژێ بهێزکرنا شیانێن گەنگەشێ، و بکارئینانا تەکنۆلۆژیایێن نوی بۆ فێربوونێ، و بەرهەڤکرنا گەنجان بوو بۆ بازارێ کاری.
پاشان باوەرنامێن پشکداربوونێ بسەر پشکداربوویان دا هاتنە بەلافکرن وەک رێزلێنانەک بۆ پێگیربوون و سەرکەفتنا وان د ڤێ خۆلێ دا.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی ٣ شەممە ٢٨/٠٤/٢٠٢٦, خوێندکارانی قۆناغی سێیەمی بەشی پەروەردەی گشتی چەندین پەرتووکی کورتە چیرۆکی منداڵانیان وەرگێڕایە سەر زمەنەکانەکانی کوردی و عەرەبی. ئەم پەرتووکانە لە کتێبخانەی کوردیدا بەردەست نین و بۆ یەکەمین جار لە ووڵاتی بەریتانیاوە هێندراونەتە کوردستان. لە م چالاکییەدا کە بەسەرپەرشتی م.ی تافان کەمال کەریم ئەنجامدرابوو، خویندکارەکانی بەشی پەروەردەی گشتی ئەرکی دیزاین وچاپی تایبەت بە چیرۆکەکانیان گرتە ئەستۆ و لە دانیشتنێکدا چیرۆکەکانیان بۆ خوێندکارانی قۆناغی دووەم و سێیەمی قوتابخانەی جیهان خوێندەوە و کۆپییەکی ڕەنگاوڕەنگیان کردە دیاری بۆ هەریەکەیان.
ئەم چالاکییە دەستپێشخەرییەکی ناوازەی خوێندکارانی بەشی پەروەردەی گشتییە کە وانەی گرنگ و جۆش و خرۆشی بۆ منداڵان هێناو ئەزموونی پراکتیکی خوێندکارانمانی بەهێزترکرد.
