لە ڕۆژی سێشەممە، ڕێکەوتی ٢٨/١٠/٢٠٢٥، لە هۆڵی(VIP)ی زانکۆی جیهان – هەولێر، سەرۆکایەتى بەشى ئه‌ندازيارى پرۆگرامسازى و ئينفۆرماتيك لە میانەى چالاکیەکدا پەرەپێدانى ڕۆبۆتێکى نمایش کرد.
ئەو ڕۆبۆتە، کە لەلایەن مامۆستای یاریدەدەر (عادل حسێن) پەرەپێدراوە، لە میانەى نمایشکردنیدا باسى لە تایبەتمەندییەکانى ڕۆبۆتەکە کرد و وتى: ڕۆبۆتەکە پشت بە تەکنەلۆژیاکانی زیرەکیی دەستکرد دەبەستێت و، توانای کارلێککردنی دەنگی و قسەکردنی بە سێ زمان (کوردی، عەرەبی و ئینگلیزی) هەیە. ئەمەش هەنگاوێکی گرنگە بەرەو یەکخستنی زیرەکیی دەستکرد لە کارپێکردنە پەروەردەیی و خزمەتگوزارییەکاندا.
لە بەشێکى دیکەى قسەکانیدا ئەو مامۆستایەى بەشى ئه‌ندازيارى پرۆگرامسازى و ئينفۆرماتيك ڕوونکردنەوەیەکى وردى لەبارەى قۆناغە پرۆگرامسازی و تەکنیکییەکانی پڕۆژەکەی پێشکەشکرد، هەروەها باسى لە میکانیزمی ڕاهێنانی مۆدێلی زمانەوانیی ڕۆبۆتەکە بۆ ناسینەوەی دەنگەکان، تێگەیشتن لە فەرمانەکان و جێبەجێکردنی وەڵامە گونجاوەکان کرد و جەختی لە گرنگیی ئەم داهێنانە کردەوە وەک چارەسەرێکی بنەڕەتی بۆ چەندین کێشە لە کارە کردارییەکاندا.
لەلایەکى دیکەوە هەر لە هەمان ڕۆژدا، (نەجۆ نەهرۆ) فێرخوازى قۆناغی چوارەمی بەشى ئه‌ندازيارى پرۆگرامسازى و ئينفۆرماتيك بابەتێکى بە ناونیشانی “ئاسایشی سایبەری و ئاستەنگە نوێیەکان لە پاراستنی سیستمە دیجیتاڵییەکان” پێشکەشکرد.
لە میانەى ئەو چالاکیەدا، کە بە سەرپەرشتیی پڕۆفیسۆری یاریدەدەر (غەسان عیمانوێل) بەڕێوەچوو، فێرخوازەکە بەوردى باسی لە گرنگیی ئاسایشی سایبەری لە سەردەمی دیجیتاڵیدا کرد و، شێوازە دیارەکانی هێرشە ئەلیکترۆنییە باوەکان،و ڕێگاکانی خۆپاراستن لێیان بە بەکارهێنانی نوێترین ئامرازە سۆفتوێر و تەکنەلۆژیا ئەمنییەکان ڕونکردەوە.
ل رێکەفتى 22/6/2026، د بەردەوامیا چالاکییێن گەشەپێدان و هۆشیارى و ڕەوشەنبیری یێن دەزگایێ زەکاتا زانستی دا، سمینارەکا تایبەت ل ژێر ناڤ ونیشانێن (تێگەهشتن ل سەر بەرهنگاربوونا دژەبەکتریان: ئەگەر، ميكانيزم، و خۆپاراستن) هاتە ڕێکخستن، ژ لایێ ڕێزدار (شێروان حسێن دەروێش) سەرۆکێ بەشێ کیمیا ژیانى یا کلینیکی و مایکرۆبایۆلۆجی یا پزیشکى هاتیە پێشکێشکرن.
تەوەرێن سەرەکی یێن سمینارێ:
ـ ناساندن و تێگەهشتنا دروست ل سەر بەرهنگاربوونا هۆکارێن دژەبەکتریان.
ـ دیارکرنا ئەگەر و م میکانیزمێن زانستی یێن دبنە ئەگەرێ پەرەسەندنا ڤێ دیاردێ.
ـ ڕێکێن زانستی و خۆپاراستنێ بۆ کێمکرنا مەترسیێن وێ ل سەر جڤاکی.
ل رێکەفتى 2026/6/22، د چارچۆڤێ چالاکییێن هۆشیارى و رەوشەنبیریا گشتى یێن دەزگایێ (زەکاتا زانستی) ل زانکۆیا جیهان-دهۆک، سمینارەک هاتە ئەنجامدان ل ژێر ناڤونیشانێ:
“کارکرن د زانکۆیێن تایبەت دا.. ماف، ئەرک و بەرپرسیاریەتیا پیشەیى”، ژ لایێ بەڕێز (پ. هـ. د. ریبر حسین یوسف)، سەرۆک بەشێ یاسا ل زانکۆیا جیهان-دهۆک.
باس ل سەر ڕەهەندێن یاسایی یێن کارکرنێ د ناڤ کەرتێ خوێندنا بلند دا هاتە کرن. دگەل روونکرن و دەستنیشانکرنا ماف، ئەرک، و بەرپرسیاریەتیێن پیشەیى یێن کو دکەڤنە سەر ملێن کارمەند و مامۆستایان، و چەوانیا رێکخستنا پەیوەندیا کارگێڕی و یاسایی د ناڤبەرا تاک و دەزگایێن ئەکادیمی دا بۆ جێگیرکرنا بنەمایێن رێڤەبرنا دروست.
ل ڕێکەفتی ٢٧/٦/٢٠٢٦، د چارچۆڤێ چالاکییێن زانستی و هۆشیاری یێن بەردەوام دا، دەزگایێ (زەکاتا زانستی) ل زانکۆیا جیهان-دهۆک سمینارەکا تایبەت و گرنگ ل دۆر بابەتێ (زمانێ لەشى و ئەتەکێتان) بۆ هژمارەکا مامۆستا و فەرمانبەرێن زانکۆیێ سازکر، ژ لایێ بەڕێز (ادريس حسن)، تایبەتمەندێ بوارێ وانەگۆتنێ و ئەتەکێتێن زمانێ لەشى و ڕاهێنەرێ نیڤدەولەتی.
باس ل ڤان تەوەرێن سەرەکی کر:
ـ تێگەهێ زمانێ لەشی.
ـ ئەتەکێتێن وانەگۆتنێ بۆ مامۆستایان.
ـ پەیوەندیکرنا کارگێڕی بۆ فەرمانبەران.
ـ چاوانیا نیاسین و تێگەهشتنا نیشانێن جەستەیی یێن بەرامبەر بۆ چارەسەرکرنا ئاریشەیان و باشترکرنا لێک تێگەهشتنێ.
د چارچۆڤێ چالاکییێن دەزگایێ (زەکاتا زانستی) دا ل زانکۆیا جیهان-دهۆک بۆ هۆشیاری و گەشەپێدانا جڤاکی، ل ڕێکەفتی 1-7-2026 و ب ئامادەبوونا ژمارەکا مامۆستا و فەرمانبەران، سمینارەک ژ لایێ م. (عمار جاسم احمد) مامۆستایێ بەشێ یاسا، ل دۆر “هەڤڕکی و یاسایا نێڤدەولەتی” هاتە پێشکێشکرن.
تەوەرێن سمینارێ:
🔹 دیارکرنا چەمکێ هەڤڕکیێ د ناڤبەرا وەلاتاندا و چارچۆڤێ وێ یێ یاسایی.
🔹 شلوڤەکرنا ڕۆلێ یاسایا نێودەولەتی د کێمکرنا کاریگەریێن ململانێیان دا.
🔹 پێشکێشکرنا چارەسەریێن یاسایی بۆ پاراستنا مافێن مرۆڤی ل دەمێ شەڕان دا.
ل ڕێکەفتی 2026/6/24، د چارچۆڤێ چالاکییێن هۆشیاری و ڕەوشەنبیریا گشتی یێن دەزگایێ (زەکاتا زانستی) ل زانکۆیا جیهان-دهۆک، سمینارەک هاتە ئەنجامدان ل ژێر ناڤونیشانێ:
(چەوانیا خواندنا ئەنجامێن پشکنینێن تاقیگەهێ)، ژ لایێ ماموستا (هێلین مستەفا حاجی)، بریاردەرا بەشێ سرکردنێ.
د سمینارێ دا باس ل سەر شێوازێ دروست یێ خواندن و تێگەهشتنا ئەنجامێن پشکنینێن پزیشکی یێن تاقیگەهێ هاتە کرن، دگەل ڕوونکرنا نیشاندەرێن سەرەکی یێن د ناڤ ڕاپۆرتێن پزیشکی دا داکو گرنگى ب ئاستێ هۆشیاریا تەندروستی یا گشتی بهێتە دان و چەوانیا جوداکرنا ڕێژەیێن سروشتی ژ یێن نەدروست.
ل ڕێکەفتی 27/6/2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، سمینارەک ژ لایێ بەڕێز (پ.د. اسماعیل ابابکر)، شارەزا د یاسایا بارێ کەسی دا، ل دۆر “شاشیێن بەربەلاف دناڤا جڤاکى دا (کێشە، ئەگەر، چارەسەرى)” هاتە پێشکێشکرن.
📌 تەوەرێن سەرەکی یێن سمینارێ:
🔹 دیارکرنا کێشە و شاشیێن بەربەلاف دناڤا جڤاکی دا.
🔹 شلوڤەکرنا ئەگەرێن سەرهەلدانا ئەڤان دیاردان ژ دیتنەکا یاسایی و جڤاکی.
🔹 پێشکێشکرنا چارەسەریێن گونجای بۆ ئاڤاکرنا جڤاکەکێ ساخلەم.
له ڕێكه‌وتی(10/9/2026) وبه دروشمی زه‌كاتی زانست ئه‌ركمانه، ده‌زگای زه‌كاتی زانست به هه‌ماهه‌نگی په‌یمانكای جیهان هه‌ولێر، هه‌ستا به‌ڕێكخستنی سیمیناریك بۆ پرۆفیسۆر دكتور (كریم شه‌ریف قه‌ره‌چه‌تانی) له ژێر ناونیشانی( دروستكردنی په‌یوه‌ندی په‌روه‌رده‌ی هاوچه‌رخ له نێوان مامۆستا وفێرخوازدا) له هوڵی په‌یمانگای جیهان بۆ مامۆستایان وفێرخوازانی په‌یمانگه، به ئاماده‌بونی به‌رێز(د.علی كریم الزامن) به‌ڕێوه‌به‌ری كاگێڕی ده‌زگای زه‌كاتی زانست ،وبه‌رێز(م.هیوا محمد) به‌ڕێوه‌به‌ری په‌یمانگای جیهان، كه تێیدا به‌ڕێزیان باسیان له رۆڵی مامۆستا كرد وچۆنیه‌تی مامڵه كردن له گه‌ڵ فێرخوازاندا، وله كۆتایی سیمیناره‌كه‌دا ده‌رگای پرسیار وه‌ڵام بۆ ئاماده‌بووان كرایه‌وه.
ل ڕێکەفتی 30-6-2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، و ب ئامادەبوونا ژمارەکا مامۆستا و فەرمانبەران، سمینارەک ژ لایێ بەڕێز (عبدالعزيز محسن بارزانى) ل دۆر “هەستکرن ب بەرپرسیاریەتیێ دناڤا جڤاکى دا” هاتە پێشکێشکرن.
تەوەرێن سەرەکی یێن سمینارێ:
ـ دیارکرنا چەمکێ هەستکرن ب بەرپرسیاریەتیێ و گرنگیا وێ بۆ تاک و جڤاکی.
ـ شلوڤەکرنا ڕۆلێ تاکەکەسی د ڕوى ب ڕویبوونا کار و ئەرکێن ڕۆژانە دا.
ـ پێشکێشکرنا ڕێکار و چارەسەریێن گونجای بۆ ئاڤاکرنا نفشەکێ خودان بەرپرسیاریەتى و جڤاکەکێ ساخلەم
ڕۆژا سێشەمبی ڕێکەفتی (٢/٦/٢٠٢٦)، د چوارچۆڤەیێ پرۆگرام و پلانا دەزگەهێ زەکاتا زانستی دا ل زانکۆیا جیهان-دهۆک، خۆلەکا ڕاهێنانێ ل ژێر ناڤونیشانێ (ڕێڤەبرنا ململانێیا کاری) ژ لایێ بەڕێز (پ.د. زیرڤان عبدالمحسن أسعد) سەرۆکێ زانکۆیێ هاتە ڤەکرن.
د ڤێ خۆلێ دا، کو ژمارەکا بەرچاڤ یا مامۆستا و فەرمانبەرێن زانکۆیێ تێدا پشکدار بوون، چەندین تەوەرێن گرنگ یێن گرێدای ب چەوانیا سەرەدەریکرن و ڕێڤەبرنا ململانێیان دناڤ کاریدا هاتنە شڕۆڤەکرن، هەروەسا چەندین نموونە، شێواز و جۆرێن ململانێیان هاتنە گەنگەشەکرن.
ل دوماهیێ، دەرگەهێ دانوستاندنێ بۆ پشکداران هاتە ڤەکرن و ئامادەبوویان ب دیتن و پرسیارێن خۆ بابەت دەوڵەمندتر لێکرن.
