ل بەردەوامیا چالاکیێن خۆلا تەکنۆلۆجیا و زیرەکیا دەستکرد، و د چارچۆڤێ خزمەتێن خۆبەخشانە یێن دەزگایێ زەکاتا زانستی ل زانکۆیا جیهان-دهۆک، ل ڕێکەفتی 9/8/2026 وانەیەک ژ لایێ بەڕێز (م. بلال حکمت رشید) ڤە هاتە پێشکێشکرن ل دۆر گرنگیا تەکنۆلۆجیا و ژیرییا دەستکرد و کارتێکرنا وێ ل سەر کارێن جۆراوجۆر، ب مەرەما پێگەهاندن و بلندکرنا شیانێن پشکدارێن خولێ ژ فەرمانبەرێن ناڤەندا خانی یا رەۆشنبیری و ڕاگەهاندنێ.
ل دويف راسپاردێن بەردەوام یێن بەرێز (پ.د.زیرڤان عبدالمحسن أسعد) سەرۆکێ زانکویێ ، ژ بۆ گرنگیدان ب پێشکێشکرنا بەرنامێن هۆشیاری و گەشەپێدانێ بۆ هەمی پێکهاتێن جڤاکی، و د چارچۆڤێ چالاکیێن بەردەوام یێن دەزگەهێ زەکاتا زانستی دا ل زانکۆیا جیهان-دهۆک، ل رۆژا سێشەمبی رێکەفتی ١١ێ تەباخا ٢٠٢٦ێ، سمینارەکا تایبەت ل دۆر “ڤێراگەهشتنێن دەسپێکى” هاتە پێشکێشکرن.
ئەڤ سمیناره ژ لایێ بەڕێزان “بسام شوکت” و “کارزان اسماعيل” ڤەگێرێن تاقیگەهێن پزیشکی ل زانکۆیێ هاتە پێشکێشکرن بۆ پشکدارێن خولا پێنجێ یا پیداگۆجی. تێدا ب تێروتەسەلی باس ل بنەمایێن ڤێراگەهشتنێن دەستپێکی، ڕێکارێن بلەز بۆ رزگارکرنا ژیانا نەخۆشان، و چەوانیا سەرەدەریکرنێ دگەل بارودۆخێن نەئارام هاتە کرن ژ بۆ پاراستنا ساخلەمیا جڤاکی.
ل سەر راسپاردەیێن بەرێز (پ.د.زیرڤان عبدالمحسن أسعد)، سەرۆکێ زانکۆیێ، دەزگەهێ زەکاتا زانستی سمینارەکا تایبەت و هۆشیاریێ بۆ شۆفێرێن ڤەگۆهاستنا قوتابیان رێکخست. ئارمانجا سەرەکی یا ئەڤێ سمینارێ بهێزکرنا شیانێن شۆفێران بوو بۆ بەرهنگاربوونا فشارێن دەروونی ل دەمێ کارى و زالبوون ل سەر تۆرەبوونێ، هاتنە پێشکێشکرن ژلایێ هەردوو ماموستایان (م.اراز عادل صالح) و (م.سناء کریم مصطفى).
د سمینارێ دا جەخت ل سەر چەندین تەوەرێن گرنگ هاتە کرن، ژ وان:
١. شێوازێن دروست یێن سەرەدەریکرنێ دگەل ڕەفتار و ناخێ قوتابیان.
٢. ڕێکارێن کونترۆلکرنا تووڕەبوونێ ل دەمێن كارى، و چارەسەرکرنا ئاریشەیێن نەچاڤەڕێکری.
٣. بەشداربوویان ئامۆژگاری وەرگرتن دەربارەی گرنگیا ڕاگرتنا ئارامیا دەروونی، چونکە شۆفێر نوێنەرایەتیا مالباتێن قوتابیان دکەن د پاراستنا گیان و سەلامەتیا وان.
ل ڕێکەفتی 30-6-2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، و ب ئامادەبوونا ژمارەکا مامۆستا و فەرمانبەران، سمینارەک ژ لایێ بەڕێز (عبدالعزيز محسن بارزانى) ل دۆر “هەستکرن ب بەرپرسیاریەتیێ دناڤا جڤاکى دا” هاتە پێشکێشکرن.
تەوەرێن سەرەکی یێن سمینارێ:
ـ دیارکرنا چەمکێ هەستکرن ب بەرپرسیاریەتیێ و گرنگیا وێ بۆ تاک و جڤاکی.
ـ شلوڤەکرنا ڕۆلێ تاکەکەسی د ڕوى ب ڕویبوونا کار و ئەرکێن ڕۆژانە دا.
ـ پێشکێشکرنا ڕێکار و چارەسەریێن گونجای بۆ ئاڤاکرنا نفشەکێ خودان بەرپرسیاریەتى و جڤاکەکێ ساخلەم
ل رێکەفتی (٢٠٢٦/٧/٨)، ب مەرەما بهێزکرنا پەیوەندیان و پیرۆزباهیکرنێ ل رێڤەبەرێ نوو یێ رێڤەبەریا ئاراستەکرن و رێبەریکرنا مەعنەوی ل دهۆکێ، بەڕێز (پ.د. زیرڤان عبدالمحسن أسعد) سەروکێ زانکویا جیهان-دهۆک، دگەل بەڕێز (پ.د. بیار محمد رشید) هاریکارێ سەروکێ زانکۆیێ، سەرەدانا رێڤەبەریا ناڤبری کرن.
شاندێ زانکۆیێ هاتە پێشوازیکرن ژلایێ بەڕێز عەقید (چروان محسن) رێڤەبەرێ رێڤەبەریێ و ئەفسەرێن وێ. د روینشتنەکێدا، زێدەباری پیرۆزباهیکرنێ، گەنگەشە ل سەر چەندین بابەت و تەوەرێن گرێدایى خزمەتێن زانکویێ بۆ تەخ و چینێن جودا یێن جڤاکى هاتە کرن، ژ وان پڕۆژێ دەزگایێ زەکاتا زانستى، ب مەرەما پێشکێشکرنا بەرنامێن پێگەهاندنێ، هوشیاریێ و گەشەپێدانا شیانێن کارمەند و فەرمانبەر و پلەداران.
د چارچۆڤێ بەرنامێ دەزگایێ زەکاتا زانستی یێ زانکویا جیهان-دهۆک و ب مەرەما گرنگیدان ب لایەنێ ژینگەهێ، و جوانکرنا سازیێن خواندنێ و خزمەتکرنا جڤاکی، ب دەستپێشخەریا بەرێز (پ.د. زیرڤان عبدالمحسن أسعد) سەرۆکێ زانکۆیێ، و ب هەماهەنگی دگەل رێڤەبەریا پەروەردا دهۆک رۆژهەلات، ئەڤرۆ رۆژا دووشەمبی رێکەفتی ٢٠٢٦/٧/١٣ هەوهکا بەرفرەهـ یا چاندن و دابەشکرنا داران هاتە راگەهاندن.
ئەڤ هەوه ب ئامادەبوونا بەرێزان:
ـ پ.د. زیرڤان عبدالمحسن أسعد (سەرۆکێ زانکویا جیهان-دهۆک)
ـ بەرێز سگڤان حسن علي (رێڤەبەرێ گشتی یێ پەروەردا پارێزگەها دهۆکێ)
ـ خانم دلڤین حاجی احمد (رێڤەبەرا پەروەردا قەزا دهۆک رۆژهەلات)
ئەڤرۆ ب فەرمی ئەڤ پرۆژەیە ل سنورێ رێڤەبەریا پەروەردا دهۆک رۆژهەلات دەستپێکر، و د پێنگاڤا ئێکێ دا قوتابخانا (لیساف) هاتە خزمەتکرن و هژمارەکا داران هاتنە چاندن. ئەڤ هەوه دێ بەردەوام بیت بۆ زێدەکرنا رێژا شینكاتیێ و گەشەپێدانا ژینگەهەکا ساخلەم بۆ قوتابییان
ل دویف راسپاردێن بەردەوام یێن بەرێز (پ.د. زیرڤان عبدالمحسن أسعد) سەرۆکێ زانکویا جیهان-دهۆک، ب مەرەما گرنگیدان ب بەرنامێ هۆشیاری و گەشەپێدانێ یێ دەزگایێ زەکاتا زانستی و خزمەتکرنا تەخ و چینێن جودا یێن جڤاکی، بەشێ زانستێن کۆمپیوتەری ل زانکویا جیهان-دهۆک ئەڤرۆ رۆژا چارشەمبی رێکەفتى 18-08-2026، دەست ب ڤەکرنا خۆلەکا راهێنانێ یا تایبەتمەند کر ل ژێر ناڤ و نیشانێن:
(گەشەپێدانا شارەزاییێن پرۆگرامسازیێ و ژیرییا دەستکرد – AI)
ئەڤ خۆلە بۆ فێربوونا زمانێن پرۆگرامسازیێ و بکارئینانا تەکنۆلۆژیایا زیرەکیا دەستکرد ژبۆ بەرهەڤکرن و پشتەڤانیکرنا شارەزاییێن پرۆگرامسازیێ هاتیە ڕێکخستن.
د رۆژا سێیی یا خۆلێ دا، بەرنامە ب ڤی شێوەى بوو:
تەوەرێ ئێکێ هاتە پێشکێشکرن ژلایێ بەرێز (م. سالار فیصل نوری) ل دۆر هەلسەنگاندنا شیان و بەهرەیێن پشکدارێن خۆلێ د بوارێ تەکنۆلۆجیا و ژیرییا دەستکرد دا، هەروەسا ئاماژە ب شێواز و میکانیزمێن پێشکێشکرنا سمینار و گۆتاران ب ڕێیا بکارئینانا ئامرازێن ژیرییا دەستکرد هاتە دان.
تەوەرێ دووێ هاتە پێشکێشکرن ژلایێ بەرێز (محمد شکیب) فەرمانبەرێ یەکا راگەهاندنێ ل دۆر نیاسینا ئامرازێن ژیرییا دەستکرد و بکارئینانا وان بۆ دروستکرنا وێنە و دیزاینان.
و ئەڤ تەوەرە هاتنە گەنگەشەکرن:
١. دارشتنا فەرمانێن پرۆفێشنال (Prompts) و دەستکاریکرنا وێنەیان ب کوالیتیا بلند.
٢. دیزاینکرنا ناڤەرۆکا سۆشیال میدیایێ و گرێدانا ژیرییا دەستکرد ب بەرنامێن دیزاینێ ڤە.
٣. جێبەجێکرنا پرۆژێن کرداری و باشترین ڕێک بۆ کارێ پرۆفێشنال
ل دويڤ راسپاردێن بەردەوام یێن بەرێز (پ.د. زێرڤان عبدالمحسن أسعد) سەرۆکێ زانکۆیا جیهان-دهۆک، و ب مەرەما گرنگیدان ب بەرنامێ هۆشیاری و گەشەپێدانێ یێ دەزگەهێ زەکاتا زانستی و خزمەتکرنا تەخ و چینێن جودا یێن جڤاکی، بەشێ زانستێن کۆمپیوتەری بەردەوامیێ ددەتە کارێن خۆلەکا راهێنانێ یا تایبەتمەند ل ژێر ناڤ و نیشانێن:
(گەشەپێدانا شارەزاییێن پرۆگرامسازیێ و ژیرییا دەستکرد – AI)
ل ڕێکەفتی 18-08-2026، چالاکیێن ڕۆژا دووێ یا خۆلێ ب ڤی ڕەنگێ خوارێ بوون:
ـ گەشەپێدانا وێبێ (Web Development): ژلایێ بەرێز م. هـ. شاكر محمود عباس هاتە پێشکەشکرن.
ـ ژیرییا دەستکرد د تۆڕێن کۆمپیوتەری دا (تەکنۆلۆژیا و بکارئینانێن نوی): ژلایێ بەرێز م. هـ. بلال حكمت رشيد هاتە پێشکەشکرن.
عربي
ل دویف ڕاسپاردەیێن ڕێزدار (پ. د. زیرڤان عبدالمحسن اسعد) سەرۆکێ زانکۆیا جیهان-دهۆک بۆ گەشەپێدان و گرنگیدان ب پرۆژەیێن هۆشیاریێ بۆ چین و تەخێن جودا یێن جڤاکی، د بەردەوامیا چالاکیێن بەرنامێ (زەکاتا زانستی) دا، بەشێ شیکاریا نەخۆشیان ب هەڤکاری دگەل ڕێڤەبەریا گشتی یا گەشت و گوزار ل دهۆکێ، وۆرکشۆپەک ل دۆر هۆشیاریا ساخلەمی ل ڕۆژا دوشەمبی ڕێکەفتی ٢٢/٦/٢٠٢٦ هاتە ڕێکخستن.
د ڤێ وۆرکشۆپێ دا، بابەت ژ لایێ (م.هـ.ئاڤا حمدي سعید) ڤە هاتنە پێشکێشکرن، و خانم (هۆژین احمد) وەک ڕێکخەرا ڤێ چالاکیێ دا. ئەڤ کارە د چارچۆڤێ ستراتیجیا زانکۆیێ دا دهێت بۆ پتر خزمەتکرنا جڤاکی و بەڵاڤکرنا هۆشیاریا تەندروستی.
ل ژێر چاڤدێريیا سەرۆکاتیا زانکۆیێ، و د چارچووڤێ بەرنامێ گشتی یێ دەزگایێ زەکاتا زانستى بۆ ثێشڤەبرن و لایەنێ رەوشەنبیری و هۆشیاریا گشتی، بەشێ (سرکردنێ) ل زانکۆیا جیهان-دهۆک خۆلەکا تایبەت و پێدڤی بن ناڤێ “هۆشیاریا ساخلەمى بۆ چاڤدێرێن نەخۆشان” ڤەکر.
د ئێکەم رۆژا خۆلێ دا، ل رێکەفتی 2026/6/23، ئێکەم وانە هاتە پێشکێشکرن ژلایێ بەرێزان مامۆستا (بسام شوکت) و مامۆستا (کارزان اسماعیل)، کو تێدا ب هووربینی بەشداربوو ئاشنا کرن ل سەر چەوانیا سەرەدەریێ و پێشکێشکرنا چاڤدێريیا دروست بۆ نەخۆشان د دەمێن جودا جودا دا.
ئەڤ خۆلە دێ بۆ ماوێ ٢ رۆژان یا بەردەوام بیت و تایبەتە ب ستافێ ئەکادیمی (مامۆستا) و فەرمانبەرێن زانکۆیێ، ب مەرەما زێدەکرنا شارەزایی وپێشڤەبرنا شیانێن وان یێن ساخلەمى د ژیانا رۆژانە دا.
له درێژهی كارو چالاكیهكانی دهزگای (زهكاتی زانست) وله ژێرناونیشانی (زهكاتی زانست ئهركمانه)، له رێكهوتی (31/8/2026) ههریهك له بهڕێزان (م.علی كریم زامن) بهڕێوهبهری كارگیڕی دهزگای زهكاتی زانست، و(م.پایهدار محسن) بهڕێوهبهری مۆزخانهی جیهان سهردانی سهنتهری خانهنشیانی ههولێریان كرد ، وگفتو وگۆیان له گهڵ خانهنشیناندا كرد وباسیان له دیدووكارو چالاكیهكانی دهزگای زهكاتی زانست كرد بۆ ئهو بهڕێزانهی كه ئاماده بون، وداوایان له خانهنشینه بهڕێزهكان كرد بشدرای كۆبونهوهكانی دهزگای زهكاتی زانست بكه ودیدو وتێڕوانینی خۆیان بخهنه ڕوو” وههستان به دابهشكردنی كتێبی (زكاة العلم) به سهر خانه نشینان دا” وئهوانش زۆر دڵخوش بون بۆ بهسهركردنهوهیه وسوپاسی دهزگای زهكاتی زانستیان كرد.
ل دویڤ راسپاردەیێن بەردەوام یێن بەرێز (پ. د. زیرڤان عبدالمحسن أسعد) سەرۆكێ زانكۆیا جیهان–دهۆك، ب مەرەما پێشكێشكرنا خزمەتێن پێگەهاندن و فێركرنێ یێن خۆبەخش بۆ تەخ و چینێن جودا یێن جڤاكی، و د چارچۆڤێ بەردەوامیا پڕۆژێ دەزگەهێ (زەکاتا زانستی)، ب هەماهەنگی دگەل ناڤەندا وەرزش و لاوێن شێخان، و ب هەلكەفتا رۆژا جیهانی یا لاوان ل رۆژا چوارشەمبی رێكەفتی 12/8/2026ێ، ب ئامادەبوونا جەماوەرەكێ بەرچاڤ رێورەسمێن ب دوماهی هاتنا خولا فێربوونا زمانێ ئینگلیزی هاتنە ئەنجامدان.
ئەڤ خولا تایبەت و بێ بەرامبەر یا ب ناڤونیشانێ “چەوانیا فێربوونا زمانێ ئینگلیزیێ و کاریگەریا زمانێ ئینگلیزیێ لسەر کار و گەشەپێدانا گەنجان”، ژ لایێ مامۆستا (م. دلشیر یونس) ڤە هاتبوو پێشكێشكرن. د رێورەسماندا باوەرنامێن پشكداربوونێ ل سەر بەشداربوویان هاتنە بەلاڤكرن، و جەخت ل سەر رۆلێ گرنگێ زمانێ ئینگلیزی د ڤەكرنا دەرفەتێن كاری و گەشەپێدانا شیانێن گەنجان دا هاتە كرن.
ل دویف راسپاردێن بەردەوام یێن بەرێز (پ.د. زیرڤان عبدالمحسن أسعد) سەرۆکێ زانکویا جیهان-دهۆک، ب مەرەما گرنگیدان ب بەرنامێ هۆشیاری و گەشەپێدانێ یێ دەزگایێ زەکاتا زانستی و خزمەتکرنا تەخ و چینێن جودا یێن جڤاکی، بەشێ زانستێن کۆمپیوتەری ل زانکویا جیهان-دهۆک ئەڤرۆ رۆژا دووشەمب رێکەفتى 17-08-2026، دەست ب ڤەکرنا خۆلەکا راهێنانێ یا تایبەتمەند کر ل ژێر ناڤ و نیشانێن:
(گەشەپێدانا شارەزاییێن پرۆگرامسازیێ و ژیرییا دەستکرد – AI)
ئەڤ خۆلە بۆ فێربوونا زمانێن پرۆگرامسازیێ و بکارئینانا تەکنۆلۆژیایا زیرەکیا دەستکرد ژبۆ بەرهەڤکرن و پشتەڤانیکرنا شارەزاییێن پرۆگرامسازیێ هاتیە ڕێکخستن.
د رۆژا ئێکێ یا خۆلێ دا، بەرنامە ب ڤی شێوەى بوو:
پەیڤا دەستپێکێ: ژلایێ بەرێز م.هـ. بلال حكمت رشيد هاتە پێشکەشکرن.
تەوەرێ ئێکێ (پرۆگرامسازی د سەردەمێ ژیرییا دەستکرد دا): ژلایێ بەرێز م.هـ. خالد أبراهيم خلف هاتە پێشکەشکرن.
تەوەرێ دووێ (پرۆگرامسازیا ب پایتۆن Python و ژیرییا دەستکرد): ژلایێ خانم م.هـ. دوزدار مهدي أحمد هاتە پێشکەشکرن.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، بەشی پەروەردەی گشتی لە زانکۆی جیهان-سلێمانی، لە ڕێکەوتی ٢٩ی ٤ و ٤ی ٥ی ٢٠٢٦، خولێکی ڕاهێنانی بۆ خوێندکارانی قۆناغی چوارەم بە سەرپەرشتی پرۆفیسۆر دکتۆر کەریم شەریف قەرەچەتانی کردەوە. ئامانجی خولەکە ئامادەکردنی خوێندکارانە بۆ قۆناغی دوای دەرچوون و ئاشناکردنیان بە بازاڕی کار، لەگەڵ فێرکردنی نوێترین شێوازەکانی وانەوتنەوە و چۆنیەتی مامەڵەکردنی تەندروست لەگەڵ خوێندکار و مامۆستایاندا.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، لە ٣١ی ئابی ٢٠٢٦، لە چوارچێوەی چالاکییەکانی دەزگای زەکاتی زانستیی زانکۆی جیهان – سلێمانی، ڕاهێنانێکی تایبەت بە مارکێتینگ لەلایەن مامۆستای یاریدەدەر لە بەشی کارگێڕیی کار، بەسۆز تۆفیق، لە ڕێکخراوی ڕاگەیاندن و ڕووناکبیریی ژنان (ڕێوان) پێشکەش کرا.
ئامانجی ڕاهێنانەکە پەرەپێدانی توانای ئەو خانمانە بوو کە خاوەنی بزنسی سەربەخۆن یان دەیانەوێت لە داهاتوودا دەستپێبکەن. لە خولەکەدا جەخت لەسەر بنەما سەرەکییەکانی مارکێتینگ، داڕشتنی ستراتیژ و دروستکردنی وێنەی زێهنیی بۆ بەرهەمەکانیان کرایەوە، شانبەشانی ڕوون کردنەوەی گرنگیی دروستکردنی پەیوەندیی درێژخایەن لەگەڵ کڕیاران و ئەنجامدانی توێژینەوەی بازاڕ؛ چونکە کڕیار بەدوای چارەسەردا دەگەڕێت نەک تەنها تایبەتمەندیی بەرهەم.
لە کۆتایی ڕاهێنانەکەدا، هانا شوان، سەرۆکی ڕێکخراوی ڕاگەیاندن و ڕووناکبیریی ژنان ( ڕێوان)، سوپاسی مامۆستای ناوبراوی کرد و دەستخۆشی لەو هەماهەنگی و گرنگیپێدانە کرد کە لە نێوان زانکۆ و کۆمەڵگەدا هەیە.
–
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، لە ڕێکەوتی ٢ی ئەیلولی ٢٠٢٦، پ.د. کەریم شەریف قەرەچەتانی، بەڕێوەبەری سەنتەری ڕاوێژکاری دەروونی و کۆمەڵایەتی لە زانکۆی جیهان – سلێمانی، لە کۆشکی هونەر بەشداری لە ئیڤێنتی «تالێنت کریێتەرز» کرد.
ئەم ئیڤێنتە لەلایەن دامەزراوەی «تالێنت هەب» و بە چاودێریی بەڕێوەبەرایەتیی گشتیی پەروەردەی سلێمانی، بە هاوبەشی لەگەڵ دەزگای میدیایی کوردسات، بە مەبەستی پاڵپشتی و پەرەپێدانی تواناکانی گەنجانی داهێنەر بەڕێوەچوو.
لە چوارچێوەی ئەم ئیڤێنتەدا، پ.د. کەریم شەریف قەرەچەتانی بابەتی «بیرکردنەوەی داهێنەرانە و خەسڵەتەکانی کەسی داهێنەر»ی پێشکەش کرد. لەو پێشکەشکردنەدا، گرنگیی بیرکردنەوەی داهێنەرانە و ڕۆڵی لە پەرەپێدانی تواناکانی کەسی و کۆمەڵایەتیی گەنجان خستەڕوو، هەروەها باس لە خەسڵەت و تایبەتمەندییەکانی کەسی داهێنەر و شێوازەکانی گەشەپێدانی توانای داهێنان کرا.
ئەم بەشدارییە هەنگاوێکی گرنگ بوو بۆ بەهێزکردنی کەلتووری داهێنان و هاندانی گەنجان بۆ بیرکردنەوەی نوێ، دروستکردنی بیرۆکەی داهێنەرانە و بەکارهێنانی توانستە کەسییەکانیان بۆ دۆزینەوەی چارەسەری نوێ و کاریگەر.
ل دویف راسپاردێن بەردەوامێن سەرۆکێ زانكویا جیهان-دهۆک بەرێز (پ.د.زیرڤان عبدالمحسن أسعد) ب مەبەستا گرنگیدان ب پرۆژێ خۆبەخشی یێ دەزگەهێ زەکاتا زانستی و پێشکێشکرنا خزمەتێن ئەکادیمی، چالاكیێن خولا بێ بەرامبەر ل دۆر تاقیگەهێن پزیشکی ل ژێر ناڤونیشانێ (Introduction to Medical Laboratory) دهستپێکرن.
ئەڤ خولە ژلایێ بەرێز (م. دیار صباح صالح) ڤەگێرێ تاقیگەهێن پزیشکی ل زانکویا جیهان-دهۆک دهێتە پێشکێشکرن، کو تێدا باس ل چەندین بابەتێن زانستی و فێربوونا پشکنینێن تاقیگەهی ب شێوازەکێ کرداری بۆ بەشداربویان دکەت.
ئەڤ خولە دێ بۆ ماوێ پێنج ڕۆژان بەردەوام بیت، ژ ڕێکەفتی 23 تا 27 / 8 / 2026، ب مەبەستا بهێزکرنا شیانێن بەشداربویان د بیاڤێ پشکنینێن پزیشکی دا.
ڕۆژا سێشەمبی ڕێکەفتی (٢/٦/٢٠٢٦)، د چوارچۆڤەیێ پرۆگرام و پلانا دەزگەهێ زەکاتا زانستی دا ل زانکۆیا جیهان-دهۆک، خۆلەکا ڕاهێنانێ ل ژێر ناڤونیشانێ (ڕێڤەبرنا ململانێیا کاری) ژ لایێ بەڕێز (پ.د. زیرڤان عبدالمحسن أسعد) سەرۆکێ زانکۆیێ هاتە ڤەکرن.
د ڤێ خۆلێ دا، کو ژمارەکا بەرچاڤ یا مامۆستا و فەرمانبەرێن زانکۆیێ تێدا پشکدار بوون، چەندین تەوەرێن گرنگ یێن گرێدای ب چەوانیا سەرەدەریکرن و ڕێڤەبرنا ململانێیان دناڤ کاریدا هاتنە شڕۆڤەکرن، هەروەسا چەندین نموونە، شێواز و جۆرێن ململانێیان هاتنە گەنگەشەکرن.
ل دوماهیێ، دەرگەهێ دانوستاندنێ بۆ پشکداران هاتە ڤەکرن و ئامادەبوویان ب دیتن و پرسیارێن خۆ بابەت دەوڵەمندتر لێکرن.
ل رێکەفتى 22/6/2026، د چارچۆڤێ چالاکییێن هۆشیارى و رەوشەنبیریا گشتى یێن دەزگایێ زەکاتا زانستی ل زانکۆیا جیهان-دهۆک، یا کو ل بەری دوو حەفتیان دەستپێکری و د نوکە دا یا بەردەوامە بۆ پێشکەشکرنا خزمەتێن زانستی، سمینارەک هاتە ئەنجامدان ل ژێر ناڤونیشانێ:
“حوكمرانيا دامەزراوهیی و هشیاریا یاسایی ل ژیر سیبهرا بنهمایێ: نهبوونا نهزانینێ ب یاسایێ”
ئەڤ سمینارە هاتە پێشکەشکرن ژ لایێ بەڕێز (د. دژوار احمد پيراميس)، مامۆستا ل بەشێ یاسا.
“د سمینارێ دا تەوەرەکێ ئەکادیمیێ تێر و تەسەل هاتە پێشکەشکرن کو تێدا باس ل سەر ڕەهەندێن حوكمرانیا دامەزراوەیی و ميكانزمێن بلندکرنا ئاستێ هشیاریا یاسایی د ناڤ جڤاکی دا هاتە کرن، دگەل شرۆڤەکرنا بنەمایێ یاسایی و دەستووری یێ دبێژیت ‘چ کەس نەشێن خۆ ژ بەرپرسیاریەتیێ لادەن ب بهانەیا هندێ کو یاسایێ نزانن’، و کارتێکرنا ڤی بنەمایی ل سەر جێگیرکرنا سەروەریا یاسایێ و دەستنیشانکرنا بەرپرسیاریەتیێن یاسایی بۆ تاک و دەزگایان
ل رێکەفتى ٢٠٢٦/٦/٢٠، د چارچۆڤێ بەرنامێ دەزگایێ زەكاتا زانستی دا، کۆلێژا دەرمانسازی ل زانکۆیا جیهان–دهۆک خولەکا مهشقا پراکتیکى و تهكنيكى ب ناڤێ “بنیاتێن پراکتیزەکرنا دەرمانسازیێ” بۆ قوتابیێن کۆلێژ و بەشێن دەرمانسازیێ دەستپێکر، کو ژ لایێ د. زیاد عبدالله بشیر ڤە دهێتە پێشکێشکرن.
ئەڤ خولە بۆ ماوێ دوو رۆژان دێ یا بەردەوام بیت، و ئارمانج ژێ پێشکێشکرنا زانیاری و شارەزاییێن بنیاتینە بۆ کارکرنێ د بیاڤێ دەرمانسازیێ دا ب رێكا تێكهڵكرنا تێگەهێن زانستی و ڕاهێنانا پراکتیكی د ناڤ تاقیگەهێ دا، دا کو پشکداربوو شارەزاییەکا دەستپێکێ د خزمەتگوزاریێن دەرمانسازیێن جڤاکی و تەکنیکێن بەرهەڤکرنا بەرهەمێن پزیشکی دا ب دەست ڤە بینن.
د چارچۆڤێ ئیمزاکرنا ڕێکەفتنامەیەکا لێكتێگەهشتنێ د ناڤبەرا زانکۆیا جیهان-دهۆک ب سەرۆکاتیا بەرێز (پ. د. زێرڤان عبدالمحسن أسعد) سەرۆکێ زانکۆیێ، و قائیمقامیا قەزا سێمێلێ، و وەک بەشەک ژ بەرنامەیێ جێبەجێکرنا پڕۆژەیێ خۆبەخشانە یێ “دەزگایێ زەکاتا زانستی” بۆ هۆشیارکرن و گەشەپێدانا شیان و بەهرەیێن تەخ و چینێن جودا جودایێن جڤاکى، بەردەوامى ب خولا ڕاهێنانێ ل ژێر ناڤونیشانێن (هۆنەرێ سەرەدەریکرنێ، دلسۆزیا پیشەیى، و ئاڤاکرن و گەشەپێدانا شیانان) بۆ ژمارەکا سەرۆک بەش و یەکە و ڕێڤەبەرێن سەر ب قەزا سێمێلێ بەردەوامە.
د بەردەوامییا چالاکیێن ڤێ خولێ دا، ل ڕێکەفتی 12/8/2026 وانەیەکا دی ژ لایێ بەرێز (د. دژوار احمد) ل ژێر ناڤونیشانێ: “د ناڤبەرا کارگێڕییا باش و حوکمڕانییا کارگێڕی دا: سازیێن هەرێما کوردستانێ وەک نموونە” هاتە پێشکێشکرن. تێدا باس ل تێگەهێ کارگێڕی و بنەمایێن حوکمڕانییا کارگێڕی و جێبەجێکرنا وان د ناڤ سازیێن هەرێما کوردستانێ دا هاتە کرن، و جەخت ل سەر گرنگیا بڵندکرنا ئاستێ شیان و بەهرەیێن کارێ کارگێڕی و باشترکرنا خزمەتگوزاریان بۆ وەلاتیان هاتە کرن.
ل دویف راسپاردەیێن سەرۆکێ زانکۆیا جیهان-دهۆک بەرێز (پ. د. زیرڤان عبدالمحسن اسعد)، د چارچووڤێ دەزگایێ زەکاتا زانستی یێ هۆشیاری و گەشەپێدانێ، ب مەرەما خزمەتکرنا تەخ و چینێن جودا یێن جڤاکی.
بەشێ تەکنۆلۆژیا وێنەگرتنا تیشکێ، ل ڕۆژا شەمبی ڕێکەفتی (1/8/2026)، کو هەڤدەمه دگەل ڕۆژا جیهانیا شیردانا سروشتی ب سەرپەرشتیا سەرۆکێ بەشی (م. ملت حسین مصطفی) چەندین شیڕەت و ئامۆژگاریێن گرنگ ل دور مفایێن شیردانا سروشتی بۆ ساخلەمیا زارۆکی هاتنە پێشکەشکرن، هەروەسا چەندین دیاری ژی ب سەر بەشداربوویان دا هاتنە بەلاڤکرن.
د چوارچۆڤێ چالاكیێن دەزگایێ زەكاتا زانستی ل زانكۆیا جیهان-دهۆك، و ل سەر راسپاردەیێن بەڕێز (پ.د. زیرڤان عبدالمحسن أسعد )سەرۆكێ زانكۆیێ سەبارەت گرنگیدان ب پێشكێشكرنا خزمەتێن خۆبەخشانە و هۆشیاركرنا گشت تەخ و چینێن جڤاكی، ل ڕێكەفتی 10/8/2026 وانەیەکا دی هاتە پێشكێشكرن ل خولا تەكنۆلۆجیا و ژیرییا دەستكرد بۆ ژمارەكا فەرمانبەرێن ناڤەندا خانى یا رەۆشنبیری و ڕاگەهاندنێ ل دهۆكێ یێن ل بەشێن مونتاژ و دیزاینێ كاردكەن. وانە ژ لایێ بەڕێز (ڕەیان هاشم)، فەرمانبەرێ یەکا ڕاگەهاندنا زانكۆیێ، هاتە پێشكێشكرن دەربارەی رۆلێ ژیرییا دەستكرد ل پێشئێخستن و و بهێزكرنا بەرنامەیێن مونتاژێ.
د چارچۆڤێ ئیمزاکرنا رێکەفتنامەیەکا لێكتێگەهشتنێ د ناڤبەرا زانکۆیا جیهان-دهۆک ب سەرۆکاتیا بەرێز (پ. د. زێرڤان عبدالمحسن أسعد) سەرۆکێ زانکۆیێ، و قائیمقامیا قەزا سێمێلێ، و وەک بەشەک ژ بەرنامەیێ جێبەجێکرنا پڕۆژەیێ خۆبەخشانە یێ “دەزگایێ زەکاتا زانستی” بۆ هۆشیارکرن و گەشەپێدانا شیان و بەهرەیێن تەخ و توێژێن جودا جودایێن جڤاکى، ل ڕێکەفتی 10/8/2026 خولەکا ڕاهێنانێ ل ژێر ناڤونیشانێن (هۆنەرێ سەرەردەریکرنێ، دلسۆزیا پیشەیى، و ئاڤاکرن و گەشەپێدانا شیانان) بۆ ژمارەکا سەرۆک بەش و یەکە و رێڤەبەرێن سەر ب قەزا سێمێلێ ڤە هاتە ڤەکرن.
وانەیا ئێکێ یا ڤێ خولێ ژ لایێ بەرێز (پ. د. صابر عبدالله سعيد) هاتە پێشکێشکرن، کۆ تێدا ب تێروتەسەلی بەحس ل ڕۆلێ لایەنێ دەروونی و گەشەپێدانێ ل دەڤ فەرمانبەران و چەوانیا سەرەدەریکرنێ ب شێوازەکێ دروست دگەل وەلاتیان و ژینگەها دەوروبەر هاتە کرن
