بەناوی خوای بەخشندەی میهرەبان…
لە ژێر دروشمی (زاکاتی زانست ئەرکمانە)
لە زانکۆی جیهان پەرتوکی نوێی (پێداگۆجی مامۆستا) لە ئامادەکردنی د. سەرباز عزیز وەرتی
بە پاڵپشتی بەڕێز (د. نوزاد یحیی باجگر) سەرۆکی دەستەی ئەمیداریەتی زانکۆ و پەیمانگە و قوتابخانەکانی جیهان
وەبەرهەمهات.

🔹پێداگۆجی زانستی پەروەردەیە، مرۆڤ وەک بوونەوەرێکی بایۆلۆجی لە دایک دەبێت، بۆ ئەوەی ببێتە مرۆڤ دەبێت پەروەردە ببێت، ئەمەش ئەرکی پێداگۆجی و پێداگۆجە؛
🔹بۆیە مامۆستا وەک پێداگۆج هێزی سەرەکیی بیر و هزری کۆمەڵگەیە، داینەمۆی گۆڕانکارییە، ڕێبەری زانستە؛

جێگەی ئاماژەیە لە زانکۆکانی جیهان (هەولێر – سلێمانی – دهۆک) خولی پێداگۆجی بۆ مامۆستایانی وەزارەتی پەروەردە بەم پڕۆگرامە (پەرتوکی پێداگۆجی مامۆستا) دەکرێتەوە بێ بەرامبەر و خۆبەخشانە پەروتووکەکەیان پێ دەدرێت.

هەروەرها ناوەڕۆکەکەی پێنج مۆدێلە:-

✅ لە مۆدێلی یەکەم: باسی چەمک و میتۆدە گرینگەکانی وانە وتنەوەی هاوچەرخ دەکات؛
✅ لە مۆدێلی دووەم: بەڕێوەبردنی پۆل لە لایەن مامۆستا و تایبەتمەندییەکانی مامۆستای سەرکەوتوو باس دەکات؛
✅ لە مۆودێلی سێیەم: دەروونناسی پەروەردە و دەروونناسی گەشە و چەند نموونەیەکی سیستەمی پەروەردەیی پێشەنگی وڵاتانی پێشکەوتوو باس کراوە؛
✅ لە مۆدێلی چوارەم: باس لە پێوانە و هەڵسەنگاندن دەکات وەک پێویستییەکی گرینگی بواری پەروەردە؛
✅ کۆتا مۆدێل: کۆمپیوتەر و تەکنەلۆژیای سەردەم AI لە بواری پەروەردەدا باس کراوە.