لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی یەکشەممە (٥/٧)، خولێکی بەهێزکردنی ئاستی زانستی بۆ (یاریدەدەرانی بێهۆشکاری) لە زانکۆی جیهان-سلێمانی دەستی پێکرد. خولەکە لەلایەن دەزگای زەکاتی زانستەوە بە هاوبەشی لەگەڵ بەشەکانی سڕکردن و یاسای زانکۆ، وە بە هەماهەنگی لەگەڵ بەڕێوەبەرایەتی تەندروستی سلێمانی ڕێکخراوە.
لە سەرەتای مەراسیمەکەدا، بەڕێز د. سەرخێڵ، جێگری بەڕێوەبەری تەندروستی سلێمانی، وتەی بەڕێوەبەرایەتییەکەیانی پێشکەش کرد و تێیدا سوپاسی زانکۆی جیهانی کرد بۆ پشتگیری بەردەوامیان لەم جۆرە خولانە. دواتر پ.ی.د. سادات عبداللە عزیز، یاریدەدەری سەرۆکی زانکۆ، وتەی سەرۆکایەتی زانکۆی پێشکەش بە ئامادەبووان کرد.
شایانی باسە هەریەکە لە پ.ی.د. نوری حەمەسەعید (بەڕێوەبەری دەزگای زەکاتی زانست)، د. ئەڤین ساڵح (سەرۆکی بەشی سڕکردن)، م. هێمن ڕەشید (بەڕێوەبەری دڵنیایی جۆری زانکۆ)، و کاک کەمال (بەڕێوەبەری هۆبەی بێهۆشکاری لە بەڕێوەبەرایەتی تەندروستی سلێمانی) ئامادەی مەراسیمی دەستپێکردنی خولەکە بوون.
ماوە و پێشکەشکارانی خولەکە:
ئەم خولە بۆ ماوەی ٢ هەفتە (لە ٥ تا ١٥ / ٧) بەردەوام دەبێت و لە کۆتاییدا بڕوانامەی بەشداربوون بەسەر بەشداربوواندا دابەش دەکرێت. وانەکانی خولەکە لەلایەن کۆمەڵێک مامۆستا و پزیشکی پسپۆڕەوە دەوترێنەوە، کە پێکهاتوون لە:
پ.د. زانا ڕەفیق سەعید (پسپۆڕی یاسای تاوانکاری)
پ.ی.د. نیاز مستەفا کەمال (تەندروستی کۆمەڵ)
د. ئازاد جەلال عەلی (پزیشکی پسپۆڕی بێهۆشکاری)
د. هێمن محەمەد غەریب (پزیشکی گشتی)
د. ڕۆژیار پێشڕو کەمال (پزیشکی پسپۆڕی بێهۆشکاری)
