لە درێژەی چالاکییەکانی پڕۆسەی هاوژیانی نێوان دامەزراوە پەروەردەیییەکانی دەزگای جیهان بۆ پەروەردە، ئەمڕۆ پێنج شەممە (13/2/2025) مامۆستا هەڤاڵ نژاد، یاریدەدەری بەڕێوەبەری پەیمانگەی جیهان، سیمینارێکی بە ناونیشانی (سەرکردە و سەرکردایەتیکردن)، پێشکەشی بەڕێوەبەر و یاریدەدەران و ستافی کۆمەڵگەی پەروەردەیی جیهان لە سلێمانی کرد.
لە سیمینارەکەدا کە وەک بەشێک لە پڕۆژەی زەکاتی زانستیی پێشکەش کرا، ئاماژە بە چەمکی سەرکردە، مەرجەکانی بوون بە سەرکردە، شێوازەکانی سەرکردایەتیکردن کران و بە نموونە و واقیعی شی کرانەوە بۆ بەشداربووان.
لە کۆتاییدا ڕێزلێنانی کومەڵگەی پەروەردەیی جیهان لە سلێمانی، لە لایەن د. تەها، ڕاوێژکاری سەرۆکی دەستەی ئەمیندارانی زانکۆ و پەیمانگە و قوتابخانەکانی جیهانەوە، پێشکەشی مامۆستا هەڤاڵ نژاد، کرا.
