ڕۆژی دووشەممە ڕێکەوتى (12/1/2026)، فێرخوازانی بەشی کارگێڕی کار لە زانکۆی جیهان-هەولێر هەڵمەتێکی هۆشیاری گشتی لەبارەى زیانەکانی بەکارهێنانی مادەی هۆشبەر بەرێوەبرد.
بۆ ئەو مەبەستەش ستافى زانستى بەشەکە و فێرخوازان سەرەتا کۆمەڵێک پرۆشەریان بە ناونیشانى (مەترسیەکانی بەکارهێنانی ماددەی هۆشبەر و ڕێگەکانی خۆ پاراستن) ئامادە و چاپکرد، کە کۆمەڵێک زانیارى گرنگى لەبارەى زیانەکان و خۆپاراستن لە خۆ گرتبوو و، تیایدا جەخت لەوە کرابوەوە کە بەکارهێنانی مادەی هۆشبەرهۆکارێکە بۆ زیانگەیاندن بە دەماغ و دڵ و دەمارەکان، زیادبوونی ڕێژەی تاوان وتوندوتیژی وتێکچوونی پەیوەندییە خێزانیەکان، هاوکات ئاماژە بەچەندین ڕێگە کرابوو، کە تاک و کۆمەڵگە دەتوانن خۆیان لە بەکارهێنانى بپارێزین وەک خوێندنەوە وگوێگرتن لە مەترسیەکانی بە کارهێنانی مادەی هۆشبەردا، دوورکەوتنەوە لە سەرچاوەکان، ڕەتکردنەوەی لە کاتی پێشکەشکردنی.
لە وێستگەیەکى دیکەى چالاکیەکەیاندا، کە بەسەرپەرشتى مامۆستاى یاریدەدەر هێڤى محمد قادر بەڕێوەچوو، گروپێک لە فێرخوازانى بەشەکە سەردانى پارکی سامی عبدالرحمان لە شاری هەولێر کرد و، پرۆشۆرەکانی هۆشیارییان بەسەر هاوڵاتیان و ڕێبوارانى پارکەکەدا دابەشکرد و، هانى هاوڵاتیانیاندا بەشێوەیەکى هۆشیارانەتر مامەڵە بکەن بۆ دروستکردنی کۆمەڵگەیەکی هۆشیار وتەندروست.
