لە سیمینارەکەدا سەرنجمان خستە سەر بابەتی سەرنجدان و رونمانکردەوە کە یەکێکە لە بنەڕەتیترین و گرنگترین پێکهاتەکانی پڕۆسەی فێربوون کە ڕۆڵێکی بەرچاو لە سەرکەوتنی خوێندکاران دەگێڕێت.
ئەم توانایە کاریگەری ڕاستەوخۆ لەسەر ئاستی تێگەیشتن، بیرکردنەوە و هەڵگرتنی زانیاریەکان هەیە، هەروەها باسی ئەوەکرا کە بەبێ سەرنجدانی گونجاو قوتابیان ناتوانن زانیاریەکان بە شێوەیەکی کاریگەر وەربگرن و لە بیریاندا هەڵیانبگرن. یەکێکیتر لە تەوەرەکان باسکردنی جۆرەکانی سەرنج وەک سەرنجی هەڵبژاردەیی، پارێزراو و دابەشکراو و باسکردنی کاریگەرییەکانیان لەسەر جۆرەکانی جیاوازی فێربوون.
هەروەها تەوەرێکیتر تایبەت بوو بەو چاڵێنجانەی بەرەوڕووی مامۆستایان دەبنەوە وەک کاتی کورتی سەرنجدان لای قوتابیان، جیاوازیەکانی تاکەکەسی و پێداویستی بۆ گونجاندنی شێوازەکانی فێرکردن لەگەڵ پێداویستیەکانی هەر قوتابییەک.
هەروەها باسی ستراتیژیەتە جۆراوجۆرەکان وەک بەکارهێنانی ڕێگە چەندگۆشەکانی فێرکردن، دامەزراندنی ژینگەیەکی گونجاو بۆ فێربوون و سوودوەرگرتن لە تەکنۆلۆژیای نوێ بەکاربهێنرێن بۆ باشترکردنی سەرنجدان و لەئەنجامدا بەرزکردنەوەی ئاستی درکپێکردن و فێربوونی قوتابیان لە پۆلدا.
