لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی یەکشەممە، ڕێکەوتی ٢ی ئابی ٢٠٢٦، خولی هاوینەی “میدیا و مارکێتینگ، لەسەردەمی ژیریی دەستکرددا” دەستیپێکرد. ئەم خولە لەلایەن بەشی دیجیتاڵ میدیا و بەبازاڕکردن لە زانکۆی جیهان – سلێمانی ڕێکخراوە بە ئامانجی بەرەوپێشبردنی ئاستی زانستی و لێهاتوویی بەشداربووان لە سەردەمی تەکنەلۆجیای نوێدا.

دەستپێکی خولەکە بە ئامادەبوونی فێرخوازان و بەشداربووان بەڕێوەچوو، کە تێیدا هەردوو مامۆستای یاریدەدەر سەروەت عەبدوڵڵا و مامۆستای یاریدەدەر بەسۆز تۆفیق وانەکانی خولەکەیان دەستپێکرد. لە میانی بەرنامەی خولەکەدا، مامۆستای یاریدەدەر سەروەت عەبدوڵڵا بابەتەکانی پێوەندیدار بە مێژوو، میدیا و ئامرازە پراکتیکییەکان پێشکەش دەکات، بەهەمان شێوە مامۆستای یاریدەدەر بەسۆز تۆفیق بڕگەکانی تایبەت بە کاریگەری ژیریی دەستکرد لەسەر ڕێکلامکردن (Advertising) دەڵێتەوە.

لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، خولی زمانی ئینگلیزی بە هەماهەنگی سەنتەری گەشەپێدانی کار (CDC) لە زانکۆی جیهان-سلێمانی و ڕێکخراوی N2N بەڕێوەدەچێت، کە ئامانج لێی بەرزکردنەوەی ئاستی توانای قسەکردن و بەکارهێنانی زمانەکەیە لە ژینگەی پیشەیی و ژیانی ڕۆژانەدا.
ئەم خولە کە لە ڕێکەوتی 15ی تەممووزی 2026ەوە دەستی پێکردووە و ئێستا بەردەوامە، جەخت لەسەر لایەنە کردارییەکانی زمان و بەکارهێنانی لە شوێنی کاردا دەکاتەوە، نەک تەنها لەبەرکردنی وشە و بەکارهێنانی شێوازی ڕێزمانی.

فێرخوازانی بەشی بایۆمیدیکاڵ بەشدارییان لە کۆنفرانسی ڕۆژی جیهانیی نەخۆشیی شەکرەدا کرد، کە لەلایەن ڕێکخراوی تەندروستیی ئاشتی بە هەماهەنگی لەگەڵ بەڕێوەبەرایەتیی تەندروستیی هەولێر ڕێکخرابوو.

چالاکییەکە ڕۆژی دووشەممە، ڕێکەوتی ٢٤/١١/٢٠٢٥، لە هۆتێل ڕادیسۆن لە شاری هەولێر بەڕێوەچوو و، بە وتەی (ئومێد خۆشناو) پارێزگاری هەولێر دەستی پێ کرد و، تێیدا جەختی لە گرنگیی بەرزکردنەوەی هۆشیاری دەربارەی نەخۆشیی شەکرە و ڕۆڵی ڕۆشنبیری تەندروستی لە سنووردارکردنی بڵاوبوونەوەی لە کۆمەڵگەدا کردەوە.

هاوکات لە چوارچێوەى بەرنامەى کۆنفرانسەکە ژمارەیەک قسەکەری دیار وتەیان پێشکەش کرد؛ لەوانە دکتۆر (عومەر سۆرچی) بابەتێکی دەربارەی گۆڕانکارییە فیسیۆلۆژییەکان لە جەستەی نەخۆشدا بەهۆی شەکرەوە پێشکەش کرد و، تیشکی خستە سەر ئەو ئاڵنگارییانەی نەخۆش ڕووبەڕوویان دەبێتەوە، هەروەها هەریەک لە دکتۆرە (ئیسرا عومەر)، دکتۆرە (شنە بەگزادە) و دکتۆر (نەوشاد نەوزاد) باسیان لە نوێترین پێشهاتەکان لە ئامێرەکانی دەستنیشانکردن، ستراتیژییەکانی خۆپاراستن و چارەسەرە مۆدێرنەکان کرد، کە یارمەتیدەرن بۆ کۆنترۆڵکردنی نەخۆشییەکە و ڕێگریکردن لە لێکەوتەکانی.

لە کۆنفرانسەکەدا، فێرخوازانی بایۆمیدیکاڵ بە شێوەیەکی کارا بەشدارییان لە دانیشتنەکاندا کرد لە ڕێگەی ئاڕاستەکردنی پرسیاری زانستی، هەروەها بەشدارییان لە ڕێکخستنی چالاکییەکەدا کرد. ئەمەش دەرفەتێکی گرنگ بوو بۆیان تا ئاگاداری دوایین پێشهاتە پزیشکییەکان بن و، ئەزموونی کردەیی لە مامەڵەکردن لەگەڵ پسپۆڕانی کەرتی تەندروستی پەیدا بکەن.