د چارچۆڤێ چالاکییێن دەزگایێ (زەکاتا زانستی) دا ل زانکۆیا جیهان-دهۆک بۆ هۆشیاری و گەشەپێدانا جڤاکی، ل ڕێکەفتی 24/6/2026 و ب ئامادەبوونا ژمارەکا مامۆستا و فەرمانبەران، سمینارەک ژ لایێ بەڕێز (د. دژوار ئەحمەد) مامۆستایێ بەشێ یاسا، ل دۆر “دیسپلین و لێپرسین د ژینگەها زانکۆیێ دا” هاتە پێشکێشکرن

:تەوەرێن سمینارێ

 ناساندنا تێگەهێ دیسپلینا ئەکادیمی و رەفتار و گرنگیا وێ د ناڤ کەمپا زانکۆیێ دا

 ڕوونکرنا تێگەهێ لێپرسینێ (المساءلة) وەک پێنگاڤەک بۆ پاراستنا دادپەروەری و دڵنیاییا جۆری

 شلوڤەکرنا ڕێنمایی و یاسایێن زانکۆیێ یێن گرێدایی ب ماف و ئەرکێن ستافێ ئەکادیمی

ب مەرەما بلندکرنا ئاستێ هۆشیاریێ و گەشەپێدانا شیانێن تەخ و چینێن جودا یێن جڤاکی، و ل سەر ڕاسپاردێن سەرۆکێ زانکویا جیهان-دهۆک، پڕۆفیسۆر دکتۆر (زیرڤان عبدالمحسن أسعد)، ده‌زگایێ (زەکاتا زانستی) ب هەماهەنگی دگەل سەنتەرێ پێشمەرگە یێ ڕەوشەنبیری، ل رۆژا ئێکشەمبی ڕێکەفتی ١٢ی تەمموزا ٢٠٢٦ خۆلەکا ڕاهێنانێ یا تایبەت د بوارێ “ڤێراگەهشتنێن دەستپێکى” دا ڕاگەیاند.

ئەڤ بەرنامێ ڕاهێنانێ دێ بۆ ماوێ حەفتیەکێ یێ بەردەوام بیت و هاتیە ئامادەکرن بۆ:

ـ یەکا پزیشکی یا مەیدانی (فرقا ٩) یا پێشمەرگەی

ـ یەکەیێن پزیشکی یێن مەیدانی یێن سەر ب لیوا و فەوجێن (فرقا ٩) ڤە

وانێن ڤێ خۆلێ ژ لایێ شارەزا و ڕاهێنەرێن نێڤدەوڵەتی ڤە دهێنە پێشکێشکرن

١. م. رەیان سدیق: ڕێڤەبەرێ تاقیگەهێن پزیشکی ل زانکویا جیهان-دهۆک، و ڕاهێنەرێ نێڤدەوڵەتی

٢. م. بسام شوکت: بسپۆرێ بێهۆشکرن و چاڤدێریا چڕ، و ڕاهێنەرێ نێڤدەوڵەتی

لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ئەمڕۆ ڕێكەوتی ٢٧/٧/٢٠٢٦ ، پێنجەم خولی پێداگۆجی بۆ (١٠٢) مامۆستای وەزارەتی پەروەردە لە زانكۆی جیهان-سلێمانی دەستی پێكرد. خولەكە بە هەماهەنگی لە نێوان دەستەی ئەمیندارانی زانكۆكانی جیهان و وەزارەتی پەروەردەی حكومەتی هەرێمی كوردستان ئەنجام دەدرێت. ئەم خولە کە لە لایەن زانکۆی جیهان سلێمانی بێبەرامبەر پێشکەش دەکرێت، چەند هەفتەیەك دەخایەنێت و وانەکان لەلایەن پسپۆرانی بواری (پێداگۆجی) دەوترێنەوە. ئەمانجەکەشی ڕاهێنانی مامۆستایانە لەسەر نوێترین شێوازەكانی وانەووتنەوە(پێداگۆجی) وە ئامادەكردنیانە بۆ گواستنەوەی تواناكانیان بۆ خوێندنگە جیاوازەكان.
زانكۆی جیهان – سلێمانی وەكوو ئەركێكی پەروەردەیی هەمیشە گرنگیداوە بەدروستكردنی پەیوەندی لە نێوان زانكۆ و كەرتە جیاوازەكاندا و بەتایبەتی كەرتی پەروەردەیی.