ل ڕێکەفتی ٢٧/٦/٢٠٢٦، د چارچۆڤێ چالاکییێن زانستی و هۆشیاری یێن بەردەوام دا، دەزگایێ (زەکاتا زانستی) ل زانکۆیا جیهان-دهۆک سمینارەکا تایبەت و گرنگ ل دۆر بابەتێ (زمانێ لەشى و ئەتەکێتان) بۆ هژمارەکا مامۆستا و فەرمانبەرێن زانکۆیێ سازکر، ژ لایێ بەڕێز (ادريس حسن)، تایبەتمەندێ بوارێ وانەگۆتنێ و ئەتەکێتێن زمانێ لەشى و ڕاهێنەرێ نیڤدەولەتی.

باس ل ڤان تەوەرێن سەرەکی کر:

ـ تێگەهێ زمانێ لەشی.
ـ ئەتەکێتێن وانەگۆتنێ بۆ مامۆستایان.
ـ پەیوەندیکرنا کارگێڕی بۆ فەرمانبەران.
ـ چاوانیا نیاسین و تێگەهشتنا نیشانێن جەستەیی یێن بەرامبەر بۆ چارەسەرکرنا ئاریشەیان و باشترکرنا لێک تێگەهشتنێ.

ل رێکەفتى ٢٩ی حوزەیرانا ٢٠٢٦ بەردەوامیدان ب خزمەتگوزاری و چالاکییێن جڤاکی یێن دەزگایێ (زەکاتا زانستی) ل زانکۆیا جیهان-دهۆک بۆ پشتەڤانیکردنا چینێن جودا جودا د جڤاکی دا، مامۆستا (سناء کریم مصطفى) دگەل ڕێکخەرا بەشێ پەروەردا گشتى خانم (دلمان عمر علی)، وۆركشۆپەك ب ناڤێ “ژ ئازاران بۆ هێزێ” ل سەنتەرێ “نەوا” پێشکێش کر.

ئەڤ وۆركشۆپە تایبەت بوو بۆ وان ژنێن ل سەنتەری دژین، ب مەرەما بلندکرنا خۆڕاگرییا دەروونى، چاندنا هیڤییان، و پێشخستنا شیانێن بەرهەنگاربوونا فشارێن ژیانێ. د سمینارێ دا باس ل ساخلەمییا دەروونى، ڕێڤەبرنا دوودلى، و بلندكرنا باوەریێ ب خۆ هاتە کرن.

د چارچووڤێ چالاکیێن دەزگەهێ زەکاتا زانستی دا و ل دیف راسپاردێن بەڕێز (پ.د. زیرڤان عبدالمحسن أسعد) سەرۆکێ زانکۆیا جیهان – دهۆک، کارێن خولا ڕاهێنانێ یا گشتگیر ل رێکەفتی 2026/8/11 بەردەوام بوون کو ژلایێ بەشێ یاسا هاتیە ڤەکرن.

تەوەر و سمینارێن رۆژا دوماهیێ:

وانا ئێکێ: ژ لایێ بەڕێز (د. محمود مراد ابراهيم) هاتە پێشکێشکرن ل دور «سالۆخەتێن ڤەکۆلەرى»، کو تێدا ب تێروتەسەلی باس ل ڕەفتار، شیان، و پیڤەرێن یاسایی و مەیدانی یێن ل سەر ڤەکۆلەرى پێتڤى هاتە کرن.

وانا دووێ: ژ لایێ بەڕێز عەقید (هيمن سليمان) هاتە پێشکێشکرن ل دور «بەرهنگاربوونا تاوانێن ئەلیکترۆنی»، کو تێدا جۆرێن تاوانێن دیجیتاڵی، رێکارێن یاسایی، و تەکنیکێن بەرنگاربوون و خۆپاراستنێ ژ ڤان تاوانان هاتنە ڕوونکرن.

مەرەم ژ ڤێ خۆلێ بهێزکرنا شیانێن قوتابی و ڤەکۆلەرێن بەشێ یاسایێ د بوارێن ئەکادیمی، زمانێ یاسایی، و تەکنۆلۆژیایا نوى دا بۆ ئامادەکرنا وان بۆ بازاڕێ کاری.