کۆلیژا پەرستاری ل زانکۆیا جیهان-دهۆک بەردەوامە ل سەر پێشکێشکرنا خولا خۆ یا زانستی ل ژێر ناڤ و نیشانێن “هۆشیاریا تەندروستی و ساخلەمیا جڤاکی”، سمینارەکا دی یا بها ژلایێ مۆامۆستا (م. زیاد جمیل) ڤە هاتە پێشکێشکرن ل دۆر (ڤاکسینان و رۆلێ وان د بەرهەنگاربوونا نەخۆشیان دا)، ب مەرەما بلندکرنا ئاستێ هۆشیاریا ساخلەمی و زانستی د ناڤبەرا قوتابیان دا، و بهێزکرنا شیانێن وان یێن پەرستاری و پێشڤەبرنا لایەنێ وان یێ (پراکتیکی).

د چارچۆڤێ کار و چالاکیێن بەردەوام یێن دەزگایێ زەکاتا زانستی بۆ هشیاری و گەشەپێدانێ ل زانکۆیا جیهان-دهۆک، ئەڤڕۆ ڕۆژا شەمبی ڕێکەفتی (٦ / ٦ / ٢٠٢٦)، کۆلێژا دەرمانسازی ب هەڤکاری دگەل کۆلێژا پەرستاری، خولەکا زانستی یا پزیشکی بۆ قوتابیێن پشکێن پزیشکی د بن ناڤ ونیشانێن (هشیاریا دەرمانان و ساخلەمیا جڤاکی) دەستپێکر، ئەڤ خولە دێ بۆ دەمێ پێنج ڕۆژان یا بەردەوام بیت.

ئەڤ خولە د بن سەرپەرشتیا ڤان مامۆستایان دا دهێتە برێڤەبرن:

🔹 د. ڕوناك محمد صديق
🔹 د. ليلى محمد صالح
🔹 د. ژیان علی حجی
🔹 د. زیاد عبدالله بشیر
🔹 د. دەریا صالح حسین

د چارچۆڤێ چالاکیێن بەردەوام یێن دەزگەهێ زەکاتا زانستی دا، ل رۆژا چارشەمبی رێکەفتی ١٠ێ حوزەیرانا ٢٠٢٦ێ، وورک شۆپەکا تایبەت ل ژێر ناڤ و نیشانێن “زانستێ دەرمانان و ساخلەمیا گشتی” بۆ مامۆستا و فەرمانبەران هاتە سازکرن، کو ژ لایێ دکتۆر زیاد عبدالله بشیر مامۆستا ل کۆلیژا دەرمانسازی ل زانکۆیا جیهان-دهۆک هاتە پێشکێشکرن