ل دیف راسپاردە و رێنماییێن بەڕێز (پ.د. زیرڤان عبدالمحسن أسعد) سەرۆکێ زانکۆیا جیهان – دهۆک، وب مەرەما گرنگیدان ب بەرنامەیێ هۆشیاری و گەشەپێدانا شیان و بەهرەیێن قوتابی و ڤەکۆلەران.

ل رێکەفتی 2026/8/2 بەشێ یاسا دەست ب خولەکا ڕاهێنانێ یا گشتگیر و تایبەتمەند کر ل ژێر ناڤۆنیشانێ:
«تواناسازیا یاسایى یا گشتگیر: شیانێن زمانڤانى و تەكنۆلۆژى د پرۆسەیا مەیدانى دا».

ئارمانجا ڤێ خولێ پێشئێخستنا شیانێن قوتابیێن کۆلێژا یاسایێ و ڤەکۆلەران د بوارێن ئەکادیمی، زمانێ یاسایی، و بکارئینانا ژیرییا دەستکرد (AI) د کارێ یاسایی دا.

تەوەر و سمینارێن رۆژا دەستپێکێ:
پەیڤا سەرۆک بەشێ یاسایێ بەڕێز (پ. هـ. د. ڕێبەر حسێن) راگرێ بەشێ یاسایێ باس ل ڕۆلێ بەشیێ یاسایێ کر د هۆشیارکرن و گەشەپێدانا بەهرە و شیانێن قوتابی و دەرچوویێن بەشى دا بۆ ئامادەکرنا وان بۆ بازاڕێ کاری.

واانا ئێکێ:
١. ژ لایێ بەڕێز (د. دژوار ئەحمەد) هاتە پێشکەشکرن ل دور سیکولوجیا فێربوونێ و ئاڤاکرنا تێگەهشتنا یاسایی.

وانا دووێ:
٢. ژ لایێ بەڕێز (م. ئه‌مير طه) هاتە پێشکەشکرن ل دور ژیرییا عاتفى و ڕۆلێ وێ د ڕێڤەبرنا ئینفیعالاتان دا د پرۆسەیا کاری دا.

ل سەر ڕاسپاردەیێن بەرێز (پ. د. ژیرڤان عبدالمحسن أسعد)، سەرۆکێ زانکۆیا جێهان-دهۆک، ژ بۆ گرنگیدان ب بڕگە و بەرنامەیێن خۆبەخش یێن دەزگایێ “زەکاتا زانستی” و پێشکێشکرنا خزمەتگوزاریێن خۆبەخشی و گەشەپێدانێ بۆ هەموو پێکهاتەیێن جڤاکی؛ ل ڕێکەوتی 28/7/2026، ب هەماهەنگی دگەل ڕێکخراوا “فەریدا” یا جیهانى ل کۆمەڵگەها شاریا، خولا هۆشیاریا دەروونی هاتە ڤەکرن.

د ڕۆژا ئێکێ یا خولێ دا، سمینارا ئێکێ ژ لایێ مامۆستا بدر جمال جمعە، مامۆستا ل بەشێ پەروەردا گشتی پێشکێشکر. ل دور “چەوانیا سەرەدەریکرنێ دگەل کێشەیێن دەروونی، ئەگەر و چارەسەری و پەیوەندیا وان ب ژیانا ڕۆژانە” ڤە.

لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی یەکشەممە، ڕێکەوتی ٢ی ئابی ٢٠٢٦، خولی هاوینەی “میدیا و مارکێتینگ، لەسەردەمی ژیریی دەستکرددا” دەستیپێکرد. ئەم خولە لەلایەن بەشی دیجیتاڵ میدیا و بەبازاڕکردن لە زانکۆی جیهان – سلێمانی ڕێکخراوە بە ئامانجی بەرەوپێشبردنی ئاستی زانستی و لێهاتوویی بەشداربووان لە سەردەمی تەکنەلۆجیای نوێدا.

دەستپێکی خولەکە بە ئامادەبوونی فێرخوازان و بەشداربووان بەڕێوەچوو، کە تێیدا هەردوو مامۆستای یاریدەدەر سەروەت عەبدوڵڵا و مامۆستای یاریدەدەر بەسۆز تۆفیق وانەکانی خولەکەیان دەستپێکرد. لە میانی بەرنامەی خولەکەدا، مامۆستای یاریدەدەر سەروەت عەبدوڵڵا بابەتەکانی پێوەندیدار بە مێژوو، میدیا و ئامرازە پراکتیکییەکان پێشکەش دەکات، بەهەمان شێوە مامۆستای یاریدەدەر بەسۆز تۆفیق بڕگەکانی تایبەت بە کاریگەری ژیریی دەستکرد لەسەر ڕێکلامکردن (Advertising) دەڵێتەوە.