ڕێکخراوی خوێندنی باڵای تایمز Impact Ranking, Times Higher Education ئەنجامی ڕیزبەندی کاریگەرییەکانی ساڵی ٢٠٢٥ی ڕاگەیاند، کە سیستەمێکی پۆلێنکردنی جیهانی بەناوبانگە و ئەدای زانکۆکان دەپێوێت لە گەیشتن بە ١٧ ئامانجەکانی گەشەپێدانی بەردەوام (SDGs) کە لەلایەن نەتەوە یەکگرتووەکانەوە دانراوە. ئەم ڕیزبەندییە بە یەکێک لە گرنگترین نیشاندەرەکان دادەنرێت کە پابەندبوونی زانکۆکە نیشان دەدات بە ژینگە، پەروەردەی کوالیتی، دادپەروەری، داهێنان و لایەنە سەرەکییەکانی دیکەی گەشەپێدانی بەردەوام.
زانکۆی جیهان – سلێمانی بە شانازییەوە بەشداری ئەم ڕیزبەندییەی کردووە، وە سەرکەوتنی بەرچاوی لەسەر ئاستی ناوخۆیی، ناوچەیی، نیشتمانی، و جیهانی بەدەستهێناوە. زانکۆکە لە نێو زانکۆکانی پارێزگای سلێمانی پلەی یەکەمی بەدەستهێناوە، لە نێو زانکۆکانی هەرێمی کوردستاندا پلەی سێیەمی بەدەستهێناوە، لەسەر ئاستی نیشتمانیش لە سەرانسەری زانکۆکانی عێراق پلەی ١٨ی بەدەستهێناوە. ئەم ئاستە ناوازەیە تیشک دەخاتە سەر هەوڵە دامەزراوەییەکانی زانکۆکە بەرەو پەرەپێدانی بەردەوام.
لەسەر ئاستی نێودەوڵەتی، زانکۆی جیهان – سلێمانی لە نێوان هەزاران زانکۆی بەشداربوودا، لە (١٠٠١-١٥٠٠) زانکۆی جیهاندا ڕیزبەندی کراوە. زانکۆی جیهان سلێمانی لە کۆی ١٧ ئامانجی گەشەپێدانی بەردەوام لە١٤یاندا کێبڕکێی کردووە و کۆی گشتی نمرەی ٥٣%ی بەدەستهێناوە، ئەمەش ڕەنگدانەوەی سەرکەوتنی ستراتیژییەکانی زانکۆیە بۆ پەرەپێدانی ئەکادیمی و کۆمەڵایەتیی.
یەکێک لەو بوارانەی کە زانکۆی جیهان سلێمانی تێیدا سەرکەوتنی بەرچاوی بەدەستهێناوە؛ پەروەردەی کوالیتی و مۆدێرنکردنی مەنهەجی خوێندنە، کە بۆتە هۆی بەدەستهێنانی باشترین زانکۆ لە هەرێمدا لەم پۆلێنکردنەدا، وە لە ڕیزبەندی (٤٠١-٦٠٠) زانکۆی جیهانیدا ڕیزبەندکراوە. ئەمەش بەردەوامی زانکۆکە دووپات دەکاتەوە بۆ نوێکردنەوەی پرۆگرامە ئەکادیمییەکانی، دابینکردنی پێداویستییەکانی هەردوو بازاڕی ناوخۆیی و جیهانی، و دابینکردنی ژینگەیەکی پەروەردەیی مۆدێرن و گشتگیر.
ئەم دەستکەوتە لە ئەنجامی هەوڵە بەکۆمەڵەکانی کارگێڕی زانکۆ و ستافی ئەکادیمی و خوێندکارانە. ڕۆڵی پێشەنگی زانکۆی جیهان – سلێمانی دووپات دەکاتەوە لە پاڵپشتیکردنی گەشەپێدانی بەردەوام و خزمەتکردنی کۆمەڵگا، زیاتر پێگەی خۆی وەک دامەزراوەیەکی ئەکادیمی دیار لە عێراق و ناوچەکەی فراوانتر بەهێز دەکات.
لە کۆتاییدا، ئەم ڕیزبەندییە وەک پاڵنەرێکی بەهێز کاردەکات بۆ بەردەوامبوون لە هەوڵدان بۆ دەستکەوتی زیاتر و پێشکەوتن بەرەو بنیاتنانی داهاتوویەکی ئەکادیمی و کۆمەڵایەتی بەردەوام کە لەگەڵ پێگە و ئاواتەکانی زانکۆکەدا بگونجێت.
