بە ئامادەبوونی بەڕێز دکتۆر نەوزاد باجگر، سەرۆکی دەستەی ئەمیندارێتی زانکۆ و پەیمانگە و قوتابخانەکانی جیهان و وەزیری هەرێم بۆ کاروباری پێکهاتەکان، کونسوڵی کۆماری میللی چین و سەرۆکی زانکۆی نێودەوەڵەتی ئەربیل و ڕاگری کۆلیژی تەکنەلۆژیای زانیای زانکۆی سەڵاحەدین و ئەندامی ئەنجومەنی پارێزگا و ژمارەیەک کەسایەتی ئەکادیمی و ئیداری، لە ژێر دروشمی زەکاتی زانستیی ئەرکمانە، لە ڕێکەوتی (27/4/2025) یەکەمین پێشەنگای ژیریی دەستکرد و ڕۆبۆت لە پەیمانگەی جیهان، بەڕێوە چوو.
لە پێشانگەکەدا زیاتر لە هەشتا پڕۆژە لە لایەن قوتابیانی شەش زانکۆی حکومیی و ناحکومیی و حەوت پەیمانگەوە نمایش کران و لە کۆتاییدا سێ پڕۆژە خەڵاتی یەکەم، دووەم و سێهەمیان بەدەست هێنا.
لە بەشێکی پێشانگەکەدا، وتاری بەڕێز د.نەوزاد باجگر و مامۆستا هیوا محەمەد، بەڕێوەبەری پەیمانگەی جیهان پێشکەش کران، هەردووکیان جەختیان لەوە کردەوە کە ئەم پێشانگەیە لەچوارچێوەی پڕۆژەی زەکاتی زانستیی دەزگای زەکاتی زانسییە، هەروەها بە گرنگییەوە پەیمانگەی جیهان و جیهان گروپ لە ژیریی دەستکرد دڕوانێت و ئەم پێشانگەیەش نمونەیەکی ئەم گرنگیدانەیە و بەردەوامیش دەبن لەسەری.
هەر لە پێشانگەکەدا، پانێڵێک بە هاوکاری سەنتەری توێژینەوەی زانستیی زانکۆی سەڵاحەدین پێشکەش کرا بە ناونیشانی (داهاووی ژیریی دەستکرد و ژیانی مۆدێرن) و بەهەمانشێوە بەشداربووان بە خۆبەخشی و لەچوارچێوەی زەکاتی زانستیی پانێڵەکەیان پێشکەش کرد.
