د چوارچۆڤێ بەرنامێ دهزگایێ زهكاتا زانستى یێ زانکۆیا جیهان-دهۆک دا، و ب هەماهنگی دگەل رێڤەبەرییا مەشق و راهێنانێ، ل رۆژا ئێکشەمبی رێكەفتی 8/2/2026، وورکشۆپەکا تایبەت بۆ قوتابیێن قوناغا چوارێ یێن پشکێن (زمانێ ئینگلیزی و دەروونناسی) هاتە ئەنجامدان.
ئەڤ وورکشۆپە ب مەبەستا ئامادەکرنا قوتابیان بۆ قۆناغا (تگبیق)ێ د قوتابخانان دا هاتبوو رێكخستن، کو تێدا چەندین بابەتێن زانستی و پەروەردەیی ژ لایێ مامۆستایێن پسپۆر ڤە هاتنە پێشکێشکرن:
- م. هـ. بدر جمال جمعه: ل دۆر ستراتیژیێت بڕێڤەبرنا پۆلێ و سەرەدەریكرن دگەل بارودۆخێن سەخت.
- م. هـ. رعد عبدالمجید یوسف: ل دۆر ئەخلاقێ پیشەیێ و پرۆتۆكۆلێ سەرەدەریكرنێ د ژینگهها قوتابخانێ دا.
- م. عمر إسكندر عمر: ل دۆر پلاندانانا كاریگەر بۆ وانەیێ و دارشتنا ئارمانجێن رەفتاری.
- م. هـ. موسى حسین موسى: ل دۆر ستراتیژیێت نوى یێن پەیوەندیكرنێ و بکارئینانا ئامرازێن تەکنەلۆژی د پسپۆریا زمانێ ئینگلیزی دا.
ل دوماهییا وورکشۆپێ، فۆرمێن راهێنانێ (التطبيق) ب شێوەیەکێ فەرمی لسەر قوتابیان هاتنە دابەشکرن، ب ئارمانجا دەستپێکرنا ئەزموونا وان یا مەیدانی د وارێ پەروەردێ دا.
