ڕۆژی چوارشەممە، ڕێکەوتی ١٨ی ١١ی ٢٠٢٦، پ.د. کەریم شەریف قەرەچەتالە، بەڕێوەبەری سەنتەری ڕاوێژکاری دەروونی و کۆمەڵایەتی لە زانکۆی جیهان ـ سلێمانی، لە چوارچێوەی چالاکییە خۆبەخشییەکانی دەزگای زەکاتی زانست، سیمینارێکی پەروەردەیی و دەروونی بە ناونیشانی «ڕۆڵی خێزان لە پەروەردە و فێرکردنی خوێندکارانیان» پێشکەش بە دایکان و باوکانی خوێندکارانی ئامادەیی ڕێژینی کچان کرد.
لە سیمینارەکەدا گرنگی ڕۆڵی خێزان، کاریگەریی ژینگەی خێزانی لەسەر گەشەی دەروونی و ئەکادیمیی خوێندکاران و هاوکاری نێوان خێزان و قوتابخانە خرانەڕوو.








