ئه‌ڤرۆ رێكه‌فتى (9/7/2025) سه‌نته‌رێ پێداگۆجى ل زانكویا جیهان-دهۆك د چارچووڤێ ئیمزاكرنا رێكه‌فتنامه‌یه‌كا لێكتێگه‌هشتنێ دناڤبه‌را ده‌سته‌یا ئه‌مینداریا زانكویێن جیهان و وه‌زاره‌تا په‌روه‌ردێ، خۆلا پێداگۆجى یا ژماره‌ 4 بۆ ماموستایێن په‌روه‌ردێن پارێزگه‌ها دهوكێ هاته‌ ڤه‌كرن ب سه‌رپه‌رشتیا به‌رێز (پ.د.زیرڤان عبدالمحسن أسعد) سه‌رۆكێ زانكویێ، و ب ئاماده‌بوونا به‌رێز (م.عمر علی) رێڤه‌به‌رێ گشتى یێ په‌روه‌ردا پارێزگه‌ها دهۆكێ، و به‌رێز (م.یحیى رچا) رێڤه‌به‌رێ مه‌شق و راهێنانێ ل وه‌زاره‌تا په‌روه‌ردێ، و به‌رێز (د.سه‌رباز عزیز) سه‌رپه‌رشتێ ئه‌كادیمیا زانكویا جیهان، و رێڤه‌به‌رێن مه‌شق و راهێنان و په‌روه‌ردێن رۆژهه‌لات، رۆژئاڤا، ئامێدى، سێمێل.

ل ده‌ستپێكێ چه‌ند په‌یڤ هاتنه‌ خواندن ژلایێ رێڤه‌به‌رێ گشتى یێ په‌روه‌ردێ، و (م.هـ.سالار فیصل نوری) رێڤه‌به‌رێ سه‌نته‌رێ پێداگۆجى، و ماموستایێن خۆلێ، مه‌ره‌م ژ ڤه‌كرنا خۆلێ ب هێزكرنا شیانێن ماموستایان یێن وانه‌ گوتنێ ل دویف ستانداردێن سه‌رده‌م و ته‌كنۆلۆجیا نوى، كو بۆ ماوێ 6 حه‌فیتان دێ یا به‌رده‌وام بیت و وانێن تیورى و پراكتیكى دێ هێنه‌ پێشكێشكرن.