ئەمڕۆشەممە ٢٨ /٦/ ٢٠٢٥دەزگای زەکاتی زانست لە زانکۆی جیهان-سلێمانی بە هاوکاری بەشی یاسا، خولێکی ڕاهێنانی تایبەتی بۆ پارێزەران و دەرچووانی بەشی یاسا کردەوە.
کاتژمێر نۆی سەرلەبەیانی، لە هۆڵی سیمینار لە زانکۆی جیهان-سلێمانی بە ئامادەبونی پ.د. ئومێد رەفیق فتاح، سەرۆکی زانکۆ و پ.ی. د. نوری حمەسعید بەڕێوەبەری دەزگای زەکاتی زانست و د.ئاسۆ حمەشین سەرۆکی بەشی یاسا و بەشێک لە مامۆستایان خولەکە بە ڕێوڕەسمێک دەستی پێکرد. پاشان پانێڵێکی تایبەت پێشکەش کرا بە ناونیشانی “پوختەی گرنگترین ئەو بابەتانەی لە خولەکەدا دەوترێتەوە”.
پانێڵەکە لە لایەن کۆمەڵێک دادەوەری ناسراو و مامۆستایانی شارەزای خولەکەوە پێشکەش کرا، کە جەخت لەسەر باشترین شێوازەکانی کاری پارێزەری کرایەوە.
ئەم خولە هەنگاوێکی گرنگە بۆ پێشخستنی کوالیتی خزمەتگوزاریە یاساییەکان ، بەتایبەتی لە بواری پارێزەری و بەرگری لە مافەکانی هاوڵاتیان.
خولەکە بە خۆڕاییە و تایبەتە بە دەرچووانی بەشی یاسا و پارێزەران و بۆ ماوەی دوو مانگ بەردەوام دەبێت.
