لە زانكۆی جیهان – سلێمانی لە مەراسیمێکی شایستەدا، بڕوانامە بەخشرایە مامۆستایانی بەشداربوی چوارەم خولی پێداگۆجی، کە تێیدا (٨٥) مامۆستای وەزارەتی پەروەردە تێیدا بەشداربوون.
خولەكە بە هەماهەنگی لە نێوان دەستەی ئەمیندارانی زانكۆكانی جیهان و وەزارەتی پەروەردەی حكومەتی هەرێمی كوردستان ڕێكخرابوو، وەئامانجی ئەم خولە، ڕاهێنانی مامۆستایان بوو لەسەر نوێترین شێوازەكانی وانەووتنەوە (پێداگۆجی) و ئامادەكردنیان بۆ گواستنەوەی تواناكانیان بۆ خوێندنگە جیاوازەكان.
لەمەراسیمەکدا بەڕێزان پ. د. ئومید روفیق فتاح، سەرۆکی زانکۆ و پ. ی. د.سادات عەبدللە عزیز، یاریدەدەری سەرۆکی زانکۆ بۆ کاروباری زانستی و خوێندنی باڵا، بەڕێوەبەر گشتی پەروەردەی سلێمانی، بەڕێوەبەری بەڕێوەبەرایەتی مەشق وڕاهێان، وە بەڕێوەبەری پەروەردەی ڕۆژهەڵات ئامادەبوون، لە کۆتاییدا سوپاس وڕێزلێنان بە مامۆستایانی خولەکە و بڕوانامەی بەشداریکردن بەسەر مامۆستایانی بەشداربوو دابەشکرا.

قائیمقامیەتی قەزای مەڵبەندی سلێمانی میوانداریی زانکۆی جیهان-سلێمانی کرد. لە دانیشتنەکەدا کە هەریەك لە بەڕێز سەرۆکی زانکۆی جیهان-سلێمانی پ.د ئومێد رفیق فتاح و بەڕێز قائیمقامی سلێمانی ئاوات محمد غفور و ئەندامانی لیژنەی باڵای قائیمقامیەتی تێیدا ئامادەبوون، باسی هەنگاوە ئایندەییەکان کرا بۆ بە سیستەمیکردنی کار و چالاکییەکانی قائیمقامیەتی قەزای مەڵبەندی سلێمانی.
پێشتر و لەبەر ڕۆشنایی یادداشتێکی لێکتێگەیشتی نێوان زانکۆکە و قائیمقامیەتی قەزای مەڵبەندی سلێمانی، زانکۆی جیهان-سلێمانی پۆرتاڵی تایبەت و چەندین ئامێر و سێرڤەری بۆ قایمقامیەت دابین کرد. دابینکارییەکانی زانکۆی جیهان- سلێمانی، کاری لێژنە هاوبەشەکانی قایمقامیەت کە ٤٧ لیژنەن تەواو ئاسان دەکات وهەنگاوێکی گرنگە بۆ کۆکردنەوەی زانیاری و بە دیجیتاڵکردنی داتاکان.
لە لای خۆیەوە بەڕێز سەرۆکی زانکۆی جیهان-سلێمانی ئامادەیی تەواوی زانکۆی بۆ پاڵپشتیکردنی قائیمقامیەتی قەزای مەڵبەندی سلێمانی لە ئێستا و داهاتوودا، بە شێوازێك کە ئەرکی سەرشانی لیژنەکان سووکتر بکات و بتوانن خزمەتی زیاتر بە هاووڵاتیان بگەیەنن.
لە کۆتایی دانیشتنەکەدا، بەڕێز قائیمقامی سلێمانی سوپاسی بێ پایانی زانکۆی جیهان-سلێمانی کرد و خەڵاتی ڕێزلێنان بەخشرایە بەڕێز سەرۆکی زانکۆ و بەڕێز پ.ی.د. نزار عبدالقادر علی لە پای ماندووبوونیان لە دروستکردنی پۆرتاڵی قائیمقامیەت و بە دواداچوون وهەماهەنگیی لەگەڵ تیمە پسپۆڕەکانی قائیمقامیەت، کارێك کە دەچێتە خزمەتی شاری سلێمانی و سەرجەم دانیشتوانی شارەکە.

بەڕێز پ.د. کریم شەریف قەرەجەتانی سیمینارێک بە خوێندکارانی قۆناغی یەکەم لە پةیمانگای تەکنیکی و پیشەیی زانکۆی جیهان پێشکەش کرد بە ناونیشانی «چۆنیەتی خۆگونجاندن لەگەڵ ژینگەی زانکۆ و پێداویستیەکانی ئەم قۆناغەی نوێ». لەو سیمینارەدا، ووتی سەبارەت بە هۆکارە یارمەتیدەرەکان بۆ خۆگونجاندن لە ناو ژینگەی ئەکادیمیایەوە دوای گواستنەوە لە ژینگەی جیاواز و تەواوەتی، و ژمارەیەکی زۆر لە خوێندکاران و مامۆستایان بەشداربوون.