ل رێکەفتی 7 تەباخا 2025ێ، د چارچووڤێ چالاکیێن خۆلا پێداگۆجی یا مامۆستایێن پەروەردا پارێزگەها دهۆکێ یا هاتیە ڤەکرن ژلایێ سەنتەرێ پێداگۆجی یێ زانکویێ، سمینارەکا زانستی هاتە پێشکێشکرن ژلایێ بەرێز (پ.د.زیرڤان عبدالمحسن أسعد) سەرۆکێ زانکویێ، ل دۆر “ڕەوشەنبیریا دارایی و گرنگیا وێ بۆ ستافێ پەروەردێ”.
باس ل هژمارەکا تەوەرێن گرنگ هاتە کرن وەک بنەمایێن ڕەوشەنبیریا دارایی، و پلاندانانا دارایی یا کەسایەتی، بنەمایێن پاشکەفتکرن و وەبەرهێنانێ، هەروەسا رێڤەبرن و سەرەدەریکرن دگەل قەران، د چارچووڤێ پێشڤەبرنا هۆشیاریا دارایی و گەشەپێدانا شیانێن دارایی دناڤا ستافێ مامۆستایێن پەروەردێ دا.
ئارمانجا ڤێ چالاکیا ئەکادیمی ڤەدگەریت بۆ پەیداکرنا کاریگەریا ئەرێنی هەبیت لسەر ژیانا کەسی و پیشەیی یا مامۆستایێن پەروەردێ کو بشێن نفشەکێ هۆشیار د بارێ گەشەپێدانا دارایی دا بەرهەم بینن، و زانیاری هەبن لسەر شێوازێ سەرەدەریکرن دگەل هات و بوارێ دارایی و ئابووری دا.
