ئەمڕۆ سێشەممە ٥/١١/٢٠٢٤، دەزگای زەکاتی زانست بە هاوبەشی لەگەڵ بەشی یاسای زانکۆی جیهان سلێمانی، پانێڵێکیان ڕێکخست، لە ژێر ناونیشانی “مامەڵەکردن بە دراوە دیجیتاڵیەکان و مەترسییەکانی لە سەر داهاتی تاك و کۆمەڵ، لە رووی شەرعی و یاسایی و ئابورییەوە” بۆ هەر یەک لەم پانێڵیستە بەڕێزانە: بەڕێز د. أبو بكر محمد أمين پێجوێنی ڕاوێژ کاری شەرعی وئابوری، وبەرێز پ. د. خالید حەیدەر پسپۆر لە ژیگەی ئابوری، وبەڕێز دادوەر بیشوان طاهر دادوەری دادگای لێکۆڵینەوەی ئاسایشی سلێمانی. و م.د. زانا رسول بەڕێوەبەری پانێڵەکە بوو. لەم پانێڵەدا سەرەتا، پانێڵیستی یەکەم بەڕێز د. أبو بكر پێنجوێنی لایەنە شەرعییەکانی بەکارهێنانی ئەم دراوانەی بۆ بەشداربوون روونکردەوە. پاشان بەڕێز پ. د. خالێد حەیدەر رەهەندە ئابوورییەکانی بەکارهێنانی ئەم جۆرە دراوانەی بە وردی بۆ ئامادەبوان باسکرد، پاشان بەڕێز دادوەر بیشوان طاهر چۆنیەتی مامەڵەی کرداریی یاسایی لە دادگاکاندا لە گەڵ ئەو کەیسانەی کە پێوەندیدارن بە دراوی دیجیتاڵیەوە روونکردەوە. لە کۆتاییدا، لە لایەن بەڕیز پ. د. ئومێد رفيق فتاح، سەرۆکی زانکۆی جیهان سلێمانی سوپاس و پێزانینی زانکۆی پێشکەش بە پانێلیستە بەڕێزەکان کرد. شایانی باشە ژمارەیەک کەناڵی میدیایی ئەم چالاکیە زانستیە گرنگەیان ڕوماڵ کرد.
