ل دويف راسپاردێن بەردەوام یێن بەرێز (پ.د. زیرڤان عبدالمحسن أسعد) سەرۆکێ زانکویا جیهان-دهۆک، و د چارچۆڤێ بەرنامێ هۆشیاری و گەشەپێدانێ یێ دەزگایێ زەکاتا زانستی بۆ خزمەتکرنا جڤاکی، بەشێ زانستێن کۆمپیوتەری ب سەرکەفتیانا خۆلا راهێنانێ یا تایبەتمەند ژ ژێر ناڤونیشانێن “(گەشەپێدانا شارەزاییێن پرۆگرامسازى و ژیرییا دەستکرد – AI)” ب دوماهی ئینا.

خۆل بۆ ماوێ چوار رۆژان (ژ 17 تا 23 تەباخا 2026) یا بەردەوام بوو، تێدا بابەتێن گرنگ یێن گرێدای پرۆگرامسازیا پایتۆن، گەشەپێدانا وێبێ، و بکارئینانا تەکنۆلۆژیایا زیرەکیا دەستکرد د تۆڕێن کۆمپیوتەری و سیرڤەران دا هاتنە پێشکەشکرن.

رێورەسمێن ب دوماهیک ئینانا خۆلێ ل رۆژا ئێکشەمبی رێکەفتی 23-08-2026 ب ئامادەبوونا پشکداران هاتنە ئەنجامدان، و ل دوماهیێ باوەرنامێن ڕێزلێنانێ و پشکداریکرنێ لسەر مامۆستایێن خۆلێ و پشکداربوویان هاتنە بەلاڤکرن.

ل ڕێکەفتی 27/6/2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، سمینارەک ژ لایێ بەڕێز (پ.د. اسماعیل ابابکر)، شارەزا د یاسایا بارێ کەسی دا، ل دۆر “شاشیێن بەربەلاف دناڤا جڤاکى دا (کێشە، ئەگەر، چارەسەرى)” هاتە پێشکێشکرن.

📌 تەوەرێن سەرەکی یێن سمینارێ:
🔹 دیارکرنا کێشە و شاشیێن بەربەلاف دناڤا جڤاکی دا.
🔹 شلوڤەکرنا ئەگەرێن سەرهەلدانا ئەڤان دیاردان ژ دیتنەکا یاسایی و جڤاکی.
🔹 پێشکێشکرنا چارەسەریێن گونجای بۆ ئاڤاکرنا جڤاکەکێ ساخلەم.

له‌ ڕێكه‌وتی(10/9/2026) وبه‌ دروشمی زه‌كاتی زانست ئه‌ركمانه‌، ده‌زگای زه‌كاتی زانست به‌ هه‌ماهه‌نگی په‌یمانكای جیهان هه‌ولێر، هه‌ستا به‌ڕێكخستنی سیمیناریك بۆ پرۆفیسۆر دكتور (كریم شه‌ریف قه‌ره‌چه‌تانی) له‌ ژێر ناونیشانی( دروستكردنی په‌یوه‌ندی په‌روه‌رده‌ی هاوچه‌رخ له‌ نێوان مامۆستا وفێرخوازدا) له‌ هوڵی په‌یمانگای جیهان بۆ مامۆستایان وفێرخوازانی په‌یمانگه‌، به‌ ئاماده‌بونی به‌رێز(د.علی كریم الزامن) به‌ڕێوه‌به‌ری كاگێڕی ده‌زگای زه‌كاتی زانست ،وبه‌رێز(م.هیوا محمد) به‌ڕێوه‌به‌ری په‌یمانگای جیهان، كه‌ تێیدا به‌ڕێزیان باسیان له‌ رۆڵی مامۆستا كرد وچۆنیه‌تی مامڵه‌ كردن له‌ گه‌ڵ فێرخوازاندا، وله‌ كۆتایی سیمیناره‌كه‌دا ده‌رگای پرسیار وه‌ڵام بۆ ئاماده‌بووان كرایه‌وه‌.