ل دویف راسپاردێن بەرێز (پ.د. زیرڤان عبدالمحسن أسعد) سەرۆکێ زانکۆیا جیهان-دهۆک، و ب مەرەما خزمەتکرنا تەخ و چینێن جودا یێن جڤاکی، د چارچۆڤێ بەردەوامیا پڕۆژێن خزمەتگوزاری یێن زانکۆیێ دا و د بن سێبەرا پڕۆژێ دەزگەهێ (زەکاتا زانستی)، ب هەماهەنگی دگەل ناڤەندا وەرزش و لاوێن سێمێل، خۆلەکا تایبەت و بێبەرامبەر ل ژێر ناڤ و نیشانێن “چەوانیا فێربوونا زمانێ‌ ئینگلیزیێ و کاریگەریا زمانێ ئینگلیزیێ لسەر کار و گەشەپێدانا گەنجان” هاتبۆ ڤەکرن.

پشتی هەفتەیەکێ ژ بەردەوامبوونێ، ل رۆژا ئێکشەمبی رێکەفتی 19/7/2026، مەڕاسمێن ب دوماهی هاتنا خۆلێ هاتنە گێران. و ژ لایێ کو ژلایێ ماموستایێ پسپۆر د بەشێ زمانێ ئینگلیزی دا، مامۆستا (م. حسام نزار) د هاتە پێشکێشکرن. ئارمانج ژێ بهێزکرنا شیانێن گەنگەشێ، و بکارئینانا تەکنۆلۆژیایێن نوی بۆ فێربوونێ، و بەرهەڤکرنا گەنجان بوو بۆ بازارێ کاری.

پاشان باوەرنامێن پشکداربوونێ بسەر پشکداربوویان دا هاتنە بەلافکرن وەک رێزلێنانەک بۆ پێگیربوون و سەرکەفتنا وان د ڤێ خۆلێ دا.

ل سەر بنەمایێ ئیمزاکرنا رێککەفتننامەیەکا لێکگەهشتنێ د ناڤبەرا دەزگایێ زەکاتا زانستی ل زانکۆیا جیهان-دهۆک و قایمقامیا قەزا سێمێلێ، ل ڕێکەفتی 29/6/2026 خولەکا مەشق و راهێنانێ یا تایبەت ب پەرەپێدانا شیان و شارەزاییان د بیاڤێ کۆمپیوتەری دا بۆ هژمارەکا ئافرەت، قوتابی و دەرچوویان هاتە ڤەکرن ب هەماهنگی دگەل ناڤەندا وەرزش و لاوان یا سێمێلێ و ئێکەتیا ئافرەتێن کوردستانێ – سێمێل.

ئەڤ خولە ژ لایێ مامۆستایێن بسپۆر ب زانستێن کۆمپیوتەری (م. شيماء اسماعيل) و (م. دوزدار مهدي)، د هێتە پێشکێشکرن و دێ بۆ ماوێ (دوو حەفتیان) یا بەردەوام بیت.

ئارمانج ژ ڤێ خولێ پێشڤەبرنا لایەنێ کرداری و پراکتیکی یە بۆ بەشداربوویان د ڤان تەوەرێن سەرەکی دا:

Microsoft Word: بۆ دروستکرن و رێکخستنا نڤیسین و دۆکیۆمێنتان

Microsoft Excel: بۆ مامەلەکرن دگەل داتایان، هژمار و شیکاریا ئاماری.

Microsoft PowerPoint: بۆ دروستکرنا نمایشێن پێشکێشکرنێ یێن پیشەیی و پێشکەفتی

لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی یەکشەممە (٥/٧)، خولێکی بەهێزکردنی ئاستی زانستی بۆ (یاریدەدەرانی بێهۆشکاری) لە زانکۆی جیهان-سلێمانی دەستی پێکرد. خولەکە لەلایەن دەزگای زەکاتی زانستەوە بە هاوبەشی لەگەڵ بەشەکانی سڕکردن و یاسای زانکۆ، وە بە هەماهەنگی لەگەڵ بەڕێوەبەرایەتی تەندروستی سلێمانی ڕێکخراوە.

لە سەرەتای مەراسیمەکەدا، بەڕێز د. سەرخێڵ، جێگری بەڕێوەبەری تەندروستی سلێمانی، وتەی بەڕێوەبەرایەتییەکەیانی پێشکەش کرد و تێیدا سوپاسی زانکۆی جیهانی کرد بۆ پشتگیری بەردەوامیان لەم جۆرە خولانە. دواتر پ.ی.د. سادات عبداللە عزیز، یاریدەدەری سەرۆکی زانکۆ، وتەی سەرۆکایەتی زانکۆی پێشکەش بە ئامادەبووان کرد.

شایانی باسە هەریەکە لە پ.ی.د. نوری حەمەسەعید (بەڕێوەبەری دەزگای زەکاتی زانست)، د. ئەڤین ساڵح (سەرۆکی بەشی سڕکردن)، م. هێمن ڕەشید (بەڕێوەبەری دڵنیایی جۆری زانکۆ)، و کاک کەمال (بەڕێوەبەری هۆبەی بێهۆشکاری لە بەڕێوەبەرایەتی تەندروستی سلێمانی) ئامادەی مەراسیمی دەستپێکردنی خولەکە بوون.

ماوە و پێشکەشکارانی خولەکە:
ئەم خولە بۆ ماوەی ٢ هەفتە (لە ٥ تا ١٥ / ٧) بەردەوام دەبێت و لە کۆتاییدا بڕوانامەی بەشداربوون بەسەر بەشداربوواندا دابەش دەکرێت. وانەکانی خولەکە لەلایەن کۆمەڵێک مامۆستا و پزیشکی پسپۆڕەوە دەوترێنەوە، کە پێکهاتوون لە:

پ.د. زانا ڕەفیق سەعید (پسپۆڕی یاسای تاوانکاری)
پ.ی.د. نیاز مستەفا کەمال (تەندروستی کۆمەڵ)
د. ئازاد جەلال عەلی (پزیشکی پسپۆڕی بێهۆشکاری)
د. هێمن محەمەد غەریب (پزیشکی گشتی)
د. ڕۆژیار پێشڕو کەمال (پزیشکی پسپۆڕی بێهۆشکاری)