لژێر چاڤدیریا زور بەرێز (دکتور زێرەڤان عبدالمحسن اسعد) سەروکێ زانکویا جیهان-دهوک، ماموستا و قوتابیێن زانکویێ ب هەماهەنگی دگەل رێکخراوا گەژبین یا ساخلەمیێ بەژداربوون د چالاکیەکا ساخلەمی دا بو خزمەتکرنا کومەلگەهێ.
ڤیستەڤال ل دهوک مول هاتیە ئەنجامدان ل شەڤێن سەرێ سالێ ژ ١٥ کانونا ئێکێ هەتا ٣٠ کانونا ئێکێ، ژ دەمژمێر ٤:٠٠ ئێڤاری هەتا ١١:٠٠ شەڤ ب رێڤەچوو. ب مەبەستا بلندکرنا ئاستێ رەوشەنبیریا ساخلەمیێ دناڤ کەمەلگەهێ دا و هاندان بو ڤەدیتنا پێشوەخت یا نەخوشیان. ئارمانجا ڤیستەڤالێ خەلکێ گشتی بوو و هەولا هندێ هات دان خزمەتگەزاریێن ساخلەمی یێن دەستپێکی ب ساناهیتر بکەت د ژینگەها کومەلایەتی دا.
ل ماوێ ڤیستەڤالێ دا کومەکا خزمەتگوزاریێن پزیشکی و ساخلەمی هاتنە پێشكێشکرن، وەکی پیڤانا فشارا خوینێ،پیڤانا شەکرا خوینێ، پشکنینا گشتی یا خوینێ و دگەل چالاکیێن پالپشتیا دەروونی و بلندکرنا ساخلەمیا دەروونی هاتنە جێبەجێکرن، و پشتەڤانیا ساخلەمیا دەروونی بەشەکێ گرنگ بوو ژ ڤیستەڤالێ چونکی بەشەکێ گرنگە د ساخلەمیا گشتی دا.
ئەڤ چالاکیە ب هەڤبەشیا کاریگەر دناڤبەرا رێکخراوا گەژبین یا ساخلەمیێ ب هەماهەنگی دگەل قوتابیێن زانکویا جیهان-دهوک ب شێوەیەکێ مەزن سەرکەفتی بوو، تێدا دەرفەتا ئەنجامدانا کارێ پراکتیکی و کرداری بو وان هاتە رخساندن. هەروەسا بنەمایێن بەرپرسایەتیا کومەلایەتی و هاریکاریکرن دناڤبەرا بواراندا، و بەژداریکرنا کومەلایەتی و کارێ خوبەخشی بهێز کرن. و بەژدارکرنا قوتابیان کاریگەریەکا مەزن هەبوو د سەرکەفتنا چالاکیێ بخو ژی دگەل پێشکێشکرنا خزمەتگوزاریان.

ل رێكه‌فتى (13/1/2026) ب ئاماده‌بوونا به‌رێز (پ.د.زیرڤان عبدالمحسن أسعد) سه‌رۆكێ زانكویێ جیهان-دهۆك، خۆله‌كا گه‌شه‌پێدانا مرۆڤى و هۆشیاریێ بۆ ماموستایێن كۆلیژ و به‌شێن زانستى ڤه‌كر، كو دێ ژلایێ هژماره‌كا مامۆستا و پسپۆرێن ده‌روونى، ساخله‌مى، زمان، ئامرازێن فێركرنا نوى، هێنه‌ پێشكێشكرن، ب ڤى شێوه‌ى:

ل رۆژا ئێكێ:
ـ پ.د.صابر عبدالله مامۆستایێ به‌شێ په‌روه‌ردا گشتى، ل دۆر رۆلێ زانایێن ده‌روونى د پێشڤه‌برنا جڤاكاندا.
ـ د.لطیف محمد، ماموستایێ به‌شێ سركردنێ، ل دۆر ره‌وشه‌نبیریا ساخله‌مى و رۆلێ د پشته‌ڤانیكرنا خۆپاراستنێ دا.

خۆل بۆ ماوێ 2 رۆژان دێ یا به‌رده‌وام بیت و چه‌ندین بابه‌تێن سوباهى دێ هێنه‌ شرۆڤه‌كرن و گه‌نگه‌شه‌كرن.

ل رۆژا دووێ:
ـ پ.هـ.د. أحمد عبدالكریم، مامۆستایێ به‌شێ په‌روه‌ردا گشتى، ل دۆر زیرەکیا دەستکرد و پرۆسا فێرکرن و دەرئەنجامێن وێ.
ـ پ.هـ.د. بالا جاندران، ماموستایێ به‌شێ په‌روه‌ردا گشتى، ل دۆر رۆلێ زمانێ ئنگلیزى د جیهانگیرى و لێكگۆهارتنا زانیاریاندا.

ل ڕێکەفتی 15 ی هەیڤا 12 ڕۆژا دووشەمب، ب ڕاسپاردەیا سەرۆکێ زانکویێ زۆر بەڕێز و دەستپێشخەریا ئەکادیمیا جیهان- دهۆک. زانکویا جیهان-دهۆک ب بەژداریا ماموستایێ زانکویێ بەشێ پەروەردا گشتی(د.احمد عبدالکریم شعبان) و “شیان مهدی” بەرپرسێ ئەکادیمیا جیهان-دهۆک و کومەکا ستاف و قوتابیێن زانکویا جیهان بەژداری گەڕا 12ێ ژ فلمە ڤەستیڤالا دهۆک یا نێڤدەولەتی بوون، کو ئەوژی پانێلەکێ تایبەت ل دۆر ( Spanish Cinema:History, and Challenges) هاتە بڕێڤەبرن. ب مێهڤانداریا هەر چوار سینەماکارێن ئیسپانی( Séverine Sajous ,Ander Iriarte Alvarez, Ruth Armas and Estefanía Cortés ). ژ هەژیە بێژین ئەڤە بۆ دەمێ چەندین سالایە زانکویا جیهان-دهۆک ب ماموستا، ستاف و قوتابیێن خوە ڤە بەژداریەکا کاریگەر د پرۆگرامێ فلمە ڤەستیڤالێدا دکەت و هەول بۆ باشتر ب ڕێڤەچوون و پێشکەفتنا وێ دا دکەت.