روژا دو شەمبی رێکەفتی ١٩-٥-٢٠٢٥ ب ئامادەبوونا سەروکی زانکویا جيهان – دهوک (پ. د. زيرڤان عبدالمحسن أسعد) و پشکداريا لایەنێن میری و حیزبی و نوینەرێن رێکخراوێن جڤاکێ مەدەنی و ماموستا و قوتابیان، پەنەلەکێ زانستی هاتە گێران ل ژێر ناڤونیشانێن (هەلبژارتنێن پەرلەمانێ ئیراقێ دناڤبەرا بهێزکرنا سیستەمێ فیدرالی و کویرکرنا قەیرانێن سیاسی) ژلایێ کولیژا یاسا ل زانکویا جیهان – دهوک ب هەفکاری دگەل سەنتەرێ ڤەکولینێن یاسایی و رامیاری ل کولیژا یاسا – زانکویا دهوک. ل دەستپێکێ پەیڤا بخێرهاتنێ هاتە پێشکێشکرن ژلایێ راگرێ کولیژا یاسا ل زانکویا جیهان دهوک بەرێز پ.هـ. د رێبر حسێن، و پاشان پەیڤەک ل دور چالاکیێ هاتە پێشکێشکرن ژلایێ راگرا کولیژا یاسا ل زانکویا دهوک بەرێز پ.د افین خالد عبدالرحمن، چالاکیێ چوار پەنەلێن سەرەکی بخوڤەگرتن کو هاتە ب رێڤەبەرن ژلایێ بەرێز د. دژوار احمد. • پەنەلێ ئێکێ هاتە پێشکێشکرن ژلایێ رێڤەبەرێ سەنتەرێ ڤەکولینێن یاسایی و رامیاری ل کولیژا یاسا – زانکویا دهوک بەرێز پ.هـ. د رینجبر جمیل شێخو ل دور بنیاتێ فەلسەفی یێ پروسێسا هەلبژارتنان. • پەنەلێ دوویێ هاتە پێشکێشکرن ژلایێ بەرپرسێ بەشێ هەلبژارتنان ل مەکتەبا رێکخستنا پارتی دیموکراتی کوردستان – پارێزگەها دهوک بەرێز ماموستا خالد احمد ل دور میکانیزمێن دەستنیشانکرنا کاندیدان. • پەنەلێ سێیێ هاتە پێشکێشکرن ژلایێ ئەندامێ پێشوو یێ پەرلەمانێ ئیراقێ بەرێز د. رێناس جانو ل دور رەوشەنبیریا سیاسی و کارتێکرنا وێ لسەر پروسێسا دەنگدانێ. • پەنەلێ چوارێ و دوماهیکێ هاتە پێشکێشکرن ژلایێ ئەندامێ پەرلەمانێ ئیراقێ بەرێز د. جمال کوچر ل دور ڤەرێژا پروسێسا هەلبژارتنان لسەر رول و شیانێن نونەران. و ل دوماهیکێ دەرگەهێ دان وستاندنێ هاتە ڤەکرن دناڤبەرا پەنالیست و ئامادەبوویان.
