د چارچووڤێ چالاكیێن به‌رده‌وام، ده‌زگایێ زه‌كاتا زانستى ل رێكه‌فتى (15/6/2025) خۆله‌كا راهێنانێ یا گه‌شه‌پێدانا مرۆڤى بۆ فه‌رمانبه‌رێن زانكویا جیهان-دهۆك ڤه‌كر، ل دویف راسپاردێن به‌رێز (پ.د.زیرڤان عبدالمحسن أسعد) سه‌رۆكێ زانكویێ و سه‌رپه‌رشتێ گشتى یێ لقێ ده‌زگایێ زه‌كاتا زانستى ل پارێزگه‌ها دهۆكێ.
ل رۆژا ئێكێ ژ خۆلا ناڤبرى هژماره‌كا بابه‌تان ژلایێ ماموستایێن پسپۆر هاتنه پێشكێشكرن:
ـ پراكتیزه‌كرنا زمانێ ئنگلیزى دگه‌ل د.بالا چاندران، ماموستایێ به‌شێ په‌روه‌ردا گشتى.
ـ شێوازێ سه‌ره‌ده‌ریكرن دگه‌ل ده‌وروبه‌ران، ژلایێ به‌رێز (پ.د.صابر عبدالله) رێڤه‌به‌رێ سه‌نته‌رێ راوێژكاریا ده‌روونى و په‌روه‌رده‌یى.
ـ ژ نیشانێن رۆژانه به‌ره‌ف ده‌ستنیشانكرنا پێشوه‌خت: رۆلێ پشكنینان د پاراستنا ساخله‌میێ دا، ژلایێ خانم (د.كاژین حسن جاسم) راوێژكارا كۆلیژ و به‌شێن پزشكى و ته‌ندرۆستى.
خۆل بۆ ماوێ 3 رۆژان دێ یا به‌رده‌وام بیت، و چه‌ندین بابه‌ت و ته‌وه‌رێن گرنگ دێ هێنه شرۆڤه‌كرن و گه‌نگه‌شكرن، ل دۆر هۆشیارى و ره‌وشه‌نبیرى و گه‌شه‌پێدانا پیشه‌یى یا پشكداران.
