دەزگایێ زەکاتا زانستى سیمینارەکا هۆشیاریێ بۆ قوتابیێن ئامادەییا ئەیلول یا کچان رێکخست

ل ڕێکەفتی (2/11/2026)، د چارچۆڤێ بەرنامێ دەزگەهێ زەکاتا زانستی ل زانکۆیا جیهان-دهۆک و ب مەرەما ڕێنماییکرنا قوتابیان بۆ ب دەستڤەئینانا سەرکەفتنەکا زانستى یا بەرچاڤ، سیمینارەک هاتە پێشکێشکرن دەربارەی “شێوازێ درۆست یێ خواندنێ و ڕێکێن ب دەستڤەئینانا نمرێن بلند” ژلایێ قوتابی (ریاض فەرزو) ژ بەشێ پەروەردا گشتی – پشکا دەروونناسی، بۆ قوتابیێن ئامادەییا ئەیلول یا کچان.

ئەڤ بابەتە گرنگیەکا مەزن و چارەنووسساز بۆ قوتابیێن قۆناغا ئامادەیی هەیە، چونکە هۆشیارکرنا وان د بوارێ دەروونناسییا خواندنێ دا، ڕێکخستنا دەمی، و نەهێلانا فشارێن دەروونی، ڕۆلەکێ سەرەکی دبینیت د گهۆڕینا تێگەهشتنا واندا بۆ خواندنێ و بلندکرنا ئاستێ وان یێ زانستی، دا کو بشێن ب باوەرى بخۆبوونەکا تمام نمرێن بلند ب دەست ڤە بینن و بگەهنە حەز و ئارمانجێن خۆ یێن زانستى و پاشەرۆژێ.

خۆبەخشەکان

هیچ خۆبەخشێک بۆ ئەم چاڵاكییە زیاد نەکراوە.

چارچۆڤێ بەرنامێ دەزگەهێ زەکاتا زانستی ل زانکۆیا جیهان-دهۆک و بەهێزکرنا لایەنێ پراکتیکی، قوتابییێن به‌شێ پەروەردا گشتی – پشكادەروونناسی ل ڕۆژا (8/11/2026) ب سەرپەرشتیا مامۆستا (سناء كريم مصطفى) سەردانا سه‌نته‌ري ناز يێ ئۆتيزمێ کر.

ئارمانج ژ سەره‌دانێ:

• ناساندن بۆ قوتابییان بەرنامەیێن ڕاهێنانا زارۆکێن ئۆتیزمێ

• تێگەهشتن ژ پێدڤییێن وان یێن دەروونی و ڕەفتاری

• ب دەستڤەئینانا ئەزموونا پراکتیکی د سه‌ره‌ده‌ريكرنێ دا

ل رێکەفتی ٢٠٢٦/١١/١١، د چوارچووڤێ چالاکیێن خۆ یێن هشیارکرن و رەوشەنبیریدا، دەزگەهێ زەکاتا زانستی ب هەماهەنگی ل گەل کۆمسیۆنا بلند یا سەربەخۆ یا هەلبژارتنان / نڤیسینگەها دهۆکێ، سمینارەکا تایبەت بۆ قوتابیێن بەشێ یاسا ل زانکۆیا جیهان-دهۆک رێکخست.

د ڤێ سمینارێ دا، کو ژ لایێ نوێنەرێن بسپۆر یێن کۆمسیۆنێ ڤە هاتە پێشکێشکرن، تیشک هاتە ئێخستنە سەر چەندین تەوەرێن گرنگ یێن یاسایی و سیاسی، ژ وان ژی: یاسایا هەلبژارتنان، یاسایا پارتێن سیاسی، و میکانیزمێن پاراستنا پرۆسەیا دیموکراسیێ. هەروەسا ب هویرى شرۆڤەکرن و گەنگەشە ل سەر مەترسی و کارتێکرنێن بەرنامە و هزرێن توندڕەو هاتە کرن، ب تایبەتی ئەو هزرێن کو پەنایێ دبنە بەر توندوتیژیێ، رەتکرنا یێن بەرامبەر و بنپێکرنا ئازادیا بیرۆباوەران، ژ وان ژی نموونەیا پارتا بەعسا عیراقی یا رۆخیایی.

کۆلیژا دەرمانسازی ل زانکۆیا جیهان-دهۆک د بەردەوامە ل سەر پێشکێشکرنا خولا خۆ یا زانستی ل ژێر ناڤ و نیشانێن “هۆشیاریا دەرمانی و ساخلەمیا جڤاکی”، وانەکا دی یا بها ژلایێ (د. دریا سالح حسێن) ڤە هاتە پێشکێشکرن ب مەرەما بلندکرنا ئاستێ هۆشیاریا ساخلەمی و زانستی د ناڤبەرا قوتابیان دا، و بهێزکرنا شیانێن وان یێن پزیشکی و پەرەپێدانا لایەنێ وان یێ کارەکى (پراکتیکی).