بۆ پاراستنی سیمای سروشتی و پاکوخاوێنی ناوچە گەشتیارییەکانی هەرێمی کوردستان، سەرۆکایەتی بەشی کارگێڕی کار لە زانکۆی جیهان-هەولێر، ڕۆژی شەممە ڕێکەوتی (٢/٤/٢٠٢٦)، هەڵمەتێکی مەیدانیی بۆ پاککردنەوەی پاشماوە زیانبەخشەکان لە دەوروبەری ناوچەی شێخ توراب ئەنجامدا.
ئەم چالاکییە بە سەرپەرشتی پرۆفیسۆری یاریدەدەر دکتۆر هاوکار قاسم پیرداود سەرۆک بەشی کارگێری کار و بە بەشداریی کارای مامۆستایان و گروپێک لە فێرخوازانی قۆناغە جیاوازەکانی بەشی کارگێڕی کار بەڕێوەچوو، لە دەسپێکی هەڵمەتەکەدا، کەرەستەی پێویست وەک دەستکێش و کیسی زبڵ و کەلوپەلی پاراستن بەسەر فێرخوازاندا دابەش کرا، دواتر فێرخوازان بە گڕوتینێکی زۆرەوە دەستیان بە پاککردنەوەی ناوچە گەشتیارییەکە کرد، کە ساڵانە ژمارەیەکى زۆرى گەشتیار ڕووی تێ دەکەن، بەڵام بەهۆی پاشماوەی گەشتیارییەوە دوچارى پیسبوونی ژینگەیی ببوو، هەربۆیە فێرخوازانی زانکۆی جیهان-هەولێر توانییان لە ماوەیەکی کورتدا ڕووبەرێکی فراوان لە دەوروبەری ناوچەکە لە پاشماوە پلاستیکی و زیانبەخشەکان پاک بکەنەوە.
مامۆستا و فێرخوازانی بەشداربوو لە کۆتایی هەڵمەتەکەدا جەختیان لەسەر گرنگیی بەردەوامیی ئەم جۆرە دەستپێشخەرییانە کردەوە، چونکە نەک هەر دەبێتە هۆی پاراستنی ژینگەی کوردستان، بەڵکو گیانی کارکردنی بەکۆمەڵ و بەرپرسیارێتی مەدەنی لای نەوەی نوێ بەهێز دەکات.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی 2026/2/25، پ.د. کریم شەریف قەرەچەتانی بەڕێوەبەری سەنتەری راوێژکاری دەروونی و کۆمەڵایەتی زانکۆی جیهان ـسلێمانی، سیمینارێکی پەروەردەیی دەربارەی چۆنێتی سەعیکردن و خۆ ئامادەکردن بۆ تاقیکردنەوەو زاڵبوون بەسەر ترس و دڵەڕاوکێی تاقیکردنەوەدا پێشکەش بەقوتابخانەی (لەیلا زانای بنەڕەتی)ی کچان کرد.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، ڕۆژی ٣ شەممە ٢٨/٠٤/٢٠٢٦, خوێندکارانی قۆناغی سێیەمی بەشی پەروەردەی گشتی چەندین پەرتووکی کورتە چیرۆکی منداڵانیان وەرگێڕایە سەر زمەنەکانەکانی کوردی و عەرەبی. ئەم پەرتووکانە لە کتێبخانەی کوردیدا بەردەست نین و بۆ یەکەمین جار لە ووڵاتی بەریتانیاوە هێندراونەتە کوردستان. لە م چالاکییەدا کە بەسەرپەرشتی م.ی تافان کەمال کەریم ئەنجامدرابوو، خویندکارەکانی بەشی پەروەردەی گشتی ئەرکی دیزاین وچاپی تایبەت بە چیرۆکەکانیان گرتە ئەستۆ و لە دانیشتنێکدا چیرۆکەکانیان بۆ خوێندکارانی قۆناغی دووەم و سێیەمی قوتابخانەی جیهان خوێندەوە و کۆپییەکی ڕەنگاوڕەنگیان کردە دیاری بۆ هەریەکەیان.
ئەم چالاکییە دەستپێشخەرییەکی ناوازەی خوێندکارانی بەشی پەروەردەی گشتییە کە وانەی گرنگ و جۆش و خرۆشی بۆ منداڵان هێناو ئەزموونی پراکتیکی خوێندکارانمانی بەهێزترکرد.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، لە ڕێکەوتی ٢٢ی شوباتی ٢٠٢٦، سەنتەری پەرەپێدانی پیشەیی (CDC) بە هاوکاریی بەشی زانستی کۆمپیوتەر، وۆرکشۆپێکی هاوبەشیان لەژێر ناونیشانی “هۆشیاریی ئاسایشی ئەلیکترۆنی” بە سەرکەوتوویی بەڕێوەبرد. ئامانجی ئەم چالاکییە، بەرزکردنەوەی ئاستی تێگەیشتنی خوێندکاران بوو دەربارەی ئاستەنگەکانی ئاسایشی دیجیتاڵی و پێشخستنی ممارەسە سەلامەتەکان لە جیهانی ئۆنلایندا.
وۆرکشۆپەکە لەلایەن هەر یەک لە بەڕێزان: م. ی. شێرکۆ حەمەلاو لە زانکۆی جیهان-سلێمانی و م. ی. سنوور جەمال لە زانکۆی پۆلیتەکنیکی سلێمانی پێشکەشکرا. ئامادەکاران تیشکیان خستە سەر هەڕەشە باوەکانی جیهانی ئەلیکترۆنی وەک: فیشینگ (Phishing)، بەرنامە زیانبەخشەکان و ئەندازیاریی کۆمەڵایەتی، هاوکات باسیان لە ستراتیژییە کردارییەکان کرد بۆ پاراستنی زانیارییەکان و بەڕێوەبردنی بەهێزی وشەی نهێنی.
یەکێک لە تایبەتمەندییە سەرەکییەکانی ئەم دانیشتنە، شێوازە کارلێککارانەکەی بوو، کە گفتوگۆی ڕاستەوخۆ، نموونەی واقیعی و چالاکیی بنەمادار بە سیناریۆی جیاوازی لەخۆگرتبوو. بەشداربووان چالاکانە لەگەڵ پێشکەشکاران ئاڵوگۆڕی بیروڕایان کرد، ئەمەش وایکرد وۆرکشۆپەکە هەم زانیاریبەخش و هەم کاریگەر بێت.
چالاکییەکە بە پێزانین بۆ پێشکەشکاران و دووپاتکردنەوەی پابەندیی بەردەوامی سەنتەری پەرەپێدانی پیشەیی (CDC) بۆ ڕێکخستنی دەستپێشخەریی زیاتر، کە هۆشیاریی ئاسایشی ئەلیکترۆنی لەنێو خوێندکاراندا بەهێزتر دەکات، کۆتایی هات.
بەبۆنەی ڕۆژی “ئاڵا”وە، ڕۆژی چوارشەممە ڕێكەوتی 17-12-2025 سەرۆكایەتیی بەشی ڕاگەیاندن لە زانكۆی جیهان-هەولێر چالاكییەكی مەیدانیی بەسەرپەرشتی مامۆستای یاریدەدەر (ئەحمەد جەمال حەمەكەریم) لەنێو بازاڕی میللیی گەڕەكی نەورۆز ئەنجام دا.
لە چالاكییەكەدا كە فێرخوازانی هەردوو قۆناغی یەكەم و دووەمی بەشی ڕاگەیاندن بەشداربوون لە دابەشكردنی ئاڵای كوردستان و بڵاوكراوەیەك بەسەر هاوڵاتییانی بازاڕی میللیی گەڕەكی نەورۆز لە شاری هەولێر. ناوەڕۆكی بڵاوكراوەكە پێكهاتبوو لە زانیاریی دەربارەی ئاڵای كوردستان و پێكهاتەكانی ناو ئاڵاكە، هەروەها باس لە مێژووی هەڵكردنی ئاڵای كوردستان كراوە بۆ یەكەمجار لەلایەن پێشەوا قازی موحەممەدەوە. هەر لەو بڵاوكراوەیەدا كە فێرخوازان دابەشیان كرد، ئاماژە بە بڕیاری ساڵی 2009ـی پەرلەمانی كوردستان دراوە كە تیایدا 17ـی كانوونی یەكەمی هەموو ساڵێكی وەك ڕۆژی ئاڵا دیارییكردووە.
لە چالاكییەكەدا، فێرخوازان ڕۆژی ئاڵایان بەرز ڕاگرت، هەروەها هاوڵاتیانیان ئاشناى مێژووی درووستبوونی ئاڵای كوردستان و ڕۆژى ئاڵا کرد.
لە ڕۆژی پێنجشەممە رێکەوتی (5/3/2026)، فێرخوازانی قۆناغی دووەم و سێیەمی بەشی کارگێری کار لە زانکۆی جیهان-هەولێر، چالاکیەکی کۆمەڵایەتیان ئەنجامدا لە بازاری قەیسەری، کە تێیدا بژمێری ویردەکانیان بەسەر سەردانکەران و خاوەن دوکانەکاندا دابەش کرد.
ئەم چالاکییە وەک ئەرکێکی ئایینی و چالاکیەکی خۆبەخشانه ئەنجامدرا بۆ پشتگیری کردن لە بەها ڕۆحییەکان و هان دان بە کۆمەڵگة بۆ ئەنجامدانی زیکر. چالاکییەكە بەسەرپەرشتی مامۆستای یاریدەدەر هێڤی محمد قادر ئەنجامدرا، کە لە کاتی چالاکییەکەدا فێرخوازان لەگەڵ هاولآتيان پەیوەندیان کرد و ڕوونکردنەوەیان دا سەبارەت بە گرنگی بەکارهێنانی بژمێری ویردەکان بۆ یارمەتیدان لە ژماردنی زیکر.
ئەم چالاکییە نیشاندەری گرنگی پێدانی زانکۆیە بەرامبەر بە بەرپرسیارێتیەکانی کۆمەڵگە وهاندانی فێرخوازانە بە بەشدارییان لە چالاکییە کۆمەڵایەتییەکانە. هەروەها بۆ فێرخوازان دەرفەتێک بوو بۆ پەرەپێدانی تواناكانی پەیوەندیکردن و کارکردنی هاوبەش لە ڕێگەی پەیوەندی ڕاستەوخۆ لەگەڵ کۆمەڵگە.
ڕۆژی پێنجشەممە ڕێکەوتی (٢٦/٢/٢٠٢٦)، فێرخوازانی قۆناغی دووەم و چوارەمی بەشی کارگێڕی کار لە زانکۆی جیهان-هەولێر، چالاکییەکی مرۆیی و کۆمەڵایەتییان بۆ دابەشکردنی ژەمی بەربانگ ئەنجامدا.
ئەم هەڵمەتە بە سەرپەرشتی مامۆستای یاریدەدەر (هێڤی محەمەد قادر) بەڕێوەچوو، لە دەسپێکی چالاکییەکەدا، فێرخوازان بە هاوکاری مامۆستاکانیان زیاتر لە (١٠٠) ژەمە خواردنی بەربانگیان بە شێوەیەکی تەندروست و ڕێکوپێک ئامادەکرد. دواتر شاندی زانکۆ ڕوویان کردە بازگەی (زورگە زراو) لە دەروازەی شاری هەولێر و دەستیان بە دابەشکردنی ژەمەکان کرد بەسەر ئەو ڕێبوار و گەشتیارانەی کە لە کاتی بەربانگدا لە ڕێگادابوون، ئەمەش کەشێکی پڕ لە هاوسۆزی و مرۆیی لە ناوچەکەدا دروست کرد.
ڕێبواران و هاوڵاتیان خۆشحاڵی و پێزانینی خۆیان بۆ ستاف و فێرخوازانی زانکۆی جیهان-هەولێر دەربڕی و ئەم جۆرە دەستپێشخەرییانەیان بە هەنگاوێکی گرنگ هەژمار کرد بۆ بەهێزکردنی پەیوەندییەکانی نێوان زانکۆ و کۆمەڵگە.
بۆ پاراستنی سیمای سروشتی و پاکوخاوێنی ناوچە گەشتیارییەکانی هەرێمی کوردستان، سەرۆکایەتی بەشی کارگێڕی کار لە زانکۆی جیهان-هەولێر، ڕۆژی دووشەممە ڕێکەوتی (١٦/٢/٢٠٢٦)، هەڵمەتێکی مەیدانیی بۆ پاککردنەوەی پاشماوە زیانبەخشەکان لە دەوروبەری ناوچەی بێخمە ئەنجامدا.
ئەم چالاکییە بە سەرپەرشتی مامۆستای یاریدەدەر (هێڤی محەمەد قادر) و بە بەشداریی کارای گروپێک لە فێرخوازانی قۆناغی دووەمی بەشی کارگێڕی کار بەڕێوەچوو، لە دەسپێکی هەڵمەتەکەدا، کەرەستەی پێویست وەک دەستکێش و کیسی زبڵ و کەلوپەلی پاراستن بەسەر فێرخوازاندا دابەش کرا، دواتر فێرخوازان بە گڕوتینێکی زۆرەوە دەستیان بە پاککردنەوەی ناوچە گەشتیارییەکە کرد، کە ساڵانە گەشتیارێکی زۆر ڕووی تێ دەکەن، بەڵام بەهۆی پاشماوەی گەشتیارییەوە تووشی پیسبوونی ژینگەیی ببوو، هەربۆیە فێرخوازانی زانکۆی جیهان-هەولێر توانییان لە ماوەیەکی کورتدا ڕووبەرێکی فراوان لە دەوروبەری ناوچەکە لە پاشماوە پلاستیکی و زیانبەخشەکان پاک بکەنەوە.
مامۆستا و فێرخوازانی بەشداربوو لە کۆتایی هەڵمەتەکەدا جەختیان لەسەر گرنگیی بەردەوامیی ئەم جۆرە دەستپێشخەرییانە کردەوە، چونکە نەک هەر دەبێتە هۆی پاراستنی ژینگەی کوردستان، بەڵکو گیانی کارکردنی بەکۆمەڵ و بەرپرسیارێتی مەدەنی لای نەوەی نوێ بەهێز دەکات.
ڕۆژی دووشەممە، ڕێکەوتی (١٦/٢/٢٠٢٦)، گروپێک لە فێرخوازانی بەشی کارگێڕی کار و سەنتەری ڕۆشنبیری لە زانکۆی جیهان-هەولێر، گەشتێکی زانستی و مەیدانییان بۆ ناوچەی بێخمە ڕێکخست.
ئەم چالاکییە بە سەرپەرشتی مامۆستای یاریدەدەر (هێڤی محەمەد قادر) بەڕێوەچوو، لە دەسپێکی گەشتەکەدا، مامۆستا (سارە حەسەن حوسێن) لە سەنتەری ڕۆشنبیری ڕوونکردنەوەیەکی زانستیی دەربارەی مێژوو و جۆرەکانی بەرد پێشکەش بە فێرخوازان کرد و ئاماژەی بەوە کرد کە تا ئێستا لە جیهاندا ناوی ٤ هەزار جۆر بەرد تۆمار کراوە، وەک (یاقووت، یەشم، زمڕوت) و چەندینی دیکە. هاوکات تیشکی خستە سەر ڕۆڵی ئەم بەردانە لە پیشەسازیی گەوهەروالا و کاریگەرییە گەورەکانیان لەسەر ژیانی مرۆڤ لە سەرەتای مێژووەوە تا ئەمڕۆ، کە وەک کەرەستەیەکی بەنرخ لە ئاڵوگۆڕی بازرگانی و جوانکاریدا بەکارهاتوون.
لە میانی گەڕانە مەیدانییەکەدا، فێرخوازان بە ڕێبەری ستافی سەرپەرشتیار دەستیان بە دۆزینەوە و کۆکردنەوەی نموونەی بەردەکانى کوردستان لە ناوچەکە کرد. لە ئەنجامی ئەم هەوڵەدا، فێرخوازان توانییان چەندین جۆری جیاوازی بەرد بدۆزنەوە، کە لە نێوانیاندا 10 جۆری بەردی بەنرخ و دەگمەن هەبوون.
ئەم ئەزموونە یارمەتیدەر بوو بۆ فێرخوازان تا لە نزیکەوە ئاشنای پێکهاتەی جیۆلۆجی کوردستان بن و زانیاریی پراکتیکی دەربارەی بەکارهێنانی ئەم بەردانە لە بوارە جیاوازەکاندا وەربگرن، کە لە داهاتوودا دەتوانن لە پڕۆژە بازرگانی و هونەرییەکاندا سوودی لێ ببینن.
بۆ چاندنی کەلتووری ڕێزگرتن و بەرزکردنەوەی ئاستی بەرپرسیارێتی مەدەنی، سەرۆکایەتی بەشی کارگێڕی کار لە زانکۆی جیهان-هەولێر، ڕۆژی چوارشەممە ڕێکەوتى (١١/٢/٢٠٢٦)، هەڵمەتێکی هۆشیاریی بەرفراوانی بۆ پاراستنی موڵکی گشتی ڕێکخست.
لە کەمپینەکەدا، فێرخوازانی قۆناغی یەکەم بە سەرپەرشتی مامۆستای یاریدەدەر (هێڤی محەمەد قادر)، سەردانی گەڕەکە جیاوازەکانی شاری هەولێریان کرد. فێرخوازان پێشتر برۆشوورێکی تایبەتیان بە ناونیشانی “موڵکی گشتی، موڵکی هەمووانە” ئامادە و چاپ کردبوو، کە زانیاری بەنرخی تێدابوو لەسەر گرنگی ڕێزگرتن لە شوێنە گشتییەکان وەک نیشانەیەک بۆ ڕێزگرتن لە کەسانی دیکە. برۆشوورەکان بەسەر ماڵان، دوکانداران و ڕێبواراندا دابەش کران و هانی هاوڵاتیانیان دەدا بۆ پاک ڕاگرتنی شەقام و پارکەکان و پاراستنی دامەزراوە حکومییەکان.
هاوڵاتیان و کاسبکارانی ناوچەکە دەستخۆشییان لەم دەستپێشخەرییەی فێرخوازان کرد و جەختیان لە گرنگی ئەم جۆرە چالاکییانە کردەوە بۆ دروستکردنی ژینگەیەکی شارستانی و پاکتر. ئەم چالاکییە نەک هەر کاریگەری لەسەر هۆشیاری گشتی هەبوو، بەڵکو هەستی هاوکاری کۆمەڵایەتی و کارلێکی ڕێزدارانەشی لە نێوان زانکۆ و کۆمەڵگەدا بەهێزتر کرد.
