ل رێکەفتى 22/6/2026، د چارچۆڤێ چالاکییێن هۆشیارى و رەوشەنبیریا گشتى یێن دەزگایێ زەکاتا زانستی ل زانکۆیا جیهان-دهۆک، یا کو ل بەری دوو حەفتیان دەستپێکری و د نوکە دا یا بەردەوامە بۆ پێشکەشکرنا خزمەتێن زانستی، سمینارەک هاتە ئەنجامدان ل ژێر ناڤونیشانێ:
“حوكمرانيا دامەزراوه‌یی و هشیاریا یاسایی ل ژیر سیبه‌را بنه‌مایێ: نه‌بوونا نه‌زانینێ ب یاسایێ”
ئەڤ سمینارە هاتە پێشکەشکرن ژ لایێ بەڕێز (د. دژوار احمد پيراميس)، مامۆستا ل بەشێ یاسا.
“د سمینارێ دا تەوەرەکێ ئەکادیمیێ تێر و تەسەل هاتە پێشکەشکرن کو تێدا باس ل سەر ڕەهەندێن حوكمرانیا دامەزراوەیی و ميكانزمێن بلندکرنا ئاستێ هشیاریا یاسایی د ناڤ جڤاکی دا هاتە کرن، دگەل شرۆڤەکرنا بنەمایێ یاسایی و دەستووری یێ دبێژیت ‘چ کەس نەشێن خۆ ژ بەرپرسیاریەتیێ لادەن ب بهانەیا هندێ کو یاسایێ نزانن’، و کارتێکرنا ڤی بنەمایی ل سەر جێگیرکرنا سەروەریا یاسایێ و دەستنیشانکرنا بەرپرسیاریەتیێن یاسایی بۆ تاک و دەزگایان
د چارچۆڤێ ئیمزاکرنا رێکەفتنامەیەکا لێكتێگەهشتنێ د ناڤبەرا زانکۆیا جیهان-دهۆک ب سەرۆکاتیا بەرێز (پ. د. زێرڤان عبدالمحسن أسعد) سەرۆکێ زانکۆیێ، و قائیمقامیا قەزا سێمێلێ، و وەک بەشەک ژ بەرنامەیێ جێبەجێکرنا پڕۆژەیێ خۆبەخشانە یێ “دەزگایێ زەکاتا زانستی” بۆ هۆشیارکرن و گەشەپێدانا شیان و بەهرەیێن تەخ و توێژێن جودا جودایێن جڤاکى، ل ڕێکەفتی 10/8/2026 خولەکا ڕاهێنانێ ل ژێر ناڤونیشانێن (هۆنەرێ سەرەردەریکرنێ، دلسۆزیا پیشەیى، و ئاڤاکرن و گەشەپێدانا شیانان) بۆ ژمارەکا سەرۆک بەش و یەکە و رێڤەبەرێن سەر ب قەزا سێمێلێ ڤە هاتە ڤەکرن.
وانەیا ئێکێ یا ڤێ خولێ ژ لایێ بەرێز (پ. د. صابر عبدالله سعيد) هاتە پێشکێشکرن، کۆ تێدا ب تێروتەسەلی بەحس ل ڕۆلێ لایەنێ دەروونی و گەشەپێدانێ ل دەڤ فەرمانبەران و چەوانیا سەرەدەریکرنێ ب شێوازەکێ دروست دگەل وەلاتیان و ژینگەها دەوروبەر هاتە کرن
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، زانکۆی جیهان-سلێمانی بە هاوکاری “سەنتەری پەرەپێدانی کار (CDC)”، پڕۆگرامی ژیریی دەستکرد بۆ پراکتیزی خوێندنی باڵا وەک خولێکی ڕاهێنانی پێشکەوتوو بۆ مامۆستایان و ستافی ئەکادیمی زانکۆ دەستپێدەکات. ئەم خولە تایبەتە لەناو تاقیگەی AI Lab لە زانکۆی جیهان-سلێمانی بەڕێوەدەچێت و بۆ ماوەی پێنج ڕۆژ بەردەوام دەبێت، کە تێیدا ڕۆژانە یەک کاتژمێر وانە پێشکەش بە بەشداربووان دەکرێت. خولەکە لەلایەن هەردوو پسپۆڕ، م. شێرکۆ موراد و د. پشێو نووری دەوترێتەوە و ئامانجی سەرەکی ئاشناکردنی مامۆستایانە بە ناساندنی بنەماکانی ژیریی دەستکرد لە توێژینەوەی زانستی، بەرزکردنەوەی کارایی وانەوتنەوە و داڕشتنی سیستەمی نوێی هەڵسەنگاندن لە بواری ئەکادیمیدا.
د چارچۆڤێ چالاکییێن دەزگایێ (زەکاتا زانستی) دا ل زانکۆیا جیهان-دهۆک بۆ هۆشیاری و گەشەپێدانا جڤاکی، ل ڕێکەفتی 24/6/2026 و ب ئامادەبوونا ژمارەکا مامۆستا و فەرمانبەران، سمینارەک ژ لایێ بەڕێز (د. دژوار ئەحمەد) مامۆستایێ بەشێ یاسا، ل دۆر “دیسپلین و لێپرسین د ژینگەها زانکۆیێ دا” هاتە پێشکێشکرن
:تەوەرێن سمینارێ
ناساندنا تێگەهێ دیسپلینا ئەکادیمی و رەفتار و گرنگیا وێ د ناڤ کەمپا زانکۆیێ دا
ڕوونکرنا تێگەهێ لێپرسینێ (المساءلة) وەک پێنگاڤەک بۆ پاراستنا دادپەروەری و دڵنیاییا جۆری
شلوڤەکرنا ڕێنمایی و یاسایێن زانکۆیێ یێن گرێدایی ب ماف و ئەرکێن ستافێ ئەکادیمی
ل ڕێکەفتی 2026/6/28، د چارچۆڤێ چالاکییێن هۆشیاری یێن دەزگایێ (زەکاتا زانستی)، سمینارەک هاتە ئەنجامدان ل ژێر ناڤ ونیشانێ “(أمن البيانات وحماية الهوية الرقمية في عصر منصات التواصل الاجتماعي)” ژ لایێ ماموستا (م. خالد إبراهيم) مامۆستایێ بەشێ زانستێن کۆمپیۆتەری.
🔹 تەوەرێن سەرەکی:
– شێوازێ دروست یێ پاراستنا داتا و زانیاریێن کەسی.
– ڕوونکرنا مەترسیێن سەرەکی یێن ل سەر شوناسا دیجیتاڵی د ناڤ تورێن جڤاکی دا.
– چەوانیا پاراستنا ئەکاونتان و بەرقەرارکرنا ته‌ناهیا ئەلیکترۆنی.
ئارمانج: بلندکرنا ئاستێ هۆشیاریا تەکنۆلۆژی و دیجیتاڵی یا گشتی.
د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، و ب ئامادەبوونا ژمارەکا مامۆستا و فەرمانبەران، سمینارەک ژ لایێ بەڕێز (م. فائز صباح)، مامۆستا ل بەشێ کارگێڕی کار، ل دۆر “تەکنۆلۆژییا دارایی و ڕۆلێ وێ د گەشەپێدانا ئابووری دا” هاتە پێشکێشکرن.
تەوەرێن سەرەکی یێن سمینارێ:
ـ ناساندنا تێگەهێ تەکنۆلۆژییا دارایی و گرنگترین ئامراز و خزمەتگوزاریێن وێ یێن سەردەم….
د بەردەوامیا چالاکییێن زانستی و ڕەوشەنبیری یێن دەزگەهێ زەکاتا زانستی و د چارچۆڤێ ڕەوشەنبیریا گشتی دا، ڕۆژا دووشەمبی ڕێکەفتی (29/6/2026)، سمینارەک ل دۆر (Cloud Storage Drives Types, Features and Comparison) هاتە ڕێکخستن.
ئەڤ سمینارە ژ لایێ (م. هـ. دوزدار مهدی احمد) بڕیاردەرا کۆلیژا پەرستاری هاتە پێشکێشکرن. د سمینارێ دا ب هویری باس ل تێگەهێ (Cloud Computing)، جۆر و خزمەتگوزاریێن وێ یێن جیاواز یێن پاشکەفتکرنێ، و چەوانیا بکارئینانا وێ د سەردەمێ نوژەن دا بۆ پاراستن و ڕێڤەبرنا داتایان هاتەکرن
ل ڕێکەفتی 30/6/2026، د بەردەوامیا کار و خزمەتێن دەزگایێ (زەکاتا زانستی) ل زانکۆیا جیهان-دهۆک بۆ هۆشیاری و گەشەپێدانا جڤاکی، سمینارەک ژ لایێ بەڕێز (پ.د. بیار محمدرشید عمر)، ل دۆر بابەتێ “ڕەوشەنبیر کی یە؟” هاتە پێشکێشکرن، ب ئامادەبوونا هژمارەکا بەرچاڤ ژ مامۆستا و فەرمانبەرێن زانکۆیێ.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، لە چوارچێوەی چالاکییە زانستییە بەردەوامەکان و پەرەپێدانی پەیوەندییە ئەکادیمییەکان، و لە ژێر ڕۆشنایی یاداشتی لێکتێگەیشتنی نێوان زانکۆی جیهان-سلێمانی و سەرۆکایەتیی شارەوانیی سلێمانی، ئەمڕۆ یەکشەممە ٢١ـی حوزەیرانی ٢٠٢٦، خولێکی تایبەت و پێشکەوتوو لە بواری “بەڕێوەبردنی سەرچاوە ئاوییەکان و ڕووبەڕووبوونەوەی مەترسییەکانی لافاو” دەستیپێکرد. ئەم خولە کە ماوەی سێ ڕۆژ دەخایەنێت، لەلایەن تیمێکی پسپۆڕی ئەندازیاری لە زانکۆی (Old Dominion) ی ویلایەتە یەکگرتووەکانی ئەمریکا بە شێوەی ئۆنلاین پێشکەش دەکرێت. ئامانجی سەرەکیی خولەکە ئاشناکردنی ئەندازیاران و بەشداربووانە بە نوێترین تەکنەلۆجیا و ڕێگاچارە جیهانییەکان بۆ پاراستنی کوالێتی ئاوی سەر زەوی و کەمکردنەوەی زیانەکانی لافاو لە شارەکەماندا. زانکۆی جیهان-سلێمانی هەمیشە هەوڵدەدات ببێتە پردێک بۆ گواستنەوەی ئەزموونە جیهانییەکان بۆ ناوخۆی هەرێمی کوردستان، بە مەبەستی بەهێزکردنی توانای دامەزراوەکان و دۆزینەوەی چارەسەری زانستی بۆ کێشە ژینگەییەکان.
لە چوارچێوەی کاری خۆبەخشی دەزگای زەکاتی زانست لە زانکۆی جیهان سلێمانی، بەشی پەروەردەی گشتی لە زانکۆی جیهان-سلێمانی، لە ڕێکەوتی ٢٩ی ٤ و ٤ی ٥ی ٢٠٢٦، خولێکی ڕاهێنانی بۆ خوێندکارانی قۆناغی چوارەم بە سەرپەرشتی پرۆفیسۆر دکتۆر کەریم شەریف قەرەچەتانی کردەوە. ئامانجی خولەکە ئامادەکردنی خوێندکارانە بۆ قۆناغی دوای دەرچوون و ئاشناکردنیان بە بازاڕی کار، لەگەڵ فێرکردنی نوێترین شێوازەکانی وانەوتنەوە و چۆنیەتی مامەڵەکردنی تەندروست لەگەڵ خوێندکار و مامۆستایاندا.
