ڕۆژی پێنجشەممە ڕێکەوتى (١٣/٢/٢٠٢٥)، بە سەرپەرشتی مامۆستاى یاریدەدەر محەمەد محەمەد حسێن، گروپێک لە فێرخوازانی قۆناغی چوارەم لە بەشی نیوتریشن و دایەتێتیکس لە زانکۆی جیهان -هەولێر سیمینارێکی هۆشیارییان لە ئامادەیی محەمەد ناسر پێشکەش بە قوتابیان کرد.
فێرخوازان دواى ئەوەى لەلایەن مامۆستا ڕەنا محەمەد سەرپەرشتیاری قوتابخانەکە پێشوازییان لێکرا، پاشان لە میانی سیمینارەکەیاندا فێرخوازان باسیان لە پەیوەندی نێوان خووی ناتەندروستى خواردن و گەشەکردنی نەخۆشییە درێژخایەنەکانی وەک شەکرە، نەخۆشییەکانی دڵ و خوێنبەرەکان، بەرزی فشاری خوێن و قەڵەوییان کرد. هەروەها ڕوونیان کردەوە کە چۆن زیادەڕۆیی لە خواردنی خۆراکە پرۆسێس کراوەکان و زۆر خواردنی شەکر و کەمی ماددە خۆراکییە پێویستەکان بەشدارن لە زیادبوونی مەترسییە تەندروستییەکان لە ماوەى درێژخایەندا، فێرخوازان هەر لە سمینارەکەیاندا جەختیان لەسەر گرنگی پەیڕەوکردنی ڕێجیمێکی هاوسەنگ کردەوە، کە دەوڵەمەندە بە خۆراکی سروشتی و ڕیشاڵ و ڤیتامینە پێویستەکان لە خۆپاراستن لە نەخۆشییەکان.
سیمینارە تێگەیشتنێکی گشتى پێشکەش بە قوتابیانى قۆتابخانەکە کرد و ، ڕونیان کردەوە کە چۆن خۆراک کاریگەری لەسەر تەندروستی گشتی درێژخایەن هەیە، بۆ ئەوەش هانی قوتابیانیاندا خۆراکی تەندروست بەکاربهێنن، ئەوەش بۆ ئەوە لە ئێستا ڕێگری لە توشبوو بە نەخۆشییە درێژخایەنەکان لە داهاتوودا بکەن.
ڕۆژی چوارشەممە ڕێکەوتى (١٢/٢/٢٠٢٥)، بە سەرپەرشتی مامۆستاى یاریدەدەر محەمەد محەمەد حسێن، گروپێک لە فێرخوازانی قۆناغی سێیەم لە بەشی نیوتریشن و دایەتێتیکس لە زانکۆی جیهان-هەولێر بەشدارییان لە هەڵمەتێکی هۆشیاری شێرپەنجە کرد.
فێرخوازان لە میانەى هەڵمەتەکەیاندا، بە دابەشکردنی پرۆۆشەر لە ناو بازاڕی شارى هەولێر دەستیان پێکرد، کە لە ناوەڕۆکەکەیدا جەخت لە گرنگی زوو دەستنیشانکردن و هۆکارەکانی مەترسی شێرپەنجە و ڕۆڵی خۆراک لە خۆپاراستن لە نەخۆشییەکە کرابوەوە، فێرخوازان لە میانەى کارلێک و گفتوگۆکردن لەگەڵ دوکاندارەکان و سەردانکەران و ڕێبواران ، فلایەرەکانیان دابەشکرد کە کۆمەڵێک زانیاری سەرەکی و گرنگیان سەبارەت بە باوترین جۆرەکانی شێرپەنجە، نیشانەکانی کە دەبێت ئاگاداریان بن لە خۆگرتبوو، هەروەها گۆڕانکاری لە شێوازی ژیاندا کە دەتوانێت مەترسی تووشبوون بە نەخۆشییەکە کەم بکاتەوە لایەنێکى دیکەى زانیارییەکان بوون. هەروەها لە بڵاوکراوەکاندا فێرخوازان تیشکیان خستۆتە سەر کاریگەری جگەرەکێشان، خۆراکە پرۆسێس کراوەکان، قەڵەوی و کەمی چالاکیی جەستەیی لەسەر گەشەکردنی شێرپەنجە. جگە لەوەش، سەرنجیان خستە سەر سوودەکانی خواردنی ئەو خۆراکانەی کە دەوڵەمەندن بە دژە ئۆکسێنەر، خواردنی خۆراکی هاوسەنگ و، گرتنەبەری شێوازی ژیانی چالاک بۆ پشتگیریکردنی تەندروستی گشتی و کەمکردنەوەی مەترسی تووشبوون بە شێرپەنجە.
ئەم هەڵمەتە هۆشیارییە دەرفەتێکی بۆ فێرخوازان ڕەخساند کە زانیارییە ئەکادیمییەکانیان لە ژینگەیەکی جیهانی ڕاستەقینەدا بەکاربهێنن و، بەشدارییەکی کاریگەر لە بڵاوکردنەوەى هۆشیارى تەندروستی لە کۆمەڵگە و شوێنە گشتیەکاندا بکەن، کە بەهۆیەوە یارمەتیان دادات پەرە بە تواناکانی پەیوەندیکردن و هۆشیارییان بدەن، ئەوە جگە لەوەى هەڵمەتەکەیان کاریگەری ئەرێنی لەسەر کۆمەڵگە بەجێ دەهێڵێت سەبارەت بە شێرپەنجە و ڕێگاکانی خۆپاراستن لێی.
ڕۆژی پێنجشەممە ڕێکەوتى (١٣/٢/٢٠٢٥) بە سەرپەرشتی مامۆستای یاریدەدەر محەمەد محەمەد حسێن، کۆمەڵێک لە فێرخوازانی قۆناغی سێیەم لە بەشی نیوتریشن و دایەتێتیکس لە زانکۆی جیهان – هەولێر سیمینارێکی هۆشیارییان لە زانکۆی سەڵاحەدین – هەولێر پێشکەش کرد.
لەو سمینارەدا، کە لە هۆڵى کۆلێژی کارگێڕی و ئابووری، بەئامادەبوونى ژمارەیەک لە مامۆستایان و فێرخوازانى کۆلێژى کارگێڕى و ئابورى بەڕێوەچوو، فێرخوازانى زانکۆى جیهان-هەولێر باسیان لە خۆراک و فشار کرد، بۆ ئەوەش فێرخوازان ڕوونیانکردەوە ماددە خۆراکیەکانی وەک ترشە چەورییەکانی ئۆمیگا ٣، مەگنیسیۆم، ڤیتامینەکانی بی و، دژە ئۆکسێنەرەکان ڕۆڵێکی سەرەکی لە کەمکردنەوەی فشار و باشترکردنی باری دەروونی تاک دەگێڕن. لە بەشێکى دیکەى سمینارەکەیاندا، فێرخوازان تیشکیان خستە سەر کاریگەرییە نەرێنییەکانی زیادەڕۆیی لە خواردنی کافاین و خۆراکە پرۆسێس کراوەکان و بەرزبوونەوەی لەناکاوی ئاستی شەکری خوێن، کە دەبێتە هۆی دڵەڕاوکێ و توڕەبوون و ماندوێتی. بۆ چارەسەرکردنى ئەو کێشە تەندروستیانەش فێرخوازانى زانکۆى جیهان-هەولێر بە گرنیگەوە باسیان لە پلاندانان بۆ ژەمەکان بۆ پاراستنی وزەی بەردەوام، هەڵبژاردنی خۆراکەکانی کەمکردنەوەی فشار و، ڕۆڵی ئاو لە باشترکردنی بارى دەروونی کرد. هەروەها باسیان لە کاریگەرییەکانی تەندروستی ڕیخۆڵە کرد لەسەر لایەنى تەندروستی، لە کۆتایشدا، فێرخوازانى نیوتریشن و دایەتێتیکس ئاماژەیان بە پەیوەندییەکی نزیکى نێوان ڕیخۆڵە و مێشکد کرد.
ئامادەبوونی مامۆستایانى کۆلێژەکە ناوەڕۆکى سمینارەکەى زیاتر دەوڵەمەند کرد، چونکە بۆچوونەکانیان سەبارەت بە بەڕێوەبردنی فشار لە شوێنە پیشەیی و پەروەردەییەکاندا بەیەکەوە باسکرد. کۆبوونەوەکە بە گفتوگۆیەکی کراوە سەبارەت بە خووی خواردنی تەندروست بۆ بەرزکردنەوەی تەرکیز و باشترکردنی کوالیتی خەو و پاراستنی هاوسەنگی سۆزداری لە ژێر بارودۆخی سترێسدا کۆتایی هات.
ڕۆژی دووشەممە ڕێکەوتى (١٧/٢/٢٠٢٥) بە سەرپەرشتی مامۆستای یاریدەدەر محەمەد محەمەد حسێن، گروپێک لە فێرخوازانى قۆناغی چوارەم و سێیەم لە بەشی نیوتریشن و دایەتێتیکس لە زانکۆی جیهان – هەولێر چالاکییەکی تەندروستی خۆبەخشانەیان لە قوتابخانەی 11ی ئازار ئەنجامدا.
لەو چالاکیەدا، کە ئامانج لە ڕێکخستنى پێشخستنی ئاستى هۆشیاری تەندروستی لە نێوان قوتابیانی تەمەن ١١-١٢ ساڵان بوو، سەرەتا فێرخوازان لەلایەن مامۆستا ئاسایی خەسرۆ عوسمان، بەڕێوەبەری قوتابخانە پێشوازییەکی گەرمیان لێکرا، لە وتەیەکدا پشتگیرى بۆ هەوڵەکانی فێرخوازان دوپاتکردەوە، پاشان فێرخوازانى بەشی نیوتریشن و دایەتێتیکس دەستیان بە چالاکیەکانیان کرد، بۆ ئەوەش سەرەتا پشکنینی پێوەرەکانی بارستەی جەستە (BMI)یان بۆ منداڵان و مامۆستایانی قوتابخانە ئەنجامدا، بۆ ئەوەش ڕوونیان کردەوە کە چۆن کێش و باڵا پەیوەندییان بە تەندروستی و گەشەی گشتییەوە هەیە. هەروەها هانی فێرخوازانیاندا ڕێگەى تەندروست بگرنەبەر بۆ باشبوونی جەستەیی خۆیان دەکەن.
لە بەشێکى دیکەى چالاکیەکەیاندا، فێرخوازانى زانکۆى جیهان-هەولێر سیمینارێکیان بەناونیشانی (گرنگی پاراستنی دۆخی جەستەی دروست لە کاتی گەشەکردندا) پێشکەش کرد، لە میانەى سیمینارەکەیاندا فێرخوازان تیشکیان خستە سەر چۆنیەتی دانیشتن و وەستان و هەڵگرتنی جانتای قوتابخانە بە شێوەیەکی دروست بۆ ئەوەی ئازاری پشت و ملیان نەبێت و ڕێکخستنی جەستەیان باشتر بکات. هەروەها فێرخوازان ڕوونکردنەوەی کردارییان لەسەر دۆخی دروستی جەستەیی لە کاتی خوێندن و، دوورکەوتنەوە لە فشاری زۆر پێشکەش بە قوتابیان کرد، جگە لە کۆمەڵێک ڕاهێنانی سادە بۆ بەهێزکردنی ماسولکەکانی دۆخی دروستی جەستەیان.
ڕۆژى چوارشەممە ڕێکەوتى (١٩/٢/٢٠٢٥) ، بە سەرپەرشتی مامۆستاى یاریدەدەر محەمەد محەمەد حسێن، گروپێک لە فێرخوازانى قۆناغی سێیەم لە بەشی نیوتریشن و دایەتێتیکس لە زانکۆی جیهان – هەولێر سیمینارێکی هۆشیارییان لە قوتابخانەی ساڤای بنەڕەتی پێشکەش بە قوتابیانى قۆناغی بنەڕەتی کرد.
لە سەرەتادا فێرخوازان، لەلایەن مامۆستا خەندە فەریدون سەرپەرشتیاری قوتابخانەوە پێشوازییەکی گەرمیان لێکرا، لە وتەیەکدا پێزانینی خۆی بۆ هەوڵەکانی فێرخوازانى زانکۆى جیهان-هەولێر پیشاندا بۆ بڵاوکردنەوەى هۆشیارى تەندروستى لە گرنگی بەکارهێنانی تەندروستانەی تەکنەلۆجیا دەربڕی. پاشان فێرخوازان ناوەڕۆکى سمینارەکەیان کە تایبەت بوو بە (کاریگەری زیاد بەکارهێنانی مۆبایل) پێشکەش بە قوتابیانى قوتابخانەکە کرد، بۆ ئەو مەبەستەش فێرخوازانى بەشی نیوتریشن و دایەتێتیکس ڕوونیان کردەوە کە چۆن بەکارهێنانی مۆبایل بۆ ماوەیەکى زۆر کاریگەری لەسەر بینین و دۆخی جەستە و کوالێتی خەو و تەرکیز لە سەر قوتابى هەیە. هەروەها باسیان لە مەترسییەکانی بەرکەوتنی زۆر لەگەڵ شاشە کرد، وەکو فشاری چاو و کەمی چالاکیی جەستەیی و کێشەکانی کارلێکی کۆمەڵایەتی. هەروەها لە سیمینارەکەدا جەخت لەسەر گرنگی هاوسەنگکردنی کاتەکانی بەرکەوتن لەگەڵ شاشە و چالاکییەکانی دەرەوە و خووی باشی خوێندن و پەیوەندی ڕاستەوخۆ لەگەڵ کەسانی دیکەدا کرایەوە.
لە بەشى کۆتایی سمینارەکەیاندا، فێرخوازانى زانکۆى جیهان-هەولێر کۆمەڵێک ئامۆژگاری پراکتیکییان سەبارەت بە کەمکردنەوەی کاتەکانی بەکارهێنانى مۆابیل و تەلەفۆن پێشکەش بە قوتابیانى قوتابخانەکە کرد، کۆبوونەوەکە بە گفتوگۆیەکى نێوان قوتابیانى قوتابخانەکە و فێرخوازانى زانکۆى جیهان-هەولێر کۆتایی هات.
ڕۆژی دووشەممە ڕێکەوتى (٤٣/٣/٢٠٢٥) بە سەرپەرشتی مامۆستاى یاریدەدەر محەمەد محەمەد حسێن، گروپێک لە فێرخوازانی قۆناغی چوارەم لە بەشی نیوتریشن و دایەتێتیکس لە زانکۆی جیهان – هەولێر سیمینارێکی هۆشیارییان بەناونیشانى (کاریگەری نیکۆتین لەسەر بیرەوەری و خوێندن) لە ئامادەیی ڕزگاری کوڕان پێشکەش کرد.
فێرخوازان لەگەڵ گەیشتنیان لەلایەن شەماڵ محمد بەڕێوەبەری ئامادەیی بەگەرمی پێشوازییان لێکرا، پاشان بە گرنیگەوە باسى لە هەوڵەکانى فێرخوازان کرد بۆ بڵاوکردنەوەى هۆشیارى تەندروستى، پاشان فێرخوازان ناوەڕۆکى سمینارەکەیان پێشکەش کرد و، تیایدا بەوردى باسیان لەوە کرد کە چۆن نیکۆتین کاریگەری لەسەر گەشەی مێشک دەبێت و، تەرکیز کەمدەکاتەوە و توانای ڕاگرتن و هاوسەنگى زانیاریییەکان لە میشک تێکدەدات، کە دواجار ئەوەش کێشە بۆ خوێندن و دابەزینی ئاستی خوێندن دروست دەکات. لە بەشێکى دیکەى قسەکانیادا فێرخوازانى زانکۆى جیهان-هەولێر باسیان لە مەترسییەکانی پەیوەست بە جگەرەکێشان و ڤایپینگ و جۆرەکانی تری خواردنی نیکۆتین کرد و تیشکیان خستە سەر کاریگەری ئەم خووانە لەسەر ماوەی سەرنجدان و ئاستی فشار و کوالێتی خەو.
لە کۆتایشدا فێرخوازانى زانکۆى جیهان-هەولێر کۆمەڵێک ئامۆژگاری پراکتیکییان پێشکەش بە قوتابیان کرد، کە تایبەت بوون بە چۆنیەتی دوورکەوتنەوە لە ئالوودەبوون بە نیکۆتین و، باشترکردنی بارى دەروونی، ئەوەش لە ڕێگەی خۆراکی تەندروست و دورکەوتنەوە لەو بابەتانەى کە پڕن لە نیکۆتین وەک جگەر و ڤەیپ.
ڕۆژی دووشەممە ڕێکەوتى (٣/٣/٢٠٢٥)، فێرخوازانى بەشی نیوتریشن و دایەتێتیکس لە زانکۆی جیهان-هەولێر هەڵمەتێکی هۆشیاری تەندروستییان لە پارکی سامی عەبدولڕەحمان، بە سەرپەرشتی مامۆستاى یاریدەدەر محەمەد محەمەد حسێن بەڕێوەبرد.
لەو چالاکیەدا، کە گروپێک لە فێرخوازانى قۆناغی چوارەم بەشداریان کرد، زانیاری تەندروستی بەنرخیان بە سەردانکەران بەخشی و چەندین پشکنینی پزیشکییان ئەنجامدا، پشکنینەکان بریتی بوون لە پێوانەکردنی ئاستی شەکر لە خوێن، کە یارمەتیدەرە بۆ دیاریکردنی مەترسی تووشبوون بە نەخۆشی شەکرە، هەروەها هەڵسەنگاندنی پێوەرەکانی بارستەی جەستە (BMI) بۆ دیاریکردنی دۆخی کێش گرنگن، هاوکات فێرخوازان پەستانی خوێنیان بۆ سەردانیکەرانى پارکەکە پێوانە کرد بۆ دیاریکردنی ئەگەری بەرزی فشاری خوێن، لەگەڵ پشکنینی ڕادەى ئۆکسجینی خوێن (SpO2) بۆ هەڵسەنگاندنی تەندروستی هەناسەدان. چالاکیەکى دیکەى فێرخوازان بریتى بوو لە پێوانەکردنى ڕێژەی کەمەر بۆ شان بوو، تاقیکردنەوەیەک یارمەتی دیاریکردنی دابەشبوونی چەوری دەدات و چۆن پەیوەندی بە مەترسی نەخۆشییەکانی دڵ و خوێنبەرەکانەوە هەیە.
هەر لە میانەى بەڕێوچوونى هەڵمەتەکەدا، فێرخوازان چالاکانە کارلێکیان لەگەڵ سەردانیکەرانی پارکەکەدا کرد و، زانیارییان لەبارەى خۆراکی تەندروست و مەترسییەکانی خۆراکی ناتەندروست و گرنگی پشکنینی تەندروستی بەردەوام بۆ سەردانیکەران باسکرد، جگە لەوەش کۆمەڵێک ئامۆژگاری پراکتیکییان سەبارەت بە چۆنیەتی خۆپاراستن لە نەخۆشییە پەیوەندیدارەکانی شێوازی ژیان بە پەیڕەوکردنی خووی هاوسەنگی خواردن و بەشداریکردن لە چالاکیی جەستەیی پێشکەش ئامادەبوانى چالاکیەکە کرد.
هەڵمەتەکە بەشدارییەکی زۆری سەردانکەرانی بەخۆیەوە بینی، کە سوودمەند بوون لەو پشکنینە پزیشکی و ڕاوێژکارییە تەندروستییە بێبەرامبەرانەی کە پێشکەشکرابوون. زۆرێک لە بەشداربووان پێزانینی خۆیان بۆ ئەم دەستپێشخەرییە دەربڕی، جەختیان لەسەر گرنگی ئەم جۆرە چالاکییە کۆمەڵایەتییانە کردەوە لە پێشخستنی هۆشیاری تەندروستی لەنێو کۆمەڵگە.
لە چوارچێوەی هەوڵەکانی فێرخوازانى زانکۆ بۆ بەرزکردنەوەی ئاستی هۆشیاری کۆمەڵگە، فێرخوازانى قۆناغی دووەمی گرافیک دیزاین لە زانکۆى جیهان-هەولێر بە سەرپەرشتی مامۆستاى یاریدەدەر سەجى عەبدولهای، ڕۆژی پێنجشەممە ڕێکەوتى (١٣/٣/٢٠٢٥) هەڵمەتێکى هۆشیارییان بەڕێوەبرد، بە ئامانجی کەمکردنەوەی خێرایی لەسەر شەقامەکانی هەولێر و هاندانی شۆفێران بۆ پابەندبوون بە یاساکانی هاتوچۆ.
فێرخوازان لە میانەى هەڵمەتەکەیاندا، کۆمەڵێک وێنە و دەقی سادەیان بەکارهێنا بۆ گەیاندنى پەیامەکانی هەڵمەتى هۆشیارییەکەیان بە شێوەیەکی کاریگەر بە گروپە تەمەنە جیاوازەکان، لە میانەى هەڵمەتەکەشیاندا تیشکیان خستە سەر گرنگی پابەندبوون بە سنووری خێرایی و هۆشداریدان لە مەترسییەکانی خێرایی زیادە، هەروەها کۆمەڵێک ئامۆژگاری بۆ لێخوڕینی سەلامەتی لەخۆگرتبوو.
هەڵمەتەکەى فێرخوازان کۆمەڵێک شوێن و ناوچەى جیایی لە سنورى شارى هەولێر گرتەوە و، بەهۆیەوە پرۆشۆر و پەیامەکانیان گەیاندە شۆفران و ڕێبواران و دوکانداران و هاوڵاتیان بەگشتى.
بۆ گەیاندنى هاوکارى و دروستکردنى کەشێکى پڕ لە خۆشى و شادى بۆ منداڵان، گروپێک لە فێرخوازانى بەشی دیزاینى ناوخۆیی ڕۆژى چوارشەممە ڕێکەوتى (١٨/١٢/٢٠٢٤) بەسەرپەرشتى مامۆستاى یاریدەدەر (سجى عبد الهادي)، لە شارى هەولێر سەردانى سەنتەری ئۆتیزمی ئیماراتیان کرد.
سەرەتا مامۆستاى سەرپەرشتیار و فێرخوازانى بەشى دیزاینى ناوخۆیی لەلایەن (چیمەن جومعە نادر) بەڕێوەبەری سەنتەرەکە پێشوازییان لێکرا، ئینجا باسى لە دۆخى دەروونى و جەستەیی و ڕەفتارى منداڵانى ئۆتیزمى بۆ فێرخوازان کرد، وتیشى ئەم جۆرە چالاکیانەى کە فێرخوازانى زانکۆ ڕێکى دەخەن بەشدارە لە پاڵپشتیکردنی منداڵان لەڕووی دەروونی و کۆمەڵایەتییەوە، هەروەها ڕەنگدانەوەی ڕۆحی هاوکاری نێوان پەروەردەیی و کۆمەڵایەتییە دامەزراوەکان نیشان دەدات و، ڕەنگدانەوەى لەسەر ڕەفتار و هەڵسوکەوتى منداڵانیش دەبێ، بۆ ئەوەش سوپاسى فێرخوازانى زانکۆى جیهان-هەولێرى کرد، کە بەچالاکى و هاوکارى مرۆیی سەنتەرەکەیان بەسەردەکەنەوە.
پاشان فێرخوازانى زانکۆى جیهان-هەولێر دیارییەکانیان بەسەر منداڵانى سەنتەرەکەدا دابەشکرد و، کەشێکی پڕ لە خۆشی و شادیان دروستکرد، هاوکات فێرخوازانى زانکۆى جیهان-هەولێر لە ژووری مۆسیقا و هۆڵی وەرزشى سەنتەرەکە بەشدارییان لە چالاکییەکى هونەرى و وەرزشى کرد، ئەم چالاکییانەش یارمەتیدەر بوون لە دروستکردنی کەشێکی تایبەت بەسەربردن کاتێکى پەروەردەیی جیاواز بۆ منداڵان، بەڕێوەبردنى ئەم دەستپێشخەرییە ڕەنگدانەوەى ستراتیژى سەرۆکایەتى زانکۆى جیهان-هەولێر و بەشی دیزاینى ناوخۆییە بۆ بەرزکردنەوەی بەهاکانی بەخشین و دروستکردنى پردى پەیوەندی کۆمەڵایەتی لە نێوان فێرخوازان و توێژە جیاوازەکانى کۆمەڵگە و، بەشداریکردن لە بونیاتنانی تواناى ئەو تاکانەى کۆمەڵگە کە پێویستیان بەهاوکارى و کۆمەککردن هەیە.
ڕۆژى چوارشەممە ڕێکەوتى (٢٣/٤/٢٠٢٥) بۆنەیەکی تایبەت بۆ هەفتەی هۆشیاریی نایستان لە پەیمانگەی هیواى نابیستان لە شاری هەولێر بەڕێوەچوو، تیایدا ژمارەیەک لە فێرخوازانى بەشی ڕاگەیاندن لە زانکۆی جیهان-هەولێر بەسەرپەرشتى مامۆستاى یاریدەدەر دڵات ئیسماعیل بەشداریان لە چالاکیەکەدا کرد.
سەرەتای چالاکییەکە بە پێشکەشکردنی سروودی نیشتمانی “ئەی ڕەقیب” لەلایەن قوتابیانى نابیستاى پەیمانگەی هیواى نابیستان بە زمانی ئاماژە دەستی پێکرد. دواتر گروپێکی هونەری لە کۆمەڵگەى پەروەردەیی کۆلێژی جیهان گۆرانییەکی تایبەتیان پێشکەش کرد کە بە زمانی ئاماژە ئامادەکرابوو. هاوکات قوتابیانى پەیمانگەى هیواى نابیستان کۆمەڵێک کاری هونەری و تابلۆی سەرنجڕاکێشیان لە چوارچێوەى پێشانگەیەکدا نمایشکرد، کە ڕەنگدانەوەی داهێنان و بەهرەکانیان بوو. سەرەڕای ئەوەش، فێرخوازانى بەشى ڕاگەیاندن ڕۆڵێکی چالاکیان گێڕالە ڕێکخستن و هاوکاریکردنی قوتابییە نابیستەکان لە کاتی نمایشە هونەرییەکاندا، جگە لەوەش دیاری و شیرینییان پێشکەش بە فێرخوازانى نابیست کرد وەک ئاماژەیەک بۆ پێزانین و هاودەنگی.
هەفتەی هۆشیاری نابیستان بۆ ماوەی هەفتەیەک (لە ماوەی هەفتەی سێیەمی مانگی نیساندا) بۆ ڕێزگرتن لە مافەکانی نابیستان بۆ هۆشیارکردنەوەی گشتی بەڕێوەدەچێت، ئەم بۆنەیە لە ساڵی 1957 لەلایەن فیدراسیۆنی جیهانی نابیستانەوە دامەزراوە، ئەم هەفتەیە بە فەرمی لە زۆرێک لە وڵاتان، لەوانە عێراق و هەرێمی کوردستان بەتایبەتی ناسراوە و تیایدا چالاکى جۆراوجۆر بەڕێوەدەچێ بۆ هۆشیارکردنەوەی خەڵک لە مافی نابیستان.
