ل رێكهفتى (7/8/2025) دهزگایێ زهكاتا زانستى یێ زانكویا جیهان-دهۆك ب ههماههنگى دگهل پهیمانگهها كالیفورنیا یا فێركرنا زمانان ل قهزا ئاكرێ، خۆلا رێك و ئامرازێن فێربوونا زمانێ ئنگلیزى ل قهزا ئاكرێ ب دوماهى ئینا، ب پشكداریا 39 پشكداران ژ ههردوو رهگهزان، كو بۆ ماوێ حهفتیهكێ یا بهردهوام بوو.
دهستپێشخهریا ئهنجامدانا چالاكیێن دهزگایێ زهكاتا زانستى ڤهدگهریت بۆ پشتهڤانیا بهردهوام یا بهرێز (پ.د.زیرڤان عبدالمحسن أسعد) سهرۆكێ زانكویێ، د چارچووڤێ پێشڤهبرنا كارێ خۆبهخشى و خزمهتكرنا جڤاكى، و بهێزكرنا هۆشیارى و رهوشهنبیریا گشتى یا تهخا گهنجان.
خۆل ژلایێ ماموستا (م.محمد فیصل حبیب) ماموستایێ بهشێ پهروهردا گشتى ل زانكویا جیهان-دهۆك، و بهرێز (م.محمد حسین محمد) رێڤهبهرێ پهیمانگهها كالیفۆرنیا یا فێركرنا زمانان هاته پێشكێشكرن، و گرنگى ب ههردوو لایهنێن تیورى و پراكتیكى هاته دان.
ل دوماهیێ پشكداران خواست كو ئهڤ جوره خۆله د بهردهوام بن، و زێدهتر دهم بهێته دان بۆ پێگههاندن و پێشڤهبرنا شیانێن وان یێن پیشهیى، و زانستى.
ل رێكهفتى (6/8/2025) ل دویف راسپاردێن بهرێز (پ.د.زیرڤان عبدالمحسن أسعد) سهرۆكێ زانكویێ، سهبارهت ئهنجامدانا چالاكیێن دهزگایێ زهكاتا زانستى و خزمهتكرنا جڤاكى، خۆلهكا گهشهپێدانا مرۆڤى ب ههماههنگى دگهل ناڤهندا ئافرهتێن ئیدارا
سهربخۆ یا زاخۆ ب دۆماهی هات، ل دور (هۆشیاریا دهروونى، ساخلهمى، بنهمایێن بهختهوهریا خێزانێ و جڤاكى، ژلایێ بهرێزان:
1. د.موفق رمزی ل دۆر هۆشیارى و رهوشهنبیریا ساخلهمى.
2ـ م.هـ. بدر اراز عادل صالح ل دۆر رۆلێ ئافرهتێ د خێزانێ دا و چاوانیا سهرهدهریكرن ژلایێ دهروونى.
3ـ راهێنهر/ ریاض فرزو محمود، بۆ ماوێ 3 رۆژان بابهت و تهوهرێن گرنگ ل دۆر بنهمایێن خێزانا بهختهوهر پێشكێشكرن.
خۆل بۆ ماوێ 3 رۆژان یا بهردهوام بوو، و پاشان باوهرنامێن پشكداربوونێ دێ لسهر پشكداران هاتنە دابهشكرن.
ل رێكهفتى (30/7/2025) دهزگایێ زهكاتا زانستى ل دویف راسپارده و پشتهڤانیا بهردهوام یا بهرێز (پ.د.زیرڤان عبدالمحسن أسعد) سهرۆكێ زانكویا جیهان-دهۆك، سهبارهت گرنگى دان ب بهرنامێ هۆشیارى و رهوشهنبیریا گشتى بۆ پێكهاتێن جودا یێن جڤاكى، خۆلا بنهمایێن خێزانا بهختهوهر ل قهزا ئامێدیێ ب دوماهى هات كو ب ههماههنگى دگهل ناڤهندا ئامێدیێ یا ئێكهتیا ئافرهتێن كوردستانێ، و لژنا ناوچا ئامێدیێ هاتبوو ڤهكرن، و 51 كهس ژ ههردوو رهگهزان پشكداربوون، خۆل ژلایێ راهێنهر (ریاض فرزو محمود) ژ بهشێ پهروهردا گشتى – پشكا دهروونناسى، د هاته پێشكێشكرن و بۆ ماوێ 3 رۆژان یا بهردهوام بوو، و چهندین تهوهر و بابهتێن گرنگ یێن گرێدایى خێزانا بهختهوهر و چاوانیا سهرهدهریكرن دگهل كێشێن خێزانێ و چارهسهریێن وان هاتنه گهنگهشهكرن ژلایێ پشكداران.
ئهڤرۆ رێكهفتى (28/7/2025) ل دویف راسپاردێن بهرێز (پ.د.زیرڤان عبدالمحسن أسعد) سهرۆكێ زانكویێ، سهبارهت ئهنجامدانا چالاكیێن دهزگایێ زهكاتا زانستى و خزمهتكرنا جڤاكى، خۆلهكا گهشهپێدانا مرۆڤى ب ههماههنگى دگهل ناڤهندا ئافرهتێن قهزا ئامێدیێ، ل دور (خێزانا بهختهوهر)، ژلایێ راهێنهر (ریاچ فرزو محمود) ل بهشێ پهروهردا گشتى پشكا دهروونناسى ل زانكویا جیهان-دهۆك، خۆل بۆ ماوێ 3 رۆژاندێ یا بهردهوام بیت، و رۆژانه 2 وانه دهێنه پێشكێشكرن، پێك دهێت ژ چهندین وانێن تیورى و پراكتیكى یێن گرێدایى پێشڤهبرن و بهێزكرنا شیانێن پشكداران ب مهرهما ئاڤاكرنا پهیوهندیێن خێزانى یێن درۆست ب رێیا تێگههێن جڤاكى و دهروونى و لێتێگههشتنێ دناڤا خێزانێ دا، پاشان باوهرنامێن پشكداربوونێ دێ لسهر پشكداران هێنه دابهشكرن
ل رێكهفتى (23/7/2025) ل دویف راسپاردێن بهرێز (پ.د.زیرڤان عبدالمحسن أسعد) سهرۆكێ زانكویێ، سهبارهت ئهنجامدانا چالاكیێن دهزگایێ زهكاتا زانستى و خزمهتكرنا جڤاكى، خۆلهكا گهشهپێدانا مرۆڤى ب ههماههنگى دگهل ناڤهندا ئافرهتێن قهزا دهۆك ب دۆماهی هات، ل دور (هۆشیاریا دهروونى، ساخلهمى، یاسایى، جڤاكى، خێزان، تهكنۆلۆجیا و تۆرێن جڤاكى…)، ژلایێ بهرێزان:
1. پ.د.صابر عبدالله ل دۆر رۆلێ بهرچاڤ یێ ئافرهتێ و سهرهدهریكرن دگهل ژیان و خێزانێ.
2ـ د.موفق رمزی ل دۆر هۆشیارى و رهوشهنبیریا ساخلهمى.
3ـ د. دژوار أحمد ل دۆر هۆشیارى و رهوشهنبیریا یاسایى و رێكخستن و بهختهوهریا خێزان و جڤاكى
4ـ م.هـ. بدر جمال جمعه ل دۆر رۆلێ ئافرهتێ بهرپرسیارهتیا پهروهردهكرنا نفشهكێ ژێهاتى.
5ـ م.هـ.خالد ابراهیم ل دۆر خراب بکارئینانا ئامیرێن پەیوەندیکرنێ و کارتێکرن لسەر ژیان و خێزانێ.
6ـ عهقید هێمن سلێمان ل دۆر نموونێن هاتینه ئهنجامدان یێن ئامیرێن پهیوهندیكرن و تۆرێن جڤاكى.
خۆل بۆ ماوێ 2 رۆژان یا بهردهوام بوو و رۆژانه 3 وانه دهاتنە پێشكێشكرن، و پاشان باوهرنامێن پشكداربوونێ دێ لسهر پشكداران هاتنە دابهشكرن.
سەرەتا، چەند ئایەتێك لە قورئانی پیرۆز خوێندرایەوە و دواتر ڕاگری كۆلێژی قەڵای زانكۆیی هەولێر پەیڤی بەخێرهێنانی پێشكەش كرد.
پاشان، “پ. د. عومەر پەتی” سمینارەكەی لەژێر ناوی (ڕۆڵی وتاربێژان لە دەروون دروستیدا) پێشكەش كرد و تیشكی خستە سەر دەروونزانی ئایینی و كاریگەرییەكانی لەسەر مامۆستایانی ئایینی پێشنووێژ و وتارخوێن، كە كەسایەتیی ئایینی ڕەنگدانەوەی لەسەر ئاكار، گوفتار، ڕەفتار، كارامەیی، ژیری، زانیاری و پیشەیی و..هتد دەبێت.
جەختی لەوەش كردەوە، كە مامۆستایانی ئایینی پێشەنگن و هەڵگری پەیامێكی پیرۆزن، پێویستە شارەزاییەكی تەواویان لە دەروونزانی ئایینی و دەروون دروستیدا هەبێت و بتوانن بە ئارامی و هاوسەنگییەوە وتاری هەیینی بدەن.
بەر لە كۆتایی سمینارەكەدا، گفتوگۆیەكی چڕی بەرهەمدار لەنێوان “پ. د. عومەر پەتی” و مامۆستایانی ئایینی هاتەئاراوە.
لە كۆتاییشدا، بەڕێوەبەری گشتیی ئەوقاف لە پەیڤێكدا، وێڕای دەستخۆشیكردن لە كۆلێژی قەڵای زانكۆیی هەولێر، پاڵپشتیی خۆشی بۆ ڕێكخستنی ئەو جۆرە سمینارانە دووپات كردەوە و گوتی: وەك ئەوقاف سوپاسی كۆلێژی قەڵای زانكۆیی و “د. عومەر پەتی” دەكەین، دەستیخۆشی لە مامۆستایانی ئایینی دەكەین، كە هەمیشە بە پەرۆشەوە بەپیر ئەو جۆرە چالاكییانەوە دێن، ئەوەش جێی سوپاس و پێزانینە.
گوتیشی: ئێمە وەك ئەوقاف هەمیشە هاوكار هەماهەنگ دەبین بۆ هەر چالاكییەك كە خزمەت بە خودی مامۆستایانی ئایینی و موسڵمانان و كۆمەڵگە بكات و ببێتە هۆی بەرەوپێشچوونی بیری میانڕەوی و لێتێگەیشتن و ئارامیی دەروون بهێنتێە ئاراوە.
دواتر، ڕاگری كۆلێژی قەڵای زانكۆیی هەولێر، سوپاس و پێزانینی خۆی ئاڕاستەی “تەیب زرار شێروانی” بەڕێوەبەری گشتیی ئەوقاف و “پ. د. عومەر پەتی” كرد.
ئەمڕۆ شەممە ڕێکەوتی 12/4/2025 لە هۆڵی سیمیناری زانکۆی جیهان-سلێمانی لە لایەن بەڕێز(پ.د.کەریم شەریف قەرەچەتانی) بەرێوەبەری سەنتەری ڕاوێژکاری دەرونی وکۆمەڵایەتی زانکۆی جیهان-سلێمانی سیمینارێک پێشکەشکرا بە ناوینیشانی«ڕۆڵی دایک و باوک لە پڕۆسەی خوێندن»دا
سیمینارەکە بۆ بەخێوکارانی(دایکان و باوکان) ی کۆمەڵگەی نێودەوڵەتی جیهان-سلێمانی بوو.
لە سیمینارەکەدا باس شێوازی پەروەردەی مناڵ و هۆکاری دروست بونی کێشە دەرونییەکان کرا .
ئەمڕۆ لە مەراسیمێکی تایبەتدا لە زانکۆی جیهان-سلێمانی بە ئامادەبوونی ژمارەیەک کەسایەتی دیار و مامۆسیایانی زانکۆ و سەندیکا و ڕێکخراو، دەزگای “زەکاتی زانست” ناسێندرا.
دوای بەخێرهاتنی میوانەکان مەراسیمەکە بە وەستان بۆ گیانی پاکی شەهیدان دەستی پێکرد، پاشان ڤیدیۆیەک نمایش کرا کە تیشکی خستە سەر دامەزراندنی دەزگاکە و چالاکییەکانی کۆمەڵگەی پەروەردەیی نێودەوڵەتی جیهان.
پرۆفیسۆر دکتۆر ئومێد ڕەفیق، سەرۆکی زانکۆی جیهان-سلێمانی وتەیەکی پێشکەش کرد، دواتر دکتۆر نەوزاد یەحیا باجگر، سەرۆکی دەستەی ئەمیندارانی زانکۆ و پەیمانگا و قوتابخانەکانی جیهان، سیمینارێکی لەسەر دەزگاکە پێشکەش کرد..
لە بەشێکی تری مەراسیمەکەدا، قەڵغانی دەزگای زەکاتی زانست بە چەندین کەسایەتی و لایەن بەخشرا.
دەزگای زەکاتی زانست لەسەر بنەمای ئەو بیرۆکەیە دامەزراوە کە هەروەک چۆن لە دارایی زەکات دەدرێت، زانستیش دەبێت زەکاتی هەبێت، واتە بەشێک لە زانست و توانای زانستی بۆ خزمەتی کۆمەڵگا تەرخان بکرێت.
دهزگایێ زهكاتا زانستى ل زانكویا جیهان-دهۆك خولهكا هۆشیاریێ بۆ دایك و باب و (سهمیانێن) قوتابى و زارۆكان بتایبهت كابانیێن مال ڤهكر كو تایبهته ب شێوازێ سهرهردهریكرن دگهل قوتابیێن قوناغا بنهرهت و ئامادهیى، و بابهتێ ئهڤرۆ ژلایێ بهرێز (م.هـ.علی عبدالقادر) ماموستایێ بهشێ پهروهردا گشتى هاته پێشكێشكرن ل دۆر (كارتێكرنا تۆرێن جڤاكى لسهر خێزان و زارۆك و قوتابیان)، بۆ هژمارهكا سهمیانێن قوتابیان ل سنورێ حهوشكێ و تهناهیێ، و خۆل بۆ ماوێ 3 رۆژان دێ یا بهردهوام بیت.
ههروهسا ل رۆژێن داهاتى، چهندین تهوهرێن دى دێ هێنه شرۆڤهكرن ژ وان:
ـ دێ چاوا زارۆكێ خۆ پهروهردهكهى ؟
ـ شێوازێ سهرهدهریكرن دگهل قوتابى و زارۆكان.
ـ چارهسهركرنا كێشێن خێزانێ
ـ تۆرێن جڤاكى كارتێكرن لسهر خێزان و قوتابى و زارۆكان.
ـ پهیوهندیێن جڤاكى.
ـ بنهمایێن خێزانهكا بهختهوهر.
ئهڤرۆ رێكهفتى (1/7/2025) ل دویف ڕاسپاردێن بەرێز (پ.د.زیرڤان عبدالمحسن اسعد) سەرۆکێ زانکویێ، سهبارهت گرنگى دان ب بهرنامێن پێگههاندن و خزمهتكرنا جڤاكى، دهزگایێ زهكاتا زانستى ل زانكویا جیهان-دهۆك دوماهى وانه رێكخست ل خۆلا رهوشهنبیریا خێزانێ كو ژلایێ خانم (د.كاژین حسن جاسم) هاته پێشكێشكرن، ل دۆر سەرەڕایی سهقامگیریا لایهنێ دهروونى و پهروهردهیى د ههمان دهمدا پێتڤى ب رهوشهنبیریا ساخلهمى ههیه بۆ ئاڤاكرن و پاراستنا خێزانهكا بهختهوهر و گونجایى بۆ پێگههاندنا نفشێ نوى و داهاتى.
ههروهسا د خۆلا ناڤبرى دا چهندین بابهتێن دى هاتنه پێشكێشكرن د رۆژانێن دهربازبووى دا، ژ وان:
مامۆستایێن خۆلێ:
1- پرۆفیسۆر .د. صابر عبداللە:
ل دۆر سەرەدەریکرن دگەل زارۆک و قوتابیان ل دەمێ بێهنڤەدانا هاڤینێ.
3- م.هـ. علی عبدالقادر:
ل دۆر کارتێکرنا تۆرێن جڤاکی لسەر بارێ خێزانێ و ڕەنگڤەدان لسەر قوتابی و زارۆکان.
خۆل بۆ ماوێ 3 رۆژان یا بهدهوام بوو، و خالا سهرنجراكێش د خۆلا ناڤبرى دا، چهندین زارۆك دگهل هژمارهكا سهمیانان پشكداربووینه بۆ هندێ ب شێوهیهكێ پراكتیكى بهێته زانین سهرهدهرى دگهل حهز و داخازیێن زارۆكان، ههروهسا چهندین گهنگهشه و شرۆڤه ژلایێ ئامادهبوویان هاتنه ئهنجامدان.
