د چارچووڤێ زەکاتا زانستی یا زانکویا جیهان-دهوک ئەم وەک یەکا وەرزشی ب هەماهەنگی دگەل بەشێ زمانێ ئینگلیزی راببون ب ئەنجامدانا چالاکییەکانی چیاڤانی بو قوتابیێن بەشێ زمانێ ئینگلیزی ، ئەڤ چالاکیە ب ئامادەبوونا بەرپرسێ ناڤەندا چیاڤانیا پارێزگەها دهوکێ (وەهبی مهدی مستەفا) کو تێدا ب شێوازەکێ ئەکادیمی باس ل شێوازێ چیاڤانیێ هاتە کرن هەمدەم ب ئامادەبوونا ڤەگێرێن زانکویا جیهان-دهوک باس ل چەوانیا هەوارهاتنا دەسپێکی بو قوتابیان هاتە کرن هەروەسا قوتابیان هەوەکا پاقژکرنێ ل چیایێ قەشەفرێ ئەنجامدا.
ل رۆژا شەمبی ڕێکەفتی 25ی هەیڤا 10 دەمژمێر 4:00ی ئێڤاری، ل هولا “موحەمەد عارفێ جزیری” ل ژێر دروشمێ(ئاوازا كوردی و موزیكا جیهانی ل سهر ئێك ژێیا داهێنانێ) و پشتی ئهو سهركهفتنا ئوركێسترا”جیهان” ب دهستڤه ئینای د نمایشا (ئێكێ-دووێ) ل باژێرێ (ههولێرێ) مە ب پێتڤی زانی كۆ ئهم ڤێ چالاكیێ ل باژێرێ دهۆكا ڕەنگین ژی ئەنجامبدەین، ژ بۆ هندێ كو هونهرمهند و هونهر دوست و گهنج و لاو بێ بههر نهبن ژ وێ تاما بهرههمێ هونهری. لەورا ب ئامادەبوونا ژمارەیەکا باش ژ هونەر دۆست و میوزیکژەنێن باژێرێ دهۆک ئەڤ نمایشا سەرنجڕاکێش ب ڕێڤەچوو.
ل ڕێکەفتی 2ی هەیڤا 11 ڕۆژا ئێک شەمب گرۆپێ “جیهان دهۆک میوزیک” دگەل ئەکادیمیا جیهان-دهۆک ل بن پرۆگرامێ زەکاتا زانستی ژ بۆ ئەنجامدانا چالاکیەکا هونەری سەرەدانا قوتابخانەیا “زانیاری” یا بنەرەت کر. د ڤێ چالاکیێدا چەندین ئاواز و سترانێن جوان یێن کوردی ژ بۆ قوتابی و ستافێ قۆتابخانێ هاتنە پێشکێشکرن و پاشی دیاری ژلایێ ستافێ زانکویێڤە ب سەر قوتابیاندا هاتن بەلاڤکرن. ل دویماهیێ ژی سوپاسنامەیەکا ڕێزلێنانێ ژ لایێ ڕێڤەبەرێ قوتابخانێ ڤە بۆ سەرۆکایەتیا زانکویا جیهان-دهۆک هاتە پێشکێشکرن.
سەردانا هۆشیاری ژ لایێ قوتابێن بەشى تەکنەلۆژیای وینەگرتنێ تیشک بۆ نەخۆشخانا ئافرەتان وزاروکبوونێ ب مەرەما هۆشیاری لدور پەنجەشێرا مەمک.
لە چوارچوڤێ چالاکیێن زانستی و هۆشیاریێ بەردەوام بو بەشی تەکنەلۆجیای وێنەگرتنێ تیشک، قوتابیان سەردانەکا مەیدانی بۆ نەخۆشخانا ئافرەتان وزاروکبوونێ ل دهۆک ڕێکخست لە چوارچوڤێ هەوەکا هۆشیاری شێرپەنجەی مەمک.
قوتابی رابوینە ب پێشکەشکرنا ڕێنمایێن ته ندروستي و دابەشکرنا بروشورێن زانیاری بە ئامانجا هۆشیاریا ئافرەتان سەبارەت بە گرنگیا دەستنیشانکردنا پێشوەخت و پشکنینا بەردەوام بۆ نەخۆشیێن ئافرەتان لدەمێ سەردانێ, چەندین ستافی نەخۆشخانێ دگەل قوتابیان بوون، بتایبەتی د.دلين ئەنوەر سدیق (پزیشکی منداڵبوون و ئافرەتان) و د.جوان بەشیر (پزیشکی پسپۆڕی تیشک و سۆنەر)، کە ڕوونکرنەکا وردی لەبارەی میکانیزمێن دەستنیشانکرنا زوودەم یا شێرپەنجەیا مەمک بە بەکارهێنانا تەکنیکێن وێنەگرتنی پزیشکی خستەڕوو.
بەشی تەکنەلۆجیای تیشک سوپاس و پێزانینی ئاراستەی بەڕێوبەرایەتی تەندروستی دهۆک بە تایبەتی کارگێڕی نەخۆشخانەی ئافرەتان وزارۆکبوونێ دکەت بۆ هاوکاریێن بەرهەمدار، پێشوازیا گەرم و پاڵپشتیا بەردەوامیان لە دەستپێشخەریێن زانکۆێى بە ئامانجا خزمەتکرنا کۆمەڵگەهێ و بەرەڤ پێشبرنا هۆشیاریا تەندروستى لناڤ گومەلگەهی دا .
ستافێکی تایبەت لە زانکۆی جیهان – سلێمانی کە پێکهاتبوو لە پڕۆفیسۆری یاریدەدەر دکتۆر سادات عەبدوڵڵا یاریدەدەری سەرۆکی زانکۆ، دکتۆر موئمین زەڵمی و مامۆستا هێمن ڕەشید ئاغا، سەردانی دیوانی بەڕێوەبەرێتی پەروەردەی شارەزووریان کرد.
لەلایەن بەڕێوەبەری پەروەردە و سەرپەرشتیاری یەکەمەوە بەخێرهاتنی ستافەکە کرا. لە کۆبوونەوەیەکی کوورتدا گفتوگۆ لەسەر گرنگی خولی شیاندن (پێداگۆجی) بۆ مامۆستایان و چۆنیەتی وتنەوەی وانەکان کرا.
بەڕێوەبەری پەروەردە سوپاسی ستافی زانکۆی جیهان-سلێمانی کرد بۆ ئەرک و ماندووبوونیان کە لەسەر داوای بەڕێوەبەرێتی پەروەردە، ئامادەییان دەربڕیوە بۆ کردنەوەی ئەو خولە.
وەک گروپی یەکەم، خولەکە بۆ هەموو مامۆستایانی گرێبەستی قوتابخانەکانی ناوەندی قەزای شارەزوور و زەڕایەن پێشکەش دەکرێت.
خولەکە لە هۆڵی دیوانی بەڕێوەبەرێتی پەروەردەی شارەزوور دەستیپێکرد. هەریەک لە دکتۆر سادات و مامۆستا نەبیل لە وتەیەکی کوورتدا باسی گرنگی ئەم خولە و شێوازەکەیان بۆ مامۆستایانی بەشدار کرد.
دواتر لەلایەن دکتۆر موئمین زەڵمیەوە ڕۆژی یەکەمی خولەکە بەسەرکەوتوویی کۆتایی هات.
زانكۆی جیهان – سلێمانی وەكوو ئەركێكی پەروەردەیی هەمیشە گرنگیداوە بەدروستكردنی پەیوەندی لە نێوان زانكۆ و كەرتە جیاوازەكاندا و بەتایبەتی كەرتی پەروەردەیی، ئەم چالاکەش هەر لەو چوارچێوەیەدا ڕێکخراوە.
ئەکادیمیایی جیهان چوارشەممە رێکەوتی ٢٠٢٥/١٠/١٥ لەچوار چێوەی پرۆژەی زەکاتی زانست ئەرکمانە، بەئامادەبوونی بەڕێز د. نوزاد یحیی سعید باجگر سەرۆکی دەستەی ئەمیندارانی زانکۆکانی جیهان، بڕوانامە بەسەر بەشداربووانی مامۆستایانی پەروەردەی تایبەت ( ئۆتزم ) دابەشکرا، شایانی باسە وانەکان لەلایەن راهێنەری بەتوانا بەڕێز د.هەوران سعید عبداللە گوترایەوە.
زانکۆی بابەگورگور بەشداری لە حەوتەمین هەڵمەتی نەمام چاندن کرد کە لەلایەن دامەزراوەی کۆکار بۆ گەشەپێدانی بەردەوام رێکخرابوو، کە پێنج کاتژمێری خایاند بە ئامانجی پاڵپشتیکردنی ژینگە و زیادکردنی ڕووبەری سەوزایی لە شارەکەدا.
ئەم بەشدارییە پابەندبوونی زانکۆ نوێ دەکاتەوە بۆ پشتگیریکردنی دەستپێشخەرییە ژینگەییەکان و بەشداریکردنی چالاکانە لە خزمەتکردنی کۆمەڵگا و بنیاتنانی داهاتوویەکی بەردەوامتر.
زانکۆی بابەگورگور ڕۆژی 19/7/2025 لەسەنتەری ڕۆشنبیری کەرکوک بەهاوکاری گروپی سان و بەپاڵپشتی زانکۆکە چالاکییەکی تایبەتی ڕێکخست لەژێر ناونیشانی کلیلی سەرەکی سەرکەوتنی ڕاستەقینە
کۆبوونەوەکە خوێندکارانی ئامادەیی پۆلی شەشەمی بنەڕەتی بوو و ئامانجی بەهێزکردنی چەمکی سەرکەوتن و پێشکەشکردنی ڕێنمایی پراکتیکی بوو بۆ یارمەتیدانیان بۆ پەرەپێدانی توانا ئەکادیمی و کەسییەکانیان و بەشداریکردن لە بنیاتنانی نەوەیەک کە هۆشیارتر و ئامادەتر بێت بۆ زانکۆ و داهاتووی پیشەیی.
چالاکییەکە پێنج کاتژمێری خایاند و گفتوگۆ و کارلێکێکی مانادار ئەنجامدرا و یارمەتیدەر بوو لە گەیاندنی پەیامە سەرەکییەکانی سەرکەوتنی ڕاستەقینە.
دهزگایێ زهكاتا زانستى-دهوك دۆماهی ب خۆلا بنهمایێن خێزانا بهختهوهر ئینا ئهڤرۆ رێكهفتى (27/8/2025) ل دویف راسپاردێن بهرێز (پ.د.زیرڤان عبدالمحسن أسعد) سهرۆكێ زانكویێ، سهبارهت ئهنجامدانا چالاكیێن دهزگایێ زهكاتا زانستى و خزمهتكرنا جڤاكى، خۆلهكا گهشهپێدانا مرۆڤى ب ههماههنگى دگهل ناڤهندا دهۆك یا ئێكهتیا ئافرهتێن كوردستانێ ب دۆماهی هات، ل دور (بنهمایێن بهختهوهریا خێزانێ و جڤاكى)، ژلایێ بهرێز راهێنهر ریاچ فرزو محمود، بابهت و تهوهرێن گرنگ ل دۆر بنهمایێن خێزانا بهختهوهر پێشكێشكرن، خۆل بۆ ماوێ 2 رۆژان یا بهردهوام بوو، و پاشان باوهرنامێن پشكداربوونێ دێ لسهر پشكداران هاتنە دابهشكرن.
ل دویف راسپاردێن بهرێز (پ.د.زیرڤان عبدالمحسن أسعد) سهرۆكێ زانكویا جيهان-دهوك، د چارچووڤێ ههولێن بهردهوام یێن خزمهتكرنا جڤاكى دا، دهزگایێ زهكاتا زانستى خۆلهكا راهێنانێ یا “ڤێراگههشتنێن دهستپێكى” ڤهكر ل رێكهفتى (6/8/2025) بۆ فهرمانبهرێن رێڤهبهریا بهرهنگاربوونا تۆند و تیژى دژى ئافرهتان و خێزانێ ل پارێزگهها دهۆكێ .
خۆل ژلایێ خانم (د.لیلى محمدصالح) راگرا كۆلیژا پهرستارى هاته پێشكێشكرن، ب هاریكاریا بهرێز (كارزان اسماعیل) ڤهگێرێ تاقیگههێن پزیشكى، چهندین تهوهرێن گرنگ یێن تیورى و پراكتیكى ل دۆر سهرهدهریكرن دگهل رویدان و بویهرێن نهچاڤهرێكرى.
ههروهسا ژ تهوهرێن دى یێن خۆلێ: بنهمایێن ڤێراگههشتنێن دهستپێكى، ڤهژاندنا دلى و سهان (CPR)، كۆنترۆلكرنا خوینهربوونێ، سهرهدهریكرن دگهل شكهستن و سۆتنان، بێهنتهنگى وئاگههـ ژ خۆ نهبوون، لێدانێن كارهبێ، و دهرئهنجامێن بلندبوونا پلێن گهرمێ، ب مهرهما وێ چهندێ پشكدارێن خۆلێ شیان و هۆشیاریا رزگاكرنا كهسانێن پێتڤى ههبیت.
