بەکۆتاهێنانی خولی راهێنەرایەتی تایبەت بە ڕاهێنەران لە نوسینگەی بەڕێز وەزیری پەروەردە، بۆ بابەتی بەڕێوەبردنی پۆل کەوا مامۆستایانی لەسەر ئاستی هەرێمی کوردستان بەشداربوون ماوەی خولەکە بە دوو ڕۆژ، لە کاژێر ٨:٣٠ هەتاوەکو ٥ ئێوارە، زۆر بەسەرکەوتوویی بە هاوبەشی لەگەل نوسینگەی وەزارەتی پەروەردە و ئەکادیمیای جیهان بە ئەنجام گەیەنرا
گفتوگۆی پەروەردەیی لە بەرنامەی ئەزمونی پۆل لە کەناڵی پەروەردە لەگەڵ د. سەرباز عزیز سەرپەرشتیار لە ئەکادیمیای جیهان، دەربارەی پێداگۆجی و وانە وتنەوەی هاوچەرخ و بەڕێوەبردنی پۆل و تەکنەلۆجیا و Ai لە بواری پەروەردەدا، هەروەها قسەکردن دەربارەی خولەکانی پێداگۆجی لە سەرجەم زانکۆکانی جیهان (هەولێر- دهۆک- سلێمانی) کرا
چۆنیەتی مامەڵەکردنمان لەگەڵ رەنگەکان لە دیزاینکردنی پۆلەکان بە ڕەچاوکردنی قۆناغ و تەمەنی قوتابی ، باسکردنی ڕەنگە گونجاوەکان و کاریگەریان لەسەر دەرونی قوتابی ، هەر ڕەنگێک جوانیەکی تایبەتی خۆی هەیە ، بەڵام ئەو ڕەنگانەی لە سرەشدان یاخود لە سروشتەوە نزیکن گونجاو ترە بۆ ڕەنگی پۆلەکان ، نەک ڕەنگە تاریکەکان نمونە ( سور – ڕەش ) ، کە دەگونجێت بۆ ڕازاندنەوە بەکاری بهێنین بەڵام گونجاو نین بۆ ڕەپۆشکردنی پۆلەکە ، چونکە دەبنە هۆی سترێسی و خەمۆکی قوتابیان ، یان بە نموونە ڕەنگی ( سپی ) ناکرێت تەواوی پۆلەکە بە کەلوپەلەکانیەوە سپی بێت ، چونکە ڕەنگێکی ساردە ، لە هامان کاتدا دیزاینی پۆلەکان بەپێی قۆناغەکان هەڵبژێرین باشترە ، تاکوو هەست بە جیاوازی ئاستەکانیان بکەن .
مامۆستایانی زانستی کۆمپیوتەر لە پەیمانگای جیهان سێرڤەرێکی فیزیکی کۆمپیوتەریان دامەزراند و ڕێکخست کە سویچ و کێبڵی تێدابوو، بۆ یەکێک لە تاقیگەکانی کۆمپیوتەر لە قوتابخانەی جیهان . پڕۆژەکە هەشت ڕۆژی لەسەر یەک خایاند و لە مانگی ئەیلولی 2024 دەستی پێکرد و ڕۆژانە بەردەوام بوو تا تەواو بوو.
دامەزراندن و ڕێکخستنی سێرڤەرێکی کۆمپیوتەری فیزیکی تەواو لەگەڵ سویچ و کێبڵ بۆ یەکێک لە تاقیگەکانی کۆمپیوتەری پەیمانگاکە. ماوە: 8 ڕۆژ، لەگەڵ دانیشتنی ڕۆژانە، لە ئەیلوولی 2025 دەست پێدەکات تا تەواوبوون.
پرۆگرامی “زەکاتی زانست” خولی ڕاهێنانی “شیکردنەوەی میز – بنەماکان و بەکارهێنان” کە لە 13 تا 15 ی تەمووزی 2025 بەڕێوەچوو بە سەرکەوتوویی کۆتایی پێهێنا. ئامانجی ئەم خولەی ڕاهێنانە، پڕچەککردنی کارمەندانی تەندروستی و کارمەندانی تاقیگە بە زانیاری و شارەزایی پراکتیکی پێویست بۆ ئەنجامدانی پشکنینی شیکردنەوەی میز بە وردی و بەرزکردنەوەی وردی دەستنیشانکردن، چاودێری نەخۆش و بڕیاردانی کلینیکی.
دهزگایێ زهكاتا زانستى سمینارهك بۆ پشكدارێن خۆلا پێداگۆجى پێشكێشكر ل رێكهفتى (21/8/2025)، د چارچووڤێ چالاكیێن بهردهوام یێن دهزگایێ زهكاتا زانستى كو ب شێوهیهكێ گشتى ژلایێ بهرێز (پ.د.زیرڤان عبدالمحسن أسعد) دهێته سهرپهرشتیكرن، و جهخت ل بهرنامێ هۆشیارى و رهوشهنبیرى و گهشهپێدانا شیانا دكهت، سمینارهك هاته رێكخستن بۆ ماموستایێن پشكدار د خۆلا پێداگۆجى یا ژماره 4 ل دۆر (كهنالێن وهرگرتنا زانیاریان) ژلایێ راهێنهر (ریاض فرزو محمود)، باس ل هژمارهكا ئامراز و رێكێن بدهستڤهئینانا زانیاریان كر، و شێوازێ بكارئینان و كارپێكرنا وان زانیاریان. خۆلا پێداگۆجى یا ژماره 4 ب ههماههنگى دناڤبهرا سهنتهرێ پێداگۆجى ل زانكویا جیهان-دهۆك و رێڤهبهریا گشتى یا پهروهردا پارێزگهها دهۆكێ هاتیه ڤهكرن، و بۆ ماوێ 6 حهفیتان یا بهردهوامه، چهندین بابهت و تهوهرێن تیورى و پراكتیكى دهێنه پێشكێشكرن.
ل رێكهفتى (18/8/2025)، ل دویف راسپاردێن بهردهوام یێن بهرێز (پ.د.زیرڤان عبدالمحسن أسعد) سهرۆكێ زانكویێ، سهبارهت بهرنامێ دهزگایێ زهكاتا زانستى ب مهرهما خزمهتكرنا تهخ و چینێن جودا یێن جڤاكى، دهزگایێ زهكاتا زانستى ب هەماهەنگی دگەل پەیمانگەها تەکنیکی ڕواندۆز لقێ زاخۆ، خۆلەکا گەشەپێدانا کەسایەتی ژ روویێ “جەستەیی، دەروونی، کۆمەڵناسی” ڤهكر كو بۆ ماوێ حهفتیەکێ دێ یا بەردەوام بیت، ب سەرپەرشتیا بەرێز (د.دژوار احمد) راھێنەرێ گەشەپێدانا کەسایەتی، ب پشکداریا تایبەتمەند و پسپۆر د بوارێن پزیشکی و دەرونناسی و جڤاکناسی دا.
🔸️بابەتێ خۆلێ: شرۆڤەکرنا کەسایەتیێ.
🔸️تەوەرێن خۆلێ:
١-شرۆڤەکرن ژ ڕوویێ فیسیولۆجی.
٢- شرۆڤەکەن ژ ڕوویێ سایکولۆجی.
٣- شرۆڤەکرن ژ ڕوویێ سوسیولۆجی.
٤- کارتێکرنا ڕەوشەنبیریا یاسایێ د ڕێکخستن و گەشەکرنا کەسایەتیێ دا.
ل رێكهفتى (10/8/2025) د چارچووڤێ بهرنامى و پرۆژێ دهزگایێ زهكاتا زانستى-دهۆك و ل دویف راسپاردێن بهردهوام یێن بهرێز (پ.د.زیرڤان عبدالمحسن أسعد) سهرۆكێ زانكویێ سهبارهت گرنگى دان ب بهرنامێ هۆشیارى و رهوشهنبیریا گشتى، خۆلهكا رێك و ئامرازێن فێربوونا زمانێ ئنگلیزى هاته ڤهكرن ب ههماههنگى دگهل پهیمانگهها ژیرمهند یا فێركرنا زمانان ل قهزا شێخان، بۆ ماوێ 3 رۆژان دێ یا بهردهوام بیت، باس ل چهندین رێك و ئامرازێن نوى هاته كرن د ههردوو بوارێن تیورى و پراكتیكى دا كو ژلایێ هژمارهكا ماموستایێن پسپۆر دهێته پێشكێشكرن: ـ م.یوسف عصمت ل دۆر گرنگى زمانى د بیاڤێ كار و پیشهیى دا ـ م.حسام نزار ل دۆر زمانێ ئنگلیزى د ژیانا رۆژانه و پراكتیكى دا – م. محمد فیصل ل دۆر بنهمایێن درۆست یێن فێربوونا زمانێ ئنگلیزى.
ل رێكهفتى (7/8/2025) دهزگایێ زهكاتا زانستى یێ زانكویا جیهان-دهۆك ب ههماههنگى دگهل پهیمانگهها كالیفورنیا یا فێركرنا زمانان ل قهزا ئاكرێ، خۆلا رێك و ئامرازێن فێربوونا زمانێ ئنگلیزى ل قهزا ئاكرێ ب دوماهى ئینا، ب پشكداریا 39 پشكداران ژ ههردوو رهگهزان، كو بۆ ماوێ حهفتیهكێ یا بهردهوام بوو.
دهستپێشخهریا ئهنجامدانا چالاكیێن دهزگایێ زهكاتا زانستى ڤهدگهریت بۆ پشتهڤانیا بهردهوام یا بهرێز (پ.د.زیرڤان عبدالمحسن أسعد) سهرۆكێ زانكویێ، د چارچووڤێ پێشڤهبرنا كارێ خۆبهخشى و خزمهتكرنا جڤاكى، و بهێزكرنا هۆشیارى و رهوشهنبیریا گشتى یا تهخا گهنجان.
خۆل ژلایێ ماموستا (م.محمد فیصل حبیب) ماموستایێ بهشێ پهروهردا گشتى ل زانكویا جیهان-دهۆك، و بهرێز (م.محمد حسین محمد) رێڤهبهرێ پهیمانگهها كالیفۆرنیا یا فێركرنا زمانان هاته پێشكێشكرن، و گرنگى ب ههردوو لایهنێن تیورى و پراكتیكى هاته دان.
ل دوماهیێ پشكداران خواست كو ئهڤ جوره خۆله د بهردهوام بن، و زێدهتر دهم بهێته دان بۆ پێگههاندن و پێشڤهبرنا شیانێن وان یێن پیشهیى، و زانستى.
