60 كچ و كۆرێن حهوشكێ و تهناهیێ بهشدارى د خۆلهكا گهشهپێدانا مرۆڤى دا كر ل رێكهفتى 7/6/2024 د چارچووڤێ بهرنامێ سهنتهرێ زهكاتا زانستى ل زانكویا جیهان-دهوك، و خزمهتكرنا تهخ و چینێن جودا یێن جڤاكى، بهشێ پهروهردا گشتى خۆلهكا گهشهپێدانا مرۆڤى بۆ 60 گهنجێن حهوشكێ و كومهلگهها تهناهیێ ڤهكرن كو بۆ ماوێ 2 حهفتیان دێ یا بهردهوام بیت، بابهت پێك دهێن ژ (زمانێ ئنگلیزى، كومپیوتهر، پهروهرده و دهروونناسى)، ل رۆژا ئێكێ 3 بابهت ژلایێ ماموستایێن خۆلێ هاتنه پێشكێشكرن ژ وان: ـ م.هـ.هژار علی/ ل دۆر بێهنڤهدانا هاڤینێ و گرنگیا ڤهكرنا خۆل و خۆ پێگههاندنێ. ـ م.هـ.علی عبدالقادر/ ل دۆر كێشێن گهنجان و چاوانیا سهرهدهریكرن دگهل كێشه و چارهسهریان. ـ م.هـ.زیرڤان ایوب/ ل دۆر ئاستهنگێن پێشیا فێربوونا زمانێ ئنگلیزى. خۆلا ناڤبرى ب ههڤكارى دگهل ناڤهندا ئافرهتێن تهناهى هاتیه ڤهكرن ب مهرهما پێگههاندنا گهنج و قوتابیان و مفا وهرگرتن ژ دهمى و بێهنڤهدانا هاڤینێ.
ل رێكهفتى 30/6/2024 ل دویف بهرنامێ سهنتهرێ زهكاتا زانستى، بهشێ زمانێ ئنگلیزى، خۆلهكا زمانى بۆ فهرمانبهرێن كهنالێ دهوك ڤهكر، كو بۆ ماوێ 3 حهفتیان دێ یا بهردهوام بیت، مهرهم ژ ڤهكرنا خۆلێ پێشكێشكرنا رێك و ئامرازان بۆ پێشڤهبرنا زمانێ ئنگلیزى، بتایبهت وان كهسێن پلانا فێربوونا زمانى ههیى، ههروهسا ل پێكهاتێن سهرهكى یێن زمانێ ئنگلیزى هاته كرن، زێدهبارى باشتركرنا شیان و بههرهیێن پشكداران د پهیوهندیكرن و ئاخفتنێ دا و پهیداكرنا باوهرى بخووبوونێ ل دهمێ گهنگهشهكرنێ دگهل كهسانێن بهرامبهر ب زمانێ ئنگلیزى، زێدهبارى وێ چهندێ مهرهم ژ ڤهكرنا ڤان خۆلان خزمهتكرنا پێكهاتێن جودا یێن جڤاكى و دهرفهتهكه بۆ ماموستا و قوتابى و دهرچوویێن زانكویێ شیان و بههرهیێن خۆ پێشكێشى گهنج و قوتابى و خهلكى بكهن.
د چارچووڤێ بهرنامێ زهكاتا زانستى دا، ل رێكهفتى 1/7/2024، بهشێ پهروهردا گشتى خۆلهكا راهێنانێ بۆ قوتابیێن قوناغا 12ێ ئامادهیى ڤهكر، وهك خزمهتهكا زانستى بۆ ئاكنجیێن پارێزگهها دهوكێ. خۆلا ناڤبرى ژ چهندین بابهت و تهوهرێن گرنگ پێك دهێت كو دێ هێنه پێشكێشكرن ژلایێ ماموستایێن پسپور، لهوما وانهیهك هاته پێشكێشكرن ژلایێ (م.هـ.بدر جمال جمعه) ل دۆر شێوازێ سهرهدهریكرن دگهل قوناغا 12ێ ئامادهیى و ئهو گڤاشتنێن دهروونى یێن پهیدا دبن، ههروهسا باس ل سهرهدهریكرن دگهل هزرێن نهرێنى هاته كرن، دگهل گرنگى دان ب لایهنێ ساخلهمیا دهروونى.
د چارچووڤێ بهرنامێ زهكاتا زانستى دا، ل رێكهفتى 1/7/2024، بهشێ پهروهردا گشتى خۆلهكا راهێنانێ بۆ قوتابیێن قوناغا 12ێ ئامادهیى ڤهكر، وهك خزمهتهكا زانستى بۆ ئاكنجیێن پارێزگهها دهوكێ. خۆلا ناڤبرى ژ چهندین بابهت و تهوهرێن گرنگ پێك دهێت كو دێ هێنه پێشكێشكرن ژلایێ ماموستایێن پسپور، لهوما وانهیهك هاته پێشكێشكرن ل دۆر “چاوانیا هەلبژارتنا پسپۆریێ لدویف پێتڤیا بازارێ کاری”، ژلایێ (د.نوار ئالسەعدی) رێڤەبەرێ سەنتەرێ ڤەکۆلینان، ل زانکویا جیهان-دهۆک.
چالاکییەکانی پێشبڕکێی دادگای گریمانەیی یاسای نێودەوڵەتی جێسپ JESSUP، کە لەلایەن سەرۆکایەتى بەشی یاسا لە زانکۆی جیهان-هەولێر ڕێکخرابوو، ڕۆژى چوارشەممە ڕێکەوتى (١٢/٢/٢٠٢٥) کۆتایی بەکارەکانى هات. پێشبڕکێکە سێ ڕۆژەى خایاند و (١١) زانکۆ لە شارە جیاوازەکانى عێراقی بەشدارییان تێدا کرد.
خولی ناوخۆیی پێشبڕکێکە لە زانکۆی جیهان هەولێر بەڕێوەچوو و، لە لایەن کۆمەڵێک دادوەری پسپۆڕی یاسای نێودەوڵەتییەوە سەرپەرشتی کرا، لە ڕۆژانى پێشبڕکێیەکەدا تیمەکانی زانکۆ جیاوازەکانی عێراق بە ئارگیومێنتی یاسایی لە چوارچێوەی دۆسیە یاساییە گریمانەییەکاندا بۆچونەکانیان خستەڕوو، لە کۆتایی پێشبڕکێیەکەدا و لە مەراسیمێکى تایبەتدا دادوەرانی بەشداربوو لەم چالاکییەدا ڕێزلێنانى تایبەتاین پێشکەشکرا، کە ڕۆڵێکى بەرچاویان لە سەرکەوتنی پێشبڕکێکەدا بینى، هاوکات هەروەها ڕێز لە تیمی براوە نرا، کە زۆرترین نمرەی لە داوای یاساییدا بەدەستهێنا بوو، ئەوەش لەسەر بنەمای کۆمەڵێک بابەتى دییاریکراوى و پەیوەست بە دادگای نێودەوڵەتی. هەر لە ڕۆژى مەراسیمى کۆتایی پێشبڕکێیەکەدا تیپی براوە ڕاگەیەندرا و دەرفەتێکی بەنرخیان بۆ بەشداریکردن لە قۆناغی نێودەوڵەتی پێشبڕکێکە لە واشنتۆنی ئەمریکا بەدەستهێنا.
بەو بۆنەیەوە دکتۆر عومەر زوبێر زاهیر، سەرۆکى بەشی یاسا لە زانکۆی جیهان-هەولێر وتەیەکى پێشکەش کرد و، شانازیی زانکۆکەى بە ڕێکخستنی ئەم بۆنە گرنگە دەربڕی، وتیشى ڕێکخستن و میوانداریکردنى ئەم پێشبڕکێیە ڕەنگدانەوەی پابەندبوونی زانکۆی جیهان-هەولێرە بۆ دابینکردنی ژینگەیەکی پەروەردەیی بەرز بۆ فێرخوازان لە بوارە جیاوازەکان، هەروەک هانیان دەدات بۆ سەرکەوتن و داهێنان لە بوارەکانی یاسای نێودەوڵەتیدا.
پێشبڕکێی JESSUP یەکێکە لە گەورەترین پێشبڕکێ یاساییەکان لە جیهاندا، و ئامانجی پەرەپێدانی کارامەیی یاسایی و توانای بیرکردنەوەی ڕەخنەگرانە لە چارەسەرکردنی پرسە نێودەوڵەتییەکان و، ئاشناکردنیان بە چۆنیەتی پێشکەشکردنی ئامۆژگاری یاسایی لە چوارچێوەی یاسا ئاڵۆزەکانی جیهانیدا. .
ل ڕێکەفتی 30/6/2024 دویماهی ب خولا زمانێ ئیسپانی هاتە دان ئەوا ژلایێ بەشێ زمانێ ئینگلیزی ل زانکویا جیهان-دهۆک هاتیە ڤەکرن ژلایێ مامۆستایێ خۆلێ(د.احمد عبدالکریم)، پاشان ئەو قوتابیێن پشکدار باوەرنامە پێ هاتە دان، دڤێ خولێدا پێتڤیێن زمانی یێن دەستپێکی و گرنگ و چەندین بابەت و ناڤەڕوکێن گرنگ هاتنە بەحس کرن.
ل رێکەفتی 22/7/2024، د چوارچوڤێ سەنتهرێ زهکاتا زانستی دا، بهشێ پهروهردا گشتی ل زانکویا جیهان – دهۆک رابویه ب ڤهکرنا خولهکا گهشهپێدانا مروڤی و ئاڤاکرنا کهسایهتیا قوتابی و گهنجی بو ژمارهیهکا قوتابیێن قوتابخانا کولیژا جیهان، کو باس ل چهندین تهوهرێن جوداجودا دهێتەکرن، بو ماوێ حهفتیهکێ دێ یا بهردهوام بیت، بابهتێن پهروهردهیی و دهروونی و کهسایهتی و پێگههاندن و زمانێ ئینگلیزی دهێنه شڕۆڤهکرن. چهند وانه هاتنه پێشكێشكرن ژلایێ بهرێزان: ـ م.هـ. محمد فیصل، لدۆر بنهمایێن سهرهكى یێن فێربوونا زمانێ ئنگلیزى. ـ م.هـ. علی عبدالقادر، بێهیڤیبوون، و ئارهز و گهشبینى
رێکەفتی (25/6/2023) ب ئامادەبوونا بەرێز (پ.هـ.د.زێرڤان عبدالمحسن اسعد) سەرۆکێ زانکویێ، وبەرێز (مامۆستا سامان مصطفى) هاریکارێ رێڤەبەرێ گشتی یێ پەروەردا پارێزگەها دهۆکێ، و بەرێز (مامۆستا حسن چەلەبی) رێڤەبەرێ پەروەردا قەزا سێمێلێ، وشاندێن لژنێن ناڤخو یێن تەناهی و زانست، رێوڕەسمێن ب دویماهیک ئینانا خۆلا ب هێزکرنێ یا بابەتێن (زمانێ ئنگلیزی، ڕاوێژکاریا پەروەردەیی و دەروونی، کۆمپیۆتەر) بۆ (115) قۆتابیێن قۆناغێن (10و 11 و 12)ێ ئامادەیی ژلایێ بەشێ پەروەردا گشتی د چارچۆڤێ بەرنامێ سەنتەرێ زەکاتا زانستی دا هاتنە ئەنجامدان.
بەرێز سەرۆکێ زانکویێ دەستخۆشی ل مامۆستایێن خۆلێ کر و دۆپاتکر کو زانکویا جیهان دێ یا بەردەوام بیت د پێشکێشکرنا خزمەتێن خۆبەخشی یێن پێگەهاندن و پەروەردەیی بۆ تەخ و جینێن جودا جودا یێن جڤاکی بتایبەت د چارچۆڤێ زەکاتا زانستی دا.
هەروەسا هاریکارێ رێڤەبەرێ گشتی یێ پەروەردێ، و رێڤەبەرێ پەروەردا قەزا سێمێلێ سۆپاس و پێزانینێن خۆ ئاراستەی سەرۆکاتیا زانکویێ و مامۆستایێن خۆلێ کر ژ بۆ ماندیبوونا وان د فێرکرن و پێگەهاندنا قۆتابیاندا.
ل دویماهیێ باوەرنامێن بەشداربوونێ لسەر قۆتابیان هاتنە دابەشکرن.
ررێکەفتی (15/6/2023) دەرئەنجامێ کار و چالاکیێن خۆبەخش یێن سەنتەرێ زەکاتا زانستی ب سەرپەرشتیا ئێکسەر یا بەرێز (پ.هـ.د.زێرڤان عبدالمحسن اسعد) سەرۆکێ زانکویێ، خۆلا بهێزکرنا شیانێن مامۆستایێن ئایینی یێن سەر ب رێڤەبەریا ئەوقافا قەزا دهوک ب دویماهیک هات، پێک د هات ژ 80 مامۆستایێن گۆتاربێژێن مزگەفتان ب هەماهەنگی دگەل رێڤەبەریا گشتی یا ئەوقاف و کارۆبارێن ئایینی پارێزگەها دهوکێ هاتیە ڤەکرن.
رێۆڕەسمێن ب دویماهیک هاتنا خۆلێ ب پێشکێشکرنا فلمەکێ دۆکیۆمێنتاری یێن ڕۆژانێن خۆلێ و چەندین پەیڤ هاتنە پێشکێشکرن ژ وان بەرێز (ماموستا محمد خالد محمد) رێڤەبەرێ گشتی یێ ئەوقاف و کارۆبارێن ئایینی سۆپاسیا سەرۆکاتی و لژنا سەرپەرشتا زانکویێ و رێڤەبەریێ کر و دەستخۆشی ل خزمەت و ماندیبوونا مامۆستایێن وانە پێشکێشکرین کرن، و هیڤی خواست کو مفا ژێ هاتبیتە وەرگرتن ل دەمێ گۆتاربێژیێ و سەرەدەریکرن دگەل خەلکی و جڤاکی.
هەروەسا پەیڤێن رێڤەبەریا ئەوقافا قەزا دهوک، و لقێ دهوک یێ ئێکەتیا زانایان هاتنە پێشکێشکرن، و ل دویماهیێ باوەرنامێن بەشداربوونێ لسەر مامۆستایێن ئایینی هاتنە دابەشکرن.
ئەڤرو ڕێکەفتی 4/7/2023 دوماهیک ب خولا شمشێر بازی هاتە دان ئەوا ژلایێ یەکا وەزشی ل زانکۆیا جیهان-دهۆک هاتیە ڤەکرن ، تێدا باوەرنامە ب هەمی قوتابیان هاتە دان ژلایێ زانکۆیا جیهان-دهۆک ڤە ، ژ هەژی گوتنێ یە کو زانکۆیا جیهان-دهۆک بەردەوامە د بەلاڤکرنا زانست و زانینێ د هەمی بیاڤاندا ، وەرزش ژی ئێک ژ بیاڤێن گرنگە کو زانکۆ گرنگیەکا زور پێ ددەت.
