لە نێوان ڕۆژانی (١٠ تا ١٢ی شوباتی ٢٠٢٦)، سەرۆکایەتی بەشی کارگێڕی کار و بەشی ڕاگەیاندن لە زانکۆی جیهان-هەولێر، بە هەماهەنگی لەگەڵ لقی هەولێری سەندیکای ئابووریناسانی کوردستان، خولێکی ڕاهێنانی چڕوپڕیان بە ناونیشانی “کاریگەری میدیا و سۆشیال میدیا لەسەر بازاڕ و وەبەرهێنان” بۆ فێرخوازان و مامۆستایان بەڕێوەبرد.
لە ڕۆژی دووەمی خولەکەدا، کە ڕێکەوتی (١١/٢/٢٠٢٦) بەڕێوەچوو، هەریەک لە (ئاسۆ عەبدولڕەحمان)، ئەندامی سەندیکای ئابووریناسان و پڕۆفیسۆری یاریدەدەر دکتۆر (مەحمود حەمەدئەمین)، دوو بابەتى زانستی جیاوازیان پێشکەش کرد. لەو چوارچێوەیەدا ئاسۆ عەبدولڕەحمان تیشکی خستە سەر بنەماکانی بەبازاڕکردن لە سۆشیال میدیا و پەرەپێدانی ناوەڕۆکی کاریگەر بۆ ناساندنی براندەکان، هاوکات دکتۆر مەحمود حەمەدئەمین شیکردنەوەی بۆ کاریگەری کەناڵەکانی میدیا لەسەر ڕەفتار و پرۆسەی بڕیاردانی وەبەرهێنەران لە بازاڕە داراییەکاندا کرد.
لە ڕۆژی سێیەم و کۆتایی خولەکەدا، کە ڕێکەوتی (١٢/٢/٢٠٢٦) لە هۆڵى ئەکادیمیاى زانکۆ بەڕێوەچوو، پڕۆفیسۆری یاریدەدەر دکتۆر (هاوکار قاسم پیرداود)، سەرۆک بەشی کارگێڕی کار، بابەتێکی گرنگی دەربارەی “زانیارییە گەورەکان (Big Data)” و شیکردنەوەی بازاڕ لە ڕێگەی سۆشیال میدیاوە پێشکەش کرد. بۆ ئەوەش ڕوونی کردەوە کە چۆن دەتوانرێت قەبارەیەکی زۆر لە داتاکانی سۆشیال میدیا بۆ تێگەیشتن لە ڕەفتاری بەکاربەران و ئاراستەکانی بازاڕ شیبکرێنەوە، هەروەها چەندین چالاکیی پراکتیکی و نموونەی ڕاستەقینەی بۆ کۆکردنەوەی زانیارییەکان بۆ بەشداربووان نمایش کرد. لە تەوەرێکی دیکەدا، مامۆستای یاریدەدەر (دڵان ئیسماعیل) باسی لە چەمکە نوێیەکانی گەڕانەوە لە بازاڕە دیجیتاڵییەکان کرد و، جەختی لەسەر ستراتیژییەکانی پێوانەکردنی گەڕانەوەی سەرمایەگوزاری (ROI) و باشترکردنی ئەدای بازاڕی دیجیتاڵی کردەوە.
بابەتەکانی ئەم خولە بە شێوەیەکی زانستی و کردارەکی و لە ڕێگەی گفتوگۆی کراوە و نموونەی مەیدانییەوە باسیان لێوە کرا، بۆ ئامادەکردنی فێرخوازان و تێگەیشتن لە واقیعی بازاڕی کار لە سەردەمی تەکنەلۆژیادا. لە کۆتایی مەراسیمەکەدا، پڕۆفیسۆری یاریدەدەر دکتۆر هاوکار قاسم پیرداود، بڕوانامەی بەشداریکردنی بەسەر فێرخوازان و مامۆستایانی بەشداربوودا دابەش کرد.
ڕۆژی سێشەممە ڕێکەوتی (١٠ی شوباتی ٢٠٢٦)، سەرۆکایەتی بەشی کارگێڕی کار و بەشی میدیا لە زانکۆی جیهان-هەولێر بە هەماهەنگی لەگەڵ لقی هەولێری سەندیکای ئابووریناسانی کوردستان، خولێکی ڕاهێنانی چڕوپڕیان بۆ فێرخوازان و مامۆستایان دەستی پێکرد.
ئەم خولە کە بە ناونیشانی “کاریگەری میدیا و سۆشیاڵ میدیا لەسەر بازاڕ و وەبەرهێنان” لە هۆڵی ئەکادیمیای جیهان بەڕێوەدەچێت، بڕیارە بۆ ماوەی سێ ڕۆژ بەردەوام بێت و تێیدا باس لە پەیوەندی نێوان ڕاگەیاندن و گەشەی ئابووری دەکرێت.
لە ڕۆژی یەکەمی خولەکەدا، پڕۆفیسۆر دکتۆر (ئەیوب ئەنوەر سماقەیی) مامۆستای زانکۆ و سەرۆکى لقى هەولێرى سەندیکای ئابووریناسان، باسێکی زانستی لەسەر کاریگەری میدیای کلاسیکی لەسەر هەڵسوکەوتی بەکارهێنەران پێشکەش کرد و، تیشکی خستە سەر ڕۆڵی تەلەڤزیۆن، ڕادیۆ و ڕۆژنامەکان لە دیاریکردنی ئارەزووەکانی بەکاربەر و هێزی ڕیکلام لە گۆڕینی بیرکردنەوەی تاکەکان لە ناو کۆمەڵگەدا، ڕوونیشیکردەوە کە چۆن میدیای تەقلیدی هێشتا وەک سەرچاوەیەکی متمانەپێکراوی بازاڕکردن ماوەتەوە.
لە بەشێکى دیکەى یەکەم ڕۆژى خولەکەدا، مامۆستای یاریدەدەر (ئەزوەر مەهدی ساڵح) سەرۆک بەشی میدیا، گۆڕانکارییەکانی میدیای مۆدێرن و کاریگەرییەکانی لەسەر پەرەسەندنی بەرهەمی بۆ ئامادەبووان شیکردەوە. ئاماژەی بەوە کرد کە تەکنەلۆژیا و پلاتفۆرمە دیجیتاڵییەکان شێوازی دیزاینکردن و بەبازاڕکردنی کاڵاکانیان گۆڕیوە. دواتر دەرفەت درایە ئامادەبووان بۆ گفتوگۆ و پرسیارکردن، کە تێیدا پێشکەشکاران وەڵامی وردی مامۆستایان و فێرخوازانیان دایەوە دەربارەی چۆنیەتی سوودوەرگرتن لە میدیا بۆ باشترکردنی کێبڕکێ لە بازاڕدا.
ڕۆژی سێشەممە، ڕێکەوتی (٢٠/١/٢٠٢٦)، بە چاودێری پڕۆفیسۆری یاریدەدەر دکتۆر (هاوکار قاسم پیرداود)، سەرۆکی بەشی کارگێڕی کار لە زانکۆی جیهان-هەولێر، خولێکی ڕاهێنانی چڕ و پڕ بۆ فێرخوازانی بەشەکە دەستى پێکرد.
لەو خولەدا، کە بە ناونیشانی “دروستکردنی ژینگەیەکی زانکۆیی پاڵپشتیکار لە ڕووی دەروونییەوە” لە هۆڵی ئەکادیمیای جیهان دەستی پێکرد، بڕیارە بۆ ماوەی سێ ڕۆژ بەردەوام بێت، لە یەکەم ڕۆژى خولەکەشدا پڕۆفیسۆری یاریدەدەر دکتۆرە (ئیبتسام محەمەد سەعید)، پسپۆڕی بواری دەروونناسی لە بەڕێوەبەرایەتی پەروەردەی نەینەوا، وەک یەکێک لە پانێڵیستە سەرەکییەکان خولەکەی دەوڵەمەند کرد. دکتۆرە ئیبتسام محەمەد سەعید بە دیدێکی ئەکادیمییانە تیشکی خستە سەر “ستراتیژییەکانی تەندروستی دەروونی” وەک کۆڵەکەیەکی بنەڕەتی بۆ کارلێکی کۆمەڵایەتی و سەرکەوتنی ئەکادیمی. هاوکات بە وردی ڕوونی کردەوە کە چۆن پاراستنی هاوسەنگی دەروونی دەبێتە بزوێنەری مرۆیی بۆ ئەنجامدانی کارەکان بە کوالێتییەکی بەرز، هاوکات میکانیزمەکانی “پاڵپشتی دەروونی” لە ڕێگەی گوێگرتنی چالاک و ڕێنماییە زانستییەکانی خستە ڕوو، کە یارمەتیدەر دەبن لەوەی تاکەکان لە ناو ژینگەی زانکۆ و کاردا بەسەر فشارەکاندا زاڵ بن و پەیوەندییە مرۆییەکانیان بەهێزتر بکەن.
لە تەوەرێکی دیکەی خولەکەدا، پڕۆفیسۆری یاریدەدەر دکتۆر (مەحموود محەمەد ئەمین ئەلباشکالی)، مامۆستا لە بەشی کارگێڕی کار، ڕەهەندە کارگێڕییەکانی فشاری دەروونی و کاریگەرییەکانی لەسەر “پرۆسەی بڕیاردان” شیکردەوە. بۆ ئەوەش ئاماژەی بەوە کرد کە سەرکردەکانی داهاتوو لە ناو جەرگەی ئاڵۆزییەکاندا گەورە دەبن، بۆیە ئەگەر توانای بەڕێوەبردنی فشارە دەروونییەکانیان (Stress Management) نەبێت، کوالێتی بڕیارە لۆژیکییەکانیان دادەبەزێت و تەرکیزیان لاواز دەبێت. جەختی لەوەش کردەوە کە کۆنتڕۆڵکردنی فشار تەنها لایەنێکی دەروونی نییە، بەڵکو کارامەییەکى کارگێڕییە کە ڕێگە بۆ “سەرکردایەتی کاریگەر” خۆش دەکات، بۆیە پێویستە فێرخوازان لە ئێستاوە ڕابهێنرێن کە چۆن لە ژێر فشاردا بڕیاری دروست و لۆژیکی بدەن.
بهرنامێ زهكاتا زانستى بهردهوامه ل زانكویا جیهان-دهۆك بهشێ زانستێن كومپیوتهرى ل رۆژا ئێك شهمبى رێكهفتى (25/8/2024)، خۆلهكا زانستى بۆ هژمارهكا ماموستایێن قوتابخانا كولیژا جیهان ڤهكر، چهندین بابهتێن گرێدایى پسپوریا زانستێن كومپیوتهرى، و بكارئینانا تهكنۆلوجیا و پرۆگرامێن هاریكار د فێربوونێ، ب مهرهما پێشڤهبرنا شیانێن ماموستایان، كو ببیته هاندهرهك بۆ خۆگونجاندن دگهل نویترین پێشهاتێن تهكنولوجیا سهردهم.
ل رێكهفتى 15/8/2024، كولیژا پهرستارى ل زانكویا جیهان-دهۆك، خۆلهك ب دویماهى ئینا ل ژێر ناڤ و نیشانێن (رزگاركرنا دلى و ڤێراگههشتنێن دهستپێكى)، وهك بهشهك ژ بهرنامێ زهكاتا زانستى، و ب مهرهما پێشڤهبرن و پهیداكرنا زانیاریان و گهشهپێدانا شیانێن ماموستایان دناڤا جڤاكى دا، كو دهاته ب رێڤهبرن ژلایێ (د.لیلى محمد صالح)، سهرۆك بهشا پهرستارى، و چهندین بابهت و تهوهرێن گرنگ هاتنه پێشكێشكرن بتایبهت ل دۆر ڤێراگههشتنێن دهستپێكى. هژمارهكا ماموستایێن قوتابخانێن بنهرت پشكدارى خۆلێ بوون، ژ بۆ هندێ بزانن ل دهمێ پهیدابوونا رویدانهكێ ل ناڤا قوتابخانێ بزانن دێ چاوان سهرهدهریێ دگهل ههر پێشهاتهكێ كهن، ژ وان ڤهژاندنا دلى (CPR)، و ههروهسا چهندین كریارێن پراكتیكى ئهنجامدان د بوارێ چاوانیا سهرهدهریكرن دگهل برینا یان شكهستن و هنگافتنێ، زێدهبارى قوتدانا ئهزمانى، كو دهرئهنجام ماموستا بزانن دێ چاوان چارهسهریێن دهستپێكى پێشكێش كهن تا ئهڤ كهسه یان نهخۆش دهێته رهوانهكرن بۆ نهخۆشخانه، پشتى خۆل بسهركهفتیانه بۆ ماوێ حهفیتهكێ بهردهوام بوویى، باوهرنامێن پشكداربوونێ هاتنه پێشكێشكرن.
7 محاضرات جديدة في الدورة التدريبية للتنمية البشرية في 22 و 23 من تموز 2024، قدمت قسم التربية العامة 6 محاضرات جديدة في دورة تدريبية في التنمية البشرية التابعة لمركز زكاة العلم في جامعة جيهان-دهوك لـعدد من معلمي مديرية التربية في قضاء سُميل. شملت الدورة مواضيع مثل الإرشاد التربوي والوعي النفسي واللُّغة الإنجليزية ومهارات الكمبيوتر وأدوار الوالدين في التعليم. تم تقديم 7 محاضرات من قبل السادة: 1- أ.د. بيار محمد رشيد عمر عن “التقييم الإنساني واتخاذ القرار في التفاعلات الاجتماعية” 2- الأستاذ الدكتور إسماعيل بامرني حول “فلسفة العنف واليات المعالجة” 3- ا. م. د. أحمد عبدالكريم شعبان حول “أهمية اللغة الثانية مع اللغة الأم، اللغة الإنجليزية نموذجاً” 4- أ.بشكفت عبد الكريم عن “دور المعلمين في تنمية شخصية الطلاب” 5- دور المعلم في بناء الشخصية النفسية للطالب. 6ـ المحامي سردار العاني عن “مخاطر المخدرات وتأثيرها على المجتمع والأسرة”. 7- العقيد هيمن سليمان محاضرة “قانون إساءة استخدام أجهزة الاتصال ومشاكل التواصل الاجتماعي”. من الجدير بالذكر أن الدورة أعلاه استمرة لمدة أسبوعين.
ڕۆژی سێشەممە ڕێکەوتى (١٥/٤/٢٠٢٥) سەرۆکایەتى بەشی ڕاگەیاندن لە زانکۆی جیهان-هەولێر، بەسەرپەرشتی مامۆستاى یاریدەدەر (دلان ئیسماعیل)، بەهاوکارى ڕاهێنەر (شەماڵ تۆفیق) ڕاهێنەرى بوارى فۆتۆ خولێکى فۆتۆجۆرناڵى بۆ فێرخوازانى بەشی ڕاگەیاندن بەڕێوەبرد.
لە سەرەتای خولەکەدا، مامۆستاى یاریدەدەر دڵان ئیسماعیل تیشکی خستە سەر هەوڵەکانی بەشى ڕاگەیاندن بۆ پەرەپێدانی پێگەی ئەکادیمی فێرخوازان، بۆ ئەوەش وتى: لە پاڵ خوێندنى ئەکادیمى، بەشەکەمان ئەخوازێ لە ڕێگەی خول و ڕاهێنانى فێرخوازان لە بوارە جیاکانى میدیا پەرەى زیاتر بە بە تواناى پیشەیی فێرخوازان بدات، پاشان ڕاهێنەر شەماڵ تۆفیق باسی لە بنەماکانی کارپێکردنی کامێرا و تەکنیکەکانی فۆتۆى ڕۆژنامەگەری کرد و، ڕوونیکردەوە کە پێشکەوتن لە بواری میدیادا هەم لێهاتوویی پیشەیی و هەم شارەزایی ڕۆژنامەوانیی دەوێت، لەوانەش تێگەیشتنێکی بەهێز لە فۆتۆگرافی و شێوازە جۆراوجۆرەکانی، لە بەشێکى دیکەى قسەکانیدا ئاماژەی بە تەکنیکەکانی کامێرا کرد کە ناوەڕۆکی میدیا دەوڵەمەندتر دەکات .
لە بەشێکى دیکەى خولەکەدا بەشێوەیەکى پراکتیکى ڕاهێنان لە بوارى چۆنیەتى بەکارهێنانى کامیرا و گۆشەکانى کامیرا بەپێى ڕوداو و چالاکیەکان بە فێرخوازان کرا، هەروەک ڕاهێنەرەکە چەمکی “خاڵی زێڕین”ی لە فۆتۆگرافیدا بۆ فێرخوازان ڕوونکردەوە، کە کرۆکی وێنەیەکی باش پێناسە دەکات، هەروەها باسی لە مۆدێلە جیاوازەکانی کامێرا و گونجانیان بۆ فۆتۆ ڕۆژنامەگەری کرد و، جەختی لەوە کردەوە کە دامەزراوە میدیاییەکان کە بەدوای باشترین فۆتۆى ڕۆژنامەگەرییدا دەگەڕین بۆ ئەوەى ناوەڕۆکى هەواڵ و پەیامەکانیان بەشێوەیەکى باشتر بگەێنن بە وەرگر.
ڕۆژى دووشەممە ڕێکەوتى (٢٠/١/٢٠٢٥) سەرۆکایەتى بەشی ڕاگەیاندن لە زانکۆی جیهان-هەولێر وۆرک شۆپێکی لەبارەى “بنەماکانی پێشکەشکردنی تەلەڤزیۆن و لێهاتوویی پەیوەندیکردن بۆ ڕۆژنامەنووسان”، لە هۆڵى ئەکادیمیاى زانکۆ بەڕێوەبرد.
لەو وۆرکشۆپەدا، کە بە ئامادەبوونى مامۆستاى یاریدەدەر ئەزوەر قاسم ئاغا سەرۆکى بەشى ڕاگەیاندن و، ژمارەیەک لە فێرخوازانى ڕاگەیاندن لە قۆناغە جیاکان بەڕێوەچوو، لەسەرەتادا دکتۆر ئەمجەد یونس ئەلجەنابی، ئەکادیمی و میدیاکار لە کەناڵی ئاسمانى سامەڕا باسى لە “بنەماکانی پێشکەشکردن و مامەڵەکردن لەگەڵ کامێرا” کرد، بۆ ئەوەش ڕوونکردنەوەیەکی گشتگیری سەبارەت بە چۆنیەتی ئامادەکاری بۆ مامەڵەکردن لەگەڵ کامێرا لە ڕووی دەروونی و جەستەیی و دەروونییەوە پێشکە بە فێرخوازانى ئامادەبوو کرد، هەروەک جەختى لەسەر گرنگی فێربوونى پراکتیکی کردەوە.
لە بەشی دووەمی وۆرکشۆپەکە، کە لەلایەن دکتۆر عەلی مونعیم پێشکەشکرا، تیایدا تیشکی خستە سەر “کارامەییەکانی پەیوەندیکردن کە پێویستن بۆ ڕۆژنامەنووسانی تازەپێگەیشتوو”، بۆ ئەو مەبەستەش پێداچوونەوەی بە کۆمەڵێک کارامەیی سەرەتایی وەک نووسین و مۆنتاژکردن، کەڵک وەرگرتن لە تەکنەلۆژیای مۆدێرن ، توانای قسەکردن لەبەردەم خەڵک، گفتوگۆ، خوێندنەوە و پەیوەندی نازارەکی کرد و، جەختى لەسەر گرنگی ڕاهێنان و پراکتیزەکردن بۆ پەرەپێدانی ئەم کارامەییانە کردەوە.
ئەم وۆرک شۆپە لە چوارچێوەی پەرۆشی سەرۆکایەتى بەشی ڕاگەیاندن لە زانکۆی جیهان-هەولێر بۆ دابینکردنی باشترین ژینگەى فێربوون و ڕاهێنان بۆ فێرخوازانى دێ، تا بەشێوەیەکى تەواو بۆ بازاڕی کار لە بوارە جیاکانى ڕاگەیاندن ئامادەبن و بەشدارى کارا لە پەرەپێدانى بوارى میدیاى بکەن.
ستافێکی تایبەت لە زانکۆی جیهان – سلێمانی کە پێکهاتبوو لە پڕۆفیسۆری یاریدەدەر دکتۆر سادات عەبدوڵڵا یاریدەدەری سەرۆکی زانکۆ، دکتۆر موئمین زەڵمی و مامۆستا هێمن ڕەشید ئاغا، سەردانی دیوانی بەڕێوەبەرێتی پەروەردەی شارەزووریان کرد.
لەلایەن بەڕێوەبەری پەروەردە و سەرپەرشتیاری یەکەمەوە بەخێرهاتنی ستافەکە کرا. لە کۆبوونەوەیەکی کوورتدا گفتوگۆ لەسەر گرنگی خولی شیاندن (پێداگۆجی) بۆ مامۆستایان و چۆنیەتی وتنەوەی وانەکان کرا.
بەڕێوەبەری پەروەردە سوپاسی ستافی زانکۆی جیهان-سلێمانی کرد بۆ ئەرک و ماندووبوونیان کە لەسەر داوای بەڕێوەبەرێتی پەروەردە، ئامادەییان دەربڕیوە بۆ کردنەوەی ئەو خولە.
وەک گروپی یەکەم، خولەکە بۆ هەموو مامۆستایانی گرێبەستی قوتابخانەکانی ناوەندی قەزای شارەزوور و زەڕایەن پێشکەش دەکرێت.
خولەکە لە هۆڵی دیوانی بەڕێوەبەرێتی پەروەردەی شارەزوور دەستیپێکرد. هەریەک لە دکتۆر سادات و مامۆستا نەبیل لە وتەیەکی کوورتدا باسی گرنگی ئەم خولە و شێوازەکەیان بۆ مامۆستایانی بەشدار کرد.
دواتر لەلایەن دکتۆر موئمین زەڵمیەوە ڕۆژی یەکەمی خولەکە بەسەرکەوتوویی کۆتایی هات.
زانكۆی جیهان – سلێمانی وەكوو ئەركێكی پەروەردەیی هەمیشە گرنگیداوە بەدروستكردنی پەیوەندی لە نێوان زانكۆ و كەرتە جیاوازەكاندا و بەتایبەتی كەرتی پەروەردەیی، ئەم چالاکەش هەر لەو چوارچێوەیەدا ڕێکخراوە.
ئەکادیمیایی جیهان چوارشەممە رێکەوتی ٢٠٢٥/١٠/١٥ لەچوار چێوەی پرۆژەی زەکاتی زانست ئەرکمانە، بەئامادەبوونی بەڕێز د. نوزاد یحیی سعید باجگر سەرۆکی دەستەی ئەمیندارانی زانکۆکانی جیهان، بڕوانامە بەسەر بەشداربووانی مامۆستایانی پەروەردەی تایبەت ( ئۆتزم ) دابەشکرا، شایانی باسە وانەکان لەلایەن راهێنەری بەتوانا بەڕێز د.هەوران سعید عبداللە گوترایەوە.
