بۆ هۆشیاركردنەوەی قوتابیان، فێرخوازانی بەشی ڕاگەیاندن لە زانكۆی جیهان-هەولێر بەسەرپەرشتی مامۆستای یاریدەدەر (عەلی جەلال جەعفەر) لە ڕێكەوتی پێنجشەممە 23-10-2025 سیمینارێكی زانستییان بەناونیشانی (ئالوودەبوونی ئەلیكترۆنی) بۆ قوتابیانی قوتابخانەی نێودەوڵەتیی جیهان-هەولێر ئەنجام دا.
مامۆستای سەرپەرشتیار و فێرخوازان لەلایەن مامۆستا (محمود عماد محمد) بەڕێوەبەری قوتابخانەكە پێشوازییان لێ كرا و تیشكی خستە سەر گرنگیی ئەنجامدانی ئەو جۆرە چالاكییانە بەمەبەستی هۆشیاركردنەوەی قوتابیان لە مەترسییەكانی ئالوودەبوون بە ئامێرە ئەلیكترۆنییەكان.
سیمینارەكە لەلایەن هەریەكە لە فێرخوازانی قۆناغی سێیەمى بەشی ڕاگەیاندن (ڕزگار صالح، یوسف ئەحمەد، لەیار ئازا، نێرگز ئەمیر) پێشكەشكرا. لە سەرەتای سیمینارەكەدا، ڕزگار صالح بەشێوەیەكی گشتی تیشكی خستە سەر ئالوودەبوون و جۆرەكانی، چەندین نموونەی جیاوازی لەڕووی پزیشكییەوە خستەڕوو بۆ قوتابیانی ئامادەبوو. پاشان یوسف ئەحمەد باسی لە کاریگەری و مەترسییەکانی ئالوودەبوون بە ئامێرە ئەلیکترۆنییەكان كرد و تیشكی خستە سەر ئەو لێكەوتە نەرێنییانەی كە لەسەر تەندروستیی دەروونی و تەندروستیی جەستەیی هەیەتی.
لە بەشی سێیەمی سیمینارەكەدا، فێرخواز لەیار ئازا ئاماژەی بەو ڕێگایانە كرد کە چۆن كەسێك دەستنیشانی بكات و بزانیت ئالوودەی ئامێری ئەلیكترۆنی بووە، ئەوەش بەمەبەستی زوو چارەسەركردنی. لە بەشی كۆتاییشدا، فێرخواز نێرگز ئەمیر باسی لەو ڕێگا و میكانیزمانە کرد کە قوتابیان دەتوانن بەهۆیانەوە خۆیان بپارێزن و چارەسەری ئالوودەبوون بە ئامێرە ئەلیكترۆنییەكان بكەن.
لەكۆتاییدا، مامۆستا محمود عماد بەڕێوەبەری قوتابخانەی نێوەدەوڵەتیی جیهان-هەولێر سوپاسی بەشی ڕاگەیاندن و فێرخوازانی كرد بۆ ئەنجامدانی سیمینارەكە، هیوای خواست كە چالاكییە هاوشێوەكانیان بەردەوام بن بۆ هۆشیاركردنەوەی قوتابیان و پاراستنیان لە مەترسی و زیانەكانی ئالوودەبوون بە ئامێری ئەلیكترۆنی.
لە چوارچێوەی هەوڵە زانستییەكانییدا، ڕۆژی یەکشەممە، ڕێکەوتی (١٩/١٠/٢٠٢٥)، فێرخوازانی بەشی ڕاگەیاندن، بە سەرپەرشتی مامۆستای یاریدەدەر دڵان ئیسماعیل مەولود، سەردانێکی زانستییان بۆ قوتابخانەی (فێنک)ـی ناحکومی لە شاری هەولێر ڕێکخست.
لە دەستپێکی سەردانەکەدا، فێرخوازان و مامۆستای سەرپەرشتیار لەلایەن مامۆستا دالیا جاسم محەمەد ئەلحەمدانی، بەڕێوەبەری قوتابخانەی فێنک، پێشوازییەکی گەرمیان لێ کرا. بەرێوەبەری قوتابخانەكە جەختی لەسەر پێویستیی ئەم جۆرە چالاكییانە كردەوە و ستایشی بەشی ڕاگەیاندنی زانکۆی جیهان-هەولێری کرد بۆ هەنگاوەکانیان لە پاراستنی قوتابیان لەم سەردەمی پەیوەندییە زۆرەی دیجیتاڵییەدا.
چالاکییەکە بە شێوەی سیمینار بەڕێوەچوو و لەلایەن فێرخوازانی قۆناغی سێهەمی بەشی ڕاگەیاندن مصطفی تغلب احمد، یوسف احمد خضیر و تەمار عامر یەحیا بە زمانی عەرەبی پێشکەش کرا.
قوتابی یوسف ئەحمەد لە بەشی یەکەمدا، تیشکی خستە سەر پێناسە و فۆرمە جیاوازەکانی توندوتیژیی میدیایی و بە وردی شیی کردەوە کە چۆن ئەم دیاردەیە دەبێتە هۆی نائارامیی دەروونی و گۆشەگیریی کۆمەڵایەتی لەسەر گەنجان. پاشان، مصطفی تغلب ، لە بەشی دووەمدا، گرنگیی ئاسایشی ئەلیکترۆنی خستە ڕوو و ڕوونی کردەوە کە چۆن دەتوانرێت بە بەکارهێنانی میکانیزمە ئاسان و سادەکان، فێرخوازان خۆیان لە هێرشە ئەلیکترۆنییەکان بپارێزن و ژینگەیەكی پارێزراوتر بۆ خۆیان دروست بکەن، لە كۆتایی سیمینارەكەدا، قوتابی تەمار عامر باسی لە هێڵەگەرمەكانی پەیوەندی كرد بەمەبەستی خۆپاراستن و پەنابردنە بەر لایەنی پەیوەندیدار لەكاتی ڕووبەڕووبوونەوەی هێرشی ئەلیكترۆنیی.
لەکۆتاییدا، بەڕێوەبەری قوتابخانە، مامۆستا دالیا جاسم، دەستخۆشی لە هەوڵ و کۆششی فێرخوازان کرد و داوای بەردەوامی چالاکییەکانی کرد، بەو هیوایەی کە ئەم چالاكییانە ببنە هۆی درووستکردن و ئامادەكردنی نەوەیەکی تەندرووست کە بتوانن بە شێوەیەکی ژیرانە مامەڵە لەگەڵ پێشکەوتنی تەکنەلۆجیادا بکەن.
ڕۆژی یەکشەممە، ڕێکەوتی (١٩/١٠/٢٠٢٥)، بەشێک لە فێرخوازانی بەشی ڕاگەیاندن لە زانکۆی جیهان-هەولێر، بە سەرپەرشتی مامۆستای یاریدەدەر دڵان ئیسماعیل مەولود، سەردانێکی زانستییان بۆ قوتابخانەی زاگرۆسی بنەڕەتی لە شاری هەولێر ئەنجام دا بەمەبەستی ئەنجامدانی چالاكییەكی هۆشیاریی لەسەر خراپ بەکارهێنانی مۆبایل و تۆڕە کۆمەڵایەتییەکان.
سەرەتا، فێرخوازان و مامۆستای سەرپەرشتیار لەلایەن مامۆستا ئیحسان عوسمان مەولوود، بەڕێوەبەری قوتابخانەی زاگرۆس، بە گەرمی پێشوازییان لێ کرا. بەڕێوەبەری قوتابخانە سوپاسی زانکۆی جیهان-هەولێری کرد بۆ دەستپێشخەرییەکەیان و جەختی کردەوە کە ئەم جۆرە چالاکییە زانستییانە لەم قۆناغەدا زۆر پێویستن، بەتایبەتی کە پەیوەندیی فێرخوازان بە ئامێرە دیجیتاڵییەکانەوە ڕۆژ بە ڕۆژ زیاتر دەبێت.
چالاکییەکە بە شێوەی سیمینارێک بەڕێوەچوو و لەلایەن هەردوو فێرخوازی قۆناغی چوارەمی بەشی ڕاگەیاندن ضُحی ئەرجومەنت جەمال و سۆلین طیب عەبدولڕەحمان پێشکەش کرا. لە بەشی یەكەمی سیمینارەكەدا، فێرخواز ضُحی ئەرجومەنت، تیشکی خستە سەر پێناسەی توندوتیژیی میدیایی و چۆنییەتی درووستکردنی کاریگەرییە دەروونی و کۆمەڵایەتییەكان لەسەر گەنجان و هەموو تاکێکی کۆمەڵگە. پاشان، سۆلین طیب، لە بەشی دووەمدا، وردەکارییەکانی خۆپاراستنی دیجیتاڵی شیکردەوە و گرنگیی زانیاری و میکانیزمەکانی بەرەنگاربوونەوەی هێرشە ئەلیکترۆنییەکانی خستەڕوو، بۆ ئەوەی فێرخوازان بتوانن بە شێوەیەکی پارێزراوتر ئامێرەکانیان بەکار بهێنن.
لە کۆتاییدا، مامۆستا ئیحسان عوسمان مەولوود دەستخۆشی لە فێرخوازان کرد و هیوای خواست ئەم جۆرە چالاکییەکان بەردەوام بن و ڕۆڵی هەبێت لە بنیادنانی نەوەیەکی هۆشیار کە بتوانن بە شێوەیەکی تەندرووست مامەڵە لەگەڵ جیهانی دیجیتاڵییدا بکەن.
ڕۆژی دووشەممە ڕێکەوتى (13-10-2025) فێرخوازانی بەشی ڕاگەیاندن لە زانکۆی جیهان-هەولێر بەسەرپەرشتی مامۆستای یاریدەدەر دڵان ئیسماعیل مەولود سەردانێکی زانستییان بۆ قوتابخانەی (بان)ـی ناحكومی لە گەڕەكی هەڤاڵان ئەنجامدا و چالاکییەکى هۆشیارییان بەڕێوەبرد.
مامۆستای سەرپەرشیتار و فێرخوازان لەلایەن مامۆستا نەرمین ئەحمەد مستەفا، بەڕێوەبەری قوتابخانەکە پێشوازییان لێکرا، لە وتەیەکیشدا سوپاس و پێزانینی خۆی بۆ بەشی ڕاگەیاندن لە زانکۆی جیهان-هەولێر دەربڕى لە بەرامبەر دەستپێشخەرییان بۆ ئەنجامدانی چالاکی و سیمیناری هۆشیارانە بۆ فێرخوازانی قوتابخانەكە. هەروەها جەختی لەسەر گرنگیی چالاكییەكە كردەوە، بەتایبەتی لەمڕۆدا کە فێرخوازان بە ڕێژەیەکی بەرچاو بەرکەوتەیان لەگەڵ ئامێرەکانی پەیوەندی و میدیای ئەلیکترۆنی هەیە.
چالاكییەكە بریتی بوو لە پێشكەشكردنی سیمینارێك بۆ قوتابیانى پۆلی 11ـی ئامادەیی دەربارەی (خراپبەكارهێنانی میدیای ئەلیكترۆنی) و لەلایەن فێرخوازانی قۆناغی سێهەمی بەشی ڕاگەیاندن ئەنجامدرا. لە بەشی یەكەمی سیمینارەكەدا، فێرخواز (قارەمان جەوهەر) باسی لە جۆرەكانی توندوتیژیی میدیایی و كاریگەرییەكانی لەسەر تاكەكان و كۆمەڵگە كرد، هەروەها ڕوونی كردەوە كە چۆن ئەم جۆرە توندوتیژییە دەتوانێت كاریگەری دەروونی و كۆمەڵایەتی نەرێنی لەسەر فێرخوازان درووست بكات.
لە بەشی دووەمی سیمینارەكەدا، فێرخواز (سەركار حسین) تیشكی خستە سەر میكانیزمەكانی خۆپاراستن لە توندوتیژیی میدیایی و ڕێگا و شێوازەكانی بەرەنگاربوونەوەی ئەم جۆرە هێرشانە، لەوانەش چۆنییەتی بەڕێوەبردنی ئاسایشی دیجیتاڵی و پاراستنی زانیارییە تایبەتیەكان.
دواتر، فێرخواز (لەیار ئازا) ئاماژەی دا بە یاسای بەرەنگاربوونەوەی خراپبەكارهێنانی ئامێرەكانی پەیوەندی و هەروەها باسی لە هێڵەگەرمەكانی پەیوەندی كرد بەمەبەستی خۆپاراستن و پەنابردنە بەر لایەنی پەیوەندیدار لەكاتی ڕووبەڕووبوونەوەی هێرشی ئەلیكترۆنیی.
لەكۆتایی چالاكییەكەدا، مامۆستا نەرمین ئەحمەد مستەفا، بەڕێوەبەری قوتابخانەی (بان)ـی ناحكومی سوپاسی مامۆستای سەرپەرشیار و فێرخوازانی بەشی ڕاگەیاندنی كرد لە بەرامبەر ئەو چالاكییە زانستی و هۆشیارییە، هاوكات هیوای بەردەوامیی بۆ خواستن لە ئەنجامدانی چالاكیی هاوشێوە بەمەبەستی بنیادنانی تاكێكی هۆشیار و تەندرووست لەنێو كۆمەڵگەدا.
لە 8ی تشرینی یەکەمی 2025، زانکۆی هەولێری نێودەوڵەتی وۆرکشۆپێکی بە ناونیشانی “AI: باوەڕپێکراو یان باوەڕپێنەکراو” لەلایەن بەشەکانی تەکنەلۆژیای زانیاری و کیمیاوە بە سەرپەرشتی دکتۆر محەمەد نەزەر رێکخست. ڕووداوەکە چۆنیەتی کارکردنی زیرەکی دەستکرد و تیشک خستە سەر سوودەکانی، سنووردارییەکان و بەرەنگارییە ئەخلاقییەکانی. بەشداربووان فێربوون دەربارەی بەکارهێنانەکانی AI و ئەفسانە باوەکانیان ڕەتکردەوە و جەختیان لەسەر گرنگی چاودێری مرۆڤ کردەوە. وۆرکشۆپەکە هانی بیرکردنەوەی ڕەخنەگرانەی خوێندکارانی دا، هانی بەکارهێنانی بەرپرسیارانەی تەکنەلۆژیای دا، و تێڕوانینی بەنرخی سەبارەت بە کاریگەری شاراوەی AI لەسەر پەروەردە و کۆمەڵگا پێشکەش کرد.
لە 1 ی تەمووزی 2025، دکتۆر محەمەد نزار، سەرۆکی بەشی تەکنەلۆژیای زانیاری، تیمێکی دوو خوێندکاری نایابی تەکنەلۆژیای زانیاری کۆکردەوە بۆ پەرەپێدانی سیستەمێکی گشتگیر بۆ IUE. ئەم پڕۆژەیە بریتییە لە دروستکردنی وێبسایتێکی فەرمی نوێ، سیستەمێکی ئامادەبوونی ئۆنلاین، و پلاتفۆرمێک بۆ کەرەستەکانی کۆرس و چالاکییە ئەکادیمییەکان کە بۆ فەرمانبەران و قوتابیان بەردەستە. سەرەڕای ئەوەش، تیمەکە بەرپرس بوو لە دیزاینکردنی سیستەمێکی دڵنیایی کوالیتی (QA). لە ژێر سەرپەرشتی بەردەواممدا، پێشکەوتنی بەردەواممان بەدەست هێناوە لە پەرەپێدان و چاککردنی ئەم سیستەمە و بەردەوامین لە کارکردن بۆ باشترکردنی کارایی و پرۆفیشناڵیی.
لە 15ی ئایاری 2025، دکتۆر محەمەد نەزەر، سەرۆکی بەشی تەکنەلۆژیای زانیاری لە زانکۆی IUE، ڕۆڵی سەرەکی هەبوو لە سەرپەرشتیکردن و ڕێکخستنی پڕۆژەی جۆراوجۆر لەلایەن خوێندکارانی بەکالۆریۆس کە خۆیان ئامادە دەکرد بۆ بەشداریکردن لە فێستیڤاڵەکانی پڕۆژە زانستییەکانی زانکۆکە. هەماهەنگی وردی بریتی بوو لە خشتەی ڕاهێنانەکان، تەرخانکردنی سەرچاوەکان، و دڵنیابوون لەوەی کە هەر پڕۆژەیەک ستانداردەکانی فێستیڤاڵەکە دەگات. سەرەڕای پێشکەشکردنی ڕێنمایی تەکنیکی، کاری هەرەوەزی و پەیوەندی کاریگەری لەنێوان قوتابیان بەرز دەکردەوە و یارمەتییان دەدا کارەکانیان بە متمانە و پرۆفیشناڵییەوە پێشکەش بکەن. ئەم سەرپەرشتیکردن و ڕێکخستنە بە شێوەیەکی بەرچاو یارمەتیدەر بوو بۆ ئامادەکاری قوتابیان و سەرکەوتنی گشتی بەشداریکردنیان لە فێستیڤاڵەکە.
لە 27 ی نیسانی 2025، لە کاتی فێستیڤاڵی پڕۆژە گەورەکان لە زانکۆی جیهان سەرۆکی بەشی تەکنەلۆژیای زانیاری ڕێنمایی بنەڕەتی بۆ خوێندکارانی بەکالۆریۆس پێشکەش کرد کە لەسەر پرۆژەکانی AI کار دەکەن. پاڵپشتی ئەوان دڵنیایی دەدات کە قوتابیان بنەمای تەکنیکی پتەو و شێوازی داهێنەرانە لە کارەکانیاندا بەکاردەهێنن. بە بەدواداچوونی نزیکی بەرەوپێشچوون، پێدانی ئامۆژگاری شارەزایان، و بەڕێوەبردنی گفتوگۆکانی چارەسەرکردنی کێشەکان، سەرپەرشتیارەکە یارمەتیدەر بوو لە پاراستنی ستانداردی کوالیتی بەرز و هانی چارەسەری داهێنەرانەی دا. ئەم ئامۆژگارییە کلیلی بوو بۆ باشترکردنی ئەزموونی فێربوونی قوتابیان و سەرکەوتنی گشتی پرۆژەکانی AI لە فێستیڤاڵەکەدا.
2. لە 12 ی نیسانی 2025، بەشدارییەکی چالاک لە کۆبوونەوەیەکی ئۆنلاین لەگەڵ کۆلێژی زانکۆی ئالفا هەبوو، کە دامەزراوەیەکی تایبەتی پێشەنگ لە سوبانگ جایا لە مالیزیا و پسپۆڕی تەلارسازی، دیزاین و پرۆگرامەکانی پەروەردەیە. گفتوگۆکان بابەتی جۆراوجۆر لەخۆ دەگرێت وەک دەرفەتی هاوکاری لە بوارەکانی پەروەردە، پڕۆژەی هاوبەش، ئاڵوگۆڕی کەلتووری، و بەکارهێنانی تاقیگەی مۆدێرن بۆ پاڵپشتیکردنی دەستپێشخەرییە داهێنەرەکان. ئەم پەیوەندییە پەیوەندییە نێودەوڵەتییەکانی بەهێز کرد و بناغەی بۆ هاوبەشی ئەکادیمی و کەلتووری داهاتووی نێوان پەیمانگاکان دانا.
خوێندکارانی بەشەکانی تەکنەلۆژیای زانیاری و وەرگێڕانی ئینگلیزی سەردانی کەناڵی تەلەفزیۆنی Ava یان کرد بۆ بەدەستهێنانی ئەزموونی کرداری و فێربوونی زیاتر لەسەر چۆنیەتی کارکردنی رێکخراوێکی میدیایی. لە کاتی سەردانەکەیاندا، قوتابیان دەرفەتی ئەوەیان هەبوو بەشە جیاوازەکانی ناو کەناڵەکە بدۆزنەوە، لەوانە پەخش، دەستکاریکردن و بەرهەمهێنانی ناوەڕۆک. کارمەندانی کەناڵەکە ڕێنماییان کرد، کە تێڕوانینیان لەسەر تەکنەلۆژیا و ستراتیجی بەکارهاتوو لە میدیای مۆدێرن و هاوکاری نێوان تیمە تەکنیکی و داهێنەرەکان پێشکەش کرد.
