بەسەرپەرشتی مامۆستای یاریدەدەری ئەردەڵان حسێن ئەوڵا، بە هاوکاری سەرۆك بەشی زانستی کۆمپیوتەر د.اسن باقر قنبر سەرۆك بەشی زانستی کۆمپیوتەر.
ئامانجی پێشبڕکێکە پەرەپێدانی تواناکانی خوێندکارانە لە تەکنەلۆژیا پێشکەوتووەکان و ئامادەکردنیان بۆ ئاستەنگەکانی پیشەسازی جیهانی. لە گروپی خویندکارانی بەشدار بوو خوێندکاران (بەڵێن جلال امين, شاد دلێر محمد) بە سەرکەوتوویی لە قۆناغی نیشتمانی لە ئاستی زانکۆکانی عێراق سەرکەوتن بۆ تاقیکردنەوەی ئاستی وڵاتانی ڕۆژهەڵاتی ناوەڕاست، ئەمەش دەستکەوتێکی گرنگ بوو بۆ خوێندکاران و زانکۆکە.
ئەم دەستکەوتە ڕەنگدانەوەی پابەندبوونی بەشی زانستی کۆمپیوتەرە بە باشی ئەکادیمی و فێربوونی خوێندکاران. زانکۆی جیهان-سلێمانی پیرۆزبایی خۆی ئاراستەی خوێندکاران و سەرپەرشتیاران دەکات و هیوای سەرکەوتنی زیاتریان بۆ دەخوازێت لە قۆناغی داهاتوودا
پەیمانگای تەکنیکی و پیشەیی جیهان هەستا بە سازدانی سیمینارێکی زانستی بۆ مامۆستا (شیلان مصطفی علی) هەڵگری بڕوانامەی ماستەر لە بواری تەندروستی
کۆمەڵ) وە مامۆستای لە بەشی پەرستاری و فریاگوزاری خێرا بە ناونیشانی(پەتای وەرزی وچۆنێتی خۆپاراستن و کاریگەری ڤاکسینی ئەنفلۆنزا لە ڕێگریکردن لە توشبوون و بەکارهێنانی دەرمانە دژە زیندەییەکان لەچارەسەرکردنی توشبوانی ئەنفلۆنزا ) بۆ خوێندکاران ومامۆستایانی هەر سێ بەشی (پەرستاری و جوانکاری و کارگێڕی یاسا)، لەکۆتایدا گفتوگۆی بەپێز لە نێوان ئامادەبوان و پێشکەش کاردا ئەنجام درا پەیوەست بە بابەتەکە و تێیدا وەلامی جەندین پرسیار درایەوە
AI لە رێگەی چالاککردنی زانست، پەرەپێدانی کارەکان و گۆڕینی شێوازی ژیاندا، کاریگەری دروست دەکاتەوە لە هەموو بواری ژیان. لەم سیمینارەدا باس کراوە چۆن زیرەکی دەستکرد دەتوانێت هاندەرێکی گەورە بێت بۆ باشترکردنی ژیان و خوێندنی ئێمە، و چۆن لە بواری کار، فێربوون و پەرەپێداندا داهاتووی نوێ دروست دەکات. ئەم وتارە بە شێوەیەکی سادە و ڕوون پێشکەش کراوە بۆ ئەوەی بەشدارییەکان بتوانن بە باشترین شێوە بۆ ئەم گەشەی گەورەی جیهان تێبگەین زیاتر لە 100 بەشداربوو ئامادەبوون کە پێک هاتبوون لە خوێندکار و ، مامۆستا ، و کەسوکاری خوێندکاران. هیوامان ئەوەیە ئەم سیمینارە هاندەرێکی جوان بێت بۆ بینینی داهاتووی تەکنەلۆژیا
ئەپڵیکەیشەنێکی تایبەت بە یاساکانی هەرێمی کوردستانە کە سەرجەم یاسا، ماددە یاسا، و بڕیارەکان لە خۆ دەگرێت. ئەم بەرنامەیە بە شێوەیەکی سادە و گونجاو دابینکراوە و ئەپڵیکەیشنێکی قازانجنەویستە (Non-profit) یە.
دیاری دەکرێت بە چەند بەشێکی گرنگ:
• بەشی سەرەکی یاساکان
• هەواڵ و وتاری یاسایی
• مافەکان
• پارێزەران
• بڕیار و قراراتەکان
• گرێبەستەکان
• ChatBot AI بۆ یارمەتیدانی یاسایی
• و چەندین بەشی گرنگی تر
زیاتر لە 7395 داونلۆدی هەیە بۆ هەردوو سیستمی ئەندرۆید و ئای ئۆ ئێس.
لە ڕۆژی چوارشەممە ڕێكەوتی (25/11/2025)و، بە بۆنەی ڕۆژی جیهانیی بەرەنگاربوونەوەی توندوتیژی دژی ئافرەتان، دوو فێرخوازی بەشی پەروەردەی گشتی/ زمانی ئینگلیزی لە زانکۆی جیهان – هەولێر، بە ناوەکانی (ئیسرا کێفی) و (هوناز کەریم)، سەردانی قوتابخانەی ڕوساکیان کرد بە مەبەستی پێشکەشکردنی سیمینارێکی هۆشیاری دەربارەی توندوتیژی و دەستدرێژی دژی ئافرەتان.
سەرەتا فێرخوازان لەلایەن مامۆستا شیراز ئەحمەد حەمەدەمین بەڕێوەبەری قوتابخانە و مامۆستا بێریڤان نووری مەجید، پێشوازییەکی گەرمیان لێکرا و دەستخۆشییان لەم دەستپێشخەرییە گرنگە کرد. پاشان فێرخوازان سیمینارێکەیان پێشکەش کرد، کە تێیدا بابەتە سەرەکییەکانی توندوتیژی دژی ئافرەتانیان خستەڕوو. تەوەرەکانی سیمینارەکە بریتی بوون لە شیکردنەوەی شێوازە جیاوازەکانی دەستدرێژی، لەوانە دەستدرێژیی جەستەیی، زارەکی و ئەلیکترۆنی، لەگەڵ تیشک خستنە سەر کاریگەرییە دەروونی و کۆمەڵایەتییەکانی ئەم ڕەفتارانە لەسەر ئافرەتان. هەروەها لایەنی یاسایی بابەتەکە ڕوونکرایەوە، بەتایبەت ماددەی ٤٣٠ کە سزاکانی هەڕەشە و دەستدرێژی دیاری دەکات، بە جەختکردنەوە لەسەر گرنگیی ڕاگەیاندنی ڕووداوەکان و بەڵگەکردنیان. هەروەها فێرخوازان جەخت لەسەر ڕۆڵی پەروەردە، هۆشیاریی خێزان و پشتیوانیی کۆمەڵگە کرایەوە لە پاراستنی مافی ئافرەتان.
لە کۆتاییدا، کارگێڕیی قوتابخانەکە سوپاسی زانکۆی جیهان – هەولێریان کرد بۆ پشتیوانیکردنی ئەم جۆرە چالاکییە ئامانجدارانە، کە دەبنە هۆی بەرزکردنەوەی هۆشیاری و چەسپاندنی کەلتووری ڕێزگرتن.
ڕۆژی چوارشەممە ڕێکەوتی ١٥/١٠/٢٠٢٥، بە بۆنەی ڕۆژی جیهانی خۆراکەوە، ژمارەیەک فێرخوازى بەشی پەروەردەی گشتی سەردانی قوتابخانەی بارزیان کرد بابەتێکیان بە ناونیشانی: “خۆراکەکەت تۆ دروست دەکات: زانستی دەرونی خۆراک و تەندروستی دەرونی” پێشکەش بە قوتابیانى قوتابخانەکە کرد.
سەرەتا فێرخوازانى بەشى پەروەردەى گشتى کە پێکهاتبوون لە هەریەک لە (شیوان ڕوشدی، مازن شیروان، جومانە حەسەن، و مریەم عەبدولعەزیز) بە گەرمی لەلایەن ڕاستی غەفور فەتاح، بەڕێوەبەری قوتابخانەکە و بەڕێز محەمەد حەمەئەمین، بەڕێوەبەری چالاکییەکان پێشوازییان لێکرا، لە دوو وتەى جیادا ستایشى هەوڵەکانی فێرخوازانی کرد و ئامادەى هەر جۆرە چالاکیەکە دوپات کردەوە، پاشان فێرخوازان ناوەڕۆکى بابەتەکەیان خستەڕوو و، تیایدا باسیان لە پەیوەندی نزیکی نێوان خۆراک و تەندروستی دەرونی کرد، بۆ ئەوەش ڕوونیان کردەوە چۆن جۆری ئەو خۆراکەی دەیخۆین کاریگەری لەسەر باری دەرونی، هاندان، ئاستەکانی سترێس و تواناکانی ناسین هەیە، هەروەک جەختیان لەسەر گرنگی خواردنی ئەو خۆراکانە کردەوە کە دەوڵەمەندن بە ماددە خۆراکییەکان بۆ پاراستنی تەندروستی مێشک. هەروەها باسی چەمکی “خواردنی سۆزداری”یان کرد کە پەیوەستە بە هەستە نەرێنییەکانەوە وەک خەمۆکی، دڵەڕاوکێ یان بێزاری.
فێرخوازانى زانکۆى جیهان-هەولێر هانى قوتابیانى قوتابخانەکەى کرد خواردنی بەسوود و بەهۆشیارى بیخۆن، وەک خواردن بە هێواشی، ئاگادارى نیشانەکانی برسێتی و تێربوون و چێژوەرگرتن لە خواردن بن، چونکە هەموو ئەمانە کاریگەرییەکی ئەرێنیان لەسەر باشترکردنی هاوسەنگی دەرونی و کەمکردنەوەی سترێس هەیە، هەروەها ئامۆژگارییان کرد بە پەیڕەوکردنی سیستەمێکی خۆراکی هاوسەنگ لە ڕێگەی خواردنی خۆراکە جۆراوجۆرەکان و، خواردنەوەی بڕی پێویست ئاو، دوورکەوتنەوە لە کافایین و شەکری زیادە، و خواردنی ژەمەکان لە کاتێکی ڕێک و پێکدا.
گروپێک لە فێرخوازانى بەشی پەروەردەی گشتی لە زانکۆى جیهان-هەولێر بە چالاکیەکى هۆشیارى یادى ڕۆژى جیهانى تەندروستى دەرونى لە چەند شوێنێکى جیاوازى شارى هەولێر دەکەنەوە.
چالاکیەکە لە ڕۆژی یەکشەممە ڕێکەوتی (12/10/2025) بە سەرپەرشتی مامۆستای یاریدەدەر ڕۆژان عەلی خدر بە ناونیشانی “عەقڵت گرنگە” بەڕێوەچوو، لە میانەى چالاکییەکەیاندا فێرخوازانى بەشى پەروەردە سەردانی مەیدانییان بۆ ژمارەیەک دامەزراوە و شوێنی گشتی لە شاری هەولێر ئەنجامدا، لەوانە نەخۆشخانەی CMC، نەخۆشخانەی ڕزگاری، بەڕێوەبەرایەتی پۆلیسی پارێزگای هەولێر و باخچەی شار لە سەنتەرى شارى هەولێر.
فێرخوازان لە میانەى بەسەرکردنەوەى شوێنە جیاوازەکاندا، کۆمەڵێک زانیارى گرنگیان لەبارەى تەندروستی دەروونی و گرنگییەکەی لە هاوسەنگی ڕۆژانەی تاک پێشکەش بە هاوڵاتیان و فەرمانبەران لە دامەزراوە جیاوازەکان کرد و، جەختیان لەوە کردەوە کە بایەخدان بە تەندروستی دەروونی کەمتر نییە لە بایەخدان بە تەندروستی جەستەیی، بۆ ئەو مەبەستەش فێرخوازان گفتوگۆیان لەبارەى گرنگترین ئاڵنگارییە دەروونییە باوەکان کرد وەک دڵەڕاوکێ، خەمۆکی، سترێس و گۆشەگیری، هەروەها ئامۆژگاری پراکتیکییان پێشکەش بەهاوڵاتیان کرد بۆ پاراستنی تەندروستی دەروونی لە ڕێگەی دەربڕینی هەستەکان، ئەنجامدانی چالاکی جەستەیی، پاراستنی پەیوەندی کۆمەڵایەتی، پەیڕەوکردنی سیستمی خۆراکی و خەوی تەندروست و داواکردنی یارمەتی کاتێک پێویست بێت.
کەمپین و چالاکیەکەى فێرخوازان لەلایەن عەمید کامیل محەمەد باقر بەڕێوەبەرى گشتى پۆلیسى هەولێر و کیفاح حەسەن، وتەبێژی پۆلیسی هەولێر پێشوازییان لێکرا و، سوپاس و پێزانینی خۆیان دەربڕی بۆ ئەم دەستپێشخەرییە ئامانجدارەی فێرخوازان، کە بەشدارە لە بڵاوکردنەوەی هۆشیاری و بەهێزکردنی تەندروستی دەروونی لەنێو کۆمەڵگەدا.
گروپێک لە فێرخوازانى بەشی پەروەردەی گشتی لە زانکۆی جیهان – هەولێر ڕۆژی چوارشەممە ڕێکەوتى (24 ی ئەیلوولی 2025) بە سەرپەرشتی دکتۆر ئەحمەد عەبدولعەون سەرۆکی بەشی پەروەردەى گشتی سەردانى قوتابخانەی ئامادەیی عیرفانی کچان و سیمینارێکی زانستییان لەبارەى تواناکانی فێربوونی زمانی ئینگلیزی پێشکەش بە قوتابیانى قوتابخانەکە کرد.
لە سەرەتای سەردانەکەیاندا، فێرخوازانى بەشى پەروەردەى گشتى کە پێکهاتبوون لە هەریەک لە (زەهرا ئەحمەد، هودا حاجی ئاغا) لەلایەن مامۆستا لینا حوسێن بەرزنجی بەڕێوەبەری قوتابخانە بەگەرمی پێشوازییان لێکرا، پاشان لە هۆڵى قوتابخانەکەدا ناوەڕۆکى بابەتەکەیان پێشکەش بە قوتابیانى پۆلى دەیەکى قوتابخانەکە کرد و، تیشکیان خستە سەر گرنگی پەرەپێدانی چوار بنەماى سەرەکی زمانی ئینگلیزی ( گوێگرتن، قسەکردن، خوێندنەوە و نووسین)، هەروەک ئاماژەیان بە هەندێک یاسای ڕێزمانی بنچینەیی پێویست بۆ فێربوونی زمانکرد و، ناوەڕۆکى بابەتەکەیان بە نموونەی ڕۆژانە بۆ قوتابیان ڕوون کردەوە.
پاشان گفتوگۆیەکى پڕ بەرهەم لە نێوان فێرخوازانى زانکۆى جیهان-هەولێر و قوتابیانى قوتابخانەکە بەڕێوەچوو، کە تیایدا تیشکیان خستە سەر پرۆگرامی خوێندنی زانکۆی جیهان -هەولێر بەتایبەتی لە بەشی پەروەردەی گشت- لقی فێرکردنی زمانی ئینگلیزی و، ئاماژەیان بەوەدا کە پرۆگرامە ئەکادیمییەکان بۆ گونجاندن لەگەڵ پێداویستییەکانی دنیای ڕاستەقینە داڕێژراون و بەردەوام نوێدەکرێنەوە.
لە کۆتاییدا بەڕێوەبەری قوتابخانەکە سوپاسی فێرخوازانى زانکۆى جیهان-هەولێرى کرد بۆ هەوڵە ئەکادیمییە نایابەکانیان و هیوای سەرکەوتنی بەردەوامی بۆ خواستن. فێرخواز لای خۆیانەوە سوپاسی بەڕێوەبەرایەتی قوتابخانەیان کرد بۆ پێشوازییە گەرمەکەیان و بانگهێشتیان ئاراستەی بەڕێوەبەر کرد بۆ ئەوەی سەردانی زانکۆی جیهان- هەولێر بکات بۆ لە نزیکەوە ئاشنابوون زیاتر لەسەر پرۆگرامى ئەکادیمی و شێوازە مۆدێرنەکانی خوێندن لە زانکۆ.
ڕۆژی چوارشەممە، ڕێکەوتى (١٥/١٠/٢٠٢٥)، گروپێک لە فێرخوازانی قۆناغی چوارەمی بەشی زمانی ئینگلیزی لە زانکۆی جیهان – هەولێر، بە سەرپەرشتیی مامۆستاى یاریدەدەری مەروە مەحمود ئەمین، چالاکییەکی فێرکاریی کارلێککارانەی سەرنجڕاکێشیان لە قوتابخانەی ئامادەیی نیو بریج ئەنجامدا.
لەسەرەتای گەیشتنیان، مامۆستا ڕاوێژ ئەحمەد محەمەد، بەڕێوەبەری قوتابخانەکە، بە گەرمی پێشوازی لە فێرخوازان کرد. پاشان فێرخوازانی زانکۆ زنجیرەیەک چالاکیی فێرکاریی کارلێککارانەیان ڕێکخست کە بە شێوەیەک دیزاین کرابوون تا وانەکانی زمانی ئینگلیزی زیندووتر و قوتابی-ناوەندتر بکەن. چالاکییەکان بریتی بوون لە دروستکردنی نەخشەی بینراوی چیرۆکەکان، پرسیاری هاندان بۆ بیرکردنەوە لەبارەی کۆتایی چیرۆکەکان و بەڕێوەبردنی دانیشتنێک بە ناوی “ڕەنگدانەوەی ئەخلاقی” (Ethical Reflection)، کە لەوێ فێرخوازانی قوتابخانە بەشداربوون لە گفتوگۆی داهێنەرانە و ڕەنگدانەوەی کورت لەبارەی بەها و وانە وەرگیراوەکان. ئەم چالاکییانە هانی گەشەپێدانی بیرکردنەوەی ڕەخنەیی، داهێنان و پەیوەندیکردن بە زمانی ئینگلیزی دا، کە ئەزموونی فێربوونی قووڵتر و خۆشتر کرد.
چالاکییەکە بە هەستێکی گڕوتین و هاوکاری لە نێوان فێرخوازانی زانکۆ و قوتابخانەدا کۆتایی هات، بەجۆرێک ژینگەیەکی فێرکاریی ئیلهامبەخشی دروست کرد، کە واتا ڕاستەقینەکەی ژیاندنەوەی فێربوونی تێدا بەرجەستە بوو.
ڕۆژی سێشەممە، ڕێکەوتى (٢١/١٠/٢٠٢٥) فێرخوازانى قۆناغی چوارەمی بەشی زمانی ئینگلیزی لە زانکۆی جیهان-هەولێر، سیمیناریان بە ناونیشانی (کاریگەریی تۆڕە کۆمەڵایەتییەکان لەسەر بەرهەمهێنان و بەڕێوەبردنی کاتی هەرزەکاران) لە ئامادەیی سەنەوبەرى کچان پێشکەش بە قوتابیانى قوتابخانەکە کرد.
لەو چالاکیەدا، کە بە سەرپەرشتی مامۆستای یاریدەدەر مەروە مەحموود ئەمین بەڕێوەچوو، سەرەتا لەلایەن مامۆستا نەزال حاجی مستەفا بەڕێوەبەری قوتابخانەکە و ، مامۆستا شیلان نەصیر، مامۆستای سەرپەرشتیار بە گەرمی پێشوازییان لێکرا. پاشان لە هۆڵى قوتابخانەکەدا، فێرخوازانى بەشى زمانى ئینگلیزى باسیان لە دیاردەی ئالوودەبوون بە تۆڕە کۆمەڵایەتییەکان لە نێو هەرزەکاراندا کرد، بۆ ئەوەش جەختیان لەوە کردەوە بەکارهێنانی زیاد لە پێویستی پلاتفۆرمەکانی وەک ئینستاگرام، تیکتۆک و فەیسبووک کاریگەریی نەرێنی لەسەر کارى ڕۆژانە، ئاستی خوێندن و، لایەنى تەندروستی دەروونی لاوان دەبێت.
لە بەشێکى دیکەى سمینارەکەیاندا هەروەها ئاماژەیان بە دیارترین هۆکارەکانی ئاڵوودەبوون بە تۆڕە کۆمەڵایەتییەکان کرد، لەوانە فشاری هاوڕێیان، ئارەزووی بەدەستهێنانی قبووڵکردنی کۆمەڵایەتی، هەستکردن بە بێزاری و ئاسانی دەستڕاگەیشتن بە ناوەڕۆکی سەرنجڕاکێش.
لە وێستگەیەکى دیکەى سەردانەکەیاندا، مامۆستاى سەرپەرشتیار و فێرخوازان لەلایەن لە چوارچێوەی مامۆستا شیلان نەصیر هاوڕێتیى کران بۆ بەسەرکردنەوەى پێشانگەی هونەریی قوتابخانەکە، کە تێیدا وێنەکێشان و کارە هونەرییەکان و ئەزموونە داهێنەرەکانی قوتابیانى تیادا نمایش کرابوو.
