ڕۆژی سێشەمە ڕێکەوتی (٤/٣/٢٠٢٥) فێرخوزانی قۆناغی سێیەمی بەشی پەرستاری تەندروستی کۆمەڵ لە زانکۆی جیهان-هەولێر سەردانی ئامادەیی (بریسکە)ی کچانیان کرد و چالاکیەکی زانستیان بەڕێوەبرد.
فێرخوازانی زانکۆی جیهان-هەولێر سەرەتا لە لایەن مامۆستا (ژوان مجید زەندی) بەڕێوبەری قوتابخانەکە پێشوازیان لێکرا، پاشان لە چالاکیەکەدا کە بە ئامادەبوونی هەریەک لە قوتابیان و مامۆستایانی قوتابخانەکە بەڕێوەچوو، فێرخوازان لەسەرەتادا سێمینارێکیان لەبارەی شێوازەکان و چۆنیەتی ئەنجامدانى فریاگوزاری سەرەتایی و خۆپاراستن لە ڕوداوە نەخوازراوەکان پێشکەش بە قوتابیانى قوتابخانەکە کرد.
لە وێستگەیەکى دیکەى سەردانەکەیاندا، فێرخوازانی بەشى پەرستارى تەندروستى کۆمەڵ کۆمەڵێک پشکنینی جۆراوجۆر بۆ مامۆستایان و قوتابیانی قوتابخانەکە ئەنجامدا، پشکنینەکان بریتیبوون لە پشکنینی چاو و شەکرە و فشاری خوێن.
لە کۆتایدا، مامۆستایان و قوتابیانی قوتابخانەکە سوپاسی ئەو فێرخوازانەی زنکۆی جیهان-هەولێر کرد لە بەرامبەر ئاشناکردنیان بە فریاگوزاری سەرەتایی و ئەنجامدانى پشکنینەکان.
ڕۆژی چوارشەمە ڕێکەوتی (٢٧/١١/٢٠٢٤) (عثمان رسول علی ) فێرخوازى بەشی پەرستاری تەندروستی کۆمەڵ لە زانکۆی جیهان-هەولێر بە هاوکاری نەخۆشخانەی هەولێری نێودەوڵەتی سەردانى قوتابخانەى سایەدارى بنەڕەتى تێکەڵاوى کرد و، چالاکیەکی لەبارەی چۆنیەتی فریاگوزاری سەرەتایی بەڕێوەبرد.
ئەو فێرخوازەى زانکۆى جیهان-هەولێر دواى ئەوەى لەلایەن مامۆستا (ڕوخسار اسعد احمد) بەڕێوبەری قوتابخانەی سایەداری بنەڕەتی تێکەڵاو لە هەولێر پێشوازیان لێکرا، ئینجا بە ئامادەبوونی قوتابیان و مامۆستایانی قوتابخانەکە؛ لە ڕێگەی پێشکەشکردنی سێمینارێک باسی لە شێوە و ڕێگەکانی چۆنییەتی ئەنجامدانی فریاگوزاری سەرەتایی کرد، بۆ ئەو مەبەستەش بەشێوەیەکی کرداری فریاگوزاری سەرەتای بۆ ئەو ڕوداوە لەناکاوانەی کە لەقوتابخانەکاندا ڕودەدەن ئەنجامدا، هەروەک باسى لە چۆنیەتی پاراستنی تەندروستی قوتابیان لە ئەگەری ڕودانی هەر روداوێکی نەخوازراو کرد.
لە کۆتاییدا، قوتابیان و مامۆستایانی قوتابخانەی سایەداری بنەڕەتی تێکەڵاو دەستخۆشیان لە فێرخواز عثمان رسول علی کرد بۆ ڕێکخستنی ئەو چالاکیە و گرنگیدان بە فێرکردنی قوتابیان بۆ چۆنیەتی ئەنجامدانی فریاگوزاری سەرەتایی لە کاتى ڕوداوى نەخوازراودا.
ڕۆژی سێشەمە ڕێکەوتی (٢٠٢٤/١٢/١٧)، (عثمان رسول عالی) فێرخوازى بەشی پەرستاری تەندروستی کۆمەڵ لە زانکۆی جیهان-هەولێر سەردانی قوتابخانەی شێخی چۆلی بنەڕەتی تێکەڵاوى لە شارى هەولێر کرد و، چاڵاکییەکی لە بارەی چۆنییەتی ئەنجامدانی فریاگوزاری سەرەتایی بەڕیوەبرد.
ئەو فێرخوازەی زانکۆی جیهان-هەولێر دواى ئەوەى لەلایەن مامۆستا (سەمیرە ابراهیم) بەڕێوبەری قوتابخانەی شێخی چۆلی بنەڕەتی تێکەڵاو پێشوازی لێکرا، ئینجا بە ئامادەبوونی هەر یەک لە مامۆستایان و قوتابیانی قوتابخانەکە باسى لە شێوە و ڕێگەکانی چۆنیەتی ئەنجامدانی فریاگوزاری سەرەتایی کرد.
لە بەشی دووەمی چالاکیەەدا، بەشێوەی کرداری ڕێگەکانی فریاگوزاری سەرەتایی بۆ ڕوداوە باوەکانی ناو قوتابخانە ئەنجامدا، بۆئەوەی قوتاببیان و مامۆستایان بتوانن لە ڕوداوا نەخوازراوەکانی ناو قوتابخانە ژیانی قوتابیەکان لە هەر ڕوداێکی نەخوازراو بپارێزن.
لە کۆتاییدا، وێڕای دەستخۆشی و سوپاس گوزاری قوتابیان و مامۆستایانی قوتابخانەکە بۆ فێرخواز عثمان رسول عالی لە بەرانبەر چالاکیەکەدا، داواکاربوون بە ئەنجامدانی چالاکی زیاتر لە قوتابخانەکە بۆ بەرەو پێشبردنی زانیاری تەندروستی قوتابیان.
ڕۆژی دووشەمە ڕێکەوتی (٢٧/١/٢٠٢٥) فێرخوازانی بەشی پەرستاری تەندروستی کۆمەڵ لە زانکۆی جیهان-هەولێر سەردانی خانەی بێسەرپەرشتانی هەولێریان کرد و چالاکیەکی خێرخوازیان ئەنجامدا.
لەو چالاکیەدا؛ کە بەسەرپەرشتى مامۆستای یاریدەدەر (دابان كانبی رشید) بەڕێوەچوو، فێرخوازانی زانکۆی جیهان-هەولێر بەگەرمی لەلایەن (شێروان عبدالرحمن حسین) بەڕێوبەری خانەی بێسەرپەرشتانی هەولێر پێشوازییان لێکرا، پاشان کورتەیەکى لەبارەى خانەکە پێشکەش بە فێرخوازان کرا، وتیشى خانەکە لە حەفتا منداڵى بێسەرپەرشتى لە خۆگرتوە و، وەک ژینگەیەکى ماڵ خزمەت بە منداڵان دەکەین.
پاشان، فێرخوازانی بەشى پەرستارى تەندروستى کۆمەڵ لە زانکۆی جیهان-هەولێر کۆمەڵیک پێداویستیان بەسەر منداڵانى خانەکە کرد، کە بریتیبوون لە حەفتا کیسی دیاری و شیرینی ، لە بەرانبەردا بەڕێوبەری خانەی بێسەرپەرشتانی هەولێر دەستخۆشی و سوپاسگوزاری فێرخوازانى زانکۆى جیهان-هەولێرى کرد و، هیواى خواست بەو جۆرە چالاکیە بەشدارى لە پاڵپشتیکردنى منداڵان بکەن.
ڕۆژی سێشەمە ڕێکەوتی (٤/٢/٢٠٢٥) فێرخوازانی قۆناغی سێیەمی بەشی پەرستاری تەندروستی کۆمەڵ لە زانکۆی جیهان-هەولێر سەردانی قوتابخانەی (سەردەمی) ناحکومییان کرد و، چالاکیەکی زانستیان بۆ مامۆستا و قوتابیانی قوتابخانەکە ئەنجامدا.
ئەو فێرخوازانەی زانکۆی جیهان-هەولێر سەرەتا لەلایەن مامۆستا (علی جبار سابیر) بەڕێوبەری قوتابخانەکە پێشوازیان لێکرا، پاشان بە ئامادەبوونی هەریەک لە مامۆستایان و قوتابییانی قوتابخانەکە، فێرخوازانی زانکۆی جیهان-هەولێر سێمینارەکەیان پێشکەش کرد، کە تایبەت بوو بە شەکرە و فشاری خوێن. بۆ ئەوەش تیشک خستنە سەر هۆکارەکانی تووشبوون بە نەخۆشیی شەکرە، شێوازەکانی خۆپاراستن و، گرنگی پشکنینی بەردەوام.
لە وێستگەیەکى دیکەى سەردانەکەیاندا، فێرخوازانی بەشی پەرستاری تەندروستی کۆمەڵ، چەندین پشکنینى جۆراوجۆریان بۆ هەریەک لە مامۆستایان و قوتابیانی قوتابخانەکە ئەنجامدا، پشکنینەکان تایبەت بوون بە پشکنیی چاو و شەکرە و فشاری خوێن
لەکۆتاییدا، مامۆستایان و قوتابیانی قوتابخانەکە سوپاسی ئەو فێرخوازانەی زانکۆی جیهان-هەولێر کرد لە بەرامبەر ئەو ئەرک و ماندوبوونەی کە پێشکەشیان کرد .
رۆژی چوارشەممە رێکەوتی (٥/٢/٢٠٢٥) گروپێک لە فێرخوازانی قۆناغی دووەمی بەشی پەرستاری تەندروستی کۆمەڵ لە زانکۆی جیهان-هەولێر چالاکی فریاگوزاری سەرەتاییان لە قوتابخانەی (ڕوانین)ی بنەڕەتی تێکەڵاو لە شارى هەولێر ئەنجامدا.
ئەو فێرخوازانەی زانکۆی جیهان-هەولێر سەرەتا بە گەرمی لەلایەن مامۆستا (ساهیرە محمد) بەڕێوەبەری قوتابخانەکەپێشوازیان لێکرا، پاشان لە میانەى چالاکیەکەیاندا کە بە ئامادەبوونی قوتابییان و مامۆستایانی قوتابخانەکە بەڕێوەچوو، فێرخوازان بەشێوەی زانستى ئامادەبوانیان ئاشناى ڕێگەکانى چۆنیەتی ئەنجامدانی فریاگوزاری سەرەتایی کرد. لە بەشێکی تری چالاکیەکە، بە شێوەی کرداری قوتابییان و مامۆستایانی قوتابخانەکە لەلایەن فێرخوازانى زانکۆى جیهان-هەولێر ڕاهێنانیان لەسەر چۆنیتی ئەنجامدانی فریاگوزاری سەرەتایی لەکاتی ڕودانی ڕوداوە نەخوازراوەکان پێکرا، ئەمەش یارمەتیدەر بوو لە بەرزکردنەوەی ئاستى هۆشیاری تەندروستى ئامادەبوان لەسەر چۆنیەتی مامەڵەکردن لەگەڵ ڕووداوەکانی ڕۆژانە، وەک برینی سووک، سووتاوی یان بێهۆشبوون، هەروەها تواناى کەمکردنەوەی دڵەڕاوکێ و یارمەتیدان بۆ پێشکەشکردنی پشتگیری سەرەتایی تاوەکو چاودێری پزیشکی پسپۆڕ دەگاتە دەستیان.
لە کۆتاییدا، مامۆستایان و قوتابییانی قوتابخانەکە سوپاسگوزاری خۆیان دەربڕی بۆ ئەوچالاکیە و هیوای بەردەوامی پێدانی ئەوجۆرە چالاکیەیان خواست لە قوتابخانەکان.
ڕۆژی چوارشەممە ڕێکەوتی (١٩/٢/٢٠٢٥) فێرخوازانی قۆناغی دووەمی بەشی پەرستاری تەندروستی کۆمەڵ لە زانکۆی جیهان-هەولێر سەردانی قوتابخانەی شۆخی بنەڕەتی کچانیان لە شارى هەولێر کرد، چالاکییەکیان لە بارەی چۆنییەتی ئەنجامدانی فریاگوزاری سەرەتایی بەڕیوەبرد.
ئەو فێرخوازانەی زانکۆی جیهان-هەولێر دواى ئەوەى لەلایەن مامۆستا (پەری صابر) بەڕێوبەری قوتابخانەی شۆخی بنەڕەتی کچان پێشوازیان لێکرا، ئینجا بە ئامادەبوونی هەر یەک لە مامۆستایان و قوتابیانی قوتابخانەکە، ئەو فێرخوازانی زانکۆی جیهان-هەولێر لە ڕێگەی سێمینارەوە باسیان لە شێوە و ڕێگەکانی چۆنیەتی ئەنجامدانی فریاگوزاری سەرەتایی کرد.
لە بەشی دووەمی چالاکییەکەدا، بەشێوەی کرداری ڕێگەکانی فریاگوزاری سەرەتایی بۆ ڕوداوە باوەکانی ناو قوتابخانە ئەنجامدا، بۆئەوەی قوتاببیان و مامۆستایان بتوانن لە ڕوداوا نەخوازراوەکانی ناو قوتابخانە ژیانی قوتابیەکان لە هەر ڕوداێکی نەخوازراو بپارێزن.
لە کۆتاییدا، وێڕای دەستخۆشی و سوپاس گوزاری قوتابیان و مامۆستایانی قوتابخانەکە بۆ ئەو فێرخوازانەی زانکۆی جیهان-هەولێر لە بەرامبەر چالاکیەکەدا، داواکاربوون بە ئەنجامدانی چالاکی زیاتر لە قوتابخانەکە بۆ بەرەو پێشبردنی ئاستی هۆشیاری.
ە ڕۆژی چوارشەممە، ڕێکەوتى (١٣/١١/٢٠٢٤) گروپێک لە فێرخوازانى کۆلێژی پزیشکی ددان لە زانکۆى جیهان-هەولێر سەردانی خانەی منداڵە بێ سەرپەرشتەکانی لە شارى هەولێر کرد بۆ پێشکەشکردنی چاودێرێکردنى گشتی ددان و خزمەتگوزاری تەندروستی.
لە میانەى ئەو سەردانەدا، کە بە سەرپەرشتی مامۆستای یاریدەدەر (ساوێن تەحسین تەها)، مامۆستای یاریدەدەر (باهۆز هیمداد مجید) و مامۆستای یاریدەدەر (مریەم فاخر ئیبراهیم) بەڕێوەچوو، گروپێک لە فێرخوازانى قۆناغی سێیەم کۆلێژى پزیشکی ددان پشکنینی ددانیان بەخۆڕایی بۆ منداڵانى ئەنجامدا و دەستنیشانى حاڵەتەکانی تەندروستی دەم و ددان ئەنجامدا، هەروەک چارەسەری پێویستیان پێشکەش بە منداڵەکان کرد، جگە لەوەش تیمەکە پشکنینی شەکری خوێنیان ئەنجامدا.
هەروەک لە پەراوێزى چالاکیە خۆبەخشیە پزیشکیەکە و، بۆ زیاتر گەشاوەکردنی ڕۆژەکە، هەر منداڵێک دیارییەکی تایبەتی پێدرا، ئەوەش بووە مایەى خۆشحاڵى منداڵانى خانەکە و، بەڕێوەبەرى خانەکەش سوپاسى فێرخوازان و مامۆستایانى سەرپەرشتیارى کرد.
ڕۆژى پێنچ شەممە ڕێکەوتى (١٤/١١/٢٠٢٤) فێرخوازانى قۆناغی سێیەمی کۆلێژی پزیشکی ددان لە زانکۆى جیهان-هەولێر سەردانى ماڵى بەساڵاچووانیان لە شارى هەولێر کرد و، چالاکیەکى پزیشکى و کۆمەڵایەتى خۆبەخشیان ئەنجامدا.
لە میانەى ئەو چالاکیەدا، کە بە سەرپەرشتی مامۆستای یاریدەدەر (ساوێن تەحسین طه)، مامۆستای یاریدەدەر(باهۆز هیمداد مەجید) و، مامۆستای یاریدەدەر(مریەم فاخر ئیبراهیم) بەڕێوەچوو، فێرخوازانى کۆلێژى پزیشکى ددان کۆمەڵێک کەلوپەل و پێداویستى تایبەتیان پێشکەش بە ماڵى بەساڵاچوان کرد و، پشکنینی ددانیان و پشکنینی شەکره و پەستانی خوێنیان بۆ بە ساڵاچووان ئەنجامدان لە بەرانبەردا بەساڵاچووان سوپاسى فێرخوازانیان کرد.
ئامانجی دەستپێشخەرییەکە پشتگیریکردنی بەساڵاچووان بوو لەڕێگەی دابینکردنى پێداویستییە سەرەکیەکان و چارەسەرکردنى لایەنى تەندروستی گشتى و تەندروستى ددانیان بەتایبەت، جگە لەوەش تێکەڵکردنی کارامەیی پیشەیی لەگەڵ بەرپرسیارێتی کۆمەڵایەتی و، پەروەردەکردنی ڕۆحی خۆبەخشى و هاوسۆزی لەگەڵ چین و توێژە جیاکان.
لە بەردەوامى چالاکیەکیانیان و بۆ بڵاوکردنەوەى هۆشیارى تەندروستى، ڕۆژی پێنجشەممە ڕێکەوتى (٢٠/٢/٢٠٢٥) فێرخوازانى قۆناغی دووەمی کۆلێژی پزیشکی ددان لە زانکۆى جیهان-هەولێر، بە سەرپەرشتی مامۆستایانى یاریدەدەر ساوێن تەحسین تەها و مریەم فاخیر ئیبراهیم و غفران موسلیم عەقیل سەرداني قوتابخانەی تایبەتی شیاو یان کرد و چالاکیەکیان ئەنجامدا.
لە سەرەتادا، فێرخوازان لەلایەن مامۆستا ڕەفعەت حەسەن بەڕێوەبەرى قوتابخانەکە پێشوازییان لێکرا، پاشان لە وتەیەکدا بەخێرهاتنى فێرخوازانى زانکۆى جیهان-هەولێرى کرد و، ستایشی هەوڵەکانییانى کرد بۆ پێشکەشکردنی زانیاری پزیشکی بە شێوەیەکی سەرنجڕاکێش بە قوتابیانى قوتابخانەکەیان، دواتر گروپێک لە فێرخوازان سیمینارێکی زانستیان پێشکەش بە قوتابیانى قوتابخانەی شیاوی ئەهلی کرد، لە میانەى سمینارەکەیاندا فێرخوازانى زانکۆى جیهان-هەولێر باس لە گرنگی گرنگیدان بە تەندروستی دەم و ددان و باشترین پراکتیزەکان بۆ پاراستنی ددانەکان کرد. هەر لە میانەى سمینارەکەیاندا فێرخوازانى پزیشکی ددان ڕوونکردنەوەیەکی وردیان لەسەر ئەو خووە تەندروستانە خستەڕوو کە ددانەکان لە خراپبوون و نەخۆشی پووک دەپارێزن، وەک جۆرى فڵچە وهەڵبژاردنی ئەو خۆراکانەی کە سوودیان بۆ تەندروستی دەم و ددان هەیە، هەروەها گرنگی سەردانی پزیشکی ددان بەشێوەیەکى بەردەوام بۆ دەستنیشانکردنی هەر کێشەیەکی تەندروستی، سمینارەکە بە سروشتی کارلێککەری هەبوو، چونکە فێرخوازان شێوازی پەروەردەیی مۆدێرنیان بەکارهێنا، لەوانەش نمایش و مۆدێلی پزیشکی کە یارمەتیدەر بوون لە سادەکردنی زانیارییەکان..
لەکۆتایی سمینارەکەدا قوتابیانى قوتابخانەکە کۆمەڵێک پرسیاریان لەبارەى ڕێگەباشەکان بۆ پاراستنى ددانیان لە فێرخوازان کرد، فێرخوازانیش دواى وەڵامدانەوەى پرسیارەکان کۆمەڵێک بروشورى پەروەردەیی و دیاری ڕەمزی، وەک فڵچە و مەعجونی ددانیان بەسەر قوتابیان دابەشکرد.
