د چارچۆڤێ کار و چالاکیێن بەردەوام یێن دەزگایێ زەکاتا زانستی بۆ هشیاری و گەشەپێدانێ ل زانکۆیا جیهان-دهۆک، ئەڤڕۆ ڕۆژا شەمبی ڕێکەفتی (٦ / ٦ / ٢٠٢٦)، کۆلێژا دەرمانسازی ب هەڤکاری دگەل کۆلێژا پەرستاری، خولەکا زانستی یا پزیشکی بۆ قوتابیێن پشکێن پزیشکی د بن ناڤ ونیشانێن (هشیاریا دەرمانان و ساخلەمیا جڤاکی) دەستپێکر، ئەڤ خولە دێ بۆ دەمێ پێنج ڕۆژان یا بەردەوام بیت.
ئەڤ خولە د بن سەرپەرشتیا ڤان مامۆستایان دا دهێتە برێڤەبرن:
🔹 د. ڕوناك محمد صديق
🔹 د. ليلى محمد صالح
🔹 د. ژیان علی حجی
🔹 د. زیاد عبدالله بشیر
🔹 د. دەریا صالح حسین
د چارچۆڤێ چالاکیێن بەردەوام یێن دەزگەهێ زەکاتا زانستی دا، ل رۆژا چارشەمبی رێکەفتی ١٠ێ حوزەیرانا ٢٠٢٦ێ، وورک شۆپەکا تایبەت ل ژێر ناڤ و نیشانێن “زانستێ دەرمانان و ساخلەمیا گشتی” بۆ مامۆستا و فەرمانبەران هاتە سازکرن، کو ژ لایێ دکتۆر زیاد عبدالله بشیر مامۆستا ل کۆلیژا دەرمانسازی ل زانکۆیا جیهان-دهۆک هاتە پێشکێشکرن
سەر ڕاسپاردەیێن ڕێزدار (پ. د. زیرڤان عبدالمحسن أسعد) سەرۆکێ زانکۆیا جیهان-دهۆک بۆ پێشڤەبرنا شیانێن زانستی یێن قوتابییان، و د بەردەوامیا چالاکییێن (زەکاتا زانستی) دا، کۆلێژا دەرمانسازی ب سەرپەرشتیا (د. رۆناک محمد صدیق) ڕاگرێ کۆلێژێ، خولەکا کردارى ل سەر بنەمایێن کروماتۆگرافیا ب گشتی و (TLC) ب تایبەتی، ل ڕێکەفتی 24-6-2026 ئەنجامدا.
تەوەرێن خولێ:
🔹 ناساندنا بنەمایێن زانستی یێن تەکنیکا کروماتۆگرافیا.
🔹 ڕاهێنانا پراکتیکی یا قوتابییان ل سەر جوداکرنا کەرەستان ب ڕێکا (TLC).
🔹 پێشخستنا شارەزاییێن تاقیگەهی یێن پزیشکی بۆ قوتابییان.
ل رێکەفتی 20/6/2026، ل دویف رێنمایێن بەڕێز (پ.د. زیرڤان عبدالمحسن أسعد) سەرۆکێ زانکۆیێ سەبارەت گرنگی دان ب شیان و بەهرەیێن مامۆستا و فەرمانبەران، دەزگایێ (زەکاتا زانستی) سمینارەک ل ژێر ناڤونیشانێ “وەرچەرخانا دجیتاڵی د رێڤەبرنا دەرمانان دا: ئەزموونا تورکیا و دەلیڤەیێن جێبەجێکرنا وێ ل هەرێما کوردستانێ” ئەنجامدا، ژ لایێ بەڕێز (د. رۆناک محمد صدیق)، راگرێ کۆلیژا دەرمانسازیێ هاتە پێشکێشکرن. تێدا باس ل ئەزموونا سەرکەفتیا تورکیا د دجیتاڵکرنا سیستەمێن دەرمانی دا کر و چەوانیا مفا وەرگرتنێ ژ ڤێ ئەزموونێ بۆ باشترکرنا کەرتێ تەندروستی ل هەرێما کوردستانێ.
سمینار ب ئامادەبوونا هژمارەکا مامۆستا و فەرمانبەران بڕێڤەچوو و گەنگەشەیێن زانستی ل سەر ئاستەنگ و میکانزما ڤی کەرتی هاتنە کرن.
ل رێکەفتى 22/6/2026، د بەردەوامیا چالاکییێن گەشەپێدان و هۆشیارى و ڕەوشەنبیری یێن دەزگایێ زەکاتا زانستی دا، سمینارەکا تایبەت ل ژێر ناڤ ونیشانێن (تێگەهشتن ل سەر بەرهنگاربوونا دژەبەکتریان: ئەگەر، ميكانيزم، و خۆپاراستن) هاتە ڕێکخستن، ژ لایێ ڕێزدار (شێروان حسێن دەروێش) سەرۆکێ بەشێ کیمیا ژیانى یا کلینیکی و مایکرۆبایۆلۆجی یا پزیشکى هاتیە پێشکێشکرن.
تەوەرێن سەرەکی یێن سمینارێ:
ـ ناساندن و تێگەهشتنا دروست ل سەر بەرهنگاربوونا هۆکارێن دژەبەکتریان.
ـ دیارکرنا ئەگەر و م میکانیزمێن زانستی یێن دبنە ئەگەرێ پەرەسەندنا ڤێ دیاردێ.
ـ ڕێکێن زانستی و خۆپاراستنێ بۆ کێمکرنا مەترسیێن وێ ل سەر جڤاکی.
ل ڕێکەفتی 2026/6/24، د چارچۆڤێ چالاکییێن هۆشیاری و ڕەوشەنبیریا گشتی یێن دەزگایێ (زەکاتا زانستی) ل زانکۆیا جیهان-دهۆک، سمینارەک هاتە ئەنجامدان ل ژێر ناڤونیشانێ:
(چەوانیا خواندنا ئەنجامێن پشکنینێن تاقیگەهێ)، ژ لایێ ماموستا (هێلین مستەفا حاجی)، بریاردەرا بەشێ سرکردنێ.
د سمینارێ دا باس ل سەر شێوازێ دروست یێ خواندن و تێگەهشتنا ئەنجامێن پشکنینێن پزیشکی یێن تاقیگەهێ هاتە کرن، دگەل ڕوونکرنا نیشاندەرێن سەرەکی یێن د ناڤ ڕاپۆرتێن پزیشکی دا داکو گرنگى ب ئاستێ هۆشیاریا تەندروستی یا گشتی بهێتە دان و چەوانیا جوداکرنا ڕێژەیێن سروشتی ژ یێن نەدروست.
ل ڕێکەفتی ٢٧ی حوزەیرانا ٢٠٢٦ێ، د ڕێورەسمەکێ ئەکادیمی دا ب ئامادەبوونا سەرۆکا بەشیَ شيكاريا نةخوَشيان و سەرجەم مامۆستایان، دوماهی ب خولا زەکاتا زانستی هات ئەوا ل ژێر ناڤ ونیشانێ (Foundation of Microbiology) هاتبوو ڕێکخستن ژلایێ مامۆستایان (م.هـ. هوزان قاسم) و (م.هـ. شێروان حسین).
د ڕێورەسمی دا، باوەرنامەیێن پشکداریێ پێشکيَشی بەشداربوویێن خولێ هاتنە کرن. هەروەسا سەروکاتیا بەشی دەستخۆشی ل ڕێکخەرێن خولێ کر و هیڤیا بەردەوامیێ و سەرکەفتنێ بۆ بەشداربوویان خواست د پرۆسەیا فێربوونێ و ثيَشظةبرنا شیانێن وان یێن پراکتیکی دا.
ل دويف راسپاردێن بەردەوام یێن بەرێز (پ.د.زیرڤان عبدالمحسن أسعد) سەرۆکێ زانکویێ ، ژ بۆ گرنگیدان ب پێشکێشکرنا بەرنامێن هۆشیاری و گەشەپێدانێ بۆ هەمی پێکهاتێن جڤاکی، و د چارچۆڤێ چالاکیێن بەردەوام یێن دەزگەهێ زەکاتا زانستی دا ل زانکۆیا جیهان-دهۆک، ل رۆژا سێشەمبی رێکەفتی ١١ێ تەباخا ٢٠٢٦ێ، سمینارەکا تایبەت ل دۆر “ڤێراگەهشتنێن دەسپێکى” هاتە پێشکێشکرن.
ئەڤ سمیناره ژ لایێ بەڕێزان “بسام شوکت” و “کارزان اسماعيل” ڤەگێرێن تاقیگەهێن پزیشکی ل زانکۆیێ هاتە پێشکێشکرن بۆ پشکدارێن خولا پێنجێ یا پیداگۆجی. تێدا ب تێروتەسەلی باس ل بنەمایێن ڤێراگەهشتنێن دەستپێکی، ڕێکارێن بلەز بۆ رزگارکرنا ژیانا نەخۆشان، و چەوانیا سەرەدەریکرنێ دگەل بارودۆخێن نەئارام هاتە کرن ژ بۆ پاراستنا ساخلەمیا جڤاکی.
ل دویف ڕاسپاردەیێن ڕێزدار (پ. د. زیرڤان عبدالمحسن اسعد) سەرۆکێ زانکۆیا جیهان-دهۆک بۆ گەشەپێدان و گرنگیدان ب پرۆژەیێن هۆشیاریێ بۆ چین و تەخێن جودا یێن جڤاکی، د بەردەوامیا چالاکیێن بەرنامێ (زەکاتا زانستی) دا، بەشێ شیکاریا نەخۆشیان ب هەڤکاری دگەل ڕێڤەبەریا گشتی یا گەشت و گوزار ل دهۆکێ، وۆرکشۆپەک ل دۆر هۆشیاریا ساخلەمی ل ڕۆژا دوشەمبی ڕێکەفتی ٢٢/٦/٢٠٢٦ هاتە ڕێکخستن.
د ڤێ وۆرکشۆپێ دا، بابەت ژ لایێ (م.هـ.ئاڤا حمدي سعید) ڤە هاتنە پێشکێشکرن، و خانم (هۆژین احمد) وەک ڕێکخەرا ڤێ چالاکیێ دا. ئەڤ کارە د چارچۆڤێ ستراتیجیا زانکۆیێ دا دهێت بۆ پتر خزمەتکرنا جڤاکی و بەڵاڤکرنا هۆشیاریا تەندروستی.
ل ژێر چاڤدێريیا سەرۆکاتیا زانکۆیێ، و د چارچووڤێ بەرنامێ گشتی یێ دەزگایێ زەکاتا زانستى بۆ ثێشڤەبرن و لایەنێ رەوشەنبیری و هۆشیاریا گشتی، بەشێ (سرکردنێ) ل زانکۆیا جیهان-دهۆک خۆلەکا تایبەت و پێدڤی بن ناڤێ “هۆشیاریا ساخلەمى بۆ چاڤدێرێن نەخۆشان” ڤەکر.
د ئێکەم رۆژا خۆلێ دا، ل رێکەفتی 2026/6/23، ئێکەم وانە هاتە پێشکێشکرن ژلایێ بەرێزان مامۆستا (بسام شوکت) و مامۆستا (کارزان اسماعیل)، کو تێدا ب هووربینی بەشداربوو ئاشنا کرن ل سەر چەوانیا سەرەدەریێ و پێشکێشکرنا چاڤدێريیا دروست بۆ نەخۆشان د دەمێن جودا جودا دا.
ئەڤ خۆلە دێ بۆ ماوێ ٢ رۆژان یا بەردەوام بیت و تایبەتە ب ستافێ ئەکادیمی (مامۆستا) و فەرمانبەرێن زانکۆیێ، ب مەرەما زێدەکرنا شارەزایی وپێشڤەبرنا شیانێن وان یێن ساخلەمى د ژیانا رۆژانە دا.
