ل رێکەفتی 15/8/2022 خولا تەکنۆلوجیا زانیاریان یا بەردەوامە ل زانکویا جیهان-دهوک .. ئەڤ خولە ژلایێ سەنتەرێ تەکنۆلۆجیا زانیاریان هاتة بيشكه شكرن
ل دویف ڕاسپاردێن سەرۆکێ زانکویا جیهان-دهوک بەرێز (پ.هـ.د.زێرڤان عبدالمحسن أسعد) سەبارەت تەرخانکرنا هەردوو هەیڤێن 7 و 8 یێن بێهنڤەدانا هاڤینێ بۆ ڤەکرنا خۆل و پێگەهاندنا تەخ و چینێن جودا یێن جڤاکی بتایبەت تەخا گەنج و لاوان، ئەڤرۆ رێکەفتی (20-7-2022) خۆلا زمانێ ئنگلیزی ل ژێر ناڤ و نیشانێن (شەهرەزایی یا ئاخفتن و بنەمایێن زمانێ ئنگلیزی) دەستپێکر کو ژلایێ خانم (د.نەورۆز رەمەزان خەلیل) سەرۆکا بەشێ زمانێ ئنگلیزی دهێتە پێشکێشکرن و بۆ ماوێ 2 حەفتیان دێ یا بەردەوام بیت.
ژ درویشمێن سەرەکی یێن دەزگایێ پەروەردەیی زەکاتا زانینێ یە کو ب زمانێ عەرەبی دبێژنێ (زكاة العلم)، کو ئەڤە خۆلا شەشێ یە دهێتە ئەنجامدان و ب شانازیڤە مامۆستایێن زانکویا جیهان-دهوک بەشداربووینە د پڕۆژێ خێرخوازی یێ دەزگایێ پەروەردەیی جیهان، ماندیبوون و خزمەتا وان جهێ رێز و سۆپاسیێ یە.
ب سەرپەرشتیا سەرۆکاتیا زانکویا جیهان-دهوک بەرێز (پرۆفیسورێ هاریکار د.زیرڤان عبدالمحسن أسعد) سەرۆکێ زانکویێ، دەست ب ئەنجامدانا وەرزەکێ رەوشەنبیرى بۆ هژمارەکا پلەدار و فەرمانبەر و ستافێ چاکسازیێ هاتە کرن ب هەڤکارى دگەل رێڤەبەریا چاکسازیا زرکا یا مەزنا ب سەرپەرشتیا بەرێز (عەمیدێ مافپەروەر: محمد حسن محمد).
وەرزێ رەوشەنبیرى بۆ ماوێ 2 حەفیتان دێ یێ بەردەوام بیت هژمارەکا بابەتێن گرێدایى (سەرەدەریا دەروونى، گەشەپێدانا شیانێن چارەسەرکارێن دەروونى، لایەنێ پەروەردەیى و کارتێکرن ل دۆر ئاڤاکرنا کەسایەتیێ، دەروونناسیا تاوانکارى،…)، ئێکەم وانە ژلایێ بەرێز (پرۆفیسور د.صابر زێبارى) ماموستايێ وانبێژ ل بەشێ پەروەردا گشتى يێ زانكويا جيهان-دهوك هاتە پێشکێشکرن ل دۆر تێک ئاریانا دەروونى، کو تاک ژ نیشکەکێڤە تۆش دبیت ژ ئەگەرێ تۆشبوون ب بارودۆخەکێ چێکرى، لەوما باس ل وێ چەندێ هاتە کرن کو دڤێت دەروبەرێن کەسێ توشى ئاریانێ دبیت زۆر هەول بهێتە دان کونترول لسەر بهێتە کرن داکو چ ڕەفتارێن نەشایستە و شاش ئەنجام نەدەت، بەرۆڤاژى کونترول نەکرنا (هەلچوون) (انفعالات) دێ بیتە ئەگەرێ پەیدابوونا دەرئەنجامەکێ خراب.
ل دویف ڕاسپادرێن سەرۆکێ زانکویا جیهان-دهوک بەرێز (پ.ه.د.زیرڤان عبدالمحسن أسعد) و داخازا رێڤەبەریا زانکویێ ، دەزگایێ زةكاتا زانستى هاتە ڕاسپاردن ب مەرەما ڤەکرنا خۆلەکا بهێزکرنێ نڤێسینا (کیبۆردیێ کومپیوتەری) بو فەرمانبەرێن کو ژلایێ ستافێ زانکویا جیهان دهێتە پێشکێشکرن
ـ بابەتێ کومپیوتەر/ ڕاهێنەر محمد نشوان.
رێکەفتی (27/6/2022) ل چاڤدێریا بەرێز (پ.هـ.د.زێرڤان عبدالمحسن ٲسعد) سەرۆکێ زانکویێ، و ب ئامادەبوونا هژمارەکا سەرۆک بەش و مامۆستا و فەرمانبەران، دەزگایێ پەروەردەیی جیهان خۆلا زمانێ ئنگلیزی ب دۆماهیک ئینا کو ژلایێ بەرێز (د.بالا چاندرا) دهاتە پێشکێشکرن و بۆ ماوێ 2 حەفتیان یا بەردەوم بوو، پشتی خۆل ب سەرکەفتیانە ب دۆماهیک هاتی باوەرنامێن بەشداربوونێ لسەر پشکدارێن خۆلێ هاتنە پێشکێشکرن.
د پەیڤەکێ دا بەرێز سەرۆکێ زانکویێ پیرۆزباهیا پشکدارێن خۆلێ کر و دەستخۆشی ل رێکخەر و مامۆستایێن خولێ کر، پاشان جەخت ل وێ چەندێ کر کو دەزگایێ پەروەردەیی ل زانکویا جیهان-دهوک دێ بەردەوام بیت د پێشڤەبرن و پێگەهاندنا تاکەکێ ژیر و پێگەهشتی، هەروەسا جەخت ل وێ چەندنێ کر کو فاکتەر و پالدەرێ سەرەکی یێ گەهشتنا هەر ئارمانجەکێ بێ گۆمان ژ مڕۆڤی بخۆ دەست پێ دکەت کو بەردەوام هەول بدەت کەسایەتیا خۆ ئاڤا بکەت و یێ خۆ ڕاگر بیت د هەمی بارۆدۆخاندا بۆ هندێ بگەهیتە ئارمانجا دەستنیشانکری.
پاشان هژمارەکا پشکدارێن خۆلێ پەیامێن خوو ل دۆر ڕۆژانێن خۆلێ و مفایێ ژێ هاتیە وەرگرتن پێشکێشکرن.
رێکەفتی (2-7-2022) ل ژێر چاڤدێریا بەرێز (پ.هـ.د.زێرڤان عبدالمحسن ٲسعد) سەرۆکێ زانکویێ، و ب ئامادەبوونا بەرێز (پ.هـ.د.بیار محمدڕشید عمر) هاریکارێ سەرۆکێ زانکویێ بۆ کارۆبارێن زانستی، رێ و ڕەسمێن ب دۆماهیک هاتنا خۆلا (فێربوونا پیتێن ئنگلیزی، عەرەبی، خواندنا پەیڤان) و (بنیاتێن بیرکاری و ئنگلیزی) هاتنە ئەنجامدان کو بۆ (84) زارۆکێن ژیێن وان 5 تا 16 سالی، کو ژلایێ دەزگایێ پەروەردەیی یێ زانکویا جیهان-دهوک و ب هەماهەنگی دگەل رێکخراوا YPO هاتیە ڤەکرن و بۆ ماوێ هەیڤەکێ یا بەردەوام بوو.
ژلایێ خۆ بەرێز سەرۆکێ زانکویێ دۆبارە ئامادەییا زانکویێ دەربری ژ بۆ هەر کارەکێ گرێدایی پەروەردە و فێرکرنێ ب مەرەما خزمەتکرنا گشت تویژێن جڤاکی (قۆتابی، لاوو، گەنج، ئافرەت، فەرمانبەر، دام و دەزگا، خەلکێ ئاسایی، …) و دیار کر ک خۆل و وەرزێن ڕەوشەنبیری و کۆر و سمینار ل مەهێن حەفت و هەشت دێ د بەردەوام بن.
هەرەوسا بەرێز هاریکارێ سەرۆکێ زانکویێ سۆپاسی و پێزانین ئاراستەیی دەستەیا رێکخەرێن خۆلێ کر بتایبەت مامۆستایێن خۆلێ و پیرۆزباهی ل گشت پشکدارێن خۆلێ کرن و هیڤیا سەرکەفتن و بەردەومیێ بۆ خۆاست، هەروەسا ئاماژە ب ڕۆلێ سازیێن خواندن و بتایبەت خێزانێ کر د پێگەهاندن و ئاڤاکرنا زارۆکەکێ هۆشیار و خودان شیان کو ئەرکێ هەمیانە خۆ ب خودانێن پەروەردەکرنا زارۆکا بدانن.
پاشان بەڕێز (سەفەر ئەیۆب) بەرپرسێ رێکخراوا ناڤبری سۆپاس و ڕێزگرتنێن خۆ ئاراستەی سەرۆکاتیا زانکویێ و دەزگایێ پەروەرەدیی جیهان کرن ژ بۆ پشتەڤانیا وان یا بەردەوام د خزمەتکرنا گشت تەخێن جڤاکی دا.
ل دۆیماهیێ باوەرنامێن پشکداریێ بۆ زاڕۆکان هاتنە پێشکێشکرن.
رێکەفتی (15/6/2022) بەردوامی دان ب پێشێشکرنا وانا ژلایێ مامۆستایێن زانکویا جیهان-دهوک بۆ ستافێ مامۆستایێن قۆتابخانا کولیژا جیهان، وانەک ژلایێ (م.هـ. وفاء علی) مامۆستا پشکا دەروونناسی.
باس ل ئەگەر و رێکێن چارەسەرکرنا کێشێن دەرۆنی و رەفتاری یێ زارۆکان هاتە کرن (دوو دلی، خەمۆکی، دەمارگیری، شەرمینی و تۆڕەیی، ترس، لاوازبوونا باوەری ب خۆبوونێ).
کێشێن گرێدایی ڕەفتاران باس ل (ڕەفتارا دۆژمنکاری، دزی، دڕەو، فۆبیا،…هتد) هاتەکرن، هەروەسا ئاماژە ب چەندین کێشێن لدەف زارۆکان هاتەدان، یێن دهێنە پێشیا مامۆستایی و ڤەدیتنا چارە و ئامۆژگاریێن چارەسەرکرنا ئاریشان.
سەرۆكێ زانكويا جيهان-دهوك ل نێزيك ئاگەهدارى رەوشا كارێ دەزگايێ زه كاتا زانستى يێ زانكويا جيهان بوو
ئەڤرۆ رێكەفتى (30/5/2022) ب مەرەما هاندان و پشتەڤانيا زانكويا جيهان-دهوك بۆ پێگەهاندنا ستافێ زانكويێ د بوارێن جودا جودا، لەوما سەرەدانا بەشداربوويێن خولا (Online Excel Sheet) يا كو هاتيە ڤەكرن ژلايێ دەزگايێ خێرخوازى پەروەردەيى جيهان بۆ (25) ماموستا و فەرمانبەران ژلايێ بەرێز (د.سعد أحمد) بۆ ماوێ 3 رۆژان دێ يا بەردەوام بيت.
رێکەفتی 2025/11/25 ل ژێر بەرنامی زەکاتا زانستی ،بەشێ زانستێن کومپیوتەری وورکشووپەکێ زانستی ئەنجامدا ب سەرپەرشتیا خانم (م.هـ. دوزدار مهدی احمد) دگەل قوتابیێن قوناغا سیێ رابوون ب ئەنجامدانا وورکشووپەکێ زانستی دەربارەی تەکنیک و پشکنین و چارەسەریا بەری وەختی ب ئامادەبوونا سەروک بەش ، ماموستا ، قوتابی و ھەروەسا ماموستا و قوتابیێن پەیمانگەها میتان یا ناحکومی کو تێدا چەندین سمینار و پروژە و گەنگەشین زانستی تێدا هاتنە شروڤەکرن.
ئارمانج ژ وورکشووپی زانستی پتر ھایداربوون ژ گەشەپێدانا شیانێن بەشداربوویان بۆ پشکنینیا کومەکا داتایا ل دیف لێگەریانەکا ب رێك و پێك و گەهاندنا هزرێ ب رێکەکا کاریگەر ب کارهێنانا باشترین رێکێن دیتنێ ، هەروەسا جێبەجێکرنا بنەمایێن سەرەکیێ و ئامادەکردنا داتا بۆ پشتراستبونێ و دروستییا ب کارهێنانێ ل کارێت شیکاری ل داهاتووی دا ، و ل دوماھیێ دەست خوشی ل ماموستا و قوتابیان ھاتە کرن و باوەرنامە ھاتنە دابەشکرن و ھەروەسا پەیمانگەھا میتان یا نەحکومی لوگویێ رێزلێنانێ پێشکێشی بەشی زانستێن کومپیوتەری کرن.
ە چوارچێوەی دەستپێشخەریی “زەکات الئیلم”، و بەسەرپەرشتی سەرۆکی زانکۆی سیهان – دهۆک، پ.ی.د.زێرەڤان عبدالمحسن ئەسعەد، کۆلێژی دەرمانسازی سەردانێکی هۆشیاری بۆ قوتابخانەی نۆجدار ئینگلیزی ئەهلی لە بەرواری ١١/٢٩/٢٠٢٥ ڕێکخست.
سەردانەکە ئامانجی بەرزکردنەوەی ئاستی هۆشیاری تەندروستی بوو لەنێو خوێندکارانی قۆناغی سەرەتاییدا لەڕێگەی چالاکییە ئاسانکراوەکانەوە کە تیشک دەخاتە سەر گرنگی پاکوخاوێنی کەسی و خۆپاراستن لە مێشوولەی سەر، وەک زانیارییەکی پێویست و گشتی بۆ تەندروستی قوتابخانەکان.
چالاکییەکان بریتی بوون لە ڕوونکردنەوەیەکی ئاسان بۆ تێگەیشتن لە خووەکانی ڕۆژانە کە یارمەتی منداڵان دەدەن پاکوخاوێنییەکی باش بپارێزن، هەروەها ڕێنماییکردن لەسەر ڕێگاکانی ڕێگریکردن لە مێشوولەی سەر و مامەڵەکردن لەگەڵیدا بە شێوەیەکی سەلامەت ئەگەر ڕووبدات- جەختکردنەوە لەسەر ئەوەی کە پرسێکی تەندروستی باو و دەتوانرێت بە ئاسانی لە ڕێگەی هۆشیاری و پراکتیزەکردنی دروستەوە دوور بخرێتەوە.
لە کۆتایی سەردانەکەدا کۆلێژی دەرمانسازی سوپاس و پێزانینی خۆی بۆ کارگێڕی قوتابخانەکە دەربڕی بۆ هاوکاری و پێشوازی گەرمیان، پاڵپشتییەکانیان بۆ پرۆگرامە پەروەردەییەکان بەرز نرخاند کە تەندروستی و خۆشگوزەرانی خوێندکاران بەرەوپێش دەبەن.
