کۆمەڵە خۆبەخشێكی بەهرەمەندی شاری هەولێر، کەمپەینێکیان بە ناونیشانی (ڕەنگاڵە) ڕاگەیاندووە، بۆ لادان و سڕینەوەی هەموو ئەو نووسراوە ناڕێک و نەشیاوانەی کە وەک دیاردەیەکی نەشاز لە گەڕەک و کۆڵان و شەقامە گشتییەکانی شاری هەولێر نووسراون، لەو چوارچێوەیەشدا فێرخوازێکى بەشی ڕاگەیاندن لە زانکۆى جیهان-هەولێر وەک خۆبەخش بەشدارى لە هەڵمەتەکەدا کردووە.
نەجوا باقی ڕەشید، فێرخوازى قۆناغی دووەمی بەشی ڕاگەیاندنە لە زانکۆی جیهان-هەولێر، وەک خۆبەخش بەشداریی لە چالاکییەکانى كەمپەینەكەدا كردووە بۆ جوانکردنی شاری هەولێر، دەستپێکى چالاکى کەمپەینەکەیان لە ڕازاندنەوە و بۆیاخکردنی دیوارەکانی سەر شەقامی 150 مەتری و شەقامی 120 مەتری هەولێر بووە.
لە میانەى كەمپەینەكەیاندا، ئەو فێرخوازەی بەشی ڕاگەیاندن بە هاوكاریی خۆبەخشەكانی دیكە، سەرەتا هەموو ئەو نووسراوە ناڕێک و نامۆیانەیان لابرد کە لەسەر دیوارەکانی سەر شەقامی 150 مەتری و شەقامی 120 مەتری هەبوون، دواتریش دیوارەکانیان به وێنەی ئاڵای کوردستان و کاری دیکەی هونەریی نەخشاند.
كەمپەینی ڕەنگاڵە، لەلایەن ڕێکخراوی (مەیپڵ تری) ڕێکخراوە و لەلایەن سەرۆکایەتیى شارەوانیی هەولێر سەرپەرشتی دەکرێت، بۆئەوەى دیوارەکان لەبرى وتەى نەشیاو و ناڕێك ببنە تابلۆیەک بۆ گەیاندنى پەیامی ئاشتی، یەکڕیزی و پاراستنى کەلتوورى و ناسنامەیی. بۆ ئەوەش ئەندازیار کارزان هادى، سەرۆکى شارەوانیى هەولێر بەشداریی لە چالاکییەکانى هەڵمەتەکەدا کرد بۆ پشتگیریکردن و هاندانی خۆبەخشەکان، لە وتەیەکیشدا سوپاس و ستایشی فێرخوازان و گەنجە خۆبەخشەکانى کرد، کە هەوڵى جوانکردنى سیماى شارى هەولێر دەدەن.
ڕۆژی دووشەممە ڕێکەوتى (13-10-2025) فێرخوازانی بەشی ڕاگەیاندن لە زانکۆی جیهان-هەولێر بەسەرپەرشتی مامۆستای یاریدەدەر دڵان ئیسماعیل مەولود سەردانێکی زانستییان بۆ قوتابخانەی (بان)ـی ناحكومی لە گەڕەكی هەڤاڵان ئەنجامدا و چالاکییەکى هۆشیارییان بەڕێوەبرد.
مامۆستای سەرپەرشیتار و فێرخوازان لەلایەن مامۆستا نەرمین ئەحمەد مستەفا، بەڕێوەبەری قوتابخانەکە پێشوازییان لێکرا، لە وتەیەکیشدا سوپاس و پێزانینی خۆی بۆ بەشی ڕاگەیاندن لە زانکۆی جیهان-هەولێر دەربڕى لە بەرامبەر دەستپێشخەرییان بۆ ئەنجامدانی چالاکی و سیمیناری هۆشیارانە بۆ فێرخوازانی قوتابخانەكە. هەروەها جەختی لەسەر گرنگیی چالاكییەكە كردەوە، بەتایبەتی لەمڕۆدا کە فێرخوازان بە ڕێژەیەکی بەرچاو بەرکەوتەیان لەگەڵ ئامێرەکانی پەیوەندی و میدیای ئەلیکترۆنی هەیە.
چالاكییەكە بریتی بوو لە پێشكەشكردنی سیمینارێك بۆ قوتابیانى پۆلی 11ـی ئامادەیی دەربارەی (خراپبەكارهێنانی میدیای ئەلیكترۆنی) و لەلایەن فێرخوازانی قۆناغی سێهەمی بەشی ڕاگەیاندن ئەنجامدرا. لە بەشی یەكەمی سیمینارەكەدا، فێرخواز (قارەمان جەوهەر) باسی لە جۆرەكانی توندوتیژیی میدیایی و كاریگەرییەكانی لەسەر تاكەكان و كۆمەڵگە كرد، هەروەها ڕوونی كردەوە كە چۆن ئەم جۆرە توندوتیژییە دەتوانێت كاریگەری دەروونی و كۆمەڵایەتی نەرێنی لەسەر فێرخوازان درووست بكات.
لە بەشی دووەمی سیمینارەكەدا، فێرخواز (سەركار حسین) تیشكی خستە سەر میكانیزمەكانی خۆپاراستن لە توندوتیژیی میدیایی و ڕێگا و شێوازەكانی بەرەنگاربوونەوەی ئەم جۆرە هێرشانە، لەوانەش چۆنییەتی بەڕێوەبردنی ئاسایشی دیجیتاڵی و پاراستنی زانیارییە تایبەتیەكان.
دواتر، فێرخواز (لەیار ئازا) ئاماژەی دا بە یاسای بەرەنگاربوونەوەی خراپبەكارهێنانی ئامێرەكانی پەیوەندی و هەروەها باسی لە هێڵەگەرمەكانی پەیوەندی كرد بەمەبەستی خۆپاراستن و پەنابردنە بەر لایەنی پەیوەندیدار لەكاتی ڕووبەڕووبوونەوەی هێرشی ئەلیكترۆنیی.
لەكۆتایی چالاكییەكەدا، مامۆستا نەرمین ئەحمەد مستەفا، بەڕێوەبەری قوتابخانەی (بان)ـی ناحكومی سوپاسی مامۆستای سەرپەرشیار و فێرخوازانی بەشی ڕاگەیاندنی كرد لە بەرامبەر ئەو چالاكییە زانستی و هۆشیارییە، هاوكات هیوای بەردەوامیی بۆ خواستن لە ئەنجامدانی چالاكیی هاوشێوە بەمەبەستی بنیادنانی تاكێكی هۆشیار و تەندرووست لەنێو كۆمەڵگەدا.
بە بۆنەی “ڕۆژی جیهانیی پاکوخاوێنڕاگرتنى ژینگە و خاوێنکردنەوەی”، ڕۆژی یەکشەممە ڕێکەوتی (21/9/2025)، بەچاودێرى سەرۆکایەتى بەشی ڕاگەیاندن لە زانکۆی جیهان-هەولێر، گروپێک لە فێرخوازانى قۆناغى چوارەم و سێیەمى بەشەکە چالاکییەکی بەرفراوانی پاککردنەوە و هۆشیاری ژینگەییان لە بازاڕی گەڕەکی کوردستان (حى عەسکەرى) لە شاری هەولێر بەڕێوەبرد.
فێرخوازانى بەشى ڕاگەیاندن هەڵمەتەکەیان بە دروشمی “هەر تاکێک بەرپرسیارە لە پاراستنی ژینگە” بەڕێوەبرد، لە سەرەتای هەڵمەتەکەیاندا، فێرخوازان دەستیان بە کۆکردنەوەی پاشماوە و خاشاک لە شەقامەکان و نێو بازاڕەکە کرد، بەهۆیەوە ڕێژەیەکی زۆر لە پلاستیک، کارتۆن و پاشماوەی خۆراکیان کۆکردەوە و، سەرجەم ئەو پاشماوانەیان خستە نێو کیسە تایبەتەکانەوە و لە شوێنى تایبەت بە فڕێدان دایننا، ئەوەش کاریگەرییەکی ئەرێنی لەسەر پاکوخاوێنی گەڕەکەکە و بازاڕەکە دروست کرد، جگە لە چالاکیی پاککردنەوە، فێرخوازانى بەشى ڕاگەیاندن پەیامی هۆشیارییان بە کاسبکاران و هاوڵاتیانی ناوچەکەش گەیاند.
ئەم هەڵمەتەى فێرخوازان لە چوارچێوەی ئامانجەکانی پەرەپێدانی بەردەوام، بەتایبەتی ئامانجەکانی (11، 13، 15) دێن، کە پەیوەستن بە “شار و کۆمەڵگە بەردەوامەکان”، “کاری کەشوهەوا” و “ژیان لە وشکانیدا”، کە لە ڕێکەوتى (8ی کانوونی دووەمی 2023)ەوە، کۆمەڵەی گشتی نەتەوە یەکگرتووەکان بە کۆدەنگی بڕیاریدا (20ی ئەیلوول)ی هەموو ساڵێک وەک ڕۆژی جیهانیی خاوێنکردنەوەی ژینگە لە جیهاندا پەسەند کرد و ساڵانەش لەسەر ئاستى وڵاتان بە شێواز و چالاکى جۆراوجۆر ئەو یادە دەکرێتەوە.
خوێندکارانی بەشەکانی تەکنەلۆژیای زانیاری و وەرگێڕانی ئینگلیزی سەردانی کەناڵی تەلەفزیۆنی Ava یان کرد بۆ بەدەستهێنانی ئەزموونی کرداری و فێربوونی زیاتر لەسەر چۆنیەتی کارکردنی رێکخراوێکی میدیایی. لە کاتی سەردانەکەیاندا، قوتابیان دەرفەتی ئەوەیان هەبوو بەشە جیاوازەکانی ناو کەناڵەکە بدۆزنەوە، لەوانە پەخش، دەستکاریکردن و بەرهەمهێنانی ناوەڕۆک. کارمەندانی کەناڵەکە ڕێنماییان کرد، کە تێڕوانینیان لەسەر تەکنەلۆژیا و ستراتیجی بەکارهاتوو لە میدیای مۆدێرن و هاوکاری نێوان تیمە تەکنیکی و داهێنەرەکان پێشکەش کرد.
ڕۆژی چوار شەممە ڕێکەوتى (٦/١١/٢٠٢٤)، گروپێک لە فێرخوازانى بەشی کارگێری کار لە زانکۆى جیهان-هەولێر بەسەرپەرشتى و ئامادەبوونى پڕۆفیسۆرى یاریدەدەر (قصي حميد السلامي) و، دکتۆر (سحر جلال فتاح) سەردانى قوتابخانەى بابەگوڕگوڕى بنەڕەتى تێکەڵاویان کرد و دیاریان بەسەر قوتابیان دابەش کرد.
مامۆستایانى سەرپەرشتیار و فێرخوازان سەرەتا لەلایەن مامۆستا (لەتیف محمد شەریف) بەرێوەبەری قوتابخانەکە بە گەرمی پێشوازیان لێکرا، دواتر هاوەڵى کران بۆ بەسەرکردنەوە پۆلەکانی خوێندن لە ئاستە جیاوازەکانى و، لە نزیکەوە ئاشناى ژینگەى خوێندن لە قوتابخانەکە بوون، پاشان فێرخوازان کۆمەڵێک دیاری، کە پێک هاتبوون لە جل وبەرگ، جانتا و کەلوپەل و پێداویستیەکانى قوتابخانە بەسەر قوتابیانى قوتابخانەکەدا دابەشیان کرد.
لە بەرانبەردا؛ مامۆستا (لەتیف محمد شەریف) بەڕێوەبەرى قوتابخانەى بابەگوڕگوڕى بنەڕەتى تێکەڵاو سوپاسی فێرخوازان و مامۆستایانى سەرپەرشتیارى لە زانکۆى جیهان-هەولێر کرد، هەروە بە گرنگیەوە باسى لەو جۆرە دەسپێشخەرییانە کرد بۆ برەودان بەلایەنى پەروەردە و فێرکردن و ڕەخساندنى ژینگەیەکى لەبارى خوێندن.
ڕۆژى چوارشەممە ڕێکەوتى (١٩/٢/٢٠٢٥) ، فێرخوازانى قۆناغی چوارەم لە بەشی ژمێریاری لە زانکۆی جیهان-هەولێر دەستپێشخەرییەکی خۆبەخشانەیان ئەنجامدا کە بریتی بوو لە سەردانکردن بۆ ئامادەیی زەهرا کچان، بە ئامانجی بەرەوپێشبردنی هۆشیاری ژینگەیی و بەشداریکردن لە زیادکردنی فەزای سەوزایی.
سەردانەکە بە سەرپەرشتی دکتۆر ئیبراهیم حسێن و مامۆستاى یاریدەدەر ڕاز ئازاد جەلال بوو، سەرەتاش لەلایەن مامۆستا شەونم جەنگى مستەفا بەڕێوەبەری قوتابخانە و، ژمارەیەک لە ستافی مامۆستایان پێشوازییەکی گەرمیان لێکرا، لە وتەیەکدا بەڕێوەبەرى قوتابخانەکە دەستخۆشى لەو دەستپێشخەرییە فێرخوازان کرد، پاشان هاوەڵى فێرخوازانیان کرد، بۆ ئەو مەبەستەش فێرخوازان نەمام و گوڵیان لە باخچەی قوتابخانەکان چاند، ئەمەش لە هەنگاوێکدا بە ئامانجی جوانکردنی ژینگەی قوتابخانە و هاندانی هۆشیاری ژینگەیی لای قوتابیان. هەر لە میانەى ئەم دەستپێشخەرییەدا تیشک خرایە سەر گرنگی زیادکردنی ڕوبەرى سەوزایی لە هەولێر، کە بەشدارە لە باشترکردنی کوالیتی ژیان و پاراستنی سیمای جوانکاری شارەکە.
جگە لە لایەنی ژینگەیی، ئەم بۆنەیە دەرفەتێکی بۆ فێرخوازان ڕەخساند کە پەیوەندییەکانی نێوان کۆمەڵگەی ئەکادیمی و کۆمەڵگەی ناوخۆیی بەهێزتر بکەن، هەروەها بۆ نیشاندانی پابەندبوونی زانکۆی جیهان-هەولێر بۆ پشتگیریکردنی دەستپێشخەرییە خۆبەخشەکان و بەشداریکردنی چالاکانە لە خزمەتکردنی کۆمەڵگەدا.
ڕۆژی سێ شەممە ڕێکەوتى (٧/ ١/ ٢٠٢٥) سەرۆکایەتى بەشی ژمێریاری لە زانکۆی جیهان-هەولێر سەردانێکی بۆ خانەى بى سەرپەرشتانى هەولێر ڕێکخست بە مەبەستى گەیاندنى کۆمەک و هاوکارى فێرخوازان بە منداڵانى سودمەندبووى خانەکە.
لە میانەى ئەو سەردانەدا، کە بە بەشداری ژمارەیەک لە فێرخوازانى قۆناغی سێیەم و چوارەم و بەسەرپەرشتى مامۆستای یاریدەدەر ڕاز ئازاد جەلال و مامۆستای یاریدەدەر عەلی جەلال جەعفەر بەڕێوەچوو، سەرەتا لەلایەن شێروان عەبدولڕەحمان بەڕێوەبەری خانەی بێسەرپەرشتان پێشوازییان لێکرا، دواتر فێرخوازانى زانکۆى جیهان-هەولێر کۆمەڵێک دیارییان وەکو پێڵاوی تۆپی پێ، میدالیای وەرزشی، جل وبەرگى یەکپۆشی تۆپی پێ و کاتژمێریان پێشکەش بە منداڵانى خانەکەدا کرد، دواتر پێکەوە لە گۆڕەپانى یاریگەى خانەى چاودێریى منداڵانى بێسەرپەرشت یارییەکی تۆپی پێیان ئەنجامدا و خەندە و خۆشیان خستەر دڵى منداڵان و کاتێکى خۆشیان پێکەوەبەسەر برد.
لە کۆتاییدا، مامۆستای یاریدەدەر ڕاز ئازاد جەلال سوپاسنامەیەکى پێشکەش بە شێروان عەبدولڕەحمان بەڕێوەبەری خانەی بێسەرپەرشتان کرد لە بەرانبەر پاڵپشتى و پشتیوانیە بەردەوامەکانى بۆ منداڵان. ڕێکخستن و بەڕێوەبردنى ئەم سەردانە لە چوارچێوەی پرۆگرامی بەرپرسیارێتی مرۆیی و کۆمەڵایەتی دێ، کە ئامانج لە ڕێکخستنى هێنانەدی خۆشی و شادیە بۆ منداڵانى بێ سەرپەرشت، هەروەک سەردانەکە بووە ئەزمونێکى گرنگ بۆ فێرخوازانى زانکۆ بۆ بەردەوامیدان لە هاوکاریکردنى چین و توێژە جیاکانى کۆمەڵگە بەتایبەت ئەوانەى پێویستیان بە کۆمەک و پاڵپشتى جۆراوجۆرە.
ل ڕێکەفتی 2ی هەیڤا 11 ڕۆژا ئێک شەمب گرۆپێ “جیهان دهۆک میوزیک” دگەل ئەکادیمیا جیهان-دهۆک ل بن پرۆگرامێ زەکاتا زانستی ژ بۆ ئەنجامدانا چالاکیەکا هونەری سەرەدانا قوتابخانەیا “زانیاری” یا بنەرەت کر. د ڤێ چالاکیێدا چەندین ئاواز و سترانێن جوان یێن کوردی ژ بۆ قوتابی و ستافێ قۆتابخانێ هاتنە پێشکێشکرن و پاشی دیاری ژلایێ ستافێ زانکویێڤە ب سەر قوتابیاندا هاتن بەلاڤکرن. ل دویماهیێ ژی سوپاسنامەیەکا ڕێزلێنانێ ژ لایێ ڕێڤەبەرێ قوتابخانێ ڤە بۆ سەرۆکایەتیا زانکویا جیهان-دهۆک هاتە پێشکێشکرن.
سەردانا هۆشیاری ژ لایێ قوتابێن بەشى تەکنەلۆژیای وینەگرتنێ تیشک بۆ نەخۆشخانا ئافرەتان وزاروکبوونێ ب مەرەما هۆشیاری لدور پەنجەشێرا مەمک.
لە چوارچوڤێ چالاکیێن زانستی و هۆشیاریێ بەردەوام بو بەشی تەکنەلۆجیای وێنەگرتنێ تیشک، قوتابیان سەردانەکا مەیدانی بۆ نەخۆشخانا ئافرەتان وزاروکبوونێ ل دهۆک ڕێکخست لە چوارچوڤێ هەوەکا هۆشیاری شێرپەنجەی مەمک.
قوتابی رابوینە ب پێشکەشکرنا ڕێنمایێن ته ندروستي و دابەشکرنا بروشورێن زانیاری بە ئامانجا هۆشیاریا ئافرەتان سەبارەت بە گرنگیا دەستنیشانکردنا پێشوەخت و پشکنینا بەردەوام بۆ نەخۆشیێن ئافرەتان لدەمێ سەردانێ, چەندین ستافی نەخۆشخانێ دگەل قوتابیان بوون، بتایبەتی د.دلين ئەنوەر سدیق (پزیشکی منداڵبوون و ئافرەتان) و د.جوان بەشیر (پزیشکی پسپۆڕی تیشک و سۆنەر)، کە ڕوونکرنەکا وردی لەبارەی میکانیزمێن دەستنیشانکرنا زوودەم یا شێرپەنجەیا مەمک بە بەکارهێنانا تەکنیکێن وێنەگرتنی پزیشکی خستەڕوو.
بەشی تەکنەلۆجیای تیشک سوپاس و پێزانینی ئاراستەی بەڕێوبەرایەتی تەندروستی دهۆک بە تایبەتی کارگێڕی نەخۆشخانەی ئافرەتان وزارۆکبوونێ دکەت بۆ هاوکاریێن بەرهەمدار، پێشوازیا گەرم و پاڵپشتیا بەردەوامیان لە دەستپێشخەریێن زانکۆێى بە ئامانجا خزمەتکرنا کۆمەڵگەهێ و بەرەڤ پێشبرنا هۆشیاریا تەندروستى لناڤ گومەلگەهی دا .
ستافێکی تایبەت لە زانکۆی جیهان – سلێمانی کە پێکهاتبوو لە پڕۆفیسۆری یاریدەدەر دکتۆر سادات عەبدوڵڵا یاریدەدەری سەرۆکی زانکۆ، دکتۆر موئمین زەڵمی و مامۆستا هێمن ڕەشید ئاغا، سەردانی دیوانی بەڕێوەبەرێتی پەروەردەی شارەزووریان کرد.
لەلایەن بەڕێوەبەری پەروەردە و سەرپەرشتیاری یەکەمەوە بەخێرهاتنی ستافەکە کرا. لە کۆبوونەوەیەکی کوورتدا گفتوگۆ لەسەر گرنگی خولی شیاندن (پێداگۆجی) بۆ مامۆستایان و چۆنیەتی وتنەوەی وانەکان کرا.
بەڕێوەبەری پەروەردە سوپاسی ستافی زانکۆی جیهان-سلێمانی کرد بۆ ئەرک و ماندووبوونیان کە لەسەر داوای بەڕێوەبەرێتی پەروەردە، ئامادەییان دەربڕیوە بۆ کردنەوەی ئەو خولە.
وەک گروپی یەکەم، خولەکە بۆ هەموو مامۆستایانی گرێبەستی قوتابخانەکانی ناوەندی قەزای شارەزوور و زەڕایەن پێشکەش دەکرێت.
خولەکە لە هۆڵی دیوانی بەڕێوەبەرێتی پەروەردەی شارەزوور دەستیپێکرد. هەریەک لە دکتۆر سادات و مامۆستا نەبیل لە وتەیەکی کوورتدا باسی گرنگی ئەم خولە و شێوازەکەیان بۆ مامۆستایانی بەشدار کرد.
دواتر لەلایەن دکتۆر موئمین زەڵمیەوە ڕۆژی یەکەمی خولەکە بەسەرکەوتوویی کۆتایی هات.
زانكۆی جیهان – سلێمانی وەكوو ئەركێكی پەروەردەیی هەمیشە گرنگیداوە بەدروستكردنی پەیوەندی لە نێوان زانكۆ و كەرتە جیاوازەكاندا و بەتایبەتی كەرتی پەروەردەیی، ئەم چالاکەش هەر لەو چوارچێوەیەدا ڕێکخراوە.
